(Khmer) លោក Ralf Rangnick ដែលជាអ្នកចាត់ការទូទៅក្លិប Manchester United បានបញ្ជាក់ថា កីឡាកររបស់ខ្លួន៦រូបនឹងខកខានជួយក្រុមក្នុងការប្រកួតរាត្រីនេះ។

Man Utd នឹងត្រូវបើកទ្វារកីឡដ្ឋាន Old Trafford របស់ខ្លួនដើម្បីប្រកួតទល់គ្នានឹង Chelsea ក្នុងក្របខណ្ឌ Premier League ខណៈ កាលពីជើងទី១ ក្រុមទាំងពីរស្មើគ្នា ១ទល់នឹង១។

យ៉ាងណាក៏ដោយ សម្រាប់ការប្រកួតនេះ Man Utd នឹងត្រូវអវត្តមានកីឡាករសំខាន់ៗដល់ទៅបួនរូបដែលមានដូចជា Harry Maguire, Jason Sancho Fred, Luke Shaw, Paul Pogba និង Edinson Cavani ដែលអ្នកទាំងបួនសុទ្ធដែលមានបញ្ហារបួស៕

(Khmer) កីឡាករ Mohamed Salah ដែលជាខ្សែប្រយុទ្ធក្លិប Liverpool ជឿជាក់ថា រូបគេជាកីឡាករដែលល្អជាងគេនៅលើលោក។

នៅក្នុងរដូវកាលនេះ កីឡាករសញ្ជាតិអេហ្សីបខាងលើ ពិតជាបានបង្ហាញទម្រង់លេងល្អមែនទែនដោយក្នុងចំណោមការបង្ហាញខ្លួន ៤៣ប្រកួត គេអាចរកគ្រាប់បាល់បាន៣០គ្រាប់ បញ្ជូនបាល់ឲ្យមិត្តរួមក្រុមស៊ុតបញ្ចូលទី ១៣ដង ផងដែរ។

Salah បាននិយាយថា៖«ចំពោះការគិតរបស់ខ្ញុំ ខ្ញុំតែងតែនិយាយថា ខ្ញុំជាកីឡាករដែលល្អជាងគេនៅលើលោក។ ខ្ញុំនឹងមិននិយាយថា ខ្ញុំល្អជាងម្នាក់ណាឡើយ ប៉ុន្តែ ខ្ញុំតែងតែជ្រើសរើសខ្លួនឯង ថា ល្អជាងគេ។ ខ្ញុំក៏អាចនឹងឈ្នះ Ballon d’Or ឆ្នាំនេះប្រសិនបើខ្ញុំអាចជួយក្រុមឈ្នះពាន Premier League និង Champions League»។

ក្នុងគេហទំព័រ FFT កីឡាករអេហ្ស៊ីបន្ត​ថា៖ “ពិតណាស់វាមានន័យច្រើន វាមានន័យច្រើនក្នុងការឈ្នះវា។ គោលបំណងមួយក្នុងជីវិតរបស់ខ្ញុំគឺផ្លាស់ប្តូរប្រជាជន ជាពិសេសនៅក្នុងប្រទេសរបស់ខ្ញុំ ដែលជាប្រទេសអារ៉ាប់ ដែលពួកគេអាចសម្រេចបាននូវអ្វីដែលពួកគេចង់សម្រេចបាន។ របស់​ទាំង​នោះ​ធ្វើ​ឱ្យ​ពួក​គេ​មាន​ជំនឿ​លើ​ខ្លួន​ឯង​បន្ថែម​ទៀត​ថា​ពួក​គេ​អាច​ធ្វើ​អ្វី​ដែល​ពួក​គេ​ចង់​បាន»៕

(Khmer) កីឡាករ សៀង ចន្ធា ដែលជាសមាជិកក្នុងក្រុមជម្រើសជាតិកម្ពុជាអាយុក្រោម២៣ឆ្នាំ បានរៀបរាប់អំពីការត្រៀមខ្លួនរបស់ក្រុមសម្រាប់ព្រឹត្តិការណ៍ស៊ីហ្គេមនាប្រទេស​វៀតណាមខែក្រោយនេះ។

កម្ពុជា ស្ថិតនៅក្នុងពូល B ជាមួយក្រុមជម្រើសជាតិថៃ, ម៉ាឡេស៊ី, សិង្ហបុរី និង ឡាវ ដែលសុទ្ធសឹងតែជាក្រុមខ្លាំងនៅក្នុងតំបន់ ខណៈ កម្ពុជា នឹងបើកឆាក ប៉ះ ឡាវនៅថ្ងៃទី ៩ ខែឧសភាខាងមុខ។

ថ្លែងប្រាប់ Cambodia 2023 ចន្ធា បាននិយាយថា៖«សម្រាប់ខ្ញុំមានអារម្មណ៍ថាសប្បាយចិត្ត ដែលយើងបានទៅចូលរួមការប្រកួតស៊ីហ្គេម នៅប្រទេសវៀតណាម ជាលើកទី២ របស់ខ្ញុំ។ ខ្ញុំរំពឹងថា ពួកយើងនឹងធ្វើឲ្យបានល្អសម្រាប់ស៊ីហ្គេមលើកហ្នឹង ហើយសម្រាប់បទពិសោធវិញ យើងនឹងយកបទពិសោធទាំងអស់ នៅក្នុងលីគដែលយើងលេង ទាំងប្រកួតក្រៅស្រុក នឹងយកមកបញ្ចេញនៅស៊ីហ្គេមនេះឲ្យបានល្អដើម្បីជួយជម្រើសជាតិយើង ហើយដើម្បីប្រជាជនកម្ពុជាយើងដែរ»៕

(Khmer) ក្នុងការទទួលបានការកោះហៅចូលក្រុមជម្រើសជាតិលើកដំបូងក្នុងអាជីព អ្នកចាំទីវ័យក្មេង នុន ណាត របស់ក្លិបបាល់ទាត់អង្គរថាយហ្គឺរបានបង្ហាញក្ដីរំភើបជាខ្លាំងក្នុងការទទួលបានការកោះហៅពីសហព័ន្ធកីឡាបាល់ទាត់កម្ពុជា សម្រាប់បញ្ជីបឋម ២៦នាក់នៃក្រុមជម្រើសជាតិអាយុក្រោម២៣ឆ្នាំ សម្រាប់ព្រឹត្តិការណ៍ស៊ីហ្គេមនៅប្រទេសវៀតណាម។

ជុំវិញការទទួលបានឱកាសលើកដំបូងនេះ អ្នកចាំទីវ័យ២១ឆ្នាំ បាននិយាយប្រាប់ទំព័រ B8SPORT ថា៖«ខ្ងុំរំភើបជាខ្លាំង ក្នុងការកោះហៅចូលក្រុមជម្រើសជាតិ ព្រោះវាជាក្ដីស្រម៉ៃរបស់ខ្ញុំ។ ហើយខ្ញុំប្ដេជ្ញាចិត្ត ក្នុងការប្រឹងប្រែងហ្វឹកហាត់ឲ្យកាន់តែខ្លាំង ដើម្បីប្រជែងឱកាសក្នុងបញ្ជីឈ្មោះកីឡាករចុងក្រោយទៅស៊ីហ្គេម និងដើម្បីក្លិប ក៏ដូចអ្នកគាំទ្រសៀមរាបផងដែរ។ ខ្ញុំពិតជារំភើប និងមិននឹកស្មានដល់ដែលមានឱកាសលេងជាអ្នកចាំទីដៃទី១ នៅ៧ប្រកួតដំបូងក្នុងលីគសម្រាប់ក្រុម និងទទួលបានឱកាសចូលការប្រមូលផ្ដុំហ្វឹកហាត់ជាមួយក្រុមជម្រើសជាតិអាយុ២៣ឆ្នាំ ហើយខ្ញុំនឹងប្ដេជ្ញាចិត្តឲ្យអស់ពីសមត្ថភាពក្នុងការហ្វឹកហាត់ ដែលពីមុនខ្ញុំខំប្រឹងមក នឹងព្យាយាមឲ្យកាន់តែខ្លាំងជាងមុនបន្ថែមទៀត ដើម្បីឱកាសទាំងក្នុងក្លិប និងជម្រើសជាតិចង់បាន»៕

