Asia News
(Khmer) អ្នកគ្រប់គ្រងក្រុមកីឡាករប្រដាល់ថៃក្នុងស៊ីហ្គេមនៅកម្ពុជា លោក Panurat Lakboon ដែលកាន់តំណែងជាអគ្គស្នងការនគរបាលជាតិថៃ មានជំនឿចិត្តថា អ្នកប្រដាល់ថៃនឹងមានឱកាសដណ្ដើមបានមេដាយមាសលើសពី៥គ្រឿង ហើយលោកនឹងគៀងគររកលុយតាមលទ្ធភាព ដើម្បីលើកទឹកចិត្តកីឡាករ។
កាលពីថ្ងៃទី២៦ ខែមេសា នៅអាជ្ញាធរកីឡាថៃ ឧត្តមសេនីយ៍ឯក Panurat Lakboon អគ្គស្នងការរងនគរបាលជាតិ និងលោកឧត្តមសេនីយ៍ឯក Chaiwat Chotima អគ្គលេខាធិការសមាគមប្រដាល់ថៃបានទៅទស្សនាការហ្វឹកហាត់របស់ក្រុមប្រដាល់ថៃ។
លោកឧត្តមសេនីយ៍ឯក ប៉ានូរ៉ាត់ ឡាក់ប៊ុន ( Panurat Lakboon )បាននិយាយថា លោកជឿជាក់ អ្នកប្រដាល់ទាំងប្រុស-ស្រី ដណ្តើមបានមេដាយមាសលើសពី៥គ្រឿង ហើយលោកនឹងព្យាយាមរៃអង្គាសប្រាក់ដើម្បីជួយលើកទឹកចិត្តប្រដាល់តាមលទ្ធភាព។
ចំណែកលោកវរសេនីយ៍ទោ Wijan Ponlid ដែលនាំអ្នកប្រដាល់ទៅស៊ីហ្គេមលើកទី៣២ បង្ហើបថា លោកពិតជាមានជំនឿចិត្តថា អ្នកប្រដាល់ស្រីមានឱកាសដណ្ដើមបានមេដាយមាស២ផងដែរ។ ថៃមិនបានចូលរួមបញ្ជូនកីឡាករមកប្រកួតប្រជែងលើវិញ្ញាសាគុនខ្មែរនោះទេ តែពួកគេនឹងបញ្ជូនកីឡាករមកប្រកួតលើវិញ្ញាសាប្រដាល់សាកល និង kickboxing ៕
(Khmer) មុនធ្វើដំណើរមកកាន់ប្រទេសកម្ពុជា កាលពីព្រឹកមិញនេះ គ្រូបង្វឹក U22 ថៃ លោក Issara Sritaro បានផ្តល់កិច្ចសម្ភាសន៍ជាមួយសារព័ត៌មានថៃ ជុំវិញការត្រៀមខ្លួនក្នុងការដណ្តើមមេដាយមាស នៃព្រឹត្តិការណ៍កីឡាស៊ីហ្គេម លើកទី៣២ ដែលព្រះរាជាណាចក្រកម្ពុជា ធ្វើជាម្ចាស់ផ្ទះ។
លោក Issara Sritaro បានបង្ហើបថា៖ «បច្ចុប្បន្នភាព យើងត្រៀមខ្លួនរួចរាល់ ៩០ ភាគរយហើយ ដោយឡែក គឺមានបញ្ហា ២នាក់ ដោយសារស្ថានភាពរាងកាយ ដូច្នេះរយៈពេល ២ថ្ងៃទៀតទើបប្រសើរឡើងវិញ។ ខ្ញុំជឿថាកីឡាកររបស់យើងមានសក្តានុពលក្នុងការឆ្លងកាត់ឧបសគ្គនាពេលខាងមុខនេះ»
«យើងត្រូវផ្តោតលើព័ត៌មានលម្អិតនៅគ្រប់ការប្រកួត ហើយព្យាយាមអភិវឌ្ឍក្រុមខ្លួនឯង ជាមួយនឹងវត្តមានរបស់ Teerasak មកពីក្លិប Port FC វាជាការល្អសម្រាប់យើងផងដែរ។ រូបគេក៏ត្រូវបានគេចាត់ទុកជាខ្សែប្រយុទ្ធលេខមួយ សម្រាប់ក្រុមរបស់យើងនៅពេលនេះផងដែរ»
