(Khmer) រាយការណ៍ពី​គេហទំព័រ Channel News Asia នាយករដ្ឋមន្ត្រីម៉ាសេដ្វានខាងជើង លោក Dimitar Kovacevski បានសន្យាថានឹងផ្តល់រង្វាន់ចំនួន 500,000 អឺរ៉ូដល់ក្រុមជម្រើសជាតិ ប្រសិនបើពួកគេអាចយកឈ្នះព័រទុយហ្គាល់ និងមានលក្ខណៈគ្រប់គ្រាន់សម្រាប់ការប្រកួតបាល់ទាត់ពិភពលោកឆ្នាំ 2022 នៅប្រទេសកាតា។

ប្រទេសម៉ាសេដ្វានខាងជើង បានទាញការភ្ញាក់ផ្អើលដ៏ធំបំផុតប្រចាំឆ្នាំ នៅពេលដែលពួកគេបានផ្តួលក្រុមអ៊ីតាលី ដែលជាម្ចាស់ជើងឯក Euro 2020 ឡើង​មក​ជួបក្រុមព័រទុយហ្គាល់ដើម្បីយកកន្លែងមួយនៅក្នុងការប្រកួតដ៏ធំនៅក្នុងខែធ្នូខាងមុខនៅ​ប្រទេស​កាតារ។

ឥឡូវនេះ ការយកឈ្នះលើក្រុមព័រទុយហ្គាល់នឹងមិនងាយស្រួលនោះទេ ដោយសារពួកគេមានកីឡាករដូចជា Bruno Fernandes, Cristiano Ronaldo និង Diogo Jota ជាដើម។ ទោះជាយ៉ាងណាក៏ដោយ ហាងឆេងមានកាន់តែច្រើន ខណៈដែល​គេ​គិត​ថា ជម្រើស​ជាតិ​ម៉ាសេដ្ឋានខាងជើងគឺ​ជាក្រុមដែលមានភាគរយខ្ពស់នៅពេលនេះ។

សំបុត្រចំនួន 50,000 សន្លឹកសម្រាប់ការប្រកួតនេះត្រូវបានលក់អស់ហើយ ដោយអ្នកគាំទ្របានអធិស្ឋានយ៉ាងអន្ទះសារសម្រាប់ការខកចិត្ដដល់​ព័រទុយហ្គាល់ដែលអាចកើតមានមួយទៀត ក្រោយ​ធ្វើឱ្យអ៊ីតាលី​យំមិនចេញកាល​ពី​វគ្គ​ជម្រុះ Playoff ជុំដំបូង៕

ប្រភព៖ Channel News Asia

(Khmer) ថ្លែងទៅកាន់ The Sun លោក Wayne Rooney បាននិយាយថា៖ “Sir Alex Ferguson បានព្យាយាមចុះហត្ថលេខាជាមួយខ្ញុំ នៅពេលខ្ញុំមានអាយុ 14 ឆ្នាំ។ គាត់កំពុងទូរស័ព្ទទៅកាន់ម្តាយ និងប៉ារបស់ខ្ញុំ”។

“ពួកគេបាននិយាយថា ‘Alex បាន​ខល​មក​ហើយ Manchester United ចង់ចុះហត្ថលេខាលើអ្នក’ ។ ខ្ញុំបាននិយាយថា “ប្រាប់គាត់ឱ្យបិទទៅ។ ខ្ញុំចង់លេងឱ្យ Everton ទេ” ។

“បន្ទាប់មក! យូរៗទៅ ខ្ញុំដឹងថាខ្ញុំត្រូវតែលេងឱ្យ Alex Ferguson ។ ហេតុផលដែលខ្ញុំចុះហត្ថលេខាជាមួយ Manchester United គឺ Alex Ferguson” ។

Rooney បានបញ្ចប់ការផ្លាស់ប្តូរទៅ Old Trafford នៅអាយុ 18 ឆ្នាំដោយបានចូលរួមជាមួយបិសាចក្រហមក្នុងឆ្នាំ 2004 ក្នុងតម្លៃ 20 លានផោន ដែលជាតម្លៃខ្ពស់បំផុតមិនធ្លាប់មានសម្រាប់កីឡាករដែលមានអាយុក្រោម 20 ឆ្នាំនៅពេលនោះ។

ខ្សែប្រយុទ្ធសញ្ជាតិអង់គ្លេសបានរក្សាការស្រលាញ់របស់គាត់ចំពោះ Everton (និងការស្អប់ Liverpool) ពេញមួយអាជីពរបស់គាត់ ដោយបានចូលរួមជាមួយក្រុមកុមារភាពរបស់គាត់ម្តងទៀតដោយ​លេង​បានមួយរដូវកាលក្នុងឆ្នាំ 2018 មុនពេលផ្លាស់ទៅ MLS ៕

(Khmer) ក្លឹប Real Madrid កំពុងកំណត់គោលដៅលើខ្សែប្រយុទ្ធដ៏មានទេពកោសល្យរបស់ Borussia Dortmund កីឡាករ Jude Bellingham នេះបើយោងតាមប្រភពកំពូលៗជាច្រើន។

នេះជាហេតុផលដែល Los Blancos បានយក​កីឡាករអង់គ្លេសវ័យក្មេងរូបនេះជាគោលដៅមួយក្នុងចំណោមគោលដៅរបស់ពួកគេសម្រាប់ទិញចូលនៅឆ្នាំ 2023 ។

1. គាត់នៅក្មេង
Real Madrid កំពុងរៀបចំផែនការសម្រាប់អនាគតរួចហើយ ដោយបង្ហាញចំណាប់អារម្មណ៍លើ Bellingham ។ Bellingham ទើបតែអាយុ 18 ឆ្នាំ ប៉ុន្តែបានបង្ហាញគុណភាព និងទេពកោសល្យរបស់គាត់រួចហើយ។ គាត់​មិន​បាន​បង្ហាញ​ពី​សញ្ញា​ពិបាកក្នុងការ​លេង​នៅ​អាល្លឺម៉ង់​ បន្ទាប់​ពី​ចាក​ចេញ​ពី​ប្រទេស​អង់គ្លេស ដែល​មាន​ន័យ​ថា​ការ​សម្រប​ខ្លួន​ជាមួយ​នឹង​ប្រទេស​អេស្ប៉ាញ​នឹង​មិន​មាន​បញ្ហា​ឡើយ។

2. រចនាប័ទ្មនៃការលេង
Bellingham គឺជាកីឡាករលេងលឿនដែលមានសមត្ថភាពដឹកបាល់ និងស្វែងរកកន្លែងទំនេរ ជាពិសេសការ​បញ្ជូនបាល់ទៅ​ក្នុងប្រអប់គ្រោះថ្នាក់របស់គូប្រកួត។ ល្បឿន និងភាពជាក់លាក់គឺជាតម្រូវការសំខាន់ដើម្បីក្លាយជាកីឡាកររបស់ Real Madrid នាពេលបច្ចុប្បន្ន ហើយ Bellingham មានគុណភាពនោះ។

3. ភាពបត់បែន
Bellingham បានបង្ហាញថាគាត់អាចលេងបានច្រើនមុខតំណែង។ គាត់លេង​ល្អ​ខ្លាំង ក្នុងនាមជា​ខ្សែ​បម្រើ​កណ្តាល និង​ជា​ខ្សែ​បម្រើ​ការពារ។ គាត់ក៏អាចលេងនៅផ្នែកខាងស្តាំ ឬខាងឆ្វេងនៃខ្សែបម្រើផងដែរ។

មាន​អ្វី​បន្ថែម? គាត់ស៊ុតបញ្ចូលទី និងបង្កើតគ្រាប់បាល់ពីគ្រប់ទីតាំងដែលគាត់លេង។ មកទល់ពេលនេះគាត់ស៊ុតបញ្ចូលទីបាន 6 គ្រាប់ និងបញ្ជូន ១៣​លើកសម្រាប់ Dortmund ក្នុងរដូវកាលនេះ។

4. គុណសម្បត្តិនៃភាពជាអ្នកដឹកនាំរបស់គាត់
គួរឱ្យភ្ញាក់ផ្អើលសម្រាប់អាយុរបស់គាត់ Bellingham គឺជាអ្នកដឹកនាំក្រុមរួចទៅហើយនៅ Dortmund ។ គាត់បាននិយាយបន្ទាប់ពី Dortmund ចាញ់ Rangers 4-2 ថា ៖”ខ្ញុំនឹងមិនឱ្យមិត្តរួមក្រុមរបស់ខ្ញុំសម្រាកក្នៅ​ជើង​ទី​២​នោះ​ទេ” ហើយ​នេះជាមតិ​ដ៏​គួរ​ឲ្យ​ភ្ញាក់​ផ្អើល​ពី​កីឡាករ​ក្មេង​បំផុត​ម្នាក់​ក្នុង​ក្រុម។

របៀបនោះគឺជាកីឡាករដែលដឹងរួចហើយថា វាមានន័យយ៉ាងណាក្នុងការអនុវត្តការទទួលខុសត្រូវ។ Real Madrid ត្រូវការកីឡាករបែបនេះដើម្បីឆ្ពោះទៅមុខ។

ប្រភព៖ Tribuna.com

(Khmer) ឥឡូវនេះ Man United បានសម្ភាសបេក្ខជនពីរនាក់ផ្សេងទៀតហើយ ចាប់តាំងពីក្លិប​បានណាត់​ជួបជាមួយ Erik ten Hag កាល​ពី​អាទិត្យមុន នេះបើយោងតាមអ្នកកាសែតដ៏គួរឱ្យទុកចិត្ត Andy Mitten ។

ឈ្មោះរបស់អ្នកចាត់ការទាំងពីរនេះនៅមិនទាន់ដឹងនៅឡើយទេ ប៉ុន្តែនេះបង្ហាញថាបិសាចក្រហមកំពុងចាកចេញជាមួយនឹងផែនការរបស់ពួកគេក្នុងការស្វែងរកអ្នកចាត់ការថ្មីឱ្យបានហ្មត់ចត់។

នាយកផ្នែកបាល់ទាត់ John Murtough និងនាយកបច្ចេកទេស Darren Fletcher ជា​អ្នកបានធ្វើបទសម្ភាសន៍ទាំង​នេះ។ ស្របពេលដែលគេមិនទាន់បញ្ជាក់ថាតើលោក Mauricio Pochettino គឺជាម្នាក់ក្នុងចំណោមអ្នកទាំងពីរដែលត្រូវបានសម្ភាសទេនោះ គ្រូបង្វឹក PSG រូបនេះ បាននិយាយជាមួយ Murtough រួចហើយអំពីការងារនេះ។

បិសាចក្រហមសង្ឃឹមថានឹងបង្ហាញអ្នកចាត់ការថ្មីរបស់ពួកគេនៅមុនចុងបញ្ចប់នៃរដូវកាលនេះ ដើម្បីឱ្យគ្រូបង្វឹកដែលចូលមកអាចមានយោបល់លើអាជីវកម្មផ្ទេរកីឡាកររដូវក្តៅរបស់ខ្លួន មុនចាប់ផ្ដើមរដូវកាលក្រោយ។

ប្រភព៖ United We Stand podcast

(Khmer) ក្រុមនារីភ្នំពេញក្រោន​បាន​គ្រងជើងឯកពាន​រង្វាន់ Cambodian Women Premier League រដូវ​កាល​២០២១ ជាផ្លូវការ​កាល​ពី​ម្សិលមិញ ខណៈប្រធានក្រុម បាន ជាវៃ​និយាយ​នាង​ពិត​ជាមានមោទនកភាព​មែន​ទែន​ដែលបាន​រួមចំណែកក្នុងការ​ជួយឱ្យ​ក្លិបមួយ​នេះ​លើក​ពាន។

«ខ្ញុំពិតជាមានមោទនកភាពណាស់បង ដោយសារ​វា​ជាប្រវត្តិសាស្រ្តមួយដែលជួយឱ្យ​ភ្នំពេញ​ក្រោន​លើក​ពាន ហើយ​វា​ជាមោទនកភាពមួយសម្រាប់ខ្លួនឯង​និង​ក្រុមគ្រួសារផង​ដែរ”។

«កត្តាដែល​ធ្វើឱ្យ​លើក​ពានក្នុងឆ្នាំ២០២១​នេះ​គឺទីមួយគឺ​យើង​មាន​ការ​រៀប​ចំ​ក្រុមត្រឹម​ត្រូវ រាប់​ទាំង​កីឡាករ និង​បុគ្គលិកអ្នក​ដឹកនាំ​ក្រុម​ទាំងអស់។ អ្វីដែល​ពិសេស​គឺ​ការ​ហ្វឹកហាត់​បង! យើង​ហ្វឹកហាត់ស្តង់ដារ​ដូចជាក្រុមបាល់​ទាត់​បុរស​អញ្ចឹង  ការ​លេង​ជាក្រុមបានល្អ​និងការ​យក​ចិត្ត​ទុកដាក់ គោរពវិន័យទាំងក្រៅ​ និង​ក្នុងទីលាន»។

សម្រាប់ឱកាស​នៃ​ការ​ជាប់​ជម្រើស​ជាតិ​អតីតកីឡាការិនី​មាន​ប្រភព​ពី​អង្គការ​តាម​ខេត្តរូបនេះបន្ត​ថា៖ «វាជាលើកដំបូងហើយ​ដែល​បាល់ទាត់​ស្រ្តីកម្ពុជា​ចូល​រួម​ប្រកួត ហើយព្រឹត្តិការណ៍នេះ​សំខាន់។ យើង​ត្រៀម​ខ្លួនរួច​ហើយ​សម្រាប់​ព្រឹត្តិការណ៍​នេះ។ សម្រាប់ Sea Games នេះ​បើ​ខ្ញុំជាប់​ជម្រើស​ជាតិខ្ញុំនឹង​ប្រឹងប្រែងឱ្យអស់​សមត្ថភាព ហើយ​បង្ហាញភាពខុសប្លែកគ្នាក្នុងព្រឹត្តិការណ៍​ជាលើកដំបូងសម្រាប់​បាល់​ទាត់​នារី​កម្ពុជា”៕

(Khmer) កាល​ពី​ចុង​សប្ដាហ៍​កន្លង​ទៅ! ក្លិប​បឹង​កេត​បាន​យក​ឈ្នះ​ក្រុម​អង្គរថាយហ្គឺរ ២ទល់​០​ក្នុងពាន​រង្វាន់ Cambodian Premier League សប្ដាហ៍​ទី​៤ នៅ​កីឡដ្ឋាន Cambodia Air Way ខណៈដែល​២​គ្រាប់​នេះ​រក​បាន​ដោយ​កីឡាករ ម៉ាត់ នូរុណ និងគ្រាប់​បាល់​ទី​២​ជាគ្រាប់​ភ្លាត់ឱ្យ​ចូល​ទីខ្លួនឯង របស់​កីឡាករអង្គរថាយហ្គឺរ។

ក្នុងការ​ប្រកួត​នោះ! ខ្សែប្រយុទ្ធដែល​គេ​តែងហៅ​ថា Messi ប្ដូរ​ចូល​នៅនាទី៥៤ ក្នុង​វគ្គ​ទី​២ ហើយ​ប្រើ​ក្បាលសម្រេច​ទី​បាន​សម្រេច​ក្រោយចំណាយ​ពេល​ជាង២០​វិនាទីតែ​ប៉ុណ្ណោះ ដែល​គ្រាប់បាល់​នេះយើង​អាច​និយាយ​បាន រូប​គេ​ជាកីឡាករបម្រុង​ប្ដូរ​ចូល​រក​បាន​គ្រាប់​បាល់​លឿន​ជាង​គេបំផុត​ក្នុង​លីគកំពូលកម្ពុជារដូវ​កាល​នេះ។

” កាល​នោះ​ខ្ញុំមិន​បាន​ទទួល​ការ​ណែនាំអ្វីពីពិសេសពី​គ្រូបង្វឹក​នោះ​ទេ ប៉ុន្តែ​មុន​ប្រកួត​គ្រូបាន​ប្រាប់​ខ្ញុំថា​ត្រូវចូល​លេង​ពី​ក្រោយ​ខ្សែប្រយុទ្ធលេខ​៤៤(Sakari Tukiainen)។ វាមិននឹកស្មាន​ដល់​ទេបង! ពេល​ចូល​ទៅ​ដល់​ភ្លាម ស្រប​ពេល​ក្រុម​លើក​បាល់​ពី​ចំហៀងមក​ខ្ញុំក៏​រក​បាន​គ្រាប់​បាល់​តែ​ម្ដង”។

ក្នុង​រដូវ​កាល​នេះ ម៉ាត់ នូរុណ​គឺ​ជាកីឡាករ​រក​បាន​គ្រាប់​បាល់​ច្រើន​ជាង​គេឱ្យ​បឹង​កេត (៣គ្រាប់​)​ក្រោយ​លេង​បាន​៤​ប្រកួត ហើយក៏​ជា​កីឡាករ​ខ្មែររក​បាន​គ្រាប់​បាល់​ច្រើន​ជាង​គេ បណ្ដោះអាសន្នផង​ដែរ។ ស្រប​បេល​ចុងឆ្នាំ២០២២​នេះ​ ក្រុមជម្រើស​ជាតិ​កម្ពុជា​មាន​ភារកិច្ចច្រើន​ក្នុងការ​ប្រកួត តែ​យ៉ាងណា​រូប​គេ​មិន​រំពឹង​ខ្លាំង​ក្នុងការ​ជាប់​ជម្រើស​ជាតិ​នោះ​ទេ។

«រឿង​ក្រុមជម្រើស​ជាតិ​ហ្នឹង​! ខ្ញុំមិនហ៊ាន​រំពឹង​ខ្ពស់ថា​ជាប់​ឬ​អត់​នោះ​ទេ ពី​ព្រោះ​វា​អាស្រ័យលើ​គ្រូបង្វឹក ជា​អ្នក​រើស ហើយថា​តើ​ទម្រង់​លេង​របស់​ខ្ញុំត្រូវ​នឹងទស្សនវិជ្ជាដឹកនាំរបស់​គាត់​ឬ​អត់…”៕

(Khmer) Florentino Perez បាន”ខឹង” ជាមួយ Carlo Ancelotti ដែលបានដាក់ឱ្យ Gareth Bale និង Eden Hazard នៅដើមរដូវកាលនេះ រាយការណ៍ថា Mario Cortegana ដែល​ជា​ប្រភពគួរឱ្យទុកចិត្ត។

ក្នុងចំណោម​ការ​ចូល​លេង​ចំនួន១១ប្រកួត​រដូវ​កាលនេះ Bale ជាប់​ឈ្មោះ​ក្នុងជម្រើស១១នាក់ដំបូង៣​ប្រកួតដើមរដូវ​កាល ហើយ​ឆ៊ុត​បាន​មួយ​គ្រាប់។ Hazard ក៏ជាកីឡាករចាប់ផ្តើមក្នុងជម្រើស១១នាក់ជាធម្មតាសម្រាប់ការប្រកួតពីរបីថ្ងៃដំបូង និងបានកត់ត្រាការបញ្ជូនបាល់ឱ្យមិត្តរួម​ក្រុមមួយលើកផង​ដែរ។

កីឡាករទាំងពីរពិតជាមិនពេញចិត្តចំពោះលោក Carlo Ancelotti ប៉ុន្មានថ្ងៃនេះ បើទោះបីជាគ្រូបង្វឹកអ៊ីតាលីត្រូវបានគេរាយការណ៍ថាគ្រោងនឹងផ្តល់ឱ្យ Bale នូវតួនាទីសំខាន់ក្នុងរដូវកាលចុងក្រោយរបស់គាត់ជាមួយក្រុម Real Madrid ក៏ដោយ។ ហើយ​មូលហេតុ​ដែលលោក Ancelotti មិន​ដាក់ កីឡាករទាំងពីររូបនេះលេង​គឺ​ដើម្បី​តាម​ចិត្តរបស់​ប្រធាន​ក្លិប​លោក Florentino Perez ដែល​ធ្លាប់​បាន​ខឹងសម្បារជាមួយលោក កាល​ពី​ដើម​រដូវ​កាល។

ប្រភពជាច្រើន​ធ្លាប់​បាន​បង្ហាញថា មហាសេដ្ឋី​សញ្ជាតិ​អេស្ប៉ាញរូបនេះ អស់​ចិត្តអស់​កាយ​ជា​ការ​រៀប​ចំ​ទម្រង់​លេង​របស់​គ្រូបង្វឹកសញ្ជាតិនអ៊ីតាលីក្នុងរយៈពេល​ចុងក្រោយ​នេះ ហើយ​ចង់​ស្វែង​រក​អ្នក​ជំនួស​។ រឿង​នេះ​កើត​ឡើង​ពេល​គាត់​ដឹកនាំ​ Real ចាញ់​ PSG កាល​ពី​ជើង​ទី​មួយពាន UCL វគ្គ១៦ក្រុមចុងក្រោយ។

ប្រភព៖ Mario Cortegana

(Khmer) ខ្សែប្រយុទ្ធវ័យក្មេង លឹម ពិសុទ្ធ របស់ភ្នំពេញក្រោន បានរៀបរាប់អំពីការវិវត្តន៍របស់បញ្ហារបួសរបស់ខ្លួននៅពេលនេះ។

ពិសុទ្ធ ទទួលបានជោគជ័យក្នុងការវះកាត់របួសបែកទ្រនាប់ជង្គង់របស់ខ្លួនកាលពីខែកុម្ភៈ បន្ទាប់ពីរូបគេត្រូវបានបង្ខំចិត្តខ្លួនឯងដកខ្លួនចេញពីព្រឹត្តិការណ៍ AFF U-23 Championship ដែលកម្ពុជាធ្វើជាម្ចាស់ផ្ទះ។

មកទល់ពេលនេះ ពិសុទ្ធ បានវិលត្រឡប់បានមកកាន់ទីលានហ្វឹកហាត់ ដោយ ហាត់បានខ្លះៗវិញហើយ ជាពិសេសរូបគេរំពឹងថានឹងអាចហាត់ជាមួយក្រុមពេញលេញវិញនៅខែក្រោយ ឬ ដើមខែឧសភា។

ថ្លែងប្រាប់ The Morning ពិសុទ្ធ បាននិយាយថា៖«គ្រប់យ៉ាងកំពុងដំណើរការបានល្អ។ ខ្ញុំហ្វឹកហាត់បានតិចៗវិញ ហើយ ខ្ញុំអាចនឹងហ្វឹកហាត់បានពេញលេញវិញនៅខែក្រោយ ប្រសិនបើគ្រប់យ៉ាងដំណើរការតាមផែនការគ្រោងទុក»៕