អ្នកចាំទីមានកម្ពស់ ១.៨០សង់ទីម៉ែត្ររូបនេះ ទទួលបានឱកាសបង្ហាញខ្លួន១១នាក់ដំបូង គ្រប់ប្រកួតសម្រាប់អង្គរថាយហ្គឺរជាមួយសមត្ថភាពគួរឲ្យកត់សម្គាល់ ក្រោមការដឹកនាំរបស់លោក Alistair Heath  ៧សប្ដាហ៍ដំបូងនៃក្របខណ្ឌ Cambodian Premier League រដូវកាលនេះ៕

រូបភាព៖ ATK

(Khmer) ខ្សែប្រយុទ្ធ Karim Benzema បានបកស្រាយពីហេតុផលដែលគេសម្រេចចិត្តទាត់បាល់ប៉េណាល់ទី ដោយប្រើស្ទីលបន្តក់បាល់ (Panenka) ទល់នឹង អ្នកចាំទី Ederson កាលពីយប់មិញ។

កាលពីយប់មិញនេះ Benzema បានរកគ្រាប់បាល់បញ្ចូលពីរគ្រាប់ម្នាក់ឯង ប៉ុន្តែវាមិនគ្រប់គ្រាន់ក្នុងការជួយក្រុមស្វែងរកលទ្ធផលល្អបានឡើយ ដោយ Real Madrid បានចាញ់ Man City ក្នុងលទ្ធផល ៤ទល់នឹង៣ នៃការប្រកួតវគ្គពាក់កណ្តាលផ្តាច់ព្រ័ត្រ ជើងទី១ ក្របខណ្ឌ Champions League។

ទាក់ទងនឹងការទាត់បាល់ប៉េណាល់ទី Benzema បាននិយាយថា៖«ខ្ញុំតែងតែមានវានៅក្នុងក្បាលរបស់ខ្ញុំថា ប្រសិនបើអ្នកមិនទទួលការទាត់បាល់ប៉េណាល់ទីទេ នោះ អ្នកនឹងមិនដែលខកខានការទាត់បាល់ពិន័យនេះឡើយ។ នេះគឺជាទំនុកចិត្តលើខ្លួនឯង។ ដូច្នេះខ្ញុំក៏ធ្វើវា ហើយ វាទទួលបានជោគជ័យ»៕

(Khmer) ក្រុមហ៊ុន Cambodian Premier League បាន​ចេញ​លិខិតស្តីពីការអនុញ្ញាតឱ្យទស្សនិកជន ចូលរួមទស្សនាការប្រកួតចំនួន១០០%នៅក្នុងកីឡដ្ឋានផ្ទាល់ និងមិនមានការ តម្រូវឱ្យធ្វើតេស្តរហ័សរកមេរោគកូវីដ-១៩ លើមន្ត្រី និងកីឡាករ សម្រាប់ការប្រកួតដែលរៀបចំដោយក្រុមហ៊ុនខេមបូឌានពីមៀរលីគ។

លិខិត​នេះ​ចេញ​នៅ​ថ្ងៃ២៧ខែមេសាឆ្នាំ២០២២​ដោយ​លោក SATOSHI SAITO នាយកប្រតិបត្តិ​លីគកំពូលកម្ពុជា ហើយ​សេច​ក្ដី​លម្អិត​មាន​ដូចខាងក្រោម៖

(Khmer) តារាវ័យក្មេងពីររូបរបស់ក្រុមជម្រើសជាតិឥណ្ឌូនេស៊ី Egy Maulana Vikri និង Witan Sulaeman បានសម្រេចចិត្តចាកចេញពីក្លឹប Slovakian FK Senica ដោយសារតែក្លឹបមិនបានបើកប្រាក់ខែ។

ព័ត៌មាននេះត្រូវបានចែករំលែកដោយ Asean Football ដែលក្រៅពី Egy និង Witan មានកីឡាករយ៉ាងហោចណាស់ប្រាំបីនាក់ទៀត និងគ្រូបង្វឹកក្រុមដែលបដិសេធមិនបន្តបម្រើជាមួយក្លឹបដោយសារតែមិនមានប្រាក់ខែ។

FK Senica មានពាក្យចចាមអារ៉ាមថាកំពុងប្រឈមនឹងបំណុលចំនួន 1 លានអឺរ៉ូដែលបណ្តាលឱ្យពួកគេមិនអាចបើកប្រាក់ខែរបស់កីឡាករនិងបុគ្គលិកគ្រូបង្វឹកបាន។ ដោយ​គ្មាន​កីឡាករ​សំខាន់​ក្នុង​ក្រុម Senica បាន​ចាញ់​ក្នុង​បី​ប្រកួត​ចុង​ក្រោយ​ទៅ​លើក្រុម Lipstovsky Mikulas, Spartak Trnava, និង Zemplin Michalovche ។

Egy និង Witan បានធ្វើកូដកម្មបដិសេធមិនចូលលេងឱ្យ​ក្លិប​តទល់​និង​ក្រុមជា Mikulas និង Michalovche តែ​គ្មាន​ជម្រើសរូប​គេ​នៅតែលេង​ដដែល។ ពេល​ប៉ះក្រុម Trnava កីឡាករទាំងពីរមិន​បាន​ចូល​លេង​ទេ។

ប្រធានក្រុម Senica កីឡាករ Juraj Prioska បង្ហើបថា អ្នកគ្រប់គ្រងមិនខ្វល់ពីបញ្ហាជំពាក់ប្រាក់បៀវត្សរ៍ ដែលបណ្ដាលឱ្យកីឡាករមួយចំនួនធ្វើកូដកម្ម និងបដិសេធមិនចូលលេងឱ្យក្រុម។

“អ្នកគ្រប់គ្រងមិនបានធ្វើតាមសំណើរបស់យើងទេ។ ដូច្នេះយើងជ្រើសរើសយក​ការ​ចាកចេញ​ពី​ក្លិប​និង​មិន​លេងឱ្យ។ យើងនឹងឃើញមានអ្វីកើតឡើងនៅពេលក្រោយ។ ពួកគេមានអាថ៌កំបាំងជាច្រើនជាមួយយើង”។

គាត់បាននិយាយថា៖ “ពិតណាស់ពួកគេមិនចង់ឱ្យកីឡាករចាកចេញពីក្រុមទេ។ ប៉ុន្តែពួកគេចង់ឱ្យយើងលេងដោយឥតគិតថ្លៃ។ នោះមិនមែនជាដំណោះស្រាយចំពោះបញ្ហានេះទេ” ។

Egy Maulana និង Witan Sulaeman ស្ទើរតែនឹងធ្វើចំណាកស្រុកទៅក្រុមផ្សេងទៀត បន្ទាប់ពីឆ្លងកាត់ស្បៃអន្ធការជាមួយ FK Senica ។ យ៉ាងណាក៏ដោយ គេនៅមិនទាន់ដឹងច្បាស់ថា កីឡាករទាំងពីរនឹងបន្តលេងនៅអឺរ៉ុប ឬត្រឡប់ទៅលេងក្នុងតំបន់អាស៊ីដូចមុននោះទេ។