«ការប្រកួតដំបូង គឺតែងតែជាការប្រកួតដ៏លំបាក។ ខ្ញុំចង់ឱ្យកូនក្រុមរបស់ខ្ញុំ ផ្តោតលើការលេង។ កង្វះកីឡាករឆ្នើម ២នាក់ក្នុងការប្រកួតដំបូង យើងក៏មានគម្រោងប្រើប្រាស់ពួកគេ នៅក្នុងការប្រកួតបន្ទាប់ផងដែរ។ ២ប្រកួតដំបូង យើងនឹងប្រើកីឡាករ ដែលយើងមាន។ យើងនឹងរៀបយុទ្ធសាស្ត្រស្រដៀងគ្នា។ ខ្ញុំបានដឹងថា នៅប្រទេសកម្ពជាអាចក្តៅជាងប្រទេសយើងបន្តិច។ សង្ឃឹមថាយើងអាចឈ្នះមេដាយមាសលើកនេះ»
ក្រុមជម្រើសជាតិថៃ U22 បានមកដល់ប្រទេសកម្ពុជានៅព្រឹកនេះ ហើយការប្រកួតដំបូងរបស់ពួកគេ ត្រូវជួបក្រុមសឹង្ហបុរី U22 វេលាម៉ោង ៤រសៀល នៅកីឡដ្ឋាន ព្រីនស៍។
International News
(Khmer) Arsenal បានរងបរាជ័យយ៉ាងឈឺចាប់ក្នុងលទ្ធផល 4-1 នៅលើទឹកដី Etihad ក្នុងការប្រកួតដែល City បានគ្រប់គ្រងការប្រកួតចាប់តាំងពីដំបូងរហូតដល់នាទីចុងក្រោយ។
Mikel Arteta មិនបានព្យាយាមការពារក្រុមកាំភ្លើងធំទេ បន្ទាប់ពីការសម្តែងបែបនេះ – នេះគឺជាការវិភាគរបស់គាត់អំពីអ្វីដែលនាំឱ្យបរាជ័យ។លោកបាននិយាយប្រាប់ទូរទស្សន៍ BT Sport បន្ទាប់ពីការប្រកួតថា៖«មែនហើយ ពួកយើងត្រូវបានក្រុមដែលល្អជាងយើង វាយដំ នោះប្រាកដណាស់»។
«ពួកគេពិតជាពិសេសនៅថ្ងៃនេះ ហើយនៅពេលនោះ វាពិតជាលំបាកខ្លាំងណាស់ក្នុងការឈានទៅដល់កម្រិតនោះ ហើយយើងលេងមិនបានល្អតាមកម្រិតរបដស់យើងគ្រប់គ្រាន់ទេ ជាពិសេសនៅក្នុងតង់ទីមួយ។ ហើយនៅពេលដែលអ្នកបើកគម្លាតតទល់នឹងពួកគេ អ្នកនឹងត្រូវទទួលទណ្ឌកម្មវាយបកមកវិញ»។
«កីឡាករយើងហាក់បាត់បង់ជំនឿ ប៉ុន្តែជាពិសេស អ្នកដឹងទេ ក្នុងរយៈពេល 20 ទៅ 30 នាទីដំបូង។ ពួកគេគ្របដណ្ដប់យើង យើងមិនអាចដោះស្រាយស្ថានភាពនោះបានទេ។ យើងលេងមិនបានល្អគ្រប់គ្រាន់»។
ត្បិតចាញ់មែន Arsenal បន្តឈរកំពូលតារាងនៅឡើយ ប៉ុន្តែ Man City នៅសល់ការប្រកួតលើស Arsenal ២ប្រកួត។ នេះមានន័យថា ប្រសិនបើ City ឈ្នះ ២ប្រកួតដែលនៅសល់ពួកគេនឹងមានពិន្ទុលើស Arsenal ហើយឡើងទៅឈរកំពូលតារាង ឬក៏អាចលើកពានក៏ថាបាន។
National News
