(Khmer) លោក Zainudin Amali រដ្ឋមន្ត្រីក្រសួងយុវជន និងកីឡាឥណ្ឌូនេស៊ី (Menpora) បានបញ្ជាក់ថា ប្រទេសឥណ្ឌូនេស៊ីបានដាក់ពាក្យស្នើសុំជាផ្លូវការទៅកាន់សហព័ន្ធកីឡាបាល់ទាត់អាស៊ី (AFC) ដើម្បីដេញថ្លៃសិទ្ធិធ្វើម្ចាស់ផ្ទះ Asian Cup ឆ្នាំ២០២៣។ ការដេញថ្លៃធ្វើជាម្ចាស់ផ្ទះព្រឹត្តិការណ៍ Asian Cup ឆ្នាំ 2023 ត្រូវបានបើកសម្រាប់សមាជិកទាំងអស់នៃសមាគមដើម្បីជំនួសប្រទេសចិនដែលបានដកខ្លួនដោយសារតែការកើនឡើងនៃករណី COVID-19 ។

ចេតនារបស់សមាគមកីឡាបាល់ទាត់ឥណ្ឌូណេស៊ី (PSSI) ដើម្បីធ្វើម្ចាស់ផ្ទះ Asian Cup ឆ្នាំ 2023 ក៏មានការគាំទ្រពីរដ្ឋាភិបាលឥណ្ឌូនេស៊ី រួមទាំងក្រសួងយុវជន និងកីឡាផងដែរ។ មានការស្នើសុំពី PSSI ដើម្បីធ្វើម្ចាស់ផ្ទះ Asian Cup រដ្ឋាភិបាលបានយល់ព្រម និងស្វាគមន៍ក្នុងការទទួលធ្វើជាម្ចាស់ផ្ទះពានប្រចាំទ្វីបមួយនេះ។

លោក Zainudin Amali រដ្ឋមន្ត្រីក្រសួងអប់រំយុវជន និងកីឡា បាននិយាយនៅក្នុងសេចក្តីថ្លែងការណ៍មួយនៅលើ CNN Indonesia ថា៖ «លទ្ធផលនឹងត្រូវបានគេមើលឃើញនៅពេលក្រោយ ដោយសារតែប្រទេសកូរ៉េ ជប៉ុន និងអូស្ត្រាលីក៏មានចំណាប់អារម្មណ៍ក្នុងការធ្វើជាម្ចាស់ផ្ទះផងដែរ។ យើងគាំទ្រ PSSI ប្រសិនបើពួកគេចង់ធ្វើជាម្ចាស់ផ្ទះ» ។

ក្នុងនោះផងដែរប្រធានាធិបតីឥណ្ឌូនេស៊ី លោក Joko Widodo ក៏បានដឹងអំពីផែនការធ្វើម្ចាស់ផ្ទះ Asian Cup ឆ្នាំ២០២៣ និងបានអនុញ្ញាតឱ្យ PSSI ធ្វើការដាក់ពាក្យជាផ្លូវការទៅកាន់ AFC ។ លោក Zainudin «ខ្ញុំបានរាយការណ៍ទៅប្រធានាធិបតីឥណ្ឌូនេស៊ី ភ្លាមដើម្បីសុំការណែនាំ គាត់ក៏បានឯកភាព និងគាំទ្រឲ្យយើងអនុវត្ត»។ លោកក៏បានបន្ថែមថា« ថ្ងៃនេះ (ម្សិលមិញ) ពួកគេនឹងទៅ AFC ។ ក្រោយមកពួកគេនឹងបង្ហាញលិខិតផ្លូវការពី PSSI ដើម្បីធ្វើជាម្ចាស់ផ្ទះ។ នេះជាឱកាសដ៏ល្អមួយ យើងជាអ្នកចូលរួមក៏ជាបេក្ខភាពម្ចាស់ផ្ទះ»។ រីឯកអគ្គលេខាធិការ AFC លោក Datuk Seri Windsor Paul John កាលពីសប្តាហ៍មុនបានបង្ហើបថា «ម្ចាស់ផ្ទះនៃព្រឹត្តិការណ៍ Asian Cup ឆ្នាំ២០២៣ នឹងត្រូវប្រកាសជាផ្លូវការនៅខែតុលា ឆ្នាំ២០២២ ។ លទ្ធផលត្រូវបានគេរំពឹងថានឹងដឹងនៅថ្ងៃទី១៧ ខែតុលា។ ចំពោះការបោះឆ្នោតមិនទាន់មានកាលបរិច្ឆេទនៅឡើយទេ ប៉ុន្តែជាធម្មតាវានឹងធ្វើឡើងប្រាំឬប្រាំមួយខែមុនពេលការប្រកួត»។

សម្រាប់ក្រុមឥណ្ឌូណេស៊ី នេះគឺជាការបង្ហាញខ្លួនលើកទីប្រាំក្នុងព្រឹត្តិការណ៍ Asian Cup បន្ទាប់ពីការប្រកួតឆ្នាំ ១៩៩៦, ២០០០, ២០០៤, និង ២០០៧។ ថ្ងៃផុតកំណត់ក្នុងការដាក់ពាក្យជាផ្លូវការដើម្បីធ្វើម្ចាស់ផ្ទះ Asian Cup ឆ្នាំ២០២៣ គួរតែនៅថ្ងៃទី៣០ ខែមិថុនា ប៉ុន្តែ AFC បានប្រកាសថាវាត្រូវបានពន្យារពេលរហូតដល់ថ្ងៃទី១៥ ខែកក្កដា ដើម្បីអនុញ្ញាតឱ្យពួកគេពិនិត្យមើលរាល់ពាក្យសុំពីប្រទេសសមាជិក៕

