National News
(Khmer) កីឡាការិនី ឈិត សាភឿន មកពីក្លិបព្រះខ័នរាជស្វាយរៀង បានរងរបួសបាក់ឆ្អឹងស្លាបប្រជៀវស្មាខាងឆ្វេង ក្រោយស៊ុតបញ្ចូលទី២គ្រាប់ ជួយឲ្យក្រុមជម្រើសជាតិនារីអាយុក្រោម១៩ឆ្នាំទទួលជ័យជំនះលើក្រុមជម្រើសជាតិនារីឡាវកាលពីម្សិលមិញ។
តាមការបញ្ជាក់ពីសហព័ន្ធកីឡាបាល់ទាត់កម្ពុជា ក្រោយពីបានវះកាត់ទទួលបានជោគជ័យ ពេលនេះរូបនាងកំពុងសម្រាកព្យាបាលរបួស។ ឈិត សាភឿន សមាជិកក្រុមជម្រើសជាតិនារី អាយុក្រោម១៩ឆ្នាំ កម្ពុជា គឺជាម្ចាស់គ្រាប់បាល់ទាំង ២គ្រាប់ ដែលជួយឲ្យកម្ពុជាឈ្នះឡាវ ក្នុងលទ្ធផល ២-១ កាលពីថ្ងៃទី០៥ កក្កដា ប្រកួតពានរង្វាន់បាល់ទាត់នារី AFF U19 Women’s Championship 2023។
ភារកិច្ចបន្ទាប់របស់ U-19 នារីកម្ពុជា ត្រូវប៉ះ ទីម័រខាងកើត នៅកីឡដ្ឋាន Gelora Sriwijaya ថ្ងៃទី០៧ កក្កដា និងចុងក្រោយប៉ះម្ចាស់ផ្ទះឥណ្ឌូនេស៊ី។
International News
(Khmer) តាមការរាយការណ៍របស់លោក Fabrizio Romano កិច្ចព្រមព្រៀងរបស់ man Utd ក្នុងការចុះកុងត្រាយក Mason Mount បានបញ្ចប់ហើយ គាត់នឹងក្លាយជាកីឡាកររបស់ Man United ។
Romano បានសរសេរថា៖ “Manchester United មិនដែលចាកចេញពីការប្រកួតប្រជែងយក Mason Mount ទោះបីជាមានរបាយការណ៍ចម្រូងចម្រាស់ក្ដី ហើយពួកគេមិនដែលបានចូលរួមក្នុងការចុះហត្ថលេខាយក Caicedo ទេ មានតែ Mason Mount ម្នាក់ប៉ុណ្ណោះជាគោលដៅកំពូល។ កិច្ចព្រមព្រៀងបានបញ្ចប់ហើយ។”
“Mason Mount នឹងទទួលការពិនិត្យសុខភាពជាមួយ Man United នៅចុងសប្តាហ៍នេះ ហើយកុងត្រារបស់គាត់នឹងមានសុពលភាពរហូតដល់ខែមិថុនា ឆ្នាំ 2028 ដែលមានរយៈពេលប្រាំឆ្នាំក្រោយបានព្រមព្រៀងកាលពីសប្តាហ៍មុន។ តម្លៃខ្លួនគឺ៥៥លានផោនបូកប្រាក់បន្ថែម៥លានផោនទៀត។
Mason Mount ស៊ុតបញ្ចូលទីបាន 3 គ្រាប់ និងបញ្ជូនបាល់ឱ្យមិត្តរួមក្រុមបាន 6 ដងក្នុងការបង្ហាញខ្លួន 35 ដងក្នុងរដូវកាលមុន។