(Khmer) កាលពីយប់មិញសហព័ន្ធកីឡាបាល់ទាត់កម្ពុជាបានបង្ហោះរូបសកម្មភាពហ្វឹកហាត់របស់ក្រុមបាល់ទាត់ជម្រើសជាតិនារីកម្ពុជានៅកីឡដ្ឋាន ស្មាត អ អេស អិន ដើម្បីត្រៀមប្រកួតលើវិញ្ញាសាបាល់ទាត់នារី ខណៈដែលក្នុងរូបភាពទាំងនោះ គេឃើញកីឡាការិនីមានប្រភពមកពីបរទេស ៣នាក់ ហើយម្នាក់ក្នុងចំណោម៣នាក់នោះមានឈ្មោះថា ឈីវ សេឡេណា (Selena Chhiv )។
យុវនារីខ្មែរមានប្រភពមកពីប្រទេសកាណាដារូបនេះ ប្រកាសចង់លេងឱ្យជម្រើសជាតិកម្ពុជា ខណៈរូបនាង ធ្លាប់មានបទពិសោធន៍ និងសមត្ថភាពលេងឱ្យក្លិបវិទ្យាល័យដែលនាងរៀននៅកាណាដា។
ឈីវ សេលីណា មានឪពុក និងម្ដាយជាជនជាតិខ្មែរ បានផ្លាស់ទៅរស់នៅប្រទេសកាណាដា ក្នុងអំឡុងសម័យសង្គ្រាម ហើយនាងបានកើតនៅទីក្រុង Montreal ប្រទេសកាណាដា នាឆ្នាំ ២០០២។
កាលពីឆ្នាំ២០២២ កន្លងមកទៅ នាងបាននិយាយក្នុងសារព័ត៏មានក្នុងស្រុក (kampucheathmey)ថា៖ «ខ្ញុំនឹងធ្វើអ្វីគ្រប់យ៉ាង ដើម្បីត្រៀមខ្លួនចូលរួមជាមួយក្រុមនារីកម្ពុជា ទាំងផ្លូវកាយ និងផ្លូវចិត្ត ព្រោះខ្ញុំហ្វឹកហាត់ស្ទើររាល់ថ្ងៃ ខ្ញុំត្រៀមខ្លួនគ្រប់ពេល។ នៅរដូវក្តៅខ្ញុំហ្វឹកហាត់ប្រហែល ៦ ថ្ងៃក្នុងមួយសប្តាហ៍ ប៉ុន្តែក្នុងរដូវរងា ដោយសារត្រជាក់ និងមានធ្លាក់ព្រិល ខ្ញុំហ្វឹកហាត់តិចជាងបន្តិច ខ្ញុំតែងតែព្យាយាមហ្វឹកហាត់សងវិញ»។ សម្ដីរបស់ សេលីណា។ សេលីណា ក៏បានទស្សនាការប្រកួតរបស់ក្រុមជម្រើសជាតិនារីកម្ពុជា និងប្រទេសដទៃទៀតនៅក្នុងតំបន់អាស៊ីអាគ្នេយ៍ កាលពីប្រកួតកន្លងៗមកផងដែរ ខណៈរូបនាងបានកត់សម្គាល់រឿងមួយចំនួន។ នាងនិយាយថា៖ «ខ្ញុំឃើញការប្រកួតកម្ពុជាមួយចំនួនក្នុងការប្រកួត AFF Women’s Championship ចុងក្រោយទល់នឹងប្រទេសផ្សេង ខ្ញុំដឹងថាគេខ្លាំងប៉ុណ្ណាបើធៀបនឹងក្រុមនារីកម្ពុជា។ ខ្ញុំក៏ស្គាល់ក្រុមជាច្រើននៅកាណាដាដែលខ្លាំងជាងនេះផងដែរ»។
សព្វថ្ងៃ Selena Chhiv មានវ័យ២១ឆ្នាំ កំពស់ 1.65m ធ្លាប់បានលេងនៅឈុតយុវជនជាច្រើនដូចជា នៅតាមសកលវិទ្យាល័យដែលនាងកំពុងសិក្សា ជាប់ឈ្មោះលេងឱ្យជម្រើសរដ្ឋក្នុងប្រទេសកាណាដា ការប្រកួត Futsal ថា្នក់ជាតិ ហើយធ្លាប់ឈ្នះជើងឯកតាមកម្មវិធីផ្សេងៗជាច្រើនទៀតផង។
រូបនាងអាចលេងជាតួនាទីខ្សែការពារស្លាបស្តាំបំរើកណ្តាល និងប្រយុទ្ធស្លាប ដោយសារតែនាងអាចប្រើល្បឿនបានលឿនងាយស្រួលក្នុងការគាំទ្រប្រយុទ្ធខាងលើ។ អំឡុងឆ្នាំ 2020 Selena Chhiv ធ្លាប់លេងឱ្យក្រុម Cs Fabrose Semi-Pro និង Stark Futsal Club ហើយកាលពីឆ្នាំ 2021 រូបនាងបានផ្លាស់មកលេងឱ្យក្រុម Norte-Dame-De-Grace U19។
ក្រោយបង្ហាញវត្តមានក្នុងការហ្វឹកហាត់ជាមួយក្រុមជម្រើសជាតិនារីកម្ពុជាផ្សេងទៀតដែលទើបត្រឡប់មកពីបោះជុំរំហ្វឹកហាត់នៅប្រទេសចិន ពិតណាស់ Selena Chhiv អាចនឹងបង្ហាញវត្តមានក្នុងការប្រកួតស៊ីហ្គេមដែលជម្រើសជាតិនារីកម្ពុជាស្ថិតក្នុងពូល B ជាជម្រើសជាតិនារីថៃ សិង្ហបុរី និងឡាវ។ ការប្រកួតបើកឆាក ជម្រើជាតិនារីកម្ពុជានឹងត្រូវជួបជម្រើសជាតិនារីឡាវនៅថ្ងៃទី០៣ខែឧសភាឆ្នាំ២០២៣ វេលាម៉ោង៩និង០០នាទី នៅកីឡដ្ឋាន ស្មាត អរ អេស អិន៕
(Khmer) David de Gea សមនឹងទទួលបានបាច់ផ្កាសម្រាប់ការសម្តែងរបស់គាត់ពេញ 120 នាទីនៅ Wembley ខណៈដែលគាត់បានធ្វើការសង្គ្រោះបាល់ដ៏សំខាន់ជាច្រើពីការស៊ុតរបស់កីឡាករ Brighton ។
តែយ៉ាងណាក្ដី! គាត់បានបរាជ័យក្នុងការសង្គ្រោះបាល់ប៉េណាល់ទីសូម្បីតែម្ដងក៏អត់ដែរ (មិនមែនថាយើងរំពឹងទុកគាត់ទេ តែយើងពិចារណាលើកំណត់ត្រារបស់គាត់)។ ការស៊ុតខុសគោលដៅរបស់ Soly March គឺជាគ្រាប់បាល់តែមួយគត់ដែលមិនចូលទី ប៉ុន្តែកីឡាករសញ្ជាតិអេស្ប៉ាញរូបនេះបានទទូចថាគាត់មានតួនាទីក្នុងការទទួលជ័យជម្នះដោយការស៊ុតបាល់បញ្ចូលទីរបស់ United។
អ្នកចាំទីបានប្រាប់ BBC ថា៖«ពួកគេពិតជាស៊ុតបាល់ប៉េណាល់ទីបានល្អណាស់។ ខ្ញុំបានរៀបចំដូចសព្វដង។ ខ្ញុំបានព្យាយាមដាក់សម្ពាធលើអ្នកទទួលបាល់ស៊ុត» ។
«វាគឺជាការប្រកួតដ៏តឹងតែងមួយ ដែលយើងលេងជាក្រុមដ៏ល្អមួយ។ Brighton លេងបាល់ទាត់បានល្អណាស់។ ឥឡូវនេះពួកយើងនៅវគ្គផ្តាច់ព្រ័ត្រ ប៉ុន្តែយើងមានការប្រកួតធំមួយទៀតនៅថ្ងៃព្រហស្បតិ៍ ដូច្នេះយើងត្រូវត្រលប់ទៅផ្ទះវិញ ហើយស្តារឡើងវិញ»។
(Khmer) គ្រូបង្វឹក Indra Sjafri បានបញ្ជាក់ថា U22 ឥណ្ឌូណេស៊ីនៅតែខ្លាំង បើទោះបីជា Ronaldo អវត្តមានពីស៊ីហ្គេមលើកទី៣២ក៏ដោយ។
យោងតាមប្រព័ន្ធផ្សព្វផ្សាយរបស់ឥណ្ឌូណេស៊ី គ្រូបង្វឹក Indra Sjafri ថ្មីៗនេះមានការចែករំលែកព័ត៏មានគួរឱ្យកត់សម្គាល់អំពីតារាវ័យក្មេង Ronaldo Kwateh មិនបានចូលរួមជាមួយក្រុម U22 ឥណ្ឌូនេស៊ី ដើម្បីចូលរួមការប្រកួតកីឡាអាស៊ីអាគ្នេយ៍ឆ្នាំ 2023 នោះទេ។