(Khmer) មុនការប្រកួតទី៣ ក្នុងពូល G ប៉ះក្លិប Kedah មកពីប្រទេសម៉ាឡេស៊ី។ ប្រធានក្រុមក្លិបវិសាខា កីឡាករ ប៊ីន ចន្ថាធារី ក៏បានបង្ហាញជំនឿចិត្តយ៉ាងមុតមាំ ជាពិសេសក៏បានប្រាប់ពីកីឡាករ ៣រូប ដែលរូបគេបានគិតថានឹងគំរាមគំហែងខ្លាំងដល់តំបន់ការពាររបស់ក្លិប។

ទំនាក់ទំនងតាមសារអេឡិចត្រូនិច ជាមួយ b8-sport.com ខ្សែការពារកណ្តាល ប៊ីន ចន្ថាធារី បានបង្ហាញពីជំនឿចិត្តរបស់ខ្លួនថា៖ «ពួកយើងប៉ះក្លិប Kedah នឹងក្លាយជាការប្រកួតវគ្គផ្តាច់ព្រ័ត្រដ៏ធំ យើងត្រូវចាត់ទុកការប្រកួតនេះ ដូចជាវគ្គផ្តាច់ព្រ័ត្រ គឺត្រូវការតែជ័យជំនះ។ ពួកយើងនឹងលះបង់គ្រប់បែបយ៉ាងនៅលើទីលាន ឲ្យបានច្រើនជាង ២ប្រកួតមុន។ Kedah នឹងលេងកាន់តែខ្លាំងថ្វេរដង ព្រោះពួកគេក៏ត្រូវការទៅវគ្គបន្ត»

បើនិយាយពីកីឡាករ ដែលបង្កក្តីកង្វល់របស់ Kedah វិញ។ ក្នុងនោះដែរ កីឡាករកូនកាត់ខ្មែរ-បារាំង រូបនេះ បានប្រាប់ពីកីឡារ ៣រូប ដែលរូបគេគិតថានឹងបង្កក្តីកង្វល់ដល់ក្លិបវិសាខា។

«តាមរយៈការមើលវីដេអូ ២ប្រកួតចុងក្រោយរបស់ Kedah ខ្ញុំបានចាត់ទុកថា ប្រធានក្រុម Syazwan Zainon (លេខ២២) ជាតួអង្គសំខាន់ ដែលពួកយើងត្រូវផ្តោតទៅលើរូបគេខ្លាំង បន្ទាប់មកគឺកីឡាករសញ្ជាតិកូឌឺវ័រ Dechi Marcel (លេខ២៥) និងម្នាក់ចុងក្រោយ គឺខ្សែបម្រើជម្រើសជាតិហ្សកដានី Mahmoud Al-Mardi (លេខ១០) ។ ពួកគេគឺកីឡាករបង្ក​គ្រោះថ្នាក់​ខ្លាំង​ ដូច្នេះ​យើង​ត្រូវ​តែ​ដាក់សម្ពាធ ​ដើម្បី​កុំ​ឱ្យ​ពួកគេ​មានឱកាសលេងបានដោយងាយស្រួល»

ការទទួលជ័យជំនះ ២ប្រកួត របស់ក្លិបវិសាខា (Visakha 2-1 Kaya) (Visakha 5-2 Bali United) ក្នុងពានរង្វាន់ AFC CUP 2022 បានធ្វើឲ្យក្លិបតំណាងប្រទេសកម្ពុជាមួយនេះ មាន ៦ពិន្ទុក្នុងពូល G ជាបណ្តោះអាសន្ន តាមទាន់កមណត់ត្រារបស់ក្លិបបឹងកេត កាលពីឆ្នាំ២០១៨ ហើយការប៉ះក្លិប Kedah នេះ ពួកគេត្រូវការតែ ១ពិន្ទុតែប៉ុណ្ណោះ ដើម្បីធានាកៅអីឡើងទៅកាន់វគ្គបន្ត។

(Khmer) អ្នកស្នេហាវិស័យកីឡាបាល់ទាត់ឥណ្ឌូណេស៊ីមានការភ្ញាក់ផ្អើលចំពោះជ័យជម្នះរបស់ Vishaka FC លើក្រុម Bali United នៅកីឡដ្ឋាន I Wayan Dipta កោះបាលី ថ្ងៃច័ន្ទ (27/6/2022) ដែល​លទ្ធផលចុង​ក្រោយ​គឺ៥-២។ លទ្ធផល​នេះ​បាន​ធ្វើមជ្ឈដ្ឋានបាល់ទាត់​ឥណ្ឌូនេស៊ីនៅ​មិន​សុខ ហើយ​ធ្វើការ​តានដាន​និង​ស្រាវជ្រាវ​អំពី​បាល់​ទាត់​ខ្មែរ​ពិសេស​ កំណែទម្រង់​នៃ​លីគបាល់​ទាត់​កម្ពុជា។

 B8 Sport សូមប្រែសម្រួលជូនបងប្អូនអាច​ជាការ​ស្វែងយល់​និង​បង្ហាញពី​មោទនកភាព​មួយ​បាន​ដែរ។ អត្ថន័យគឺ​មាន​នៅ​ខាង​ក្រោម​ទាំងស្រុង៖

មកស្គាល់លីគកំពូលកម្ពុជា ដែលបច្ចុប្បន្នគ្រប់គ្រងដោយអតីតអ្នកជំនាញ Barcelona គាំទ្រយ៉ាងពេញទំហឹងដោយសហព័ន្ធ លីគ​បាល់ទាត់កម្ពុជា​គួរ​តែ​ថ្វើ​ការ​ពិភាក្សា​ បន្ទាប់​ពី​តំណាង​របស់​ខ្លួន​ក្នុង​ពាន​រង្វាន់ AFC Cup 2022 គឺ Vishaka FC បាន​យក​ឈ្នះ Bali United។ តើការប្រកួតប្រជែងរបស់ប្រទេសមួយ​នេះរីកចម្រើនដល់កម្រិតណា? តើ​ជ័យជម្នះ​របស់ Vishaka FC អាច​ចាត់​ទុក​ថា​ជា​សំណាង​ដែរ​ឬ​ទេ?

បើ​ក្រឡេក​ទៅ​មើល​អ្វី​ដែល​សហព័ន្ធ​កីឡា​បាល់ទាត់​កម្ពុជា (FFC) បាន​ធ្វើ​កាល​ពី​ឆ្នាំ​មុន ចម្លើយ​គួរ​តែ​គ្មាន។

លីគ​អាជីព​កម្ពុជា​ដំបូង​បាន​ចាប់​ផ្ដើម​ក្នុង​ឆ្នាំ ២០០៥

លីគកម្ពុជាមានតាំងពីឆ្នាំ ១៩៨២ មកម្ល៉េះ។ ទោះបីជាយ៉ាងណាក៏ដោយ ការប្រកួតអាជីពបានចាប់ផ្តើមតែក្នុងឆ្នាំ ២០០៥ ប៉ុណ្ណោះ។ បន្ទាប់​ពី​បាន​ផ្អាក​អស់​រយៈ​ពេល​ពីរ​ឆ្នាំ កម្ពុជា​បាន​វិល​មក​វិញ​ប្រកប​ដោយលីគ​វិជ្ជាជីវៈ​ក្នុង​ឆ្នាំ ២០០៥ ដោយ​មាន​ក្រុមហ៊ុន​ទូរគមនាគមន៍ Metfone ជា​អ្នក​ឧបត្ថម្ភ​ធំ។

ក្នុងរយៈពេល 17 ឆ្នាំជាមួយមិត្តហ្វូន ស្តង់ដារវិជ្ជាជីវៈបានកើនឡើង។ ក្លឹបក៏ចាប់ផ្តើមទទួលបានការឧបត្ថម្ភពីក្រុមហ៊ុនល្បីៗផងដែរ។ អរគុណ​ដែល​បាន​មក​ម្ចាស់​ជើង​ឯក​លីគ​កំពូល​កម្ពុជា​៧​សម័យ​គឺ ភ្នំពេញ​ក្រោន។

បន្ទាប់មក ក្លឹបដែលទទួលបានការឧបត្ថម្ភពីក្រុមហ៊ុនល្បីៗដូចជា Nagaworld, SMART, Cambodian Airways និង Prince Group ធ្វើឱ្យពួកគេមានលុយគ្រប់គ្រាន់ក្នុងការនាំយកកីឡាករបរទេស ទោះបីមិនមានកីឡាករល្បីៗ​ក្នុងតំបន់ ឬ​ពិភពលោកក៏ដោយ។

យ៉ាងណាក៏ដោយប្រភពក្នុងស្រុករបស់​កម្ពុជាចាត់ទុកថា លីគកំពូលកម្ពុជា មិនទាន់មានអាជីពពេញលេញនៅឡើយ ព្រោះវានៅតែតាមពីក្រោយដោយក្រុមដូចជា Electricité du Cambodge FC (EDCFC) និងក្លឹបមកពីអគ្គស្នងការនគរបាលជាតិជាដើម។ លីគ​កម្ពុជា​ក៏​ត្រូវ​បាន​គេ​ចាត់​ទុក​ថា​បាន​បរាជ័យ​ក្នុង​ការ​ផ្តល់​ទស្សនីយភាព​គួរ​ឱ្យ​ចាប់​អារម្មណ៍។ ឥទ្ធិពល​សម្រាប់​ក្រុម​ជម្រើស​ជាតិ​ក៏​មិន​សូវ​អស្ចារ្យ​ប៉ុន្មាន​ដែរ ព្រោះ​កម្ពុជា​នៅ​តែ​តស៊ូក្នុងចំណាត់​ថ្នាក់ FIFA ​លេខ​១៧៤​ក្នុង​ពិភពលោក។

ការច្នៃប្រឌិតធំចាប់ផ្តើមនៅចុងឆ្នាំ 2021

FFC កំពុង​បោះ​ជំហាន​យ៉ាង​ខ្លាំង​ឆ្ពោះ​ទៅ​រក​ការ​ឈាន​ទៅ​មុខ​នៃ​លីគ​កម្ពុជា។ នៅខែតុលា ឆ្នាំ 2021 FFC បានបង្កើតក្រុមហ៊ុនពិសេសមួយទាក់ទងនឹងការប្រកួតនេះ គឺក្រុមហ៊ុនលីគបាល់ទាត់កម្ពុជា (CFLC)។ នេះអាចជាចំណុចរបត់មួយសម្រាប់បាល់ទាត់កម្ពុជា។ ដូច្នេះហើយ ចាប់ពីរដូវកាល 2022 មក លីគកំពូលកម្ពុជា លែងគ្រប់គ្រងដោយ FFC ទៀតហើយ ប៉ុន្តែដោយ CFLC ។

CFLC នេះគឺដូចគ្នាទៅនឹង PT LIB (New Indonesia League) ប៉ុន្តែមនុស្សនៅធ្វើការក្នុងវាខុសគ្នា។ CLFC ត្រូវបានបំពេញដោយអ្នកជំនាញបាល់ទាត់។នាយកប្រតិបត្តិនៃ CFLC គឺ Satoshi Saito ។ គាត់បានធ្វើការជាអ្នកគ្រប់គ្រងទីផ្សារសម្រាប់ FC Barcelona នាយកបេសកកម្មពិសេសសម្រាប់សហព័ន្ធបាល់ទាត់ជប៉ុន (JFA) នាយកទីផ្សារ FC និងទីប្រឹក្សាទីផ្សារសម្រាប់ FIFA ។

យ៉ាងម៉េច? ពិត​ជា​ភ្លឺ​ភ្នែក​មែន​ទែន​ មិន​មែនមាន​​ CV (ចាន់វឌ្ឍនាកា)តែម្នាក់នោះ​ទេ។ គាត់​ជា​កីឡាករ​បាល់ទាត់​ម្នាក់​ដែល​មាន​បទពិសោធន៍​នៅ​កម្រិត​កំពូល​នៃ​បាល់ទាត់ក្នុង​ប្រទេស។

ចំណែកនាយកនៃ លីគបាល់ទាត់ឥណ្ឌូនេស៊ី គឺ Akhmad Hadian Lukita ។ ដោយផ្អែកលើព័ត៌មានដែលបង្ហោះដោយ Divusi គាត់មានបទពិសោធន៍ជាង 15 ឆ្នាំក្នុងវិស័យផ្សេងៗ រួមទាំងកីឡាផងដែរ។ បទពិសោធន៍ខ្លះរបស់គាត់រួមមាន ការស្រាវជ្រាវ/ទីប្រឹក្សាផ្នែកព័ត៌មានវិទ្យា ទូរគមនាគមន៍ ការគ្រប់គ្រង ការអភិវឌ្ឍន៍អាជីវកម្ម ស្ថាបត្យកម្មសហគ្រាស និងថាមពល។

ជាការពិតណាស់ Akhmad Hadian ពិតជាយល់អំពីកីឡាបាល់ទាត់ ដោយសារតែគាត់នៅតែអាចដំណើរការ Liga 1, League 2 និង League 3 ក្នុងពេលកំពុងរាតត្បាតកូវីដ១៩។ ទោះជាយ៉ាងណាក៏ដោយកម្រិតគឺពិតជាខុសគ្នាបើប្រៀបធៀបទៅនឹង Satoshi Saito ។

តើ Satoshi Saito បានធ្វើការផ្លាស់ប្តូរអ្វីខ្លះ?

គម្រោង Satoshi Saito បានចាប់ផ្តើមនៅឆ្នាំនេះ ដោយធ្វើឱ្យមានការផ្ទុះឡើងមួយចំនួន។ ឈ្មោះ Metfone C-League ត្រូវបានប្តូរទៅជា Cambodia Premier League (CPL)។ ក្លឹប​ដែល​ចូល​រួម​ក៏​ត្រូវ​កាត់​ចេញ​ដែរ លែង​មាន​១៣​ក្រុម​ទៀត ប៉ុន្តែ​មាន​៨​ក្រុម។ បន្ទាប់​មក​នឹង​មាន​ការ​ប្រកួត​លីគ​ទី​២​ដែល​មាន​១២​ក្រុម​ចូល​រួម។

ក្លឹបដែលអាចចូលរួមក្នុងលីគកំពូលកម្ពុជា (CPL) ក្លឹបត្រូវតែបំពេញតាមលក្ខណៈវិនិច្ឆ័យផ្សេងៗដូចជា ស្ថានភាពផ្លូវច្បាប់ ដំណោះស្រាយ ហិរញ្ញវត្ថុ ហេដ្ឋារចនាសម្ព័ន្ធ និងគុណភាពកីឡដ្ឋាន។

Satoshi Saito បានផ្តល់ស្តង់ដារវាយតម្លៃអប្បបរមាពិន្ទុ 70 ដើម្បីអាចឆ្លងកាត់លក្ខខណ្ឌទាំងនេះ។ Satoshi Saito បាននិយាយថា៖ “ក្លឹបត្រូវតែទទួលបានពិន្ទុមូលដ្ឋាន 70 ដែលត្រូវបានវិនិច្ឆ័យលើលក្ខណៈវិនិច្ឆ័យផ្សេងៗ” ។

បច្ចុប្បន្ន​កីឡដ្ឋាន​កម្ពុជា​ជា​ច្រើន​ខ្វះ​ភ្លើង​បំភ្លឺ។ Satoshi Saito ក៏បានយកឈ្នះលើ​រឿង​នេះ ដោយគាត់ដោយបង្កើនចំនួនការប្រកួតនៅពេលរសៀល។ ច្បាប់ថ្មីទាំងនេះក៏នឹងត្រូវបានអនុវត្តចំពោះបេក្ខជនឡើង​មក​លីគកំពូលនៅឆ្នាំក្រោយផងដែរ។ ប្រសិនបើក្លឹបមួយត្រូវបានតម្លើងមក​លីគកំពូល ប៉ុន្តែមិនបានបំពេញតាមលក្ខខណ្ឌផ្សេងៗ នោះក្លឹបនោះនឹងមិនអាចបង្ហាញខ្លួននៅក្នុងលីគកំពូលកម្ពុជា (CPL) បានទេ។

ទន្ទឹមនឹងនេះ លោក Satoshi Saito ក៏បានអនុវត្តបទប្បញ្ញត្តិផងដែរ ដូច្នេះក្លឹបនីមួយៗត្រូវតែដាក់ឱ្យលេងកីឡាករ U-23 ពីរនាក់ផងដែរ។ នេះ​បាន​ទទួល​ការ​តវ៉ា​ពី​សំណាក់​គ្រូ​បង្វឹក​របស់​ក្លឹប​កម្ពុជា។ យ៉ាងណាក៏ដោយ លោក Satoshi Saito បានសង្កត់ធ្ងន់ថា អ្វីដែលលោកធ្វើ គឺមិនមែនដើម្បីតែគុណភាពនៃការប្រកួតប៉ុណ្ណោះទេ ប៉ុន្តែថែមទាំងជួយអភិវឌ្ឍន៍ក្រុមជម្រើសជាតិកម្ពុជាទៀតផង។

បើតាមគាត់ បទប្បញ្ញត្តិក្នុងការលេងកីឡាករ U-23 ពីររូបគឺល្អបំផុត ដើម្បីជួយអភិវឌ្ឍកីឡាករវ័យក្មេងដែលជាមូលដ្ឋានគ្រឹះនៃអនាគតរបស់ក្រុមជម្រើសជាតិ។Satoshi Saito បាននិយាយថា៖ “ភារកិច្ចចម្បងមួយរបស់យើង គឺដើម្បីមើលការធ្វើឱ្យប្រសើរឡើងនៃក្រុមជម្រើសជាតិ និងការអភិវឌ្ឍកីឡាករវ័យក្មេង” ។

“យើងបានសិក្សាវិធីសាស្រ្តផ្សេងៗនៅក្នុងលីគផ្សេងទៀត ហើយមានអារម្មណ៍ថាគំរូនេះដំណើរការបានល្អបំផុតក្នុងការអភិវឌ្ឍន៍កីឡាករសម្រាប់ក្រុមជម្រើសជាតិ”។

ការប្ដេជ្ញាចិត្តរបស់ Satoshi Saito ដើម្បីក្លាយជាលីគកំពូលកម្ពុជា ជាលីគល្អបំផុតនៅអាស៊ីអាគ្នេយ៍ ។ Satoshi Saito នឹងត្រូវតម្រង់ទៅ J-League (Japan League) ក្នុងការសាងសង់លីគកម្ពុជា។ Kawabuchi Saburo ដែលជាតួរអង្គក្នុងការអភិវឌ្ឍន៍លីគជប៉ុន (J-League) ក្នុងទស្សវត្សរ៍ឆ្នាំ 1990 ដែលបច្ចុប្បន្នជាការប្រកួតដ៏ល្អបំផុតមួយនៅអាស៊ី។ ហើយ Kawabuchi Saburo គឺជាអ្នកណែនាំរបស់ Satoshi Saito ។

“មុនពេល J.League ត្រូវបានបង្កើតឡើង បាល់ទាត់ជប៉ុនគឺជាផ្នែកមួយដែលអាក្រក់បំផុតនៅអាស៊ី។ Satoshi Saito បាននិយាយថា យើងមិនអាចប្រកួតប្រជែងជាមួយហ្វីលីពីន ឬម៉ាឡេស៊ីបានឡើយ”។

Satoshi Saito គ្រោងនឹងនាំអ្នកវិនិយោគជប៉ុនមកកម្ពុជា។ លោក​មាន​សុទិដ្ឋិនិយម​ថា​លោក​អាច​ធ្វើ​ឲ្យ Cambodia Premier League ក្លាយ​ជា​លីគ​ល្អ​បំផុត​នៅ​អាស៊ីអាគ្នេយ៍។ Satoshi Saito បាននិយាយថា៖ “សម្រាប់លីគកម្ពុជា ខ្ញុំចង់ក្លាយជាលីកអាជីពល្អបំផុតនៅអាស៊ីអាគ្នេយ៍”។

បាល់ទាត់មិនមែនជាវេទមន្តទេ។ ជាការពិតណាស់ វាត្រូវការដំណើរការមួយដើម្បីមើលការអភិវឌ្ឍន៍។ FFC បានបោះជំហានយ៉ាងអស្ចារ្យដោយប្រគល់ការប្រកួតប្រជែងទៅឱ្យអ្នកជំនាញ។ ដូច្នេះ មិនចាំបាច់ភ្ញាក់ផ្អើលទេ ប្រសិនបើក្លឹបកម្ពុជានឹងយកឈ្នះក្លឹបឥណ្ឌូនេស៊ីញឹកញាប់ជាងនេះ ក្នុងរយៈពេលប៉ុន្មានឆ្នាំខាងមុខ ប្រសិនបើអ្នក​គ្រប់​គ្រង់លីគឥណ្ឌូនេស៊ីមិនពោរពេញដោយអ្នកជំនាញកម្រិតអន្តរជាតិ។

ប្រែសម្រួលពី៖ vocketfc

(Khmer) វា​មិន​មែន​ជារឿង​ចៃដន្យសោះ​ឡើយ តែ​វា​អាច​និយាយបាន​ជាសំណាងបូក​ជាមួយគុណភាព ដែល​វិសាខាកំពុងធ្វើ​បាន​ល្អ​ក្នុងពាន​រង្វាន់ AFC Cup 2022 វគ្គ​ជម្រុះ​ក្នុងពូល​ G ក្រោយ​បង្ហាញខ្លួន​២​ប្រកួត​ ឈ្នះទាំង២​ប្រកួត​ហើយ​មាន​ភាគរយខ្ពស់​ជាង​គេ​ក្នុង​ឡើង​ទៅ​វគ្គពាក់កណ្ដាលផ្ដាច់​ព្រ័ត្រអន្តរតំបន់។

ហេតុអ្វីថាសំណាង? ក្នុង​នាម​ជាជើងឯកពាន​សម្ដេច​ហ៊ុនសែន វិសាខា​ទទួលបាន​កៅអីវគ្គជម្រុះ​ play0ff ពាន AFC Cup 2022 តែ​ប៉ុណ្ណោះពី​កៅអី មួយកន្លះ​ដែល​ក្លិប​កម្ពុជា​ទទួល​បាន ខណៈដែល​ភ្នំពេញក្រោន​ជាម្ចាស់​ជើង​លីគកម្ពុជា​ទទួលបាន​កៅអីវគ្គជម្រុះក្នុងពូលស្វ័យប្រវត្តិ។ វគ្គជម្រុះ​ play0ff តំបន់​អាស៊ាន ក្រុមសេះស​ មួយ​នេះ​ត្រូវ​លេង​តទល់នឹង​ Young Elephant របស់​ឡាវ។ បើ​ក្រុមណា​ឈ្នះ​នឹង​ឡើង​ទៅវគ្គ​ជម្រុះក្នុងពូល។

អ្វីដែលចំណេញ! ក្រុម​ទាំងពីរ​មិនចាំបាច់​លេង​វគ្គ​នេះ​ឡើយ គឺ​ត្រូវ​ឡើង​មក​វគ្គ​ជម្រុះ​ក្នុង​ពូល G និង​ I រៀងៗខ្លួន​ដោយ​សារ​តែ​ក្លិបមីយ៉ាន់ម៉ា​ចំនួន​២​គឺ Shan United និង Hantharwady United ដែល​មាន​កៅអីក្នុងពូលស្រាប់ ​ត្រូវ​ដកខ្លួនចេញដោយ​សារ​បញ្ហាកូវីដ និង​បញ្ហានយោបាយក្នុង​ប្រទេស។

បើ​និយាយអំពី​គុណភាព ចូល​មក​ដល់​ក្នុង​ពូល​គ្មាន​នរណារំពឹង​ថា​វិសាខា​ធ្វើ​បាន​ល្អ​បែនេះនោះ​ឡើយ ពី​ព្រោះ​ពួក​គេ​ជាក្លិប​ថ្មីថ្មោងបំផុត​ដែល​មាន​បទពិសោធន៍​លេង​ពានអន្តរជាតិ​ទទួលស្គាល់​ពី​ AFC ​ប្រកួត​ទី​មួយ​បាន​យក​ឈ្នះ​ Kaya FC របស់​ហ្វីលីពីន២​ទល់​១។ របូត​គ្រាប់​បាល់​មុន​គឺ​ជា​អ្វី​ដែល​ពួក​គេ​ធ្វើ​ឱ្យ​អ្នក​គាំទ្រ​សឹង​តែ​អស់សង្ឃឹម ប៉ុន្តែ​ការ​វាយបក​យក​២​គ្រាប់​ពី កែន ចាន់សុភ័ក្ត្រ និង​សារ ទី​ជាមួយនឹង​ការ​បង្ហាញគុណផល​លេង​ដ៏​ជក់​ភ្នែកក្រោម ​ការ​ដឹកនាំរបស់​លោក មាស ចាន់ណា ធ្វើឱ្យ​ពួក​គេ​បាន​ក្លាយ​ជា​ក្លិប​ច្បាស់​ជើងឯកពាន Hun Sen Cup 2021 ឈ្នះការ​ប្រកួតដំបូងក្នុង​ប្រវត្តិសាស្រ្តក្លិបកម្ពុជា​លេង​នៅ AFC Cup ។

ការ​ប្រកួត​ទី២ប៉ះ​ជាមួយ Bali United ត្រូវ​បាន​គេ​រំពឹង​ថា ម្ចាស់​ពានសម្ដេច​ហ៊ុន សែន២សម័យកាលមួយ​នេះ​កំពុងតែជួប​ឧបសគ្គធំក្នុងប្រវត្តិសាស្រ្តពាន​អន្តរជាតិរបស់​ខ្លួន។ មិន​ខុស​ពី​ការ​ប្រកួតទីមួយ! ការ​របូត​គ្រាប់បាល់​មុន​ ជា​រឿង​មួយ​ដែល​ធ្វើភាគរយ​នៃ​ការ​ឈ្នះ​ត្រូវ​ថមថយ។ ប៉ុន្តែ​ការ​សហការ​គ្នាក្នុងក្រុម បូក​ជាមួយ​ការ​បង្ហាញគុណផល​លេង​របស់​កីឡាករម្នាក់ៗក្នុងក្រុម បាន​ធ្វើឱ្យ​ពួក​គេ​វាយ​បក​យក​៥​គ្រាប់​យ៉ាង​រន្ថើន។ ២​គ្រាប់​របស់​អ៊ុក សុវណ្ណ និង​ Paulo Victor និង​មួយ​គ្រាប់​របស់ Lee Jae-Gun ធ្វើឱ្យ​ក្លិប​មួយ​នេះ​រក​បាន​ជ័យជម្នះ២​ប្រកួត​ជាប់​គ្នាគួរឱ្យភ្ញាក់ផ្អើល។

នេះ​មានន័យថាវិសាខា​គឺ​ជាក្លិប​ជើងឯក Cup របស់កម្ពុជាដំបូង​គេដែល​រកបាន​ជ័យជម្នះ​២​ប្រកួត​ជាប់​គ្នាក្នុងវគ្គជម្រុះក្នុងពូល។ បឹង​កេត​ធ្លាប់​ឈ្នះ​២​ប្រកួត​ក្នុង​វគ្គ​ជម្រុះក្នុងពូលដែរ តែ​ក្នុង​នាម​ជា​ជើងឯក​លីគកំពូលកម្ពុជា ហើយ​មិន​បាន​ឈ្នះ​ការ​ប្រកួត២​លើកជាប់​គ្នាបែបនេះ​ទេ។

សម្រាប់​ការ​ប្រកួត​ចុងក្រោយ! វិសាខា​នឹង​ត្រូវ​ជួបក្រុម Kedah Darul Aman របស់​ម៉ាឡេស៊ី​ដែល​លេង​២​ប្រកួត​ឈ្នះមួយ​និងចាញ់​១ នៅ​ថ្ងៃទី៣០​ខែមិថុនាឆ្នាំ​២០២២។ ការ​ប្រកួត​នេះ វិសាខា​ត្រូវ​ការ​ឈ្នះជាចាំបាច់​ដើម្បីរក្សាតំណែង​កំពូលតារាងពូល G ដើម្បី​ឡើងទៅ​វគ្គ ASEAN Zonal semi-finals ដេល​លេង​តែ​មួយ​ជើង​តែ​ប៉ុណ្ណោះ៕

អត្ថបទដើម៖ ផេកពាន​រង្វាន់សម្ដេចហ៊ុន សែន

(Khmer) នៅឆ្នាំ 2023 ឥណ្ឌូណេស៊ីត្រូវបាន FIFA ទុកចិត្តធ្វើជាម្ចាស់ផ្ទះ U-20 World Cup ។ ព្រឹត្តិការណ៍នេះគឺជាមធ្យោបាយមួយដើម្បីស្វែងរកកីឡាករវ័យក្មេងល្អបំផុតដែលក្លាយជាគ្រាប់ពូជនៃតារាបាល់ទាត់នាពេលអនាគត។ អញ្ចឹងសូមពិចារណាការពិត 7 យ៉ាងខាងក្រោមអំពីការប្រកួត FIFA U-20 World Cup ឆ្នាំ 2023៖

-U20 World Cup នឹងត្រូវពន្យារពេលដល់ឆ្នាំ 2023៖ ដំបូងឡើយ U20 World Cup នឹងធ្វើឡើងនៅខែមីនា ឆ្នាំ 2021 នៅប្រទេសឥណ្ឌូនេស៊ី ប៉ុន្តែដោយ សារស្ថានភាពមិនទាន់បញ្ចប់នៃជំងឺរាតត្បាត COVID-19 ការប្រកួត U20 World Cup នឹងត្រូវបង្ខំចិត្តពន្យារពេលរហូតដល់ឆ្នាំ 2023។

-FIFA U-20 World Cup លើកដំបូងត្រូវបានប្រារព្ធឡើងនៅប្រទេសទុយនីស៊ី៖ ក្នុងឆ្នាំ 1977 FIFA បានធ្វើជាម្ចាស់ផ្ទះការប្រកួត U-20 World Cup នៅប្រទេសទុយនីស៊ី ដែលត្រូវបានបង្កើតឡើងដោយ Harry Cavan ដែលជានាយកប្រតិបត្តិរបស់ FIFA នៅពេលនោះ។

-អាហ្សង់ទីន​ជា​ប្រទេស​ឈ្នះ​ច្រើន​បំផុត៖ អាហ្សង់ទីន​ត្រូវ​បាន​គេ​ទស្សន៍ទាយ​ថា​ជា​ក្រុម​ដែល​ជោគជ័យ​បំផុត​ក្នុង​ព្រឹត្តិការណ៍ U-20 World Cup គ្រប់​ពេល។ ពីឆ្នាំ 1995 ដល់ 2007 អាហ្សង់ទីនអាចនាំយកពានរង្វាន់មកផ្ទះវិញបាន 5 ដង។ អាហ្សង់ទីន​ក៏​អាច​រក​បាន​តារា​របស់​ខ្លួន​ពី​ការ​ប្រកួត​ដូច​ជា Javier Saviola, Lionel Messi និង Sergio Aguero។

-ប្រទេសឥណ្ឌូណេស៊ីធ្វើជាម្ចាស់ផ្ទះជាលើកដំបូងនៅចុងឆ្នាំ 2019៖ ឥណ្ឌូណេស៊ីបានយកឈ្នះគូប្រជែងរបស់ខ្លួនចំនួនពីរគឺប្រេស៊ីល និងប៉េរូ ដើម្បីធ្វើម្ចាស់ផ្ទះការប្រកួតបាល់ទាត់ពិភពលោក U-20 លើកទី២២។ នេះ​ជា​ព្រឹត្តិការណ៍​សំខាន់​ដំបូង​សម្រាប់​ប្រទេស​ឥណ្ឌូណេស៊ី​ក្នុង​ការ​ធ្វើ​ជា​ម្ចាស់​ផ្ទះ​នៃ​ការ​ប្រកួត​បាល់​ទាត់​ដ៏​ធំ​បំផុត​របស់​ពិភពលោក។

-INAFOC ត្រូវបានតែងតាំងជាគណៈកម្មាធិកាកាលពីដើមខែកក្កដាកន្លងទៅ៖ ប្រធាន Joko Widodo បានសម្រេចចិត្តបង្កើត INAFOC (Indonesia FIFA U-20 World Cup 2023 Committee) និងបានតែងតាំងលោក Zainudin Amali រដ្ឋមន្ត្រីក្រសួងយុវជន និងកីឡា (Menpora) ជាប្រធានគណៈ កម្មាធិការ ។ ទោះបីជាប្រធាន INAFOC ត្រូវបានតែងតាំងដោយប្រធានក៏ដោយ FIFA នៅតែដឹកនាំរចនាសម្ព័ន្ធគ្រប់គ្រងរបស់ខ្លួន។

-ប្រារព្ធឡើងនៅក្នុងពហុកីឡដ្ឋានចំនួន 6 ដែលរីករាលដាលទូទាំងខេត្តចំនួន 5៖ នៅក្នុងការអនុវត្តរបស់ខ្លួន ព្រឹត្តិការណ៍ FIFA U-20 World Cup ឆ្នាំ 2023 នឹងធ្វើឡើងនៅក្នុងកីឡដ្ឋានចំនួន 6 គឺកីឡដ្ឋាន Gelora Bung Karno Jakarta, Gelora Bung Tomo Stadium Surabaya, Gelora Sriwijaya Stadium Palembang, Manahan Solo Stadium, កីឡដ្ឋាន Kapten I Wayan Dipta Bali និងកីឡដ្ឋាន Si Jalak Harupat Bandung ។ កីឡដ្ឋានទាំងប្រាំមួយត្រូវបានជ្រើសរើសដោយ FIFA ពីកីឡដ្ឋានចំនួន 10 ដែលស្នើឡើងដោយរដ្ឋាភិបាល។

-24 ក្រុមនឹងប្រកួតប្រជែង (ក្រុម A ឥណ្ឌូនេស៊ី)៖ នៅក្នុងការប្រកួតដ៏មានកិត្យានុភាពនេះ នឹងមាន 24 ប្រទេស/ក្រុមចូលរួមប្រកួតប្រជែងដណ្តើមពានរង្វាន់ជើងឯកនេះ។ ក្នុង​នាម​ជា​ប្រទេស​ម្ចាស់​ផ្ទះ ឥណ្ឌូណេស៊ី​បាន​បញ្ជាក់​ជំហរ​របស់​ខ្លួន​ក្នុង​ពូល A។

ព្រឹត្តិការណ៍កីឡាបាល់ទាត់ដ៏ធំនេះ មានការទន្ទឹងរង់ចាំយ៉ាងខ្លាំង មិនត្រឹមតែសម្រាប់ការត្រៀមខ្លួនរបស់ឥណ្ឌូនេស៊ីក្នុងនាមជាម្ចាស់ផ្ទះប៉ុណ្ណោះទេ ប៉ុន្តែក៏ជាសក្តានុពលរបស់ Garuda Muda ក្នុងការប្រឈមមុខនឹងគូប្រជែងដ៏ស្វិតស្វាញពីប្រទេសផ្សេងៗផងដែរ។ Datra សង្ឃឹមថា ព្រឹត្តិការណ៍ FIFA U-20 World Cup 2023 អាចដំណើរការដោយរលូន ហើយអាចក្លាយជាគោលដៅទេសចរណ៍កីឡាអន្តរជាតិនៅពេលក្រោយ។

(Khmer) សហព័ន្ធបាល់ទាត់ឡាវ (LFF) បានប្រកាសថា Lao Ford City Ltd. ជាអ្នកឧបត្ថម្ភពានរង្វាន់ LFF Cup 2022 ដែលនឹងប្រព្រឹត្តទៅនៅទីក្រុងចំនួនបួនដែលមានដូចជាទីក្រុងវៀងច័ន្ទន៍ ចំប៉ាសាក់ និងហ្លួងប្រាបាងក្នុងខែសីហាឆ្នាំនេះ។

ក្រុមហ៊ុន Lao Ford City Co Ltd បានដំណើរការនៅក្នុងប្រទេសតាំងពីឆ្នាំ 2004 គឺជាអ្នកចែកចាយផ្តាច់មុខតែមួយគត់សម្រាប់ក្រុមហ៊ុន Ford Motor ក្នុងប្រទេសឡាវ។ LFF Lao Ford Cup គឺ​ជា​ការ​ប្រកួត​ជម្រុះ​បាល់ទាត់​ប្រចាំ​ឆ្នាំ​សម្រាប់​ជើង​ឯក​លីគ​កំពូល​ឡាវ។

លោក Viphet Sichachakr ប្រធាន LFF បាន​និយាយថា៖«យើងមានសេចក្តីសោមនស្សរីករាយក្នុងការស្វាគមន៍ Lao Ford City ក្នុងនាមជាអ្នកឧបត្ថម្ភពានរង្វាន់ LFF Cup 2022។ ក្រុមហ៊ុន Ford គឺជាអ្នកដឹកនាំឧស្សាហកម្មរថយន្ត ដែលចែករំលែកចក្ខុវិស័យរបស់យើងក្នុងការផ្តល់លទ្ធភាពប្រើប្រាស់ និងបទពិសