(Khmer) ក្រុមជម្រើសជាតិកម្ពុជាអាយុក្រោម ២២ ឆ្នាំនឹងទៅធ្វើការបោះជុំរំហ្វឹកហាត់លើកចុងក្រោយនៅប្រទេសថៃម្ដងទៀត ចាប់ពីថ្ងៃទី ០៨ ដល់ថ្ងៃទី ១៩ ខែមេសាឆ្នាំ ២០២៣ ខាងមុខសម្រាប់ត្រៀមព្រឹត្តិការណ៏កីឡាស៊ីហ្គេមលើកទី ៣២ ដែលកម្ពុជាធ្វើជាម្ចាស់ផ្ទះ ។

ក្រុមគោព្រៃវ័យជំទង់កម្ពុជា​ធ្លាប់​បាន​ទៅ​បោះជុំរំហ្វឹកហាត់នៅ​កោះសាមុយប្រទេស​ថៃ​រួច​ម្ដង​មក​ហើយ កាលពី​ខែមុន​ដែល​នោះ​ជា​ការ​បោះជុំរំ​លើក​ទី​១ មុន​ពេល​ប្រកួត​ពាន​រង្វាន់ Merlion Cup 2023 ហើយ​កម្ពុជា U22 បាន​ចំណាត់​ថ្នាក់លេខ៣។ គោលបំណង​របស់​U22 កម្ពុជា​ការ​ឈ្នះមេដាយមាសក្នុង​ព្រឹត្តិការណ៍ស៊ីហ្គេម ដែល​ធ្វើ​ឡើង​ក្នុង​ទឹក​ដី​របស់​ខ្លួន។ កម្ពុជា​មានឱកាស​ក្នុង​ឡើង​វគ្គពាក់កណ្ដាលផ្ដាច់ព្រ័ត្រតែ​ម្ដង​គត់​គឺកាលពីឆ្នាំ​២០១៩​ ក្រោម​ការ​ដឹកនាំរបស់​លោក Felix Dalmas។

ដោយឡែកក្រុមនារីជម្រើសជាតិកម្ពុជានឹងត្រឡប់ពីការបោះជម្រុំហ្វឹកហាត់រយៈពេលវែងពីប្រទេសចិននាថ្ងៃទី ២៤ ខែមេសាខាងមុខដូចគ្នា សម្រាប់ត្រៀមខ្លួនទទួលក្រុមនារីជម្រើសជាតិឡាវ នាថ្ងៃទី ០៣ ខែឧសភា ដែលជាជំនួបបើកឆាកវិញ្ញាសារបាល់ទាត់នារី ៕

( ? FFC )

(Khmer) គ្មានកានរណាអាចបដិសេធបានទេនៅពេលដែលថាប្រធានក្លឹប Buriram United លោក Newin Chidchob មានបំណងចង់ធ្វើអ្វីគ្រប់យ៉ាងដែលគាត់មានឱ្យ ខ្សែប្រយុទ្ធ Suphanat Mueanta ទៅកាន់ទ្វីបអឺរ៉ុបនៅរដូវក្តៅនេះ។

កីលាករ​វ័យវ័យ 20 ឆ្នាំរូប​នេះគ្រោងនឹងទៅលេងនៅទ្វីបអឺរ៉ុបនៅរដូវក្តៅនេះ ដែលវាមានន័យ​ថាគាត់បោះបង់ចោលសិទ្ធិសម្រាប់ក្រុមបាល់ទាត់ជម្រើសជាតិថៃក្នុងព្រឹត្តិការណ៍ SEA Games 2023។  លោក Issara Sritaro គ្រូបង្វឹកក្រុមជម្រើសជាតិ U-23 ថៃបានបង្ហើបប្រាប់ Main Stand ថា Suphanat ទំនងជាមិនមានវត្តមានសម្រាប់ក្រុមដំរីសវ័យក្មេងនៅកម្ពុជាក្នុងខែឧសភានេះទេ។

Issara បាននិយាយថា៖ «ខ្ញុំចង់ធ្វើការជាមួយ Suphanat Mueanta ម្តងទៀតសម្រាប់ការប្រកួតកីឡាស៊ីហ្គេមឆ្នាំ 2023 នាពេលខាងមុខ។ប៉ុន្តែ លោក Newin Chidchob បានឆ្លើយតបថា គាត់នឹងទៅអឺរ៉ុបក្នុងអំឡុងពេលនោះ»។

«គាត់ (Newin) មិនបានប្រាប់ខ្ញុំពីព័ត៌មានលម្អិតទាំងអស់ទេ ប៉ុន្តែខ្ញុំសង្ឃឹមថា Suphanat នឹង​មាន​វត្តមានក្នុងការ​ប្រកួត​ជុំ​បន្ត​បន្ទាប់»។

Suphanat ធ្លាប់​បង្ហាញ​ខ្លួន​ក្នុង​ក្រុម​ជម្រើស​ជាតិ​ថៃ​ស៊ីហ្គេម​តែ​ម្ដងគត់នោះគឺនៅក្នុងឆ្នាំ 2019 ក្រោមការដឹកនាំរបស់អតីតគ្រូបង្វឹកលោក Akira Nishino ។
ពេល​នោះ​ U22 ថៃបាន​បរាជ័យ​ក្នុង​ការ​ឆ្លង​ផុត​ជុំ​ទី​មួយ ខណៈ​ដែល​វៀតណាម​បាន​ទម្លាក់​ពួកគេ​ចេញ​នៅ​ថ្ងៃ​ចុងក្រោយ។

ទន្ទឹមនឹងនេះ នៅក្នុងយុទ្ធនាការឆ្នាំ 2023 ថៃស្ថិតក្នុងពូលជាមួយនឹងក្រុមការពារតំណែងជើងឯកវៀតណាម ម៉ាឡេស៊ី សិង្ហបុរី និងឡាវ។ ការប្រកួតបាល់ទាត់បុរសនឹងចាប់ផ្តើមនៅថ្ងៃទី 29 ខែមេសា ហើយដំណើរការរហូតដល់ថ្ងៃទី 16 ឧសភា។

(Khmer) ពិធីចុះហត្ថលេខាលើកិច្ចព្រមព្រៀង ភាពជាដៃគូឧបត្ថម្ភរបស់ក្រុមជម្រើសជាតិកម្ពុជា ដែលវត្តមាន ឧកញ៉ា សំអាង វឌ្ឍនៈ អភិបាល និងជានាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី និង ឯកឧត្តម នាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា។

ក្រុមហ៊ុន វឌ្ឍនៈ ប្រ៊ូវើរី និងសហព័ន្ធបាល់ទាត់កម្ពុជា បានចុះហត្ថលេខាកិច្ចព្រមព្រៀងភាពជាដៃគូឧបត្ថម្ភផ្លូវការក្នុងរយៈពេល ៣ឆ្នាំ ដោយគិតចាប់ពីឆ្នាំ២០២៣ ដល់ឆ្នាំ២០២៦។ ការសហការនេះ ជាការរួមចំណែកដ៍ធំក្នុងវិស័យបាល់ទាត់ក្នុងប្រទេសកម្ពុជាឲ្យកាន់តែមានភាពរីកចម្រើនទៅមុខជាបន្តទៀត។

(Khmer) ក្រុមបាល់ទាត់ជម្រើសជាតិ U-22 ឥណ្ឌូនេស៊ី នឹងចូលរួមក្នុងការប្រកួតអន្តរជាតិចំនួន ៤ ដើម្បីត្រៀមស៊ីហ្គេមឆ្នាំ ២០២៣។ មានប្រទេសចំនួនបីត្រូវបានគេព្យាករណ៍ថាជាគូប្រជែង។

ប្រទេសទាំងបីគឺ តាជីគីស្ថាន លីបង់ និងចិន។ ទោះ​ជា​យ៉ាង​ណា លីបង់​បាន​បង្ហាញ​ការ​ត្រៀម​ខ្លួន​ជា​ស្រេច​ក្នុង​ការ​ប្រយុទ្ធ​ជាមួយក្រុមឥណ្ឌូនេស៊ី។ សម្រាប់​ប្រទេស​តាជីគីស្ថាន និង​ចិន​នៅ​តែ​ស្ថិត​ក្នុង​ដំណើរការ​ចរចា។ ការ​ប្រកួត​រវាង​ក្រុម​ជម្រើស​ជាតិ​ឥណ្ឌូណេស៊ី និង​លីបង់ គ្រោង​នឹង​ធ្វើ​ឡើង​ចំនួន​ពីរ​លើក គឺ​នៅ​ថ្ងៃ​ទី ១១ និង ១៣ ខែ​មេសា ឆ្នាំ ២០២៣។

លោក Indra Sjafri បានរាយការណ៍ពីគេហទំព័រ Suara.com ថា៖«ក្រោយមក! យើងបានរចនាកម្មវិធីមួយជាមួយនឹងការការ​ប្រកួតសាកល្បងជាអន្តរជាតិចំនួនបួនដង ជាមួយនឹងប្រទេសលីបង់ និងតាជីគីស្ថាន»។

លោកបានបន្តទៀតថា៖«ប៉ុន្តែក្រុមមួយដែលត្រូវបានបញ្ជាក់ថាបាន​ប្រកួតគឺពិតជាប្រទេសលីបង់។ តាជីគីស្ថាន និងប្រទេសចិនដែលយើងកំពុងស្នើសុំកំពុងរង់ចាំការបញ្ជាក់ពីពួកគេ» ។

«ដូច្នេះ​ប្រសិន​បើ​បានប្រកួតជាមួយលីបង់ យើង​រំពឹង​ថា​ការ​ប្រកួត​ដំបូង​នឹង​មាន​នៅ​ថ្ងៃ​ទី ១១ និង​ប្រកួត​ទី ២ នៅ​ថ្ងៃ​ទី ១៣»។

ស៊ីហ្គេមឆ្នាំ២០២៣ នឹងប្រព្រឹត្តិទៅចាប់ពីថ្ងៃទី៥ ដល់ថ្ងៃទី១៧ ខែឧសភា ក្នុងប្រទេសកម្ពុជា ប៉ុន្តែសម្រាប់ការប្រកួតកីឡាបាល់ទាត់វិញ បានចាប់ផ្តើមតាំងពីថ្ងៃទី២៩ ខែមេសា។ ក្រុម​ជម្រើស​ជាតិ U-22 ឥណ្ឌូណេស៊ី បច្ចុប្បន្ន​កំពុង​ប្រមូល​ផ្ដុំ​កីឡាករ​សរុប​ចំនួន ៣៦​នាក់។ យ៉ាង​ណា​មិញ មានតែកីឡាករ​តែ​២០​នាក់​ប៉ុណ្ណោះ​នឹង​ត្រូវ​នាំ​មក​កម្ពុជា។

(Khmer) ប្រទេសប៉េរូត្រូវបានដកចេញពីការធ្វើម្ចាស់ផ្ទះការប្រកួតបាល់ទាត់ពិភពលោកអាយុក្រោម 17 ឆ្នាំផ្នែកបុរស ដោយសារតែ FIFA និយាយថាប្រទេសនេះមិនទាន់ត្រៀមខ្លួនសម្រាប់ការប្រកួតនៅចុងឆ្នាំនេះរួចរាល់។

FIFA មិន​បាន​បញ្ចេញ​ឈ្មោះ​ម្ចាស់​ផ្ទះ​ជំនួស​សម្រាប់​ការ​ប្រកួត​ដែល​មាន​២៤​ក្រុម​ដែល​គ្រោង​នឹង​លេង​ចាប់​ពី​ថ្ងៃ​ទី១០ ខែ​វិច្ឆិកា ដល់​ខែ​ធ្នូ​ទេ។ ការសម្រេចចិត្តនេះកើតឡើងមួយសប្តាហ៍ បន្ទាប់ពី FIFA បានយកការប្រកួតបាល់ទាត់ពិភពលោកអាយុក្រោម 20 ឆ្នាំពីប្រទេសឥណ្ឌូនេស៊ី ដោយសារតែប្រទេសនោះមិនចង់ធ្វើជាម្ចាស់ផ្ទះទទួលវត្តមានអ៊ីស្រាអែលក្នុងការប្រកួតរបស់ខ្លួនក្នុងខែឧសភា។

FIFA បានលើកឡើងពីអសមត្ថភាពរបស់ប្រទេសប៉េរូ ថា៖«ក្នុងការបំពេញការប្តេជ្ញាចិត្តរបស់ខ្លួនក្នុងការបំពេញនូវហេដ្ឋារចនាសម្ព័ន្ធដែលត្រូវការសម្រាប់រៀបចំការប្រកួត ។ ឥឡូវនេះមិនមានពេលវេលាគ្រប់គ្រាន់ក្នុងការធានានូវការវិនិយោគដែលត្រូវការ និងបំពេញការងារចាំបាច់ជាមួយរដ្ឋាភិបាលប៉េរូមុនកាលបរិច្ឆេទចាប់ផ្តើមការប្រកួត»។

FIFA បានជ្រើសរើសទាំងប្រទេសប៉េរូ និងឥណ្ឌូនេស៊ីក្នុងឆ្នាំ 2019 ដើម្បីធ្វើជាម្ចាស់ផ្ទះនៃការប្រកួតឆ្នាំ 2021 រៀងៗខ្លួន។ ទាំងពីរ​ត្រូវ​បាន​ពន្យារ​ពេល​ដោយសារ​ការ​រាតត្បាត​នៃ​មេរោគ​កូវីដ១៩។ អាហ្សង់ទីនចង់រៀបចំការប្រកួតបាល់ទាត់ពិភពលោកអាយុក្រោម២០ឆ្នាំ។ FIFA ត្រូវ​បាន​គេ​រំពឹង​ថា​នឹង​បញ្ជាក់​ប្រទេស​ជា​ម្ចាស់​ផ្ទះ​ក្នុង​សប្តាហ៍​នេះ។

(Khmer) ខ្សែប្រយុទ្ធបារាំង និង​ក្លិប PSG កីឡាករ Kylian Mbappe, ​លេខ៩​របស់ Real Madrid កីឡាករ Karim Benzema និង​ខ្សែបម្រើ​ល្អបំផុត​របស់ Man City កីឡាករ Kevin de Bruyne គឺជាបេក្ខភាពបីរូប​ដែល​ប្រធានក្រុមជម្រើសជាតិកម្ពុជាសឿយ វិសាល​ចាត់​ទុក​ជា​កីឡាករ​ល្អបំផុត​ក្នុងឆ្នាំ២០២២​ ស្រប​ពេល​ដែល​គាត់​បាន​បោះឆ្នោតឱ្យពួកគេ​ក្នុង FIFA Best Player Award កាលពីខែមុន។

ប្រធានក្រុម​ព្រះខ័នរាជស្វាយរៀងរូប​នេះ​បាន​បញ្ជាក់មូលហេតុមកកាន់ក្រុមការងារ b8-sport.net អំពីការជ្រើសរើស​កីឡាករទាំងបីនាក់​នេះថា៖« Mbappe ជាកីឡាករល្អ ក្នុង​ធ្វើ​ចលនា​រក​គ្រាប់​បាល់​លើទីលាន មាន​ល្បឿន ពិសេស​ការ​ទាត់​តម្រង់​ទី​របស់​គាត់​ច្បាស់។ យើង​អាច​ដឹង​ពេល​គាត់​លេង​ឱ្យជម្រើសជាតិបារាំងហើយ និងក្លិប ។ ពេល​មាន​បាល់ គាត់​ប៉ះឱ្យដៃគូហើយ​គាត់​ធ្វើ​ចលនា ដែល​នេះជាចំណុច​សំខាន់»។

« Benzema ជាខ្សែប្រយុទ្ធទោល។ ខ្ញុំរើស​យក​គាត់ ដោយ​សារ​គាត់​ច្បាស់​ប៊ុត ចេះកំណត់​ទីតាំង​ទាត់​ទី ហើយគាត់​ជាកីឡាករ​ដែល​ចេះស្រូប​ខ្សែការពារ​គូប្រកួតឱ្យ​តាម​គាត់​ដើម្បីបង្កើតចន្លោះ​ឱ្យ​មិត្តរួម​ក្រុមផ្សេងទៀត​មានឱកាស​សម្រេច​ទី។ ពេល​គាត់​ប្រយុទ្ធ ហើយ​បាត់​បាល់​គាត់​ធ្វើការ​ភ្លាមៗ ការ​ដាក់សម្ពាធគុប្រកួតពេល​បាត់​បាល់ គាត់​មាន​ឆន្ទៈ គាត់​មាន​កម្លាំងជួយក្នុងតំបន់​បម្រើភ្លាមៗ»។

«សម្រាប់ Kevin de Bruyne គាត់​ជាខ្សែបម្រើ​ល្អណាស់ ទាង​បញ្ជូនបាល់ និង​ការពារបាល់ ហើយ​កម្រមាន​ខ្សែបម្រើណា​ដូច​គាត់​ណាស់។ គាត់​ក៏​អាច​ទាត់​បាន​ច្បាស់ ចំណែក​ការពារ​វិញ​គាត់​ផ្ដោត​ខ្លាំង ទាងកម្លាំង ទេពកោសល្យ​។​ និយាយទៅ​ខ្ញុំចូល​ចិត្ត​គាត់ ពេល​គាត់​គ្រប់គ្រងបាល់ ហើយ​ពេល​បាត់​បាល់គាត់​ដេញតាមយក​បាល់​មក​វិញ»។

ក្រៅពី​នេះ វិសាល​ក៏​និយាយ​អំពី​ Messi ដែរ៖« សម្រាប់​ Messi  យើងមិនចាំបាច់​និយាយ​ច្រើន​ទេ គាត់ជាកីឡាករ​ល្អបំផុត​ក្នុងពិភពលោកស្រាប់ទៅហើយ។ មូលហេតុ​ដែល​ខ្ញុំមិន​យក​គាត់ មិន​មាន​ន័យថាខ្ញុំមិនចូលចិត្តគាត់​នោះទេ។ Messi ជាកីឡាករ​ល្អក្នុងតំបន់ប្រយុទ្ធ ពេល​ដែល​មាន​បាល់​កម្រមាន​នរណាដណ្ដើមបាល់ពីជើងគាត់​បានណាស់។ ចំណុច​ខ្សោយរបស់គាត់​គឺ​ការពារ។​ គាត់​មិន​អាច​ចុះមកជួយការពារ​បាន​ទេ បើ​គាត់ចុះ​មក​ គាត់​គ្មានកម្លាំងក្នុងការ​ឡើងទៅប្រយុទ្ធនោះទេ»។

តែយ៉ាង​ក្ដី Lionel Messi ឈ្នះពានរង្វាន់កីឡាករល្អបំផុតរបស់ FIFA ខណៈដែលប្រធានក្រុមអាហ្សង់ទីនឈ្នះរង្វាន់ដ៏មានកិត្យានុភាពនាំមុខ Benzema និង Mbappe ៕

(Khmer) ក្រុម​ជម្រើសជាតិ​ថៃ​មាន​គម្រោង​ស្វែងរក​ប្រទេស​ដែល​មាន​ចំណាត់​ថ្នាក់ FIFA ទាប​ដើម្បី​កម្តៅ​សាច់ដុំ​ក្នុង​ការ​ធ្វើតេស្ត​ក្រុមក្នុង​អំឡុង​ខែ​មិថុនា​នេះ 2 ប្រកួត