ដោយឡែកគ្រូបង្វឹកក្រុម U22 ឥណ្ឌូនេស៊ីរូបនេះបានបញ្ជាក់ថា ក្រុម Garuda សម្រាប់ស៊ីហ្គេមលើកទី៣២ នៅតែខ្លាំងដដែល បើទោះជាគ្មានវត្តមាន Ronaldo ក៏ដោយ។
«ខ្ញុំមិនបារម្ភទេ នៅពេលដែល Ronaldo អវត្តមាន។ បើទោះបីគាត់អាចចូលរួមស៊ីហ្គេមជាមួយ U22 ឥណ្ឌូនេស៊ីនៅកម្ពុជាក៏ដោយ ជាក់ស្តែងកីឡាករទាំងអស់មានឱកាសដូចគ្នា។ ដោយសារតែកីឡាករទាំង២០នាក់ដែលយើងជ្រើសរើសមុននេះសុទ្ធតែជាបុគ្គលិកល្អបំផុត»។
គេបានដឹងថា Ronaldo Kwateh បានរងរបួសភ្លាមៗនៅក្នុងជ័យជម្នះ 1-0 លើ “កងទ័ពបៃតង” របស់លីបង់ U22 កាលពីថ្ងៃទី 16 ខែមេសា។ នេះក៏ជាហេតុផលដែលខ្សែប្រយុទ្ធដែលកើតក្នុងឆ្នាំ 2004 មិនត្រូវបានដាក់ឈ្មោះដោយគ្រូបង្វឹក Indra នៅក្នុងបញ្ជីផ្លូវការរបស់ កីឡាករ U22 ឥណ្ឌូណេស៊ី២០រូបចូលរួមប្រកួតកីឡាស៊ីហ្គេមលើកទី៣២។
ដោយបង្ហាញពីស្ថានភាពបច្ចុប្បន្នរបស់ Ronaldo ប្រធានក្រុម U22 ឥណ្ឌូណេស៊ីបាននិយាយថា៖ «គាត់គាត់ស្កែនតាមម៉ាស៊ីនម៉ាញេទិក ហើយខ្ញុំនឹងសួរគ្រូពេទ្យអំពីការធ្វើរោគវិនិច្ឆ័យឆាប់ៗនេះ។ ប៉ុន្តែខ្ញុំគិតថា សម្រាប់ពេលនេះ Ronaldo គួរតែសម្រាក។ យើងនឹងរង់ចាំមើលលទ្ធផល ខ្ញុំមិនគិតថារបួសនេះគួរឲ្យបារម្ភពេកទេ»។
មិនអាចប្រកែកបានទេ ទោះបីជា U22 ឥណ្ឌូនេស៊ី មិនអាចមានសេវាកម្មរបស់ Ronaldo ក្នុងក្រុមក៏ដោយ ក៏ក្រុមមួយនេះនៅតែមានកីឡាករល្អៗជាច្រើនដូចជា Rizky Ridho, Alfeandra Dewangga, Beckham Putra ឬ Witan Sulaeman ។ លើសពីនេះ U22 ឥណ្ឌូណេស៊ីត្រូវបានពង្រឹងដោយកីឡាករពីររូបដែលលេងនៅបរទេសគឺ Pratama Arhan (Verdy Tokyo, Japan) និង Marselino Ferdinan (Deinze, Belgium) ។
U22 ឥណ្ឌូណេស៊ី ស្ថិតក្នុងពូល A ជាមួយ U22 គូប្រជែង៖ ហ្វីលីពីន មីយ៉ាន់ម៉ា ទីម័រខាងកើត និងម្ចាស់ផ្ទះកម្ពុជា។ តាមកាលវិភាគ គ្រូ និងសិស្សរបស់គ្រូបង្វឹក លោក Indra នឹងត្រូវប្រកួតបើកឆាកជាមួយ U22 ហ្វីលីពីន នៅថ្ងៃទី ២៩ ខែមេសា។
គួរកត់សម្គាល់ថា ក្រុម U22ឥណ្ឌូនេស៊ីមានបំណងឈ្នះមេដាយមាសនៅស៊ីហ្គេមឆ្នាំនេះ។ លើកចុងក្រោយដែលពួកគេបានឈ្នះជើងឯកគឺកាលពី 32 ឆ្នាំមុន ពោលគឺនៅស៊ីហ្គេមឆ្នាំ 1991 នៅប្រទេសហ្វីលីពីន។
