(Khmer) កីឡាករ Anthony Martial បានរងរបួសសរសៃពួរកាលពីចុងសប្តាហ៍ ហើយគាត់នឹងមិនមានវត្តមានសម្រាប់ការប្រកួត FA Cup វគ្គផ្តាច់ព្រ័ត្រដ៏ធំនោះទេ នេះបើយោងតាមការបញ្ជាក់របស់ Manchester United ។

សេចក្តីថ្លែងការណ៍របស់ក្លឹបបានសរសេរថា៖ «Martial នឹងនៅក្រៅទីលានការប្រកួតវគ្គផ្តាច់ព្រ័ត្រ Emirates FA Cup នៅថ្ងៃសៅរ៍ជាមួយ Manchester City ដោយសាររបួស។ កីឡាករអន្តរជាតិបារាំងបានរងរបួសសរសៃពួរក្នុងការ​ប្រកួតបញ្ចប់រដូវ​កាលនេះ ដែល Man Utd យកជ័យជម្នះ 2-1 កាលពីថ្ងៃអាទិត្យជាមួយនឹងក្រុម Fulham នៅ Old Trafford ។​

«ចាប់តាំងពីពេលនោះមក ការវាយតម្លៃរបស់​វេជ្ជបណ្ឌិតបានបង្ហាញឱ្យឃើញពីការរហែកសាច់ដុំដែលធ្វើឱ្យកីឡាករវ័យ 27 ឆ្នាំចាកចេញពីការប្រកួតនៅកីឡដ្ឋាន Wembley» ៕

(Khmer) យោងតាមសារព័ត៌មាន Daily Mail បានឱ្យដឹងថា Manchester United បានសម្រេចចិត្តមិនចុះហត្ថលេខាលើ Wout Weghorst និង Marcel Sabitzer លើកិច្ចព្រមព្រៀងជាអចិន្ត្រៃយ៍នៅរដូវក្តៅនេះទេ។

បិសាចក្រហមកំពុងស្វែងរកទិញខ្សែប្រយុទ្ធថ្មីដែលអាចធានាគ្រាប់បាល់បាន និងមិនមានបំណងរក្សា Weghorst ដែលមិនបានបង្ហាញខ្លួនគួរចាប់អារម្មណ៍អំឡុងពេលខ្ចីជើងនៅ Old Trafford។

ផ្ទុយទៅវិញ Sabitzer បាន​បង្ហាញភាពល្អប្រសើរក្នុងខ្សែបម្រើ ប៉ុន្តែកាសែត Daily Mail អះអាងថា Erik ten Hag អាចជ្រើសរើសចុះហត្ថលេខាលើកីឡាករថ្មីសម្រាប់តំណែងនោះជំនួសវិញ។

Sabitzer និង Weghorst បានចូលរួមជាបណ្តោះអាសន្ននៅក្នុងទីផ្សារដោះដូរកីឡាករខែមករា។ ទោះបីជាកីឡាកររបស់ Bayern Munich ហាក់បីកីឡាករ​បំពេញតួនាទីបាន​ល្អជាង ប៉ុន្តែតួនាទីលេងរបស់​គាត់ហាក់ដល់ទីបញ្ចប់ភ្លាមៗបន្ទាប់ពីរបួសញ៉ាំញី។

(Khmer) ថ្លែងទៅកាន់កាសែត The Times កាលពីដើមសប្តាហ៍នេះ Erik ten Hag បាននិយាយថា៖ «ខ្ញុំសូមនិយាយថាខ្ញុំសប្បាយចិត្តជាមួយវត្តមានរបស់ Harry Maguire នៅទីនេះ ហើយនៅពេលដែលយើងត្រូវការគាត់ គាត់បានធ្វើការងាររបស់គាត់»។

«ប៉ុន្តែវាក៏ជាការសម្រេចចិត្តដែលគាត់ត្រូវធ្វើ។ គ្មាននរណាម្នាក់សប្បាយចិត្តនឹងស្ថានភាពនេះទេ។ គាត់ក៏មិនសប្បាយចិត្តដែរ ប៉ុន្តែវាគឺជាការសម្រេចចិត្តដែលគាត់ត្រូវធ្វើ»។

«គាត់តែងតែហ្វឹកហាត់ក្នុងកម្រិតល្អបំផុត ដោយមានការខិតខំប្រឹងប្រែង 100% ដូច្នេះគាត់គ្រប់គ្រងស្ថានភាពនោះបានល្អ ហើយគាត់ស្ថិតក្នុងលក្ខណៈនោះ ហើយក្នុងតួនាទីជាប្រធានក្រុម គាត់មានសារៈសំខាន់សម្រាប់ក្រុម»។