(Khmer) សមាគមបាល់ទាត់ថៃ ដាក់ពាក្យបណ្តឹងទៅកាន់អជ្ញាធរជាតិ ឲ្យចាត់ការលើបក្សពួក ដែលបង្កភាពអនាធិបតេយ្យ ក្នុងការប្រកួតពានរង្វាន់ AFC U17 ASIAN CUP THAILAND 2023 រវាងក្រុម U17 ថៃ និងក្រុម U17 កូរ៉េខាងត្បូង នៅថ្ងៃទី 25 ខែមិថុនា ឆ្នាំ 2023 នៅកីឡដ្ឋាន Pathum Thani ។
ក្នុងពាក្យបណ្តឹងនោះ សមាគមក៏បានផ្តល់រូបថតមួយសន្លឹក ដែលបង្ហាញពីសកម្មភាព និងទិដ្ឋភាពនៃហេតុការណ៍ដល់មន្ត្រីស៊ើបអង្កេត ព្រមទាំងសាក្សីនឹងត្រូវចូលខ្លួនមកសាកសួរបំភ្លឺបន្ថែម។
លើសពីនេះ អជ្ញាធរ ខេត្ត Pathum Thani ក៏បានសួរនាំអំពីការដុតភ្លើង ក្នុងការប្រកួតពានរង្វាន់ AFF MITSUBISHI ELECTRIC CUP 2022 រវាងក្រុមជម្រើសជាតិថៃ និងក្រុមជម្រើសជាតិហ្វីលីពីន នៅថ្ងៃទី 26 ខែធ្នូ ឆ្នាំ 2022 និងថ្ងៃទី 10 ខែមករា ឆ្នាំ 2023 រវាងក្រុមជម្រើសជាតិថៃ និងក្រុមជម្រើសជាតិម៉ាឡេស៊ី នៅកីឡដ្ឋាន Thammasat។
សរុបរបាយការណ៍ពីការស៊ើបអង្កេត និងសាកសួរ អជ្ញាធរថៃបានរកឃើញថាមានក្រុមអ្នកគាំទ្រ ភេទប្រុស ចំនួន២៤នាក់ ដែលជាប់ពាក់ព័ន្ធក្នុងការប្រព្រឹត្តអំពើមិនគប្បីក្នុងកីឡដ្ឋាន ហើយមានមេក្រុមអាយុ ៤០ ឆ្នាំ ជាអ្នកដឹកនាំក្រុមអ្នកគាំទ្រនោះ។
បុគ្គលខាងលើក៏ធ្លាប់ត្រូវបានជាប់ពាក់ព័ន្ធការបាញ់កាំជ្រួច និងដុតភ្លើង នៅពហុកីឡដ្ឋានជាតិ Rajamangala ផងដែរ កាលពីថ្ងៃទី 17 ខែធ្នូ ឆ្នាំ 2016 ខណៈដែលសមាជិកមចំនួន 23 នាក់ផ្សេងទៀត ត្រូវបានកំណត់មុខសញ្ញា និងទីលំនៅរបស់ពួកគេរួចរាល់ហើយ។
(Khmer) នៅក្នុងបាល់ទាត់ ការប្រកួតបិទទ្វារ (Close Door) គឺជាពាក្យប្រើដើម្បីសំដៅលើការប្រកួត ដែលលេងដោយគ្មានអ្នកទស្សនា។ ការប្រកួតអាចត្រូវបានលេងដោយគ្មានអ្នកទស្សនាដោយហេតុផលមួយចំនួន មិនថាកត្តាសុខភាព សុវត្ថិភាព ឬប្រហែលដោយសារវាជាការប្រកួតមិត្តភាពមុនបើករដូវកាល ដើម្បីសិក្សាពីគម្រោងយុទ្ធសាស្ត្រថ្មីៗ របស់គ្រូបង្វឹក។
*Admin សូមលើកយកចំណុចមួយ ហេតុអ្វីក្រុម ដែលធ្វើការប្រកួតសម្រេចថា មិនចាំបាច់មានអ្នកទស្សនាចូលរួម…?
ការប្រកួតបាល់ទាត់មួយចំនួន ត្រូវលេងដោយបិទទ្វារ ព្រោះមិនចាំបាច់ឲ្យមានអ្នកទស្សនាចូលរួមឡើយ។ នេះជាករណីសម្រាប់ការប្រកួតមិត្តភាពមុនបើករដូវកាល ឬការប្រកួត ដែលត្រៀមរៀបចំយុទ្ធសាស្ត្រ ដើម្បីជួយកែលម្អលើកាយសម្បទារបស់ក្រុមកីឡាករ។
ជំណុចនេះ គឺជាការប្រកួតមិត្តភាពសំខាន់ ហើយមិនគិតពីលទ្ធផលជារឿងចម្បងទេ។ ដូច្នេះ មានន័យថាមិនចាំបាច់អនុញ្ញាតិអ្នកទស្សនិកជនមកទស្សនាការប្រកួតនោះឡើយ។
ភាគច្រើន ការប្រកួតបែបនេះត្រូវបានលេងជាទូទៅ នៅទីលានហ្វឹកហាត់។
រូបភាព៖ ក្លិបភ្នំពេញក្រោន
(Khmer) ក្រុមជម្រើសជាតិកម្ពុជា (ក្រុមធំ) ត្រូវជួបតទល់នឹងក្រុមជម្រើសជាតិបង់ក្លាដេស ជាលើកទី៦ នៅថ្ងៃទី១៥ ខែមិថុនា ឆ្នាំ២០២៣ វេលាម៉ោង ៧យប់ ពហុកីឡដ្ឋានជាតិអូឡាំពិក។
ស្ថិតក្រោមការដឹកនាំរបស់គ្រូបង្វឹកថ្មី លោក Felix Dalmas ក្រុមកម្ពុជាបានកោះហៅកីឡាករចំនួន៣០នាក់សម្រាប់ការប្រកួតមិត្តភាពក្នុងប្រតិទិន Fifa Day ដោយក្នុងនោះរួមទាំងខ្សែប្រយុទ្ធ ចាន់ វឌ្ឍនាកា ផងដែរ។ ខ្សែប្រយុទ្ធមកពីក្លិបបឹងកេតរូបនេះ មានស្ថិតិរកគ្រាប់បាល់ ១៩គ្រាប់ នៃការបង្ហាញខ្លួន ៤៩ប្រកួត មុនពេលសម្រាកព្យាបាលរបួសជង្គង់អំឡុងដើមឆ្នាំ២០២២។
អ្នកចាំទី រ៉េត លីហេង មកពីក្លិបណាហ្គាវើល គឺជាកីឡាករតែម្នាក់គត់ ដែលមិនធ្លាប់បង្ហាញខ្លួនជាមួយក្រុមជម្រើសជាតិកម្ពុជា (ក្រុមធំ) ពីមុនមក។
ជួបកម្ពុជា គឺជាការប្រកួតមិត្តភាពផ្លូវការលើកដំបូង របស់ក្រុមជម្រើសជាតិបង់ក្លាដេស មុនពេលចាប់ផ្តើមការប្រកួតពានរង្វាន់ SAFF Championship ឆ្នាំ 2023 នៅសប្តាហ៍ក្រោយ ដែលពួកគេត្រូវជួបជាមួយលីបង់ ម៉ាល់ឌីវ និងប៊ូតង់។ គ្រូបង្វឹក Javier Cabrera បានកោះហៅកីឡាករចំនួន 23 នាក់សម្រាប់ការប្រកួតមិត្តភាពនាពេលខាងមុខ រួមទាំងប្រធានក្រុម Jamal Bhuyan វ័យ៣៣ឆ្នាំ ដែលជាខ្សែបម្រើបង្ហាញវត្តមានច្រើនជាងគេក្នុងក្រុម (៧០លើក)។
ការជួបគ្នាកន្លង កម្ពុជា vs បង់ក្លាដែស ប្រវត្តិជួបគ្នា ៥លើកកន្លងមក រវាងក្រុមទាំងពីរ គឺបង់ក្លាដេសឈ្នះ កម្ពុជា 4 ដង និងស្មើម្តង។ កម្ពុជាឈ្នះតែ២លើកគត់ក្នុងចំណោម៩ប្រកួតចុងក្រោយ ។ ចំណែកឯបង់ក្លាដេសឈ្នះបានតែ២លើកប៉ុណ្ណោះក្នុងចំណោម៨ប្រកួតចុងក្រោយ ។
ចំណាត់ថ្នាក់ Fifa Ranking រវាងក្រុមទាំង២ គឺកម្ពុជា នៅចំណាត់ថ្នាក់លេខ១៧៦ ឈរពីលើប្រទេសបង់ក្លាដេស ១៦ចំណាត់ថា្នក់ (១៩២) ប៉ុន្តែកំណត់ត្រាកន្លងមក ក្រុមគោព្រៃកម្ពុជាមិនដែលយកឈ្នះក្រុមខ្លារខិនបង់ក្លាដេសឡើយ
(Khmer) កាសែត The Mirror អះអាងថា Erik ten Hag កាន់តែអស់សង្ឃឹម ក្នុងការទទួលបានភ្លើងខៀវ ដើម្បីពង្រឹងផែនការផ្ទេររបស់គាត់សម្រាប់ទីផ្សាររដូវក្តៅ។
គ្រូបង្វឹកសញ្ចាតិហូឡង់សង្ឃឹមថានឹងទទួលបានការបំភ្លឺបន្ថែមទៀតអំពីអនាគតនៃស្ថានភាពកម្មសិទ្ធិក្នុងពេលឆាប់ៗនេះ។ លោកTen Hag ចង់ពង្រឹងតំណែងចំនួនបួននៅក្នុងក្រុម Man United របស់គាត់នៅរដូវកាលក្រោយ រួមទាំងការចុះហត្ថលេខាលើខ្សែប្រយុទ្ធ “លំដាប់ពិភពលោក” ។
គាត់ក៏មានបំណងចង់ចុះហត្ថលេខាលើខ្សែបម្រើដ៏មានគុណភាព ខ្សែការពារកណ្តាល ក៏ដូចជាអ្នកចាំទី ដើម្បីប្រកួតប្រជែងជាមួយ David de Gea ។ ការចាញ់របស់បិសាចក្រហមMan Utd ទល់និង Man City កាលពីថ្ងៃសៅរ៍បានបង្ហាញឱ្យឃើញពីមូលហេតុដែល Ten Hag អស់សង្ឃឹមក្នុងការចុះហត្ថលេខាកីឡាករលើតំណែងទាំងនេះឱ្យបានឆាប់តាមដែលអាចធ្វើទៅបាន។
ទោះជាយ៉ាងណាក៏ដោយ គ្រូបង្វឹករូបនេះនៅតែមិនទាន់ដឹងថា តើថវិកាផ្ទេរនឹងទៅជាយ៉ាងណាសម្រាប់រដូវក្តៅខាងមុខ ដោយសារភាពមិនច្បាស់លាស់ថាតើអ្នកណានឹងក្លាយជាម្ចាស់ថ្មីរបស់ Man Utd នៅប៉ុន្មានខែខាងមុខ។មុខតំណែងចំនួនបួន Ten Hag មានគោលបំណងពង្រឹងនៅក្នុងរដូវក្តៅ – មួយគឺអ្នកចាំទី
(Khmer) គេចមិនផុតនោះទេ! Mason Mount បានប្រឈមមុខនឹងអ្នកកាសែតដែលចង់សំណួរអំពីអនាគត ពេលគាត់ទៅទស្សនាព្រឹត្តិការណ៍ប្រណាំងឡាន F1 Spanish Grand Prix ក្នុងទីក្រុង Barcelona ។
មុនពេលការប្រណាំងបានចាប់ផ្ដើម អ្នកយកព័ត៌មាន Sky Sports បានឡើងជួប Mount បន្ទាប់ពីអ្នកកាសែតរូបនោះជជែកជាមួយ Ben Chilwell ហើយបាននិយាយបែបលេងសើចថា៖«គាត់ ( Chilwell) បាននិយាយថាអ្នកនឹងទៅ Manchester United» ។
បន្ទាប់ពីសើចមួយសិន Mount បានឆ្លើយថា៖ «ខ្ញុំមកនេះដើម្បីរីករាយនឹងការប្រណាំងឡានទេ។ ថ្ងៃនេះជាថ្ងៃអស្ចារ្យ ខ្ញុំកំពុងទន្ទឹងរង់ចាំមើលការប្រណាំងឡាន»។
Mount ត្រូវបានគេអះអាងថាកំពុងពិភាក្សាក្នុងការចុះហត្ថលេខាជាមួយ Man United ដោយបញ្ហាធំបំផុតគឺការទាមទារតម្លៃខ្លួនខ្ពស់របស់ Chelsea សម្រាប់កីឡាករូបនេះរដែលកុងត្រារបស់គាត់នឹងអស់សុពលភាពរយៈពេលមួយឆ្នាំទៀត។
(Khmer) ប្រភពជាច្រើនបានរាយការណ៍ថា Mateo Kovacic កំពុងស្ថិតក្នុងដំណាក់កាលនៃការផ្លាស់ទៅ Man City ។ កីឡាករក្រូអាតគឺជាកីឡាករម្នាក់ក្នុងចំណោមកីឡាករដែលល្អជាងក្នុងរដូវកាលនេះ ហើយគាត់ច្បាស់ណាស់ថាគាត់មិនស្លាប់ក្រឡាដូចកីឡាករដទៃទៀតទេ។
ដូច្នេះហេតុអ្វីបានជា Chelsea នឹងលក់គាត់? កាសែត The Athletic បានបង្ហាញមូលហេតុខាងក្រោម៖
វាជាការផ្ដល់ភាពយុត្តិធម៌ដល់ផ្នែកហិរញ្ញវត្ថុរបស់ក្លិប៖ Chelsea ត្រូវការតុល្យភាពបញ្ជីចំណូលចំណាយ បន្ទាប់ពីពួកគេបានចំណាយប្រាក់ជាង 600 លានផោនក្នុងទីផ្សារដោះដូរកីឡាករពីរលើកកន្លងមក។ ការទទួលបានតម្លៃដ៏សមរម្យមួយពីការលក់គាត់ ត្រូវបានគេរាយការណ៍ថាចន្លោះពី 30 លានផោនទៅ 40 លានផោន ខណ៖ដែលគាត់ជាកីឡាករនៅសល់កុងត្រារយៈពេលមួយឆ្នាំទៀត ដែលនោះច្បាស់ណាស់ថាវាគឺជាកិច្ចព្រមព្រៀងដ៏ល្អ។
លើសពីនេះ Kovacic គឺជាអ្នករកចំណូលបានច្រើនបំផុតក្នុងក្រុម ដូច្នេះការបិទបញ្ជីប្រាក់ឈ្នួលពីគាត់នឹងមានប្រយោជន៍ផ្នែកហិរញ្ញវត្ថុរបស់ក្លិប។
ការកសាងប្រព័ន្ធខ្សែបម្រើថ្មី។ ក្រុមតោខៀវ Chelsea មានកីឡាករលើសតម្រូវការ ហើយពួកគេត្រូវការលក់កីឡាករដើម្បីកាត់កង។ Chelsea ចង់បង្កើតខ្សែបម្រើថ្មីរបស់ពួកគេជាមួយ Enzo Fernandez ដូច្នេះគ្មាននរណាម្នាក់មានសុវត្ថិភាពទេ។
កត្តាអាយុជារឿងមួយដែលត្រូវគិត៖ នៅអាយុ 29 ឆ្នាំ Kovacic មិនក្មេងទៀតទេ។ តម្លៃ £៣០ឬក៏៤០លានផោនគឺជាតម្លៃដ៏ល្អបំផុតដែលអ្នកអាចទទួលបានសម្រាប់កីឡាករអាយុកម្រិតនេះ ដូច្នេះហេតុអ្វី Chelsea ត្រូវបដិសេធសំណើនេះ?
គុណភាពក្រុម៖ ថ្វីត្បិតតែជាកីឡាករដែលល្អសមរម្យ និងបានបង្ហាញខ្លួនចំនួន 221 លើកអំឡុងពេលគាត់នៅChelsea ប៉ុន្តែ Kovacic មិនដែលក្លាយជាកីឡាករសំខាន់ដូច Kante និង Jorginho នោះទេ។ ការបាត់បង់គាត់នឹងមិនមានគ្រោះថ្នាក់ខ្លាំងចំពោះ Chelsea នោះទេ។
Asia News
(Khmer) សមាគមបាល់ទាត់ថៃបានប្រកាសបញ្ជីឈ្មោះកីឡាករជម្រើសជាតិថៃទាំង២៣រូប ត្រៀមសម្រាប់ FIFA Day កម្ដៅសាច់ដុំក្នុងខែមិថុនា ជាមួយកម្មវិធីប្រកួតដោយធ្វើដំណើរទៅជួបតៃវ៉ាន់ និងហុងកុង នៅថ្ងៃទី 16 និង 19 ខែមិថុនា ឆ្នាំ 2023
សម្រាប់បញ្ជីឈ្មោះកីឡាករជម្រើសជាតិថៃទាំង២៣នាក់មានដូចខាងក្រោម៖