(Khmer) នៅព្រឹកថ្ងៃទី 22 ខែមេសាម្សិលមិញ Pau FC បានប្រកាសបញ្ជីឈ្មោះកីឡាករ 20 នាក់ដែលបានចុះឈ្មោះសម្រាប់ការប្រកួតជាមួយក្រុម Guingamp ក្នុងទឹកដីខ្លួនឯង នៅជុំទី 32 នៃ Ligue 2 ក្នុងរដូវកាល 2022/2023 ។
គ្រូបង្វឹក Didier Tholot បន្តជឿជាក់លើខ្សែបម្រើ Charles Boli, Eddy Sylvestre, Steeve Beusnard, Sessi D’Almeida ឬ Antoine Batisse ខណៈដែល Quang Hai គ្មានឈ្មោះក្នុងបញ្ជីនេះទេ។
ការមិនរាប់បញ្ចូលឈ្មោះរបស់ Quang Hai នៅក្នុងបញ្ជីរបស់ Pau FC ដើម្បីចូលរួមការប្រកួតជាមួយ Guingamp ហាក់ដូចជាការបង្ហាញថាគ្រូបង្វឹក Didier Tholot ចង់ដាក់ពិន័យខ្សែបម្រើរូបនេះចំពោះការបង្ហាញពីការចង់ចាកចេញពីក្លិបរបស់គាត់។
គេដឹងថាប៉ុន្មានម៉ោងមុនពេល Pau FC ប្រកាសបញ្ជីខាងលើ Quang Hai បានបង្ហោះរូបភាពនៅលើបណ្តាញសង្គមជាមួយនឹងរូបភាពបន្ទាត់កាត់ទង់ជាតិប្រទេសវៀតណាម។ ទន្ទឹមនឹងនេះ អ្នកតំណាងរបស់កីឡាករខាងលើលោក Michele Fersini បានបន្តបង្ហាញពីការខកចិត្ត ចំពោះវិធីដែល Pau FC ប្រព្រឹត្តចំពោះ Quang Hai ។
គាត់ចង់ជួបជាមួយក្រុមប្រឹក្សាភិបាលដើម្បីដោះស្រាយអនាគតកីឡាកររបស់គាត់ ប៉ុន្តែត្រូវបានគេមិនអើពើ។ តាមការស្រាវជ្រាវ Quang Hai គ្រោងត្រឡប់មកផ្ទះនៅវៀតណាមនៅខែឧសភា បើទោះជាពេលនោះ Ligue 2 មិនទាន់ចប់ក៏ដោយ។
ដូច្នេះហើយ ក្រោយគ្មានឈ្មោះក្នុងការប្រកួតជាមួយក្រុម Guingamp នោះ មានន័យថា Quang Hai បានចំណាយពេល 6 ប្រកួតដែលមិនមានវត្តមាននៅក្នុងបញ្ជីនៃការប្រកួតដែលបានចុះឈ្មោះក្នុង Ligue 2។ កីលាករវៀតណាមលេងបាន៥ប្រកួត តទល់ជា Paris FC, Grenoble, Amiens, Mets និង Sochaux ។
បន្ទាប់ពីបញ្ចប់ការប្រកួត AFF Cup 2022 ជាមួយក្រុមវៀតណាម Quang Hai បានត្រលប់ទៅ Pau FC ហើយលេងបានតែ 12 នាទីសម្រាប់ក្រុមឈុតធំក្នុង Ligue 2 រួមទាំង 1 នាទីក្នុងការប្រកួតជាមួយ Annecy (ថ្ងៃទី 29 ខែមករា) និង 11 នាទី ប្រកួតជាមួយ Laval (ថ្ងៃទី 19 ខែកុម្ភៈ)។ ការប្រកួតជាមួយ Laval ក៏ជាការប្រកួតចុងក្រោយរបស់កីឡាកររូបនេះផងដែរ។
យោងតាមព័ត៌មានពីកាសែតក្នុងស្រុកមួយបានឱ្យដឹងថា Quang Hai លែងស្ថិតក្នុងគម្រោងរបស់គ្រូបង្វឹក Tholot ទៀតហើយ ប៉ុន្តែ Pau FC ក៏មិនចង់ឱ្យខ្សែបម្រើរូបនេះចាកចេញដោយសេរីដែរ។ ពួកគេចង់រង់ចាំរហូតដល់ទីផ្សារដោះដូររដូវក្តៅឆ្នាំ 2023 បើក បន្ទាប់មកធ្វើការចរចា ដូច្នេះពួកគេអាចប្រមូលថ្លៃផ្ទេរពីការលក់។
(Khmer) លោក Simon Mullock អ្នកសរសេរព័ត៏មានរបស់ The Mirror រាយការណ៍ថា Raphael Varane ទំនងជាត្រូវអវត្តមានរហូតដល់ចុងបញ្ចប់នៃរដូវកាលនេះ។
ការស្កែនជាថ្មីនៅលើកជើងរបស់កីឡាករសញ្ជាតិបារាំង បានបង្ហាញថាស្ថានភាពរបួសធ្ងន់ធ្ងរជាងការរំពឹងទុកក្រោយពេលស្កែនលើកដំបូង។ ការស្តារឡើងវិញអាចចំណាយពេលប្រហែល 6 សប្តាហ៍ ដែលរារាំងខ្សែការពារមិនអាចប្រកួត Premier League នៅសេសសល់របស់ United ។
ទោះជាយ៉ាងណាក៏ដោយ ក្នុងករណីដែលបិសាចក្រហមឡើងដល់វគ្គផ្ដាច់ព្រ័ត្រ FA Cup នោះ Varane នឹងព្យាយាមឱ្យអស់ពីសមត្ថភាព ដើម្បីជួយសង្គ្រោះក្លិបទាន់ពេល។ ការប្រកួតនេះនឹងត្រូវលេងនៅថ្ងៃសៅរ៍ ទី 3 ខែមិថុនា។ City បានទៅដល់វគ្គផ្តាច់ព្រ័ត្រហើយ ខណៈដែល United ត្រូវការយកឈ្នះ Brighton ក្នុងវគ្គពាក់កណ្តាលផ្តាច់ព្រ័ត្រយប់នេះជាមុនសិន។
Lisandro Martinez ក៏ត្រូវអវត្តមានរហូតដល់ចុងបញ្ចប់នៃរដូវកាលនេះដែរ។
(Khmer) គ្រូបង្វឹកក្រុមជម្រើសជាតិ U-22 ឥណ្ឌូនេស៊ី លោក Indra Sjafri បានបញ្ចេញឈ្មោះកីឡាករ U22 ចំនួន ២០ នាក់សម្រាប់ព្រឹត្តិការណ៍ស៊ីហ្គេមឆ្នាំ ២០២៣។
Pratama Arhan – Tokyo Verdy (Japan)
ក្នុងចំណោមនោះ មានកីឡាករលេងនៅលីគបរទេសពីរនាក់គឺ Pratama Arhan (Tokyo Verdy) និង Marcelino Ferdinand (KMSK Deinze) ។ ទោះបីជាយ៉ាងណាក៏ដោយ កីឡាករទាំងពីរមិនទាន់បានចូលរួមជាមួយកីឡាករជម្រើសជាតិ U-22 ឥណ្ឌូនេស៊ីដទៃទៀត ដែលកំពុងស្នាក់នៅជុំគ្នានៅសណ្ឋាគារ Sultan ខណៈដែលពួកគេអាចមកដល់សណ្ឋាគារនៅថ្ងៃទី២៣ខែមេសា ឆ្នាំ 2023 នេះ។
Marselino Ferdinan លេងនៅក្លិប KMSK Deinze លីគទី២ បែលហ្សិក
លើសពីនេះកីឡាករ១៨នាក់ផ្សេងទៀតត្រូវបានជ្រើសរើសដោយ Indra Sjafri តាមរយៈដំណើរការជ្រើសរើសដែលត្រូវបានអនុវត្តនៅក្នុងមជ្ឈមណ្ឌលបណ្តុះបណ្តាល (TC) ចាប់តាំងពីថ្ងៃទី 1 ខែមីនាឆ្នាំ 2023 ។ កីឡាករដែលត្រូវបានជ្រើសរើសគឺជាកីឡាករសំខាន់ដែលលេងបានច្រើនប្រកួតគួរសមក្នុងក្លិបលីគកំពូលឥណ្ឌូណេស៊ីដូចជា Rizky Ridho, Ilham Rio Fahmi, Alfeandra Dewangga, Beckam Putra, ទៅ Ramadhan Sananta។
អគ្គលេខាធិការសមាគមកីលាបាល់ទាត់ឥណ្ឌូនេស៊ី លោក Ketum PSSI, Erick Thohir ក៏បានផ្តល់ដំបូន្មានដល់កីឡាករទាំង 20 នាក់ដែលបានជ្រើសរើស។ នៅថ្ងៃទី 25 ខែមេសា ឆ្នាំ 2023 ក្រុម Garuda Muda នឹងហោះហើរមកកាន់ប្រទេសកម្ពុជា ដើម្បីចូលរួមប្រកួតកីឡាស៊ីហ្គេម ឆ្នាំ 2023។
ឥណ្ឌូណេស៊ី ស្ថិតក្នុងពូល A នៃស៊ីហ្គេម ឆ្នាំ២០២៣ ជាមួយម្ចាស់ផ្ទះកម្ពុជា ហ្វីលីពីន មីយ៉ាន់ម៉ា និងទីម័រខាងកើត។ ហ្វីលីពីន នឹងក្លាយជាគូប្រកួតដំបូងរបស់ក្រុមជម្រើសជាតិ U-22 ឥណ្ឌូណេស៊ី នៅថ្ងៃទី ២៩ ខែមេសា នៅពហុកីឡដ្ឋានជាតិ។ បន្ទាប់មក ក្រុមជម្រើសជាតិ U-22 ឥណ្ឌូនេស៊ី ជួប មីយ៉ាន់ម៉ា (៤/៥), ទីម័រខាងកើត (៧/៥) និងកម្ពុជា (១០/៥)។
ខាងក្រោមជាបញ្ជីឈ្មោះកីឡាករ៖
1. Alfeandra Dewangga – PSIS Semarang 2. Muhammad Fajar Fathurrahman – Borneo FC Samarinda 3. Ilham Rio Fahmi – Persija Jakarta 4. Witan Sulaeman – Persija Jakarta 5. Ramadhan Sananta – PSM Makassar 6. Rizky Ridho Ramadhani – Persija Jakarta 7. Amiruddin Bagas Kaffa – Barito Putera 8. Muhammad Ferarri – Persija Jakarta 9. Pratama Arhan – Tokyo Verdy (Japan) 10. Marselino Ferdinan – KMSK Deinze (Belgium) 11. Beckham Putra Nugraha – Persib Bandung 12. Ernando Ari Sutaryadi – Persebaya Surabaya 13. Komang Teguh Trisnanda – Borneo FC 14. Irfan Jauhari – Persis Solo 15. Titan Agung Bagus Fauzi – Bhayangkara FC 16. Jeam Kelly Sroyer – Persik Kediri 17. Muhammad Adi Satryo – PSIS Semarang 18. Mohammad Haykal Alhafiz – PSIS Semarang 19. Muhammad Taufany Muslihuddin – Borneo FC Samarinda 20. Ananda Raehan Alif – PSM Makassar.
