International News
(Khmer) ខ្សែប្រយុទ្ធ Edinson Cavani នឹងអវត្តមានជួយ Manchester United ក្នុងការប្រកួតរាត្រីនេះទល់នឹង Atletico Madrid នេះបើតាមការបញ្ជាក់របស់លោក Ralf Rangnick។
Man Utd នឹងត្រូវមានភារកិច្ចសំខាន់ក្នុងការប្រកួតក្របខណ្ឌ Champions League រាត្រីនេះទល់នឹង Atletico Madrid នៃការប្រកួតជើងទី១ វគ្គ១៦ក្រុមចុងក្រោយ។
លោក Rangnick បាននិយាយថា៖«Cavani មិនបានហោះមកជាមួយពួកយើងឡើយ។ គាត់មិនបានហ្វឹកហាត់ និង បានចូលរួមហ្វឹកហាត់ប៉ុន្មានសប្តាហ៍មកហើយ។ គាត់មានបញ្ហត្រង់ក្រលៀន ហើយ ដរាបណាគាត់មិនទាន់ជាសះស្បើយ នោះ គ្មានហេតុផលណាដែលគាត់ត្រូវចូលរួមហ្វឹកហាត់ឡើយ»៕
(Khmer) លោក Thomas Tuchel ដែលជាអ្នកចាត់ការទូទៅរបស់ក្លិប Chelsea បានដាក់ឲ្យ Romelu Lukaku អង្គុយនៅកៅអីបម្រុងពេញ៩០នាទីតែម្តងក្នុងជ័យជម្នះទល់នឹង Lille នៃក្របខណ្ឌ Champions League កាលពីយប់មិញ។
កីឡាករសញ្ជាតិប៊ែលហ្សិកខាងលើ ខកខានក្នុងការបង្ហាញភាពខ្លាំងរបស់គេនាការប្រកួតប៉ុន្មានសប្តាហ៍ចុងក្រោយនេះជាពិសេសការប្រកួតកាលពីថ្ងៃសៅរ៍កន្លងទៅទល់នឹង Crystal Palace ដែលរូបគេប៉ះបាល់បានតែ៧ដងប៉ុណ្ណោះ ខណៈ យប់មិញលោក Tuchel បានឲ្យគេស្ថិតនៅបម្រុងជំនួសមកវិញដោយប្រើប្រាស់ Hakim Ziyech, Kai Havertz និង Christian Pulisic លេងជាជម្រើសដំបូង។
លោក Tuchel បាននិយាយថា៖«ខ្ញុំមានអារម្មណ៍ថា Lukaku ហត់នឿយបន្តិច ហើយ អ្នកត្រូវតែពិចារណាពីព្រោះគាត់លេងច្រើនមែនទែន។ ពួកយើងត្រូវប្រកួតរហូតដល់វគ្គថែមម៉ោងក្នុងពានរង្វាន់ Club World Cup វគ្គផ្តាច់ព្រ័ត្រ និង ធ្វើដំណើររយៈពេលយូរ។ ដូច្នេះវាជារឿងល្អសម្រាប់គាត់ក្នុងការស្ថិតនៅបម្រុងយប់មិញ ហើយ ផ្លាស់ប្តូរស្ថានការក្នុងពេលវេលាណាមួយប្រសិនបើយើងត្រូវការគាត់»៕
National News
(Khmer) វៀតណាម និងថៃបានដឹកដៃគ្នាឡើងទៅវគ្គពាក់កណ្តាលផ្តាច់ព្រ័ត្រនៃពានរង្វាន់ AFF U-23 Championship 2022 បើទោះបីជាថៃបានចាញ់វៀតណាម 1-0 ក្នុងការប្រកួតចុងក្រោយក្នុងពូល C នៅកីឡដ្ឋាន Prince Stadium កាលពីយប់មិញ។
ក្រោយចប់ការប្រកួតលោក Dinh The Nam គ្រូបង្វឹកជម្រើសជាតិ U23 វៀតណាមថា៖ “កីឡាករលេងបានល្អក្នុងការប្រកួតដ៏លំបាកមួយ។ កីឡាករថៃបានបង្កើតឱកាសជាច្រើន ប៉ុន្តែយើងបានគ្រប់គ្រងពួកគេទៅវិញ។ កីឡាករថ្មីនឹងមានថ្ងៃមួយ ដើម្បីសម្របតាមប្រព័ន្ធដែលយើងមានមុនការប្រកួតវគ្គពាក់កណ្តាលផ្តាច់ព្រ័ត្រ»។
បន្ទាប់ពីថៃចាញ់វៀតណាមតែមួយគ្រាប់ វាមានន័យថាកម្ពុជាដែលស្ថិតក្នុងលេខ២ពូល A ត្រូវបានគេបដិសេធមិនឲ្យទៅវគ្គបន្ត។ ការប្រកួតវគ្គពាក់កណ្តាលផ្តាច់ព្រ័ត្រក្នុងរយៈពេលពីរថ្ងៃនឹងឃើញឡាវប៉ះថៃក្នុងការប្រកួតទី១ ខណៈទីម័រខាងកើតប៉ះវៀតណាមក្នុងការប្រកួតទីពីរ។
ចំណែកគ្រូបង្វឹកថៃលោក Salvador Garcia បាននិយាយថា៖ “យើងគ្រប់គ្រងការប្រកួត ប៉ុន្តែយើងមិនអាចរកគ្រាប់បាល់បាន។ យើងបានតស៊ូយ៉ាងខ្លាំងដើម្បីបង្កើតឱកាស។ ប៉ុន្តែយើងបានឡើងទៅវគ្គបន្តហើយ។ យើងចង់ឡើងទៅវគ្គផ្ដាច់ព្រ័ត្រ ដែលយើងសង្ឃឹមថានឹងជួបវៀតណាមម្ដងទៀត»។
(Khmer) ពេញមួយរដូវកាលមុន អ្នកគាំទ្រ Manchester United បានលេងសើចអំពីអសមត្ថភាពរបស់ Fred មិនត្រឹមតែក្នុងការស៊ុតបញ្ចូលទី ថែមទាំងការបង្ហាញទម្រង់លេងមិនល្អក្រោមការដឹកនាំរបស់លោក Ole Gunnar Solskjaer។
នៅឆ្នាំ 2021/22 កីឡាករសញ្ជាតិប្រេស៊ីលរូបនេះមិនត្រឹមតែបានបំបិទមាត់អ្នករិះគន់របស់គាត់ប៉ុណ្ណោះទេ ប៉ុន្តែថែមទាំងបានចុះបញ្ជីស្ថិតិល្អជាង Jack Grealish និង Romelu Lukaku ទៅទៀត។ Fred បានស៊ុតបញ្ចូលទីគ្រាប់ទី ៣គ្រាប់ក្នុងលីគរដូវកាលទល់នឹង Leeds បូកបន្ថែមលើការបញ្ជូនបាល់ឱ្យមិត្តរួមក្រុមចំនួនបីលើកនេះគឺនេះមានន័យថាគាត់បានបង្កើតឱកាសដោយផ្ទាល់ក្នុងការរកគ្រាប់បាល់ដល់ទៅ៦គ្រាប់( ស៊ុតបីបញ្ជូនបី)។
បើប្រៀបធៀប Grealish វិញ ខ្សែបម្រើសញ្ជាតិអង់គ្លេស រកបានតែពីរគ្រាប់ប៉ុណ្ណោះ និង Assists ៣ដងពីការចូលលេង 17 ប្រកួតសម្រាប់ Manchester City ។ Lukaku រកបានតែ 5 គ្រាប់ប៉ុណ្ណោះជាមួយនឹងបញ្ជូនបាល់០លើក សម្រាប់ Chelsea ។
នោះមិនមែនទាំងអស់នោះទេ Kai Havertz (ស៊ុតបញ្ចូលទីបាន 2 គ្រាប់ មួយ assist) និង Christian Pulisic (បីគ្រាប់ 0 assists) ក៏នឹងច្រណែននឹងកំណត់ត្រារបស់ Fred ផងដែរ។
ដោយចាត់ទុក Fred គឺជាខ្សែបម្រើការពារច្រើនជាង នេះជាស្ថានភាពដ៏គួរឲ្យចាប់អារម្មណ៍ បើធៀបនឹងកីឡាករដែលមានតំណែងខ្សែបម្រើប្រយុទ្ធ ប្រយុទ្ធជាច្រើនដូចដែលបានរៀបរាប់ខាងលើ។
តួរលេខមួយទៀតសម្រាប់កីឡាករប្រេស៊ីលគឺគាត់បង្ហាញខ្លួនឯងជាកីឡាករប្រសើរជាង កីឡាករមួយចំនួនដែលត្រូវបានគេលើកយកមកជំនួសតំណែងគាត់នៅ Man Utd កាលពីរដូវក្ដៅ។
John McGinn របស់ Aston Villa (ស៊ុតបញ្ចូលទីបាន 3 គ្រាប់ និង assist 2 គ្រាប់ក្នុង 21 ប្រកួត), Ruben Neves របស់ Wolves (បីគ្រាប់ និង assist មួយគ្រាប់ក្នុង 22 ប្រកួត) និង Declan Rice (មួយគ្រាប់ និង assists 4 គ្រាប់ក្នុង 25 ប្រកួត) សុទ្ធសឹងតែនៅពីក្រោយតយរលេខរបស់ Fred ក្នុងលក្ខខណ្ឌរបស់ពួកគេ នៃការចូលរួមនៅក្នុងលីគ។
ហើយមិត្តរួមក្រុមរបស់គាត់នៅ Man Utd ខ្លះក៏មិនដល់គាត់ដែរ ដោយមាន Jadon Sancho (ពីរគ្រាប់ និងបញ្ជូនបាល់ពីរគ្រាប់), Jesse Lingard (ពីរគ្រាប់ និងគ្មាន assists) និង Edinson Cavani (ពីរគ្រាប់ និង assist មួយ) ។ការឡើងទម្រង់លេងក្នុងការស៊ុតបញ្ចូលទីរបស់ Fred បានធ្វើឱ្យអតីតប្រធានក្រុម United លោក Roy Keane សរសើរគាត់ផងដែរ ដោយពីមុនបានគាត់រិះគន់កីឡាករវ័យ 28 ឆ្នាំរូបនេះ។
“Fred, ដើម្បីឱ្យយុត្តិធម៌, គាត់មានភាពប្រសើរឡើងក្នុងរយៈពេលពីរបីខែចុងក្រោយនេះ។ គាត់បានបន្ថែមពីរបីគ្រាប់ បញ្ជូនពីរបីគ្រាប់។ ដល់ពេលសម្រាប់គាត់កសាងភាពជឿជាក់ហើយ”។
ប្រភព៖ Transfermarkt
(Khmer) Pierre-Emerick Aubameyang មានស្នាមសាក់គួរឱ្យភ្ញាក់ផ្អើលមួយនៅលើខ្នងរបស់គាត់ ដូចដែលបានឃើញក្នុងរូបថតដោះអាវរបស់គាត់ក្នុងរូបខាងក្រោម។
អ្វីដែលអ្នកកំពុងសម្លឹងមើលនោះគឺផែនទីនៃទ្វីបអាហ្រ្វិកដែលមានបក្សីយក្សមួយលេចនៅពីលើវា។ ឪពុករបស់ Auba បានពន្យល់អត្ថន័យសាក់នេះកាន់តែច្បាស់ដោយគាត់និយាយថា៖ “អ្នកនឹងឃើញផែនទីនៃទ្វីបអាហ្រ្វិកដែលមានស្នាមសាក់នៅលើខ្នងរបស់គាត់ជាមួយនឹងសត្វស្លាបដ៏ស្រស់ស្អាតនៅពីលើវា។
«ខ្ញុំឃើញឥន្ទ្រីនេះលើកទ្វីបអាហ្រ្វិក តរដាងស្លាប និងលើកផែនទីអាហ្វ្រិកនេះ។
“នេះមានន័យថាក្នុងគលគំនិ៊តរបស់គាត់ ប្រហែលជា Pierre-Emerick មើលឃើញខ្លួនឯងជាកីឡាករបាល់ទាត់ដែលត្រូវលើកមុខលើកមាត់ទ្វីបអាហ្វ្រិក”។
Memphis Depay ក៏មានស្នាមសាក់ដ៏ស្រស់ស្អាតនៅលើខ្នងរបស់គាត់ផងដែរ។ ភាពខុសគ្នារវាង Memphis និង Auba’s គឺថាទឹកថ្នាំជាប់សាច់របស់កីឡាករសញ្ជាតិហូឡង់គ្របដណ្តប់លើខ្នងរបស់គាត់ទាំងស្រុង មិនដូចរបស់ Auba នោះទេ។ គេគ្រាន់តែឆ្ងល់ថាតើ Memphis នឹងរកកន្លែងណាដើម្បីគូររូបសាក់បន្ថែមទៀត?
(Khmer) និយាយអំពីពេលវេលារបស់គាត់នៅ Premier League James Rodriguez បាននិយាយថា “ខ្ញុំចង់នៅ Everton យូរជាងនេះ។
MANCHESTER, ENGLAND – AUGUST 07: James Rodriguez of Everton during the pre-season friendly match between Manchester United and Everton at Old Trafford on August 7, 2021 in Manchester, England. (Photo by Joe Prior/Visionhaus)
James បានផ្លាស់ទៅ Everton នៅរដូវក្តៅឆ្នាំ 2020 ដោយបានជួបជុំជាមួយអតីតអ្នកចាត់ការ Real Madrid លោក Carlo Ancelotti នៅ Goodison Park ។ទោះជាយ៉ាងណាក៏ដោយ Ancelotti បានត្រលប់ទៅ Madrid កាលពីរដូវក្តៅមុន។ កីឡាករសញ្ជាតិកូឡុំប៊ីរូបនេះមិនបានលេងក្រោមការដឹកនាំរបស់អ្នកចាត់ការថ្មីលោក Rafael Benitez ហើយបានទៅចូលរួមជាមួយក្លឹប Al-Rayyan របស់កាតាក្នុងខែកញ្ញា ឆ្នាំ 2021។
“វាជាក្លឹបដ៏អស្ចារ្យមួយ មានអ្នកគាំទ្រមិនគួរឱ្យជឿ ប៉ុន្តែខ្ញុំត្រូវតែរត់ចេញពីគ្រូបង្វឹកដែលមិនចង់ពឹងលើខ្ញុំ។ ខ្ញុំពិតចង់នៅទីនោះ។
“ជាអកុសល គ្រូបង្វឹកមិនចង់ពឹងលើខ្ញុំទេ”។
(Khmer) ឡាវបានបង្កើតភាពលេចធ្លោបន្ថែមទៀតនៅក្នុងព្រឹត្តិការណ៍ AFF U-23 Championship 2022 នៅពេលដែលពួកគេបានលត់ក្រុមម៉ាឡេស៊ីក្នុងលទ្ធផល 2-0 ក្នុងការប្រកួតទីពីរក្នុងពូល B កាលពីនយប់មិញនៅពហុកីឡដ្ឋានជាតិមរតកតេជោ។
ដោយមានតែពីរក្រុមប៉ុណ្ណោះក្នុងពូល ទាំងម៉ាឡេស៊ី និងឡាវ ត្រូវលេងជាមួយគ្នាពីរដង ដើម្បីកក់កន្លែងរបស់ពួកគេនៅជុំបន្ទាប់ ហើយឡាវបានបង្ហាញថាជ័យជម្នះ២ទល់១កាលពីប្រកួតទីមួយ បូកជាមួយលទ្ធផល២ទល់០ជើងទីនេះគឺល្អលើសលប់ឱ្យឡើងទៅយ៉ាងងាយស្រួល។ លោក Michael Weiss គ្រូបង្វឹកជម្រើសជាតិឡាវបាននិយាយក្រោយចប់ការប្រកួតថា៖
“វាជាថ្ងៃដ៏អស្ចារ្យសម្រាប់បាល់ទាត់ឡាវ។ វាមិនកើតមានញឹកញាប់ទេ ដែលយើងបានយកឈ្នះម៉ាឡេស៊ីពីរដងក្នុងមួយព្រឹត្តិកាណ៍។វគ្គទីមួយដ៏អស្ចារ្យ ហើយយើងគួតែអាចរកគ្រាប់បាល់បានពីរ បីគ្រាប់។ គូប្រជែងរបស់យើងមិនមានឱកាសច្បាស់លាស់ (ដើម្បីរកគ្រាប់បាល់)។ សម្រាប់ពេលនេះ ប្រជាជន (នៅឡាវ) មានភាពសប្បាយរីករាយ ហើយវាជាការល្អ»។
ចំណែកគ្រូបង្វឹកម៉ាឡេស៊ីលោក Brad Maloney បាននិយាយដែរថា៖
“ជាក់ស្តែង! យើងកំពុងតាមដានលទ្ធផលពីការប្រកួតដំបូង យើងគ្រប់គ្រងបាល់បានច្រើន គ្រាន់តែយើងមិនអាចរកគ្រាប់បាល់បាន។ វាពិតជាខកចិត្តណាស់ ទោះបីជាកីឡាករបានផ្តល់អ្វីគ្រប់យ៉ាងដែលពួកគេមានក៏ដោយ»។
លោក Brad Maloney បានបន្ថែមថា៖” អ្វីដែជាផលវិជ្ជមាន គឺមានកីឡាករ ៦ ឬ ៧ នាក់បានបង្ហាញខ្លួនជាលើកដំបូងក្នុងពានរង្វាន់នេះ ហើយវាតែងតែល្អសម្រាប់ពួកគេ”។
(Khmer) គ្រាប់បាល់ចូលទីខ្លួនឯងនៅដើមតង់ទី១ គឺគ្រប់គ្រាន់សម្រាប់ទីម័រខាងកើត ដើម្បីឈ្នះក្នុងពូល A បន្ទាប់ពីពួកគេយកឈ្នះម្ចាស់ផ្ទះកម្ពុជា ១-០ ក្នុងការប្រកួតចុងក្រោយក្នុងពូល ដែលធ្វើឡើងនៅល្ងាចនេះ នៅពហុកីឡដ្ឋានជាតិមរតកតេជោ។
ជាមួយនឹងក្រុមហ្វីលីពីន បានយកឈ្នះលើក្រុមប្រ៊ុយណេ ក្នុងលទ្ធផល 2-1 ក្នុងការប្រកួតនៅកីឡដ្ឋាន Prince Stadium ក្រុមម្ចាស់ផ្ទះកម្ពុជារំពឹងថានឹងអាចឈ្នះទីម័រហើយឡើងទៅវគ្គពាក់កណ្ដាលផ្ដាច់ព្រ័ត្រ បន្ទាប់ពីទទួលបានពិន្ទុពេញក្នុងការប្រកួតពីរលើកដំបូងរបស់ពួកគេ។
ប៉ុន្តែវាមិនមែនជារឿងងាយស្រួលនោះទេ នៅពេលដែលខ្សែការពារ Yue Safy បានតែតបាល់បញ្ចូលទីដោយខ្លួនឯង ពីការស៊ុតរបស់កីឡាករ Filomeno Da Costa នៅនាទីទី 18 ដើម្បីផ្តល់ជ័យជម្នះដល់ក្រុម ទីម័រខាងកើតទៅវិញ។
“ខ្ញុំសប្បាយចិត្តណាស់ ហើយកីឡាករវ័យក្មេងទាំងនេះសមនឹងទទួលបានវា (ដើម្បីឈានទៅវគ្គពាក់កណ្តាលផ្តាច់ព្រ័ត្រ)។ យើងបានធ្វើការជាមួយក្រុមនេះអស់រយៈពេលពីរឆ្នាំមកហើយ។ យើងគ្រប់គ្រងការប្រកួតក្នុងក្នុងតង់ទីមួយ ហើយយើងគួរតែអាចរកគ្រាប់បាល់បាន៥ទៅ៦គ្រាប់។ កម្ពុជាបានគ្រប់គ្រងការប្រកួតតង់ទីពីរ ប៉ុន្តែពួកគេមិនមានឱកាសពិតប្រាកដឡើយ»។
កម្ពុជាបានធ្វើអ្វីៗគ្រប់យ៉ាងដែលពួកគេមាន ដាក់សម្ពាធទៅលើគូប្រកួតយ៉ាងល្អក្នុងតង់ទីពីរ ប៉ុន្តែខ្សែការពារទីម័របានការពារខ្លួនឯងយ៉ាងល្អ ខណៈពួកគេបានការពារផង វាយលុកផងដើម្បីដណ្តើមបានពិន្ទុឡើងឈរក្នុងពូល A។
ដូច្នេះហើយ ទីម័រខាងកើត បានឈ្នះក្នុងពូល A ដោយមាន ៧ពិន្ទុ ខណៈកម្ពុជា នឹងត្រូវរង់ចាំលទ្ធផលនៃការប្រកួតរវាងថៃ និងវៀតណាមស្អែក ដើម្បីមើលថាតើពួកគេមានឱកាសកាត់ទៅកាន់វគ្គពាក់កណ្តាលផ្តាច់ព្រ័ត្រនៅឆ្នាំនេះឬយ៉ាងណា។
នេះបើតាមលោក Hirose Ryu គ្រូបង្វឹកជម្រើសជាតិកម្ពុជា៖
“វាជាការប្រកួតដ៏ស្វិតស្វាញ និងពិបាកបើធៀបនឹងការប្រកួតមុនរបស់យើង តាំងពីការចាប់ផ្ដើមនៃការប្រកួតវគ្គទីមួយ។ យើងមិនអាចរក្សាភាពអត់ធ្មត់ និងមិនអាចដំណើរការលើប្រព័ន្ធលេងរបស់យើងបានទេ ហើយវាបានធ្វើឱ្យមានការលំបាកសម្រាប់យើងនៅក្នុងតង់ទីពីរ»៕
(Khmer) Nike បានសម្រេចចិត្តបិទបញ្ចប់កញ្ចប់លុយដែលផ្ដល់ឱ្យទៅMason Greenwood របស់ Manchester United ដោយសារបញ្ហារបស់គាត់ហើយនេះមានន័យថា គាត់ទទួលបានមួយកាក់មួយសេនពីកុងត្រានេះទៀតទេ បើយោងតាមកាសែត Daily Mail ។
ខណៈដែល Greenwood ត្រូវបានគេចោទប្រកាន់ពីប្រើអំពើហិង្សា រំលោភបំពានផ្លូវភេទ និងការគំរាមកំហែងសម្លាប់ ក្រុមហ៊ុនផលិតផលិតអាមេរិក Nike បានសម្រេចចិត្តចែកផ្លូវជាមួយកីឡាករ បើទោះបីជាការស៊ើបអង្កេតរបស់ប៉ូលីសមិនទាន់បញ្ចប់ក៏ដោយ ហើយ Greenwood បាននៅក្រៅឃុំ។ ជាក់ស្តែង Nike បានសម្រេចចិត្តចែកផ្លូវនិងលាងដៃជាមួយគាត់ ដើម្បីការពារម៉ាកយីហើរបស់ពួកគេ។
ក្នុងការធ្វើដូច្នេះ យោងតាមកាសែត Daily Mail ពួកគេអាចលុបចោលទាំងស្រុងនូវកិច្ចព្រមព្រៀងឧបត្ថម្ភរបស់ពួកគេជាមួយ Greenwood ដោយមិនចាំបាច់គាត់ទទួលបានសំណងមួយកាក់មួយសេនណាឡើយ។ បែបនេះវាត្រូវបានគេយល់ថាវានឹងធ្វើឱ្យកីឡាករបាត់បង់លុយ “រាប់លាន” ។
ទោះបីជាយ៉ាងណាក៏ដោយ របាយការណ៍បានកត់សម្គាល់ថា Man United នៅតែបើកប្រាក់ខែរបស់គាត់ពេញ ដូច្នេះគាត់មិនពិបាកពេកទេក្នុងជីវភាពប្រចាំថ្ងៃ ខណៈពេលដែលគាត់រង់ចាំដោយអត់ធ្មត់នៅផ្ទះ សម្រាប់លទ្ធផលនៃការស៊ើបអង្កេតរបស់ប៉ូលិសនៅ Greater Manchester លើរឿងក្ដីរបស់គាត់។