សម្រាប់​ក្រុម​ជម្រើសជាតិ​វិញ កម្មវិធី FIFA Day ចុងក្រោយ​បាន​កម្តៅ​សាច់ដុំ​ជាមួយ​ស៊ីរី និង​អារ៉ាប់រួម ដែល​ក្រុម​នេះ​ចាញ់​ទាំង​ពីរ​ប្រកួត។ ថ្មីៗនេះ មានសេចក្តីរាយការណ៍ថា នៅខែមិថុនា ក្រុមនឹងស្វែងរកប្រទេសដែលមានចំណាត់ថ្នាក់ទាបជាង FIFA ដើម្បីកម្តៅសាច់ដុំដើម្បី​ផ្តល់​ឱកាស​ឲ្យ​កីឡាករ​ចូល​ទីលាន​ក្នុង​ខែ​មិថុនា។

ទន្ទឹមនឹងនោះ កម្មវិធី The King’s Cup នឹងធ្វើឡើងនៅខែកញ្ញា ដែលគេរំពឹងថា អារ៉ាប់រួម លីបង់ និងឥណ្ឌានឹងចូលរួមក្នុងការប្រកួតនេះ។

ប្រភព៖ buaksib

(Khmer) យុវជនថ្នាលរបស់​ក្លិប Chonburi FC Academy ត្រូវបានទទួលស្គាល់ដោយ AFC ថាជាក្លិប​អភិវឌ្ឈន័យុវជនកម្រិតខ្ពស់បំផុត AFC Elite Youth Scheme 2 star (Advanced Level) ដំបូងគេក្នុងប្រទេសថៃ ខណៈដែល​ពួកគេ​ខ្លួនឯង​អាច​បន្ត​បង្កើត​យុវជន​ឱ្យ​លេង​ក្នុង​ក្រុម​ឈុតធំ​បាន​ផងដែរ​។

ថ្មីៗនេះ មានសេចក្តីរាយការណ៍ថា ក្នុងរដូវកាល 2023/24 “ក្រុមឆ្លាមសមុទ្រមួយនេះ” នឹងមិននាំយកកីឡាករអាស៊ានមកលេងជាមួយក្រុមឡើយ ហើយចង់កាត់បន្ថយទំហំកីឡាករបរទេសមកត្រឹម៣នាក់ ទោះបីជាពួក​គេ​មាន​កូតាកីឡាករទទួលបាន៥នាក់ក៏​ដោយ។ ក្នុងចំណោម​៣​នាក់​នេះ​ពួក​គេ​នឹង​យកកូតាកីឡាករអាស៊ីត្រឹម១នាក់ប៉ុណ្ណោះ ដើម្បីផ្តល់ឱកាសឱ្យកីឡាករយុវជនរបស់ក្លឹបបានចូលលេងឲ្យក្រុមឈុតធំ។

Chonburi FC Academy បានផលិតកីឡាករធំៗជាច្រើនរួមមាន Kritsada Kaman, Saharat Sontisawat, Sittichoke Phaso ដែល​កំពុង​លេង​នៅ​ក្លិប​រួម​ទាំងកីឡាករដែល​ផ្ទេរទៅ​លេង​នៅ​ក្លិបផ្សេងដូចជា Worachit Kanitsribamphen មុនពេលកីឡាករ Chatmongkol Ruangthanaroj, Songchai Thongcham, Pitak Pimpae, Bukhari Lemdee និង Channarong Promsrikaew ដែល​ចាកចេញ​ដោយ​ខ្ចីជើង។

នៅរដូវកាលក្រោយ កីឡាករ​ខ្ចីជើង​ទាំងនេះដែល​ភាគច្រើន​លេង​នៅក្លិប Samut Prakan ក្នុង Thai League 2 នឹង​ត្រឡប់​មក​វិញ ហើយពួក​គេនឹងមិនបន្តកុងត្រារបស់ Faiq Jefri Bolkiah នោះទេ៕