International News
(Khmer) ខ្សែការពារ Joao Cancelo ដែលជាកីឡាកររបស់ Manchester City ត្រូវបានក្រុមចោរមួយក្រុម ដែលមានសមាជិកបួននាក់ ធ្វើសកម្មភាពគាស់ផ្ទះរបស់គេដើម្បីលួចយកគ្រឿងអលង្ការ។
ហេតុការណ៍នេះ បានកើតឡើងកាលពីយប់មិញ ស្របពេលដែល Cancelo ក៏បានប្រទាញប្រទង់ជាមួយក្រុមចោរផងដែររហូតមានរបួសខ្លួនឯងត្រង់ចិញ្ចើម។
Cancelo បាននិយាយថា៖
«ជាអកុសល ខ្ញុំត្រូវបានមនុស្សកំសាកបួននាក់ព្យាយាមធ្វើបាបខ្ញុំ និង គ្រួសាររបស់ខ្ញុំ។ ពួកគេបានយកគ្រឿងអលង្ការទាំងអស់ដែលខ្ញុំមាន និង បន្សល់ស្លាកស្នាមរបួសលើផ្ទៃមុខរបស់ខ្ញុំ។ រឿងដែលសំខាន់បំផុត គឺ គ្រួសាររបស់ខ្ញុំ ហើយ ជារឿងសំណាងបំផុត ដែលពួកគេមិនមានបញ្ហាអ្វីកើតឡើង៕»
ប្រភព៖ Metro
National News
(Khmer) សហព័ន្ធកីឡាបាល់ទាត់អាស៊ាន (AFF) បានបញ្ជាក់ថា ព្រឹត្តិការណ៍ AFF Club Championship ឆ្នាំ 2022 នឹងត្រូវលុបចោល ដោយសារមិនមានលទ្ធភាពកំណត់ពេលវេលាសមស្របនៅឆ្នាំ 2022។
មុននោះ! ការប្រកួតដំបូងគ្រោងនឹងធ្វើឡើងនៅឆ្នាំ ២០២០ ប៉ុន្តែត្រូវបានពន្យារពេល ដោយសារជំងឺរាតត្បាត COVID-19។ ការប្រកួតត្រូវបានពន្យារពេលម្តងទៀតរហូតដល់ឆ្នាំ 2022 ដោយសារការកំណត់កាលវិភាគប្រកួតឡើងវិញនៅឆ្នាំ 2021។
(Khmer) កីឡាករ Kylian Mbappe ដែលជាខ្សែប្រយុទ្ធរបស់ Paris Saint Germain បានចាត់ទុក Mohamed Salah ជា កីឡករដែលល្អជាងគេម្នាក់នៅលើលោក។
កីឡាករសញ្ជាតិអេហ្សីបខាងលើ កំពុងតែលេចធ្លោមែនទែននៅក្នុងរដូវកាលនេះ តាមរយៈការស៊ុតបញ្ចូលទីសរុបចំនួន២២គ្រាប់ គិតគ្រប់ព្រឹត្តិការណ៍ ហើយ រូបគេជាកម្លាំងស្នូលសំខាន់បំផុតដែល Liverpool មិនអាចខ្វះបាន។
Mbappe បាននិយាយថា៖
«Salah ជា កីឡករដែលល្អជាងគេម្នាក់នៅលើលោក។ គាត់ស្ថិតនៅក្នុងចំណោមកីឡាករទាំង៦រូបប្រជែងយកពានរង្វាន់ Globe Soccer Award និង តែងតែរកគ្រាប់បាល់បានឲ្យ Liverpool។ ខ្ញុំចូលចិត្តមើលការលេងរបស់គាត់ ហើយ គេជាកីឡាករដ៏អស្ចារ្យ៕»
(Khmer) លោក William Gallas ដែលជាអតីតខ្សែការពារក្លិប Arsenal បានចាត់ទុក កីឡាករ Thiago Silva និង Ruben Dias ជា ខ្សែការពារពីររូបដែលល្អជាងគេប្រចាំក្របខណ្ឌ Premier League។
វាជារឿងដ៏គួរឲ្យភ្ញាក់ផ្អើលមែនទែនដែលលោក Gallas បានមើលរំលងមិនជ្រើសរើសយក Virgil van Dijk របស់ Liverpool ដោយលោកសម្លឹងឃើញ Silva និង Dias មានចំណុចល្អៗច្រើនជាងកីឡាករសញ្ជាតិហូល្លង់ខាងលើ។
លោក Gallas បាននិយាយថា៖
«ខ្ញុំនឹងនិយាយពីកីឡាករពីររូប។ ទីមួយនោះ គឺ Silva អ្វីដែលគាត់បានផ្តល់ឲ្យ Chelsea គឺ ធំធេងខ្លាំងមែនទែន។ ដូចដែលអ្នករាល់គ្នាបានដឹងហើយ វាមិនមែនជារឿងងាយស្រួលនោះទេក្នុងការលេងនៅក្របខណ្ឌ Premier League។ វាទាមទារឲ្យមានកាយសម្បទាល្អ ហើយ គាត់មានវ័យ៣៧ឆ្នាំទៅហើយ។ ម្នាក់ទៀត គឺ Dias របស់ Manchester City គាត់ជាកីឡាករដ៏រឹងមាំ និង វ័យឆ្លាត។ គាត់មិនបង្កកំហុសច្រើនឡើយ ហើយ គាត់មិនចូលចិត្តនិយាយច្រើនទេ។ ដូច្នេះសម្រាប់ខ្ញុំ ពួកគេទាំងពីរជាខ្សែការពារល្អជាងគេនៅ Premier League៕»
(Khmer) កីឡាករ Federico Chiesa ដែលជាខ្សែប្រយុទ្ធរបស់ក្លិប Juventus បានចេញមុខកោតសរសើរចំពោះការលះបង់ និង កម្លាំងកាយចិត្តរបស់ Cristiano Ronaldo ក្នុងបាល់ទាត់ និង បានបន្ថែមថា រូបគេជាកីឡាករដែលមកពីភពផ្សេង។
Chiesa ជា អតីតមិត្តរួមក្រុមរបស់ Ronaldo នៅ Juventus បានមួយរដូវកាលផងដែរ ពោលកាលពីរដូវកាលមុន ដោយ រូបគេបានសារភាពថា កីឡាករសញ្ជាតិព័រទុយហ្កាល់ ខាងលើ ជាគម្រូរបស់គេក្នុងបាល់ទាត់។
Cheisa បាននិយាយថា៖
«ខ្ញុំពិតជាមានសំណាងខ្លាំងណាស់ដែលបានចំណាយពេលមួយឆ្នាំជាមួយកីឡាករល្អជាងគេបំផុតម្នាក់ក្នុងប្រវត្តិសាស្តបាល់ទាត់ គឺ Ronaldo។ ការដែលបានឃើញការលះបង់កម្លាំងកាយចិត្តរបស់គាត់ ជា គម្រូសម្រាប់ខ្ញុំក្នុងបាល់ទាត់។ គាត់ជាកីឡាករមកពីភពផ្សេង។ ខ្ញុំពិតជាសប្បាយចិត្តណាស់ដែលបានធ្វើការជាមួយគាត់»
(Khmer)
លោក Carlton Cole ដែលជាអតីតខ្សែប្រយុទ្ធក្លិប Chelsea ជឿជាក់ថា ខ្សែការពារ Antonio Rudiger នឹងគ្មានថ្ងៃផ្លាស់ទៅកាន់ Arsenal ឡើយ។
Rudiger បច្ចុប្បន្នដែលជាកម្លាំងស្នូលនៃតំបន់ការពាររបស់ Chelsea នៅសេសសល់កុងត្រាជាមួយក្រុមតែជាង៦ខែទៀតប៉ុណ្ណោះ ខណៈ រូបគេមិនទាន់បានសម្រេចចិត្តបន្តកុងត្រាថ្មីនៅឡើយទេ។
ដូច្នេះ ប្រសិនបើរូបគេមិនបន្តកិច្ចសន្យាថ្មីទេ មានន័យថា បញ្ចប់រដូវកាលនេះ កីឡាករសញ្ជាតិអាល្លឺម៉ង់ខាងលើអាចចាកចេញបានដោយគ្មានតម្លៃខ្លួន ខណៈ រូបគេកំពុងមានពាក្យចចាមអារ៉ាមក្នុងការផ្ទេរទៅកាន់ Real Madrid, Bayern Munich និង Paris Saint Germain។
លោក Cole បាននិយាយថា៖ គ្មានថ្ងៃ Rudiger ផ្លាស់ទៅកាន់ Arsenal ឡើយ។ គាត់មិនចង់ផ្ទេរទៅលេងនៅទីនោះទេ៕
(Khmer) Erling Haaland ដែលជាខ្សែប្រយុទ្ធវ័យក្មេងរបស់ Borussia Dortmund បានសារភាព ថារូបគេតែងតែចាត់ទុក Cristiano Ronaldo ជា គម្រូរបស់គេនៅក្នុងអាជីពបាល់ទាត់។
Haaland បច្ចុប្បន្នដែលមានវ័យ២១ឆ្នាំ កំពុងបង្ហាញទម្រង់លេងល្អឥតខ្ចោះជាមួយ Dortmund ហើយ តែងតែបង្កើតនូវភាពភ្ញាក់ផ្អើលតាមរយៈថ្វីជើងបញ្ចប់ទីរបស់ខ្លួន។ មកទល់ពេលនេះ កីឡាករសញ្ជាតិន័រវ៉េសខាងលើ កំពុងត្រូវបានក្លិបធំៗនៅតំបន់អឺរ៉ុបចង់បានខ្លាំងមែនទែនដូចជា Real Madrid, Barcelona, Manchester United, Manchester City និង Bayern Munich ជាដើម។
Haaland បាននិយាយថា៖” ខ្ញុំចង់ជួបជាមួយ Ronaldo និង និយាយពាក្យអរគុណទៅកាន់គាត់ ថា ខ្ញុំអាចក្លាយជាកីឡាករបាល់ទាត់បានដោយសារគាត់។ គាត់តែងតែជាគម្រូសម្រាប់ខ្ញុំ”៕
(Khmer) ក្រុមជម្រើសជាតិថៃនឹងត្រូវជួបក្រុមជម្រើសជាតិឥណ្ឌូនេស៊ីក្នុងវគ្គផ្ដាច់ព្រ័ត្រដែលធ្វើឡើង២ជើងក្នុងពានរង្វាន់ AFF Suzuki Cup 2020 ។ វាជាជំនួបរវាងក្រុមឈ្នះជើងឯកច្រើនជាងគេ និងក្រុមបានជើងរងច្រើនជាងគេក្នុងប្រវត្តិសាស្រ្តពានរង្វាន់បាល់ទាត់ធំជាងគេបំផុតនៅអាស៊ីអាគ្នេយ៍មួយនេះផងដែរ។ នៅក្នុងសន្និសីទសារព័ត៌មានមុនការប្រកួតវគ្គផ្ដាច់ព្រ័ត្រជាមួយឥណ្ឌូនេស៊ី លោក Mano Polking បាននិយាយថា៖ “យើងដឹងពីកំណត់ត្រារបស់ឥណ្ឌូនេស៊ីយ៉ាងច្បាស់ ហើយពួកគេបានខិតទៅជិតទទួលបានជើងឯកជាច្រើនដង ប៉ុន្តែមិនថាអ្នកណាចូលដល់វគ្គផ្តាច់ព្រ័ត្រនោះទេ យើងត្រូវរំពឹងថានឹងឈ្នះជើងឯក។ ពួកគេមានពេលសម្រាកច្រើនជាងយើងមួយថ្ងៃ ប៉ុន្តែមិនមានផលប៉ះពាល់អ្វីឡើយ ក្រុមជម្រើសជាតិថៃ យើងនឹងវិភាគការប្រកួត ស្វែងរកផែនការហ្គេម និងជ្រើសរើសកីឡាករល្អបំផុត ដើម្បីលេងក្នុងហ្គេមនេះហើយ កុំគិតច្រើនពេក។ ក្រុមទាំងពីរគួរតែស្ថិតនៅចំណុចនេះ ហើយក្រុមថៃនឹងព្យាយាមឱ្យអស់ពីសមត្ថភាពដើម្បីក្លាយជាម្ចាស់ជើងឯក»។
“ឥឡូវនេះខ្ញុំគិតថាវាលឿនពេកក្នុងការនិយាយអំពីការក្លាយជាក្រុមលេខ ១នៅអាស៊ាន។ ក្រុមថៃនៅតែមានគោលដៅដើម្បីនាំយកជើងឯកមកផ្ទះ។ នៅមានការប្រកួតដ៏លំបាកចំនួន២ដែលត្រូវទៅ ហើយយើងនឹងត្រូវផ្តោតលើវា” ។
“ឥណ្ឌូណេស៊ីជាក្រុមដែលអាចលេងក្នុងទម្រង់ផ្សេងៗគ្នាដូចជាការប្រកួតជាមួយវៀតណាមដែរគឺអាចលេងបានយ៉ាងល្អនិងរក្សាលទ្ធផល០-០។ ខណៈការប្រកួតផ្សេងទៀតពួកគេបានបង្ហាញថាមានការវាយសម្រុកដ៏គ្រោះថ្នាក់ ដូច្នេះក្រុមថៃត្រូវតែរៀបចំដើម្បី គ្រប់គ្រង និងរៀបចំផែនការឱ្យបានល្អ ពិតណាស់ឥឡូវនេះ”។
“វាជាការប្រកួតរយៈពេល ១៨០នាទី ដែលអ្វីគ្រប់យ៉ាងគឺស្មើ ០-០ ម្តងទៀត។ ថៃនឹងត្រូវតែចាប់ផ្តើមឲ្យបានល្អដូចការប្រកួតជាមួយនឹងវៀតណាម ព្រោះវានឹងជួយរៀបចំការប្រកួតលើកទីពីរ»។
“សម្រាប់៦ប្រកួតកន្លងមក ក្រុមជម្រើសជាតិថៃ គឺជាក្រុមដែលគ្រប់គ្រងបាល់ច្រើនជាងការប្រកួតទាំងអស់ ហើយការត្រួតត្រាបាល់គឺជាកម្លាំងរបស់ក្រុម។ ខ្ញុំគិតថាវាមិនមែនជាបញ្ហាទេ។ ប្រហែលជាគ្រូបង្វឹកកូរ៉េខាងត្បូងអាចមើលទៅ នៅផ្នែកខ្លះនៃការប្រកួតទល់នឹងវៀតណាម និងមានការយល់ខុសកាន់តែច្រើន»។
“ជាអកុសលសម្រាប់ Chattchai Butphrom របួសជង្គង។ Chattchai គឺជាមនុស្សសំខាន់របស់ក្រុមដែលជួយក្រុមឡើងដល់វគ្គផ្តាច់ព្រ័ត្រ ហើយចង់លេងទាំងពីរប្រកួតដូចគ្នា ខណៈ Teerathon គឺជាកីឡាករដែលមានបទពិសោធន៍ច្រើនជាងគេក្នុងក្រុម និងជាកីឡាករដែលមានគុណភាព។ ទោះជាយ៉ាងនេះក្តី !ពួកយើងនឹងមិនមាន Teerathon ក្នុងការប្រកួតជើងទីមួយយហើយ វាជាការល្អដែលដែលទុកពេលវេលាឱ្យ Teerathon ក្នុងការប្រកួតទី 2 ផងដែរ។ ចំណែកតំណាងក្រុមជម្រើសជាតិថៃវិញ គុណភាពកីឡាករបម្រុងគឺល្អ ដូច្នេះមិនមានបញ្ហាអ្វីទេ»។
“ទីលានពិតជាមិនសូវល្អទេ ព្រោះពួកយើងបានលេងច្រើនប្រកួត ប៉ុន្តែនៅពេលដែលគាត់ (Chin Tae Yong) និយាយថាក្រុមរបស់យើងមិនអាចគ្រប់គ្រងបាល់បានទេ ដូច្នេះប្រសិនបើទីលានមិនល្អវាមិនមានបញ្ហាជាមួយពួកយើងទេ”។
“អ្វីដែលគួរអោយចាប់អារម្មណ៍បំផុតរបស់ក្រុមឥណ្ឌូនេស៊ីគឺរបៀបលេងរបស់គេ។ ក្រុមទាំងមូលគឺជាក្រុមក្មេងៗ ហើយឧស្សាហ៍ព្យាយាម។ គ្រូបង្វឹកផ្ទាល់មានបទពិសោធន៍ច្រើន ប៉ុន្តែក្រុមជម្រើសជាតិថៃនឹងមើលតែក្រុមរបស់គេតែប៉ុណ្ណោះ។ ការប្រកួតដ៏លំបាកចំនួន ២ ប៉ុន្តែនឹងប្រឹងប្រែងឱ្យអស់ពីសមត្ថភាពដើម្បីនាំយកពានរង្វាន់ជើងឯកត្រឡប់មកវិញ! ខ្ញុំអាចធ្វើបាន»។