Maguire បច្ចុប្បន្នជាខ្សែការពារកណ្តាលជម្រើសទីបួនរបស់ Manchester United ក្រោមការដឹកនាំរបស់ Ten Hag នៅពីក្រោយ Raphael Varane, Lisandro Martinez និង Victor Lindelof ។

កៅអីរបស់ប្រធានក្រុមបិសាចក្រហមក្នុងក្រុមជម្រើសជាតិអង់គ្លេសអាចស្ថិតក្នុងគ្រោះថ្នាក់មុន Euro 2024 ហើយគាត់ប្រហែលជាត្រូវពិចារណាអនាគតរបស់គាត់នៅ Old Trafford នៅរដូវក្តៅនេះ។

(Khmer) ថ្លែង​ទៅកាន់​អ្នកកាសែត​កាលពី​ចុង​សប្តាហ៍ លោក Pep Guardiola បាន​និយាយថា៖ “​ខ្ញុំ​ស្រឡាញ់​ខ្លួនឯង​ខ្លាំងណាស់ ប៉ុន្តែ​ខ្ញុំ​មិន​ដែល​គិត(ឈ្នះពាន៣ក្នុងមួយរដូវ​កាល)​ដល់​វា​ទេ ខ្ញុំ​មកដល់​ដោយ​គ្មាន​ការរំពឹងទុក ចូរធ្វើ​អ្វី​ដែល​អ្នក​ចង់បាន​»។

«ខ្ញុំមិននឹកស្មានថាជាមួយកីឡាករដែលយើងមាន និងមនុស្សនៅទីនេះ យើងបានធ្វើនៅក្នុង Premier League នោះទេ។ ខ្ញុំបានដឹងថាបន្ទាប់ពីលេង 5, 6 ឬ 7 ប្រកួតវាលំបាកប៉ុណ្ណា»។

«មានតែយើងរៀនឱ្យបានឆាប់ ទាំងកីឡាករ និងក្រុម។ អ្នកមិនដែលគិតថាការចាប់ផ្តើមនៃរដូវកាលនេះទៅជាយ៉ាងណានោះទេ។ ឥឡូវនេះយើងដឹងហើយ យើងសល់២ប្រកួតទៀតដើម្បីឈ្នះពានរង្វាន់ទាំងអស់»។

ក្រុមពីរដែល man City ត្រូវប្រឈមគឺ Manchester United ក្នុង FA Cup និង Inter Milan ក្នុង Champions League ហើយបើ Manchester City ឈ្នះទាំងពីរ​ប្រកួតនេះ ពួក​គេនឹង​ឈ្នះTreble ជាប្រវត្តិសាស្ត្រ។

(Khmer) លោក Erik ten Hag អ្នកចាត់ការទូទៅរបស់ក្រុម Manchester United និយាយថា Mason Greenwood បានបង្ហាញពីសមត្ថភាពរបស់គាត់កាលពីអតីតកាលចំពេលមានការស៊ើបអង្កេតអំពីអនាគតរបស់គាត់នៅ Old Trafford ។

Erik ten Hag ត្រូវបានអ្នក​កាសែតសាកសួរអំពីអនាគតរបស់ Mason Greenwood នៅ Manchester United ចំពេលមានការស៊ើបអង្កេតផ្ទៃក្នុងដែលកំពុងបន្តបន្ទាប់ពីការចោទប្រកាន់ព្រហ្មទណ្ឌប្រឆាំងនឹងគាត់ត្រូវបានទម្លាក់។ គ្រូបង្វឹក​រូប​នេះនិយាយថា៖ «គាត់បានបង្ហាញកាលពីអតីតកាលថាគាត់មានសមត្ថភាពស៊ុតបញ្ចូលទី» ។

«ប៉ុន្តែ​បញ្ជាក់​ថា វា​មិន​មែន​ជា​ការ​សម្រេច​ចិត្ត​របស់​ខ្ញុំ​ថា​តើ​គាត់​ត្រឡប់​មក​វិញ​ឬ​អត់»។

Greenwood មិនបានលេងឱ្យ Man United ចាប់តាំងពីខែមករាឆ្នាំមុន នៅពេលដែលគាត់ត្រូវបានចាប់ខ្លួន និងត្រូវបានចោទប្រកាន់ជាបន្តបន្ទាប់ពីបទប៉ុនប៉ងរំលោភ ការប្រើអំពើហិង្សា និងការរំលោភបំពាន។

​អយ្យការ​របស់ Great Manchester ​បាន​បញ្ជាក់​ក្នុង​ខែ​កុម្ភៈ​ឆ្នាំ​នេះ​ថា ការ​ចោទ​ប្រកាន់​ទាំង​អស់​របស់​កីឡាករម្នាក់​នេះ ​ត្រូវ​បាន​ទម្លាក់​ចោល។ CPS បានលើកឡើងពីការលេចចេញនូវភ័ស្តុតាងថ្មី ក៏ដូចជាការដកសាក្សីសំខាន់ៗចេញពីសំណុំរឿងនេះថា ជាហេតុផលនៅពីក្រោយពួកគេមិនបន្តដំណើរការលើបញ្ហានេះ។

United បច្ចុប្បន្នកំពុងធ្វើការស៊ើបអង្កេតផ្ទៃក្នុងដើម្បីកំណត់ពីកាលៈទេសៈជុំវិញស្ថានការណ៍ដ៏ប្រទាំងប្រទើសរបស់ Greenwood ។ លុះ​ក្រោយ​ការ​សន្និដ្ឋាន​របស់​ការ​ស៊ើប​អង្កេត​នឹង​មាន​ការ​សម្រេច​ចិត្ត​លើ​ការ​វិល​ត្រឡប់​របស់​គាត់​វិញ។

ប្រសិនបើ​កីឡាករ​វ័យក្មេង​ត្រលប់​មកវិញ​ជា​ចុងក្រោយ វា​នឹង​ក្លាយជា​ការជំរុញ​ដ៏​ធំ​មួយ​សម្រាប់​ក្រុម​របស់ Ten Hag ដែល​ខ្វះ​ជម្រើស​ក្នុង​កាតំបន់ប្រយុទ្ធ។

(Khmer) ប្រធានសមាគមកីឡាបាល់ទាត់ឥណ្ឌូនេស៊ី (PSSI) លោក Erick Thohir បានធ្វើសន្និសីទសារព័ត៌មាននៅពីថ្ងៃចន្ទនេះដើម្បីប្រកាសតម្លៃសំបុត្រសម្រាប់ការប្រកួតរវាងក្រុមជម្រើសជាតិឥណ្ឌូនេស៊ី (Timnas) និងក្រុមជម្រើសជាតិអាហ្សង់ទីន នៅថ្ងៃទី 19 ខែមិថុនា។

លោក Erick បានពន្យល់ថាការលក់សំបុត្រនឹងធ្វើឡើងនៅថ្ងៃទី 5-7 ខែមិថុនា តាមរយៈគេហទំព័រ PSSI និង tiket.com ។ មាន​សំបុត្រ​ចំនួន​៤​ប្រភេទ​ដែល​ត្រូវ​បាន​ដាក់​លក់​សម្រាប់​ការ​ប្រកួត​រវាង​ក្រុម​ជម្រើស​ជាតិ​ឥណ្ឌូណេស៊ី និង​អាហ្សង់ទីន៖

ប្រភេទទី៣ – ៤០ដុល្លារ – IDR 60,0000
ប្រភេទទី២ – ៨០ដុល្លារ – IDR 1,200,000 ។
ប្រភេទទី១ – ១៧០ដុល្លារ- IDR 2,500,000 ។
ប្រភេទ VIP – ប្រហែល ៣០០ដុល្លារ – IDR 4,250,000

លោក Erick Thohir បាន​និយាយ​ជា​ថ្មី​ម្តង​ទៀត​ថា៖ «យើង​បម្រើ​បាល់​ទាត់​ឥណ្ឌូនេស៊ី​ក្នុង​តម្លៃ​ដ៏​ល្អ នេះ​រួម​បញ្ចូល​ពន្ធ និង​តម្លៃ​សេវាផងដែរ»។

(Khmer) និយាយអំពីអ្វីដែល Man United ត្រូវតែធ្វើដើម្បីប្រកួតប្រជែងដណ្ដើមពានរង្វាន់ធំៗដូចជា Premier League លោក Erik ten Hag បាននិយាយថា៖ “យើងកំពុងដើរក្នុងទិសដៅត្រឹមត្រូវ ប៉ុន្តែ​យើង​មិន​អាច​ដើរ​ទៅ​ដល់​ទីនោះទេ ពីព្រោះ​ទីនោះជាផ្លូវ​ដ៏វែងឆ្ងាយ។ ក្រុមនេះមានសក្តានុពល រួមទាំងកីឡាករម្នាក់ៗ»។

«យើងបានបង្ហាញក្នុងរដូវកាលនេះហើយថា ពួកយើងបានរីកចម្រើន នោះគឺជាការបំពេញបន្ថែមដល់កីឡាករ និងគ្រូបង្វឹក ពួកយើងបានធ្វើការយ៉ាងលំបាក ប៉ុន្តែយើងត្រូវធ្វើការវិនិយោគ។ ក្លឹបដឹងថាប្រសិនបើអ្នកចង់លេង Top 4 ប្រជែងយកពានរង្វាន់ក្នុងលីគដ៏លំបាកនេះ អ្នកត្រូវតែវិនិយោគ បើមិនដូច្នេះទេ អ្នកនឹងមិនមានឱកាសទេ ព្រោះក្លឹបផ្សេងទៀតនឹងធ្វើ»។

«យើងបានឃើញវានៅក្នុងរដូវរងាហើយ ក្លឹបទាំងអស់នៅជុំវិញយើងបានធ្វើការវិនិយោគដ៏ធំ យើងមិនបានធ្វើ ប៉ុន្តែយើងនៅតែធ្វើវាបាន ដូច្នេះខ្ញុំមានមោទនភាពចំពោះក្រុមរបស់ខ្ញុំ»។

អ្នកពិតជាមិនអាចប្រកែកជាមួយនឹងអ្វីដែលគ្រូបង្វឹករូប​នេះនិយាយនៅទីនេះទេ។ មិនថាអ្នកណាដែលជាម្ចាស់ Man United ក្នុងរដូវក្ដៅនេះទេ ពួកគេនឹងត្រូវការការវិនិយោគយ៉ាងខ្លាំង ក្នុងការជ្រើសរើសកីឡាករលំដាប់កំពូល ដើម្បីជួយ Ten Hag ឡើងដល់កម្រិតមួយទៀត និងប្រជែងយកពានរង្វាន់ធំៗនៅរដូវកាលក្រោយ។

(Khmer) Arsenal កំពុងតាមដានខ្សែបម្រើស្លាបរបស់ Zenit Saint Petersburg កីឡាករ Malcom សម្រាប់ការផ្ទេរដែលអាចធ្វើទៅបាននៅរដូវក្តៅនេះ នេះបើយោងតាម Graeme Bailey នៅលើផតខាស់ Talking Transfers ។

Malcom ធ្លាប់លេងឱ្យ Barcelona ប៉ុន្តែពិបាកក្នុងការ​បង្ហាញខ្លួនគួរឱ្យចាប់អារម្មណ៍ ទោះបីជាបានចុះហត្ថលេខាក្នុងតម្លៃ 41 លានអឺរ៉ូក្នុងឆ្នាំ 2018 ក៏ដោយ។គាត់បានផ្លាស់ទៅប្រទេសរុស្ស៊ីដោយ​លេងជាមួយ Zenit ក្នុងឆ្នាំ 2019 ហើយបានកែប្រែងាជីពឱ្យជោគជ័យយ៉ាងខ្លាំងដោយស៊ុតបញ្ចូលទីបាន 23 គ្រាប់ក្នុងការបង្ហាញខ្លួនត្រឹមតែ 27 ប្រកួតនៅក្នុងក្របខ័ណ្ឌ Premier League របស់រុស្ស៊ី។

ថ្វីត្បិតតែកើតនៅប្រទេសប្រេស៊ីលក៏ដោយ ប៉ុន្តែឥឡូវនេះ Malcom គឺជាពលរដ្ឋរុស្ស៊ី។ ការផ្ទេរសញ្ជាតិនេះត្រូវបានធ្វើឡើង បន្ទាប់ពីគាត់បានចុះកិច្ចសន្យា​រយៈពេលប្រាំឆ្នាំជាមួយ Zenit ក្នុងខែសីហាឆ្នាំ 2022 ។

គាត់បានសម្រេចចិត្តដើម្បីទទួលបានសញ្ជាតិរុស្សី ដោយសារច្បាប់អនុញ្ញាតអោយកីឡាករបរទេសមានកំណត់ក្នុងការចាប់ផ្តើមការប្រកួតនីមួយៗសម្រាប់លីគកំពូលរុស្សី។

ទោះជាយ៉ាងណាក៏ដោយ Arsenal ហាក់បីដូចជាបង្ហាញទ្រព្វដ៏ស្តុកស្តម្ភផងដែរ ដើម្បី​ចំណាយ​ក្នុង​រដូវ​ក្ដៅ​នេះ ស្របពេល​តំបន់​ប្រយុទ្ធរបស់​ពួក​គេ​កំពុង​ខ្វះខាត ហើយ​រដូវ​កាល​ថ្មី​នេះ​នឹង​ត្រូវ​លេង​ក្នុង Champions league ផង​នោះ៕