(Khmer) លោក Oleg Starynskyi បាននិយាយពីការប្រកួតជាមួយក្រុម Macarthur នៅប្រទេសអូស្រ្តាលីក្នុងសន្និសីទកាសែត​កាលពីម្សិលមិញ​ហើយ​លោក​ថា​ក្រុមទាំងមូល ចង់​ឡើង​ទៅ​វគ្គបន្ត។

«យើងចង់ឡើងទៅកាន់វគ្គបន្ត ដូច្នេះវាគឺជាការប្រកួតថ្ងៃស្អែកនេះគឺជាការប្រកួតដ៏សំខាន់សម្រាប់យើង។ នៅពេលនេះយើងមានឱកាសក្នុងការឡើងទៅជុំបន្ទាប់ ដូច្នេះយើងសង្ឃឹមថានឹងអាចធ្វើវាបាន ហើយវានឹងក្លាយទៅជារឿងប្រត្តិសាស្រ្តផងដែរ»។

«អ្វីៗដែលកើតឡើងពីមុនយើងមិនផ្តោតអារម្មណ៍ទេ បើទោះបីជាយើងឈ្នះគេ ៣-០ ក៏ដោយនៅក្នុងដីរបស់យើង។ ស្អែកនេះគឺជាការប្រកួតដ៏ពិបាកបំផុត។ ខ្ញុំរំពឹងថាវានឹងក្លាយជាការប្រកួតដែលលំបាកខ្លាំង Macarthur គេចំណេញច្រើនសម្រាប់ការប្រកួតក្នុងដីនេះ ប៉ុន្តែយើងក៏ត្រូវរក្សាគុណភាពនៃការលេងរបស់យើងដូចគ្នា»។

លើស​ពី​នេះ​លោក​បាន​បង្ហាញកង្វល់​មួយ​គឺ​ការ​ធ្វើ​ដំណើ​ច្រើន​ម៉ោង ធ្វើឱ្យ​កីឡាករឍពិបាក​រក្សា​កម្លាំង។ លោក​បន្ត​ថា៖« យើងបានធ្វើដំណើរច្រើនម៉ោងណាស់ដើម្បីមកដល់ទីនេះ ហើយមានភាពខុសគ្នាច្រើនទាំងអាកាសធាតុ និងទីតាំងផងដែរ ដូច្នេះវាជារឿងពិបាក។»

(Khmer) ការប្រកួត Champions League ថ្ងៃនេះទល់នឹង Shakhtar Donetsk នឹងត្រូវលេងនៅលើទីលានអព្យាក្រឹត ក្នុងទីក្រុង Hamburg របស់ប្រទេសអាល្លឺម៉ង់។

ហេតុផលសម្រាប់ការណ៍នេះ គឺជាការពិតណាស់! ការឈ្លានពានរបស់រុស្ស៊ីដែលកំពុងបន្តមកកាន់ប្រទេសអ៊ុយក្រែនមិនទាន់បញ្ឈប់នោះទេ។ មិនមានការប្រកួតអន្តរជាតិណាមួយត្រូវបានលេងក្នុងប្រទេសអ៊ុយក្រែន ដែលច្បាប់អាជ្ញាសឹករបស់ UEFA បានដាក់ចេញកាលពីឆ្នាំមុន។

ក្លិបអ៊ុយក្រែនមានជម្រើសជាច្រើនក្នុងការជ្រើសរើស ខណៈពេលដែលជ្រើសរើស ‘ផ្ទះ’ ថ្មីរបស់ពួកគេក្នុងការប្រកួតអឺរ៉ុប។ Shakhtar បានជ្រើសរើសទីក្រុងមួយក្នុងចំណោមទីក្រុងភាគខាងជើងដ៏ធំបំផុតរបស់ប្រទេសអាល្លឺម៉ង់ដែលផ្តល់ជំនួយដល់ក្លិបបាល់ទាត់របស់ពួកគេ។

វាត្រូវចំណាយពេល 11 ម៉ោងដើម្បីទៅដល់ទីក្រុង Hamburg ពីទីក្រុង Kyiv ដោយការជិះឡានក្រុង ដូច្នេះអ្នកអាចហៅវាថា “ផ្ទះថ្មី” របស់ពួកគេបាន។

តាមពិត Shakhtar មិនបានលេងនៅកីឡដ្ឋាន Donbass Arena ផ្ទះរបស់ពួកគេអស់រយៈពេលជិត 10 ឆ្នាំមកហើយ ដោយសារសង្រ្គាមនៅក្នុងតំបន់ Donbas ។ ដំបូងពួកគេត្រូវបង្ខំចិត្តផ្លាស់ទៅ Lviv បន្ទាប់មកទៅ Kharkiv និងចុងក្រោយទៅ Kyiv ជាកន្លែងដែលពួកគេលេងការប្រកួតជើងឯកក្នុងស្រុក។ កាលពីរដូវកាលមុន Shakhtar បានលេងក្នុងការប្រកួត Champions League ក្នុងផ្ទះរបស់ពួកគេក្នុងប្រទេសប៉ូឡូញ។

រុស្ស៊ីនៅតែបំផ្លាញទីក្រុងអ៊ុយក្រែន និងសម្លាប់ជនស៊ីវិលរួមទាំងក្មេងៗដោយអាវុធទាំងអស់ដែលអាចស្រមៃបាន។ យើងថ្កោលទោសយ៉ាងម៉ឺងម៉ាត់ចំពោះអំពើប្រល័យពូជសាសន៍ និងអំពើភេរវកម្មរបស់ពូទីនប្រឆាំងនឹងអ៊ុយក្រែន។

(Khmer) Manchester United បានសម្រេចចិត្តមិនរក្សា Mason Greenwood លេងនៅក្លិបនៅរដូវក្តៅនេះ ដោយបានបញ្ជូនខ្សែប្រយុទ្ធដែលកំពុងជាប់កិច្ចសន្យាឱ្យចាកចេញទៅលេងខ្ចីជើងនៅក្លិបអេស្ប៉ាញ Getafe ។

ទោះបីជាការចោទប្រកាន់ទាំងអស់អំពីការប្រើប្រាស់អំពើហិង្សា និងការរំលោភបំពានលើកីឡាករ ត្រូវបានដកចេញក៏ដោយ ក៏បិសាចក្រហមយល់ពីស្ថានភាព និងកត្តាប៉ះពាល់មួយចំនួន។

យោងតាមលោក Ben Jacobs អ្នកសរសេរព័ត៌មានកីឡារបស់ GiveMeSport កីឡាករវ័យ 22 ឆ្នាំ “នឹងមិនលេងឱ្យ Man United ទៀតទេ” ទោះបីជាការសម្តែងគុណផលរបស់គាត់កំពុងតែរីកចម្រើនក្នុងលក្ខខណ្ឌខ្ចីជើងនៅ La Liga ក៏ដោយ។

អនាគតរយៈពេលវែងរបស់ Greenwood នឹងត្រូវបានវាយតម្លៃនៅចុងបញ្ចប់នៃរដូវកាល 2023/24 ដោយបិសាចក្រហមបើកចិត្តឱ្យគាត់ចាកចេញលើការផ្ទេរជាអចិន្ត្រៃយ៍។

(Khmer) សហព័ន្ធកីឡាបាល់ទាត់ឡាវ (LFF) បានបើកកិច្ចប្រជុំនៅសប្តាហ៍នេះ ដើម្បីពិភាក្សាអំពីការអភិវឌ្ឍន៍បន្ថែមទៀតនៃកីឡាបាល់ទាត់នារី ខណៈដែលពួកគេប្រាថ្នាចង់សម្រេចបានលទ្ធផលល្អប្រសើរតាមរយៈការប្រកួត និងការគាំទ្រកាន់តែច្រើន។

កិច្ចប្រជុំនេះមានការចូលរួមពីប្រធាន LFF លោក Viphet Sihachakr; អគ្គនាយក​នៃ​អគ្គនាយកដ្ឋាន​កីឡា​វរជន​នៃ​ក្រសួង​អប់រំ និង​កីឡា លោក Sengphone Phonamath តំណាង​មក​ពី FIFA និង​អង្គការ​ផ្សេង​ទៀត​មក​ពី​ទីក្រុង​វៀងចន្ទន៍ និងមកពីតាមបណ្ដាខេត្ត។

អគ្គលេខាធិការ LFF លោកស្រី កាន់យ៉ា កែវម៉ាន់នី (Kanya Keomany) បាននិយាយក្នុងកិច្ចប្រជុំថា៖ «យើងសង្ឃឹមថានឹងជំរុញកីឡាបាល់ទាត់នារីដោយរៀបចំការ​ប្រកួត LFF Women’s League (21 តុលា ដល់ 20 ធ្នូ 2023)»។

«LFF ក៏​កំពុង​ជួយ​ដល់​បាល់ទាត់​យុវជន​ដោយ​រៀបចំ​ការ​ប្រកួត​នៅ​គ្រប់​ខេត្ត។ ការងារ​ទាក់ទង​នឹង​កីឡា​បាល់ទាត់​នារី​ត្រូវ​បាន​គាំទ្រ​ដោយ​ក្រសួង​អប់រំ និង​កីឡា សហព័ន្ធ​កីឡាបាល់ទាត់​ទីក្រុង​វៀងចន្ទន៍ ក្លិប​បាល់ទាត់ និង​អ្នក​ឧបត្ថម្ភ​»​។

អគ្គលេខាធិការ LFF លោកស្រី កាន់យ៉ា កែវម៉ាន់នី (Kanya Keomany) ត្រូវបានតែងតាំងជាសមាជិក FIFA និង AFC ខណៈលោកស្រី ភូ សាវ៉ាន់ ច័ន្ទថាវង្ស (Ms Phoutsavanh Chanthavong) ត្រូវបានតែងតាំងជាអាជ្ញាកណ្តាលកម្រិត AFC Elite ។

សហព័ន្ធកីឡាបាល់ទាត់ឡាវ( LFF) បានទទួលស្គាល់សារៈសំខាន់នៃការរួមបញ្ចូលស្ត្រីនៅក្នុងផែនការអភិវឌ្ឍន៍របស់ពួកគេ។ ក្រុមនារីចំនួនប្រាំបីមកពីទីក្រុង​វៀងចន្ទន៍ និងខេត្តនានាកំពុងប្រកួតប្រជែងក្នុងលីគនារីឡាវឆ្នាំ 2023 ដោយការប្រកួតត្រូវបានលេងនៅទីលានកីឡារបស់សហព័ន្ធកីឡាបាល់ទាត់ឡាវ( LFF) ។

(Khmer) នៅក្នុងសន្និសីទសារព័ត៌មានមុនការប្រកួត លោក Stephen Constantine គ្រូបង្វឹកជម្រើសជាតិប៉ាគីស្ថាន បានសង្កត់ធ្ងន់លើអាកប្បកិរិយាវិជ្ជមាន និងការផ្លាស់ប្តូររបស់ក្រុម មុនការប្រកួតកម្ពុជាដ៏សំខាន់ ៖

«វានឹងក្លាយជាការប្រកួតដ៏លំបាកមួយ ប៉ុន្តែខ្ញុំគិតថាអាកប្បកិរិយាសម្រាប់ពួកយើងត្រូវតែមានភាពវិជ្ជមាន។ ខ្ញុំ​គិត​ថា វា​នឹង​ក្លាយ​ជា​ក្រុម​ប៉ាគីស្ថាន​ខុស​ប្លែក​ពី​គេ ដែល​មនុស្ស​មើល​ឃើញ​ចាប់​ពី​ពេល​នេះ​ត​ទៅ ហើយ​សង្ឃឹម​ថា យើង​អាច​ទទួល​បាន​លទ្ធផល​នៅ​ទីនេះ និង​បញ្ចប់​ដំណើរ​ការ​យ៉ាង​ល្អនៅ​ទីក្រុង Islamabad»។

គ្រូបង្វឹករូបនេះបានបន្ថែមថា៖ «កម្ពុជាជាក្រុមល្អណាស់។ ខ្ញុំ​បាន​ប្រកួត​ជាមួយ​ពួកគេ​ពីរ​បី​ដង​កាលដឹកនាំជម្រើសជាតិ​ឥណ្ឌា។ នៅពេលដែលអ្នកមានក្រុមដែលត្រូវដោះស្រាយ ហើយមានគ្រូបង្វឹកដែលនៅទីនោះមួយរយៈ វាធ្វើឱ្យមានភាពខុសគ្នាទាំងអស់។ សំណាង​មិន​ល្អ​យើង​ជួបគ្នាយឺត​ពេក»។

«ខ្ញុំត្រូវតែនិយាយថាអាកប្បកិរិយារបស់កីឡាករគឺល្អមិនគួរឱ្យជឿ ហើយពួកគេបានធ្វើការខ្លាំងជាងពីមុនបន្តិច។ ខ្ញុំសង្ឃឹមថាថ្ងៃនេះអ្នកនឹងឃើញប៉ាគីស្ថានថ្មី និងការចាប់ផ្តើមបាល់ទាត់ថ្មី»។

(Khmer) គ្រូបង្វឹកសញ្ជាតិអង់គ្លេសលោក Stephen Constantine ដែល​ទើប​តែ​ទទួល​បាន​តួនាទីគ្រូបង្វឹក​ជម្រើសជាតិប៉ាគីស្ថាន បាន​បង្ហាញផលវិបាកមួយចំនួនក្នុងការ​រៀបចំ​ក្រុមឈុតធំប៉ាគីស្ថានអំឡុងពេលវគ្គជម្រុះ FIFA World Cup ឆ្នាំ 2026 ទល់នឹងកម្ពុជានៅប៉ុន្មានថ្ងៃខាងមុខនេះ។

លោក Stephen Constantine មិនទាន់​បាន​ប្រមូលផ្ដុំកីឡាករ​ហ្វឹកហាត់បានពេញលេញអស់រយៈពេល 4 ឬ 5 ថ្ងៃមក​ហើយ។ លោក​ថា ស្ថានភាពពិបាកសម្រាប់​លោកគឺការ​ប្រមូលផ្ដុំកីឡាករ និងបង្វឹកពួកគេពីទស្សនៈដឹកនាំរបស់គាត់។ ថ្វីត្បិតតែដឹងពីឧបសគ្គបែបនេះក៏ដោយ លោក Stephen ដែលជាអតីតគ្រូបង្វឹកឥណ្ឌា បាននិយាយថាប៉ាគីស្ថាននឹងក្លាយជាអង្គភាពផ្សេងមួយទៀត នៅក្នុងវគ្គជម្រុះជាមួយកម្ពុជា។

Stephen បានប្រាប់ក្រុមអ្នកយកព័ត៌មានថា៖ «ខ្ញុំមិនអាចទស្សន៍ទាយថានឹងមានអ្វីកើតឡើងនៅក្នុងការប្រកួតខាងមុខនេះ ប៉ុន្តែខ្ញុំគិតថាអាកប្បកិរិយារបស់កីឡាករ និងឆន្ទៈក្នុងការលេងរបស់ពួកគេគឺពិសេស។ អ្នក​នឹង​ឃើញ​ក្រុម​ប៉ាគីស្ថាន​ខុស​គ្នា​ទាំង​ក្នុង​ការ​ប្រកួត​នៅ​កម្ពុជា និង​នៅ​ទីក្រុង​អ៊ីស្លាម៉ាបាដ។ ខ្ញុំមិនដឹងថាតើយើងឈ្នះទាំងពីរប្រកួត ឬយើងមានលក្ខណៈគ្រប់គ្រាន់ទេ ប៉ុន្តែអ្នកនឹងឃើញកីឡាករលេងអ្វីដែលយើងចង់ឱ្យពួកគេលេង ហើយនោះប្រាកដណាស់» ។

អតីតគ្រូបង្វឹកជម្រើសជាតិឥណ្ឌារូបនេះបន្តថា៖ «ខ្ញុំមានបញ្ជីការ​ប្រកួតរបស់​កីឡាករ ៤ ៥​នាក់​លេង​នៅ​ក្រៅប្រទេស។ ក្នុង​ចំណោម​កីឡាករ​ក្នុង​ស្រុក​ខ្លះ​មាន​អាយុ​ក្រោម​២៣​ឆ្នាំ ហើយ​ពួក​គេ​មាន​ការ​ប្រកួត​កាល​ពី​ពេល​ថ្មីៗ​នេះ ហើយ​ខ្ញុំ​មាន​មនុស្ស​គ្រប់​គ្រាន់​ក្នុង​ការ​ជួយ​ខ្ញុំ​ក្នុង​លក្ខខណ្ឌ​នៃ​ការ​ជ្រើសរើស។ យើងមានគ្រូបង្វឹកអ្នកចាំទីដែលនឹងសម្រេចចិត្តលើអ្នកចាំទី។ ខ្ញុំ​គិត​ថា​វា​មិន​ល្អ​ទេ ប៉ុន្តែ​នេះ​ជា​ស្ថានភាព​ដែល​យើង​មាន។ ខ្ញុំ​ចង់​មានពេលវេលា​មួយ​ខែ ឬ​ប្រាំមួយ​សប្ដាហ៍ ប៉ុន្តែ​យើង​អត់​មានពេលដល់ថ្នាក់ហ្នឹងទេ»។

នៅពេលសួរអំពីភាពខុសគ្នារវាងប៉ាគីស្ថាន និងឥណ្ឌា ចំពោះវិស័យបាល់ទាត់វិញលោកបាននិយាយថា ទេពកោសល្យកីឡាករនៅក្នុងប្រទេសប៉ាគីស្ថានមិនត្រូវបានអភិវឌ្ឍទេ។

«យើងមិនមានលីគអាជីពនៅក្នុងប្រទេសប៉ាគីស្ថាន ដែលជាបញ្ហាចម្បងដែលជាបញ្ហាដ៏ធំបំផុតដែលខ្ញុំត្រូវនិយាយនៅពេលនេះ» ។

ប៉ាគីស្ថាន នឹងធ្វើដំណើរមកកម្ពុជាសម្រាប់ជើងទី១ ដែលនឹងធ្វើឡើងនៅថ្ងៃទី១២ ខែតុលា មុននឹងទទួលស្វាគមន៍កម្ពុជា ក្នុងការប្រកួតជើងទី២ នៅកីឡដ្ឋាន Jinnah ក្នុងទីក្រុង Islamabad នៅថ្ងៃទី១៧ ខែតុលា។