Asia News
(Khmer) Chanathip, Supachok និង Nicholas ជាតួរអង្គសំខាន់ក្នុងក្រុមកីឡាករទាំង 25 នាក់របស់ជម្រើសជាតិថៃសម្រាប់ការប្រកួតមិត្តភាពជាមួយប្រទេសស៊ីរី និង អារ៉ាប់រួម។
ថៃនឹងធ្វើដំណើរទៅប្រទេសអារ៉ាប់រួម ដើម្បីប្រកួតមិត្តភាពចំនួនពីរលើកក្នុងអំឡុងពេល FIFA Days ខែមីនា។ ការប្រកួតទាំងពីរនឹងក្លាយជាការប្រកួតអន្តរជាតិកម្រិត ‘A’ ខណៈដែលក្រុមដំរីចម្បាំងមួយនេះនឹងប៉ះស៊ីរីនៅថ្ងៃទី 25 ខែមីនាមុនពេលប៉ះជាមួយ UAE នៅថ្ងៃទី 28 ខែមីនា។
ការប្រកួតទាំងនេះនឹងធ្វើជាការត្រៀមខ្លួនសម្រាប់ការប្រកួត FIFA World Cup 2026 Asian Qualifiers ជុំទីពីរក្នុងខែវិច្ឆិកា ឆ្នាំ 2023 និង AFC Asian Cup 2023 នៅខែមករា ឆ្នាំ 2024។
គ្រូបង្វឹក Alexandre ‘Mano’ Poking បានដាក់ឈ្មោះកីឡាករ 25 នាក់ដែលគាត់នឹងទៅ UAE នៅចុងខែនេះ។ កីឡាករលេងនៅក្រៅប្រទេសមានដូចជា Chanathip Songkrasin, Supachok Sarachat និង Nicholas Mickelson ជារៀមច្បងដែលមានឈ្មោះក្នុងបញ្ជីនេះ៖
អ្នកចាំទី៖
Somporn Yos (Port FC)
Patiwat Khammai (Muangthong United)
Kampol Pathomakkakul (Ratchaburi FC)
ខ្សែការពារ៖
Manuel Bihr (True Bangkok United)
Peerapat Notchaiya (True Bangkok United)
Theerathon Bunmathan (Buriram United)
Elias Dolah (Port FC)
Kritsada Kaman (Chonburi FC)
Suphanan Bureerat (Port FC)
Jakkaphan Praisuwan (BG Pathum United)
Nicholas Mickelson (Odense Boldklub)
ខ្សែបម្រើ៖
Weerathep Pomphan (Muangthong United)
Picha Autra (Muangthong United)
Ekanit Panya (Muangthong United)
Thitiphan Puangchan (True Bangkok United)
Thossawat Limwannasathian (True Bangkok United)
Chanathip Songkrasin (Kawasaki Frontale)
Supachok Sarachat (Consadole Sapporo)
Peeradol Chamratsamee (Buriram United)
Worachit Kanitsribampen (Chonburi FC)
Pathompol Charoenrattanapirom (Port FC)
Chunkun Karin (Police Tero)
ខ្សែប្រយុទ្ធ៖
Supachai Chaided (Buriram United)
Suphanat Mueanta (Buriram United)
Poramet Arjvirai (Muangthong United)
ក្នុងក្រុមកីឡាករទាំង 25 នាក់នេះ នៅសល់តែកីឡាករ 9 នាក់ប៉ុណ្ណោះដែលមកពីក្រុមឈ្នះពានរង្វាន់ AFF Mitsubishi Electric Cup 2022 របស់ប្រទេសថៃ។ Changsuek នឹងចាប់ផ្តើមហ្វឹកហាត់នៅថ្ងៃទី 20 ខែមីនា ហើយធ្វើដំណើរទៅ UAE នៅថ្ងៃទី 23 ខែមីនា។ ការប្រកួតទាំងពីរនឹងត្រូវចាក់ផ្សាយតាមទូរទស្សន៍ AIS PLAY វេលាម៉ោង 01:00 ម៉ោងប្រទេសថៃ។
National News
(Khmer) ក្រុមបាល់ទាត់ជម្រើសជាតិថៃបានក្លាយជាទំនិញដ៏ក្ដៅគគុករហូតមកដល់ពេលនេះ។ បន្ទាប់ពីត្រូវបានអញ្ជើញឱ្យចូលរួមក្នុងសហព័ន្ធកីឡាបាល់ទាត់អាស៊ីខាងលិច (WAFF) Championship 2023 ដែលក្រោយមកត្រូវបានលុបចោល បន្ទាប់ពីការសម្រេចចិត្តរបស់ UAE មិនធ្វើជាម្ចាស់ផ្ទះការប្រកួតនោះ ក្រុមដំរីចម្បាំងមួយនេះ បានទទួលកាសំណើដើម្បីចូលរួមក្នុងសមាគមបាល់ទាត់អាស៊ីកណ្តាល (CAFA) Championship 2023 ចាប់ពីខែមិថុនា។ ៩-២១ ឆ្នាំ ២០២៣។
ក្រុមផ្សេងទៀតដែលត្រូវបានអញ្ជើញរួមមានៈ អ៊ូសបេគីស្ថាន (ម្ចាស់ផ្ទះ) អ៊ីរ៉ង់ កៀហ្ស៊ីស៊ីស្ថាន តាជីគីស្ថាន តូមិននីស្ថាន អាហ្វហ្គានីស្ថាន និងរុស្ស៊ី។ ទោះជាយ៉ាងណាក៏ដោយ របាយការណ៍ចុងក្រោយបង្អស់បានបង្ហាញថា សមាគមកីឡាបាល់ទាត់ថៃ (FAT) ទំនងជានឹងបដិសេធសំណើនេះ ដោយសារតែតម្លៃចូលលេងខ្ពស់។
ដោយសារតែការចំណាយខ្ពស់នៃការប្រកួត ការធ្វើដំណើរ ការស្នាក់នៅ ឬការផ្សាយសិទ្ធិផ្សាយរបស់ Thai FA ដែលចង់កាត់បន្ថយការចំណាយរបស់ពួកគេ ពេលនេះកំពុងពិចារណាយ៉ាងខ្លាំងក្នុងការបដិសេធការអញ្ជើញនេះ។ ដូច្នេះ ថៃទំនងជាមិនចូលរួមក្នុងព្រឹត្តិការណ៍ CAFA Championship 2023 នៅខែមិថុនានេះទេ។
ប្រែសម្រួលពី៖ MAIN STAND
International News
(Khmer) មិនមានអ្វីច្បាស់លាស់ទេទាក់ទងនឹងការចាប់អារម្មណ៍ពាក្យចចាមអារ៉ាមរបស់ Manchester United លើខ្សែការពារកណ្តាល Sporting Lisbon កីឡាករ Goncalo Inacio ។
បិសាចក្រហមត្រូវបានផ្សារភ្ជាប់ជាមួយនឹងការផ្ទេរយកកីឡាករវ័យ 21 ឆ្នាំនាពេលថ្មីៗនេះ ប៉ុន្តែ Fabrizio Romano បានច្រានចោលពាក្យចចាមអារ៉ាមនេះនៅក្នុងរបាយការណ៍សង្ខេបប្រចាំថ្ងៃ CaughtOffisde របស់គាត់។
លោកបាននិយាយថា ៖«Inacio គឺជាកីឡាករដ៏មានទេពកោសល្យដ៏អស្ចារ្យ ខ្ញុំគិតថាគាត់ជាខ្សែការពារកណ្តាលវ័យក្មេងដែលល្អបំផុតនៅទ្វីបអឺរ៉ុប។ គាត់នឹងក្លាយជាកីឡាករកំពូលម្នាក់ ប៉ុន្តែខ្ញុំមិនបានដឹងពីអ្វីច្បាស់លាស់ពី Man United នោះទេ»។
ខ្សែការពារសញ្ជាតិព័រទុយហ្គាល់មានតម្លៃខ្លួន 25 លានអឺរ៉ូបើតាមការប៉ា់ស្មានរបស់ Transfermarkt ហើយមានកិច្ចសន្យារហូតដល់រដូវក្តៅឆ្នាំ 2026 ។ គាត់បានបង្ហាញខ្លួនក្នុង 39 ប្រកួតសម្រាប់ Sporting ក្នុងរដូវកាលនេះ ដោយអាចស៊ុតបញ្ចូលទីបាន 3 គ្រាប់ និងបញ្ជូនបាល់ឱ្យមិត្តរួមក្រុមចំនួន 3 លើក។
ប្រភព៖ CaughtOffisde
(Khmer) Man United គ្រោងនឹងអនុញ្ញាតឱ្យ Facundo Pellistri និង Anthony Elanga ចាកចេញក្នុងលក្ខខណ្ឌខ្ចីជើងនៅរដូវកាលក្រោយ នេះបើយោងតាមរបាយការណ៍របស់ MEN ។
Pellistri បានបង្ហាញខ្លួន 6 លើកក្នុងនាមជាកីលាករបម្រុងចាប់តាំងពីឆ្នាំថ្មីចូលមកដល់ ហើយគាត់បានមានឥទ្ធិពលគួរឱ្យកត់សម្គាល់ពេលចូលលេងគ្រប់ប្រកួត។ កីឡាករវ័យ 22 ឆ្នាំបានចូលរួមជាមួយ United ក្នុងតម្លៃ 9 លានផោនពី Penarol ក្នុងខែតុលា ឆ្នាំ 2020 ហើយត្រូវរង់ចាំច្រើនជាង 2 ឆ្នាំដើម្បីបង្ហាញខ្លួនជាលើកដំបូងពេល Man Utd ជួបជាមួយ Charlton ក្នុងការប្រកួត League Cup វគ្គ 1/4 ផ្តាច់ព្រ័ត្រនៃរដូវកាលនេះ។
ទន្ទឹមនឹងនេះដែរ Elanga បានចាប់ផ្តើមចំនួន 7 ដងក្រោមការដឹកនាំរបស់អ្នកចាត់ការ Erik ten Hag ប៉ុន្តែការចូលលេងក្នុងជម្រើសដំបូងភាគច្រើនគឺលេងមុនពេលរដូវកាលត្រូវបានផ្អាកសម្រាប់ការប្រកួតបាល់ទាត់ពិភពលោកនៅថ្ងៃទី 13 ខែវិច្ឆិកា។
គាត់មិនបានស៊ុតបញ្ចូលទីឱ្យ Man Utd ក្នុងរយៈពេលជាងមួយឆ្នាំមកហើយ បន្ទាប់ពីបានចាប់ផ្តើមក្នុង 16 ប្រកួតក្នុងចំណោម 29 ប្រកួតរបស់ Ralf Rangnick ដែលគ្រប់គ្រងក្នុងនាមជាអ្នកចាត់ការបណ្តោះអាសន្នកាលពីអាណត្តិមុន។ United មានបំណងចុះហត្ថលេខាលើខ្សែប្រយុទ្ធម្នាក់នៅរដូវក្តៅជាមួយនឹងគោលដៅកៀកបំផុតគឺ Harry Kane ។ Anthony Martial អាចនឹងដាក់លក់ពេលចប់រដូវកាលនេះ។
ប្រភព៖ MEN
(Khmer) តាជីគីស្ថាន អ៊ីរ៉ង់ អ៊ូសបេគីស្ថាន កៀហ្ស៊ីស៊ីស្ថាន តូមិននីស្ថាន អាហ្វហ្គានីស្ថាន និងក្រុមបាល់ទាត់ជម្រើសជាតិអាស៊ីមួយក្រុមទៀតក៏នឹងចូលរួមផងដែរ។
ការិយាល័យសារព័ត៌មានរបស់សហព័ន្ធកីឡាបាល់ទាត់តាជីគីស្ថាន (TFF) បានប្រកាសប្រាប់ TASS កាលពីថ្ងៃចន្ទថា ក្រុមបាល់ទាត់ជម្រើសជាតិរុស្ស៊ីនឹងចូលរួមក្នុងការប្រកួតជើងឯកនៃសហព័ន្ធបាល់ទាត់អាស៊ីកណ្តាល (CAFA) នៅខែមិថុនា។
សេវាសារព័ត៌មានបានបញ្ជាក់ថា៖ «ក្រុមជម្រើសជាតិរុស្ស៊ីនឹងចូលរួមក្នុងការប្រកួត CAFA»។
«ប្រទេសដែលជាសមាជិកនៃសមាគមនេះក៏នឹងចូលរួមផងដែរ៖ តាជីគីស្ថាន អ៊ីរ៉ង់ អ៊ូសបេគីស្ថាន កៀហ្ស៊ីស៊ីស្ថាន តូមិននីស្ថាន និងអាហ្វហ្គានីស្ថាន។ ក្រុមរុស្ស៊ីបានបញ្ជាក់ពីការចូលរួមរបស់ខ្លួននៅក្នុងការប្រកួតនាពេលខាងមុខ»។
សេវាកម្មសារព័ត៌មានបានបន្តនៅក្នុងសេចក្តីថ្លែងការណ៍របស់ខ្លួនដោយបន្ថែមថាអ្នករៀបចំការប្រកួតបានគ្រោងទុកអញ្ជើញក្រុមបាល់ទាត់ជម្រើសជាតិអាស៊ីមួយក្រុមទៀត។
ការិយាល័យសារព័ត៍មានរបស់សហព័ន្ធបាននិយាយថា៖«ក្រុមជាតិចំនួនប្រាំបីនឹងត្រូវបែងចែកជាពីរពូលដែលមានបួនក្រុម។ ក្រុមនីមួយៗនឹងលេងយ៉ាងហោចណាស់បីប្រកួត»។
«ក្រុមកំពូលតារាងនៃពូលទាំងពីរនឹងត្រូវប្រឈមមុខដាក់គ្នានៅវគ្គផ្តាច់ព្រ័ត្រ ខណៈដែលក្រុមចំណាត់ថ្នាក់លេខ២ទាំង២ពូលនឹងលេងយកចំណាត់ថ្នាក់លេខ 3 ។ ម្ចាស់ផ្ទះការប្រកួតនឹងធ្វើនៅទីក្រុង Bishkek និង Tashkent ចាប់ពីថ្ងៃទី 9 និង 21 ខែមិថុនា។”
សេវាសារព័ត៌មាន TFF ក៏បានបញ្ជាក់ផងដែរថា លទ្ធផលក្រុមបាល់ទាត់ជម្រើសជាតិរុស្ស៊ីផ្នែកបុរសក្នុងការប្រកួតជើងឯកនៃសហព័ន្ធកីឡាបាល់ទាត់អាស៊ីកណ្តាល (CAFA) ក្នុងខែមិថុនា នឹងរាប់បញ្ចូលក្នុងចំណាត់ថ្នាក់របស់ FIFA ។
ការិយាល័យសារព័ត៌មានបាននិយាយថា៖«ការប្រកួតនេះនឹងធ្វើឡើងនៅក្នុងបង្អួច [ការប្រកួត] ខែមិថុនារបស់ FIFA ។ ពិន្ទុនឹងចូលទៅក្នុងចំណាត់ថ្នាក់របស់ FIFA ។ពិតណាស់ ការប្រកួតនេះត្រូវបានអនុញ្ញាតដោយសហព័ន្ធកីឡាបាល់ទាត់អាស៊ី»។
CAFA ត្រូវបានបង្កើតឡើងក្នុងខែមិថុនា ឆ្នាំ 2014 ហើយវាគឺជាស្ថាប័នមួយក្នុងចំណោមស្ថាប័នគ្រប់គ្រងក្នុងតំបន់ចំនួន 5 នៅក្នុងសហព័ន្ធកីឡាបាល់ទាត់អាស៊ី (AFC)។ ក្រៅពី CAFA AFC ក៏មានសហព័ន្ធបាល់ទាត់អាស៊ាន (AFF) សហព័ន្ធបាល់ទាត់អាស៊ីបូព៌ា (EAFF) សហព័ន្ធបាល់ទាត់អាស៊ីខាងត្បូង (SAFF) និងសហព័ន្ធបាល់ទាត់អាស៊ីខាងលិច (WAFF) ។
(Khmer) វីដេអូនៃបង្គន់ Old Trafford ដែលលិចដោយទឹកនោមបានលេចចេញនៅលើបណ្តាញសង្គម។ អ្នកគាំទ្រ Man United ម្នាក់បាននិយាយថា នេះជាករណីជាច្រើនលើកច្រើនសារ នៅពេលដែលគាត់បានរិះគន់ទៅលើ Glazers។
ទោះបីជាអ្នកគាំទ្រមិនបាននិយាយពីពេលដែលវីដេអូនេះត្រូវបានធ្វើឡើងក៏ដោយ វាត្រូវបានគេជឿថាវីដេអូនេះបានថតបង្ហោះមុនពេលដែល United ស្មើ 0-0 ជាមួយ Southampton ។
កាលពីខែវិច្ឆិកាឆ្នាំមុន Glazers បានបញ្ជាក់ថា ពួកគេបើកចំហរក្នុងការលក់ក្លឹប ប៉ុន្តែពួកគេបានសារភាពថា មិនចង់លក់វិញ ដោយសារតែជម្រើសផ្សេងទៀត ‘រួមទាំងការវិនិយោគថ្មី’ នឹងត្រូវបានពិចារណា។
កាលពីខែកុម្ភៈ លោក Sir Jim Ratcliffe និង Sheikh Jassim Bin Hamad Al Thani បានប្រកួតប្រជែងគ្នាដេញថ្លៃធ្វើជាម្ចាស់ក្លិប Man Utd ប៉ុន្តែ Glazers មិនទាន់យល់មព្រមលក់។
ប្រភព៖ Steconlon
(Khmer) Man United បានប្រកួតស្មើ 0-0 ជាមួយ Southampton ក្នុង Premier League កាលពីថ្ងៃអាទិត្យ។ ប្រធានបទសំខាន់នៃហ្គេមគឺកាតក្រហមដ៏ចម្រូងចម្រាសដែលបានកើតឡើងចំពោះ Casemiro ក្នុងតង់ទីមួយ។
ដំបូងឡើយអាជ្ញាកណ្តាល Anthony Taylor បានផ្តល់កាតលឿងដល់គាត់ ប៉ុន្តែបន្ទាប់ពីទៅពិនិត្យមើលអេក្រង់ VAR ។គាត់បានលើកាតក្រហមតែម្ដង។ អ្នកគាំទ្រជាច្រើនមានការខឹងសម្បារ ហើយមានអារម្មណ៍ថាការផ្ដេកខ្លួនយកបាល់នេះមិនមានចេតនា ហើយមិនសមនឹងទទួលបានការប្រកួតក្រហម។ អ្នកគាំទ្រក៏បានអំពាវនាវឱ្យ United ប្តឹងឧទ្ធរណ៍ចំពោះកាតក្រហមនេះ ដើម្បីកាត់បន្ថយការព្យួរការប្រកួតបួនប្រកួតរបស់ Case។
ទោះជាយ៉ាងណាក៏ដោយ បើតាមសារព័ត៌មាន Manchester Evening News បិសាចក្រហមមិនមានគម្រោងប្តឹងឧទ្ធរណ៍ចំពោះកាតក្រហម ឬការសម្រេចចិត្តរបស់ Taylor នោះទេ។ បន្ទាប់ពីចប់ការប្រកួតលោក Erik ten Hag បានចាប់ដៃអាជ្ញាកណ្តាលធម្មតា មុនពេលនិយាយការសម្រេចចិត្តរបស់គាត់នៅក្នុងសន្និសីទសារព័ត៌មានក្រោយការប្រកួត។
នេះមានន័យថា Casemiro នឹងត្រូវព្យួរ៤ប្រកួត ដែលរាប់បញ្ចូលទាំងការប្រកួតពាន FA Cup មួយប្រកួត និង Premier League បីប្រកួតបន្ទាប់ផងដែរ។
(Khmer) ឥណ្ឌូណេស៊ីបានរៀបចំការប្រកួតមិត្តភាពចំនួនពីរប្រកួតជាមួយនឹងជម្រើសជាតិប៊ូរុនឌីសម្រាប់ថ្ងៃប្រកួត FIFA Day ដែលបានកំណត់ ដែលត្រូវនឹងថ្ងៃទី 25 និង 28 ខែមីនា ឆ្នាំ 2023។
ប្រធាន PSSI លោក Erick Thohir បាននិយាយថា៖ «យើងអាចបញ្ជាក់ថាក្រុមជម្រើសជាតិឥណ្ឌូណេស៊ីនឹងប្រកួតជាមួយក្រុមប៊ូរុនឌីនៅថ្ងៃ FIFA Day ខាងមុខនេះ»។
លោក Erick បានបន្ថែមថា៖«យើងបានយល់ព្រមរៀបចំការប្រកួតមិត្តភាពសម្រាប់ក្រុមជម្រើសជាតិឥណ្ឌូនេស៊ីក្នុងខែមិថុនា និងវិច្ឆិកា។ PSSI នឹងចាប់ផ្តើមការចរចាជាមួយក្រុមដែលមានសក្តានុពល។ នៅថ្ងៃអនាគត យើងនឹងធ្វើឱ្យប្រាកដថា អ្វីៗគ្រប់យ៉ាងគឺរលូនទាំងទីកន្លែងនិងវេលា»។
បច្ចុប្បន្នក្រុមជម្រើសជាតិមកពីទ្វីបអាហ្រ្វិកជាប់ចំណាត់ថ្នាក់ទី ១៤១ ក្នុងពិភពលោក ខណៈឥណ្ឌូណេស៊ីជាប់លេខ ១៥១។
(Khmer) Harry Maguire ឥឡូវនេះជាគោលដៅរបស់ PSG ដែលចាប់អារម្មណ៍ទិញគាត់ ស្របពេលក្លឹបយក្សប្រចវាំទីក្រុងប៉ារីសមយយនេះបានត្រៀមចំណាយ 50 លានផោនសម្រាប់កីឡាកររូបនេះរួចទៅហើយ។
Maguire ធ្លាប់ត្រូវបានផ្សារភ្ជាប់ជាមួយនឹងក្លឹបដូចជា Chelsea ក្រោមការដឹកនាំរបស់ Tuchel ប៉ុន្តែកីឡាកររូបនេះមិនចង់ផ្ទេរចេញទេ។ ក្រៅពី Chelsea ក្លឹបដូចជា Barcelona ក៏ចាប់អារម្មណ៍លើ Maguire ផងដែរ។ ហើយបានស្នើឱ្យបញ្ចូលឈ្មោះរបស់ Maguire ក្នុងការផ្ទេរ De Jong ។
សំណើនេះក៏ត្រូវបានច្រានចោលដោយ Maguire ដែលបានសន្យាថាគាត់នឹងស្មោះត្រង់ជាមួយ Manchester United ។ Maguire ទើបតែលើកពានដំបូងជាមួយ Man United ក្នុងនាមជាប្រធានក្រុម ដោយឈ្នះពាន Carabao Cup 2022/23។ PSG បានចាប់ផ្តើមគម្រោងនាំយកគាត់ទៅក្លឹបដែលមានមូលដ្ឋាននៅប្រទេសបារាំងរួចហើយ។
ស្របពេលខ្សែការពារដូចជា Sergio Ramos កាន់តែចាស់ ហើយទំនងជាអស់កុងត្រា Maguire ត្រូវបានគេមើលឃើញថាជាបេក្ខភាពដ៏ល្អម្នាក់ក្នុងការបំពេញតួនាទីការពារ។
ជារឿយៗ PSG ក៏ប្រឈមនឹងបញ្ហារបួសសម្រាប់កីឡាករដូចជា Presnel Kimpembe ផងដែរ។ Maguire ត្រូវបានគេចាត់ទុកថាជាកីឡាករម្នាក់ដែលមានហានិភ័យតិចបំផុតនៃការរងរបួស។ ដូច្នេះហើយ PSG ចាប់អារម្មណ៍ក្នុងការនាំយក Harry Maguire ចូលក្នុងក្រុមរបស់ពួកគេ។ PSG ថែមទាំងត្រូវបានគេនិយាយថាបានផ្ញើសំណើរទៅ United ដើម្បីទិញ Maguire ទៀតផង។
Maguire បច្ចុប្បន្នមិនមែនជាជម្រើសទីមួយ ឬទីពីរនៅ Man United ទេ។ Erik Ten Hag ទុកចិត្ត Lisandro Martinez និង Raphael Varane ។ Maguire តែងតែជាជម្រើសនៅពីក្រោយ Victor Lindelof នៅពេលដែល Martinez ឬ Varane មានម្នាក់មិនបានលេង។ Maguire សារភាពថាគាត់ចង់បាននាទីប្រកួតបន្ថែមទៀត។ ប៉ុន្តែនៅពេលនេះគាត់មិនគិតពីការចាកចេញពី Manchester United ទេ។
Erik Ten Hag ធ្លាប់បានសរសើរការសម្តែងរបស់ Maguire នៅពេលដែលគាត់នៅជាមួយអង់គ្លេសនៅ World Cup 2022 ។ ហើយសង្ឃឹមថាកីឡាកររូបនេះនឹងរក្សាទម្រង់លេងរបស់គាត់នៅពេលដែលគាត់ត្រឡប់មក United។ជាអកុសល Maguire នៅតែមិនអាចយកឈ្នះបេះដូងរបស់ Ten Hag បាន។