ក្លិប​នៅជប៉ុន និងលីគកូរ៉េ ត្រូវបានគេមើលឃើញថាជាដំណាក់កាលសមរម្យសម្រាប់កីឡាករទាំងពីរ ដោយសារពួកគេមានគុណភាពគ្រប់គ្រាន់ឱ្យ​អ្នក​ទាំងពីរក្នុងការប្រកួត​ប្រជែង បន្ទាប់ពីលេងនៅអឺរ៉ុបយូរខែ​មក​ហើយ​ដែរ​នោះ។ Egy និង Witan ស្ថិត​ក្នុង​បញ្ជី​កីឡាករ​ឥណ្ឌូណេស៊ី​ដែល​នឹង​ចូល​រួម​ប្រកួត​កីឡា​ស៊ីហ្គេម​ឆ្នាំ​២០២១ នៅ​ទីក្រុង​ហាណូយ ប្រទេស​វៀតណាម។

(Khmer) លោក Felix Dalmas ដែលជាអតីតគ្រូបង្គោលក្រុមជម្រើសជាតិកម្ពុជា បានបង្ហាញអំពីការយល់ឃើញចំពោះបញ្ជីឈ្មោះក្រុមកម្ពុជាក្នុងព្រឹត្តិការណ៍ Sea Games ខាងមុខនេះ។

កម្ពុជា ស្ថិតនៅក្នុងពូល B ជាមួយក្រុមជម្រើសជាតិថៃ, ម៉ាឡេស៊ី, សិង្ហបុរី និង ឡាវ ដែលសុទ្ធសឹងតែជាក្រុមខ្លាំងនៅក្នុងតំបន់ ខណៈកាលពីឆ្នាំ២០១៩ ពេលដែលលោក Felix ដឹកនាំ ក្រុមកម្ពុជា ទទួលបានចំណាត់ថ្នាក់លេខ៤។

ថ្លែងប្រាប់ Cambodia 2023 លោក Felix បាននិយាយថា៖

«ទាំងនេះគឺជាការសម្រេចចិត្តរបស់គ្រូបង្វឹក។ ពួកគាត់ជាអ្នកដែលបានតាមដាន និងធ្វើការជាមួយកីឡាករនាពេលបច្ចុប្បន្ននេះ។ ជាអកុសល ខ្ញុំមិនបានធ្វើការជាមួយក្រុមអស់រយៈពេលមួយឆ្នាំកន្លងមក។ ដូច្នេះ ខ្ញុំមិនដឹងព័ត៌មានលម្អិតទាំងអស់អំពីអ្វីដែលកំពុងកើតឡើងនៅពេលនេះទេ។ ខ្ញុំគិតថា វាជាដំណើរការដ៏វែងមួយ។ យើងធ្លាប់បានខិតខំយ៉ាងខ្លាំង ក្នុងការអភិវឌ្ឍ និងរៀបចំកីឡាករ រួមទាំងបុគ្គលិកទាំងអស់ជាមួយនឹងមូលដ្ឋានគ្រឹះ និងវិធីនានា ដើម្បីភាពរីកចម្រើន។ ការប្រកួត ដូចជាស៊ីហ្គេមនេះ គឺជា ការសាកល្បងដ៏អស្ចារ្យ ដើម្បីបង្ហាញថា តើកីឡាករកំពុងនៅកន្លែងណា ក្នុងដំណើរការនោះ។ អ្នកដែលខ្ញុំបានធ្វើការជាមួយផ្ទាល់ គឺជាក្មេងដែលពូកែ មានការផ្ដោតអារម្មណ៍បានល្អ ហើយពួកគេចង់ធ្វើឲ្យបានល្អសម្រាប់កម្ពុជា។ ជាមួយគ្នាផងដែរ លើកនេះ បុគ្គលិក និងកីឡាករទាំងអស់ កំពុងប្រឹងប្រែងធ្វើឲ្យប្រជាជនកម្ពុជា សប្បាយចិត្ត ។ ដូច្នេះសូមគាំទ្រពួកគេ»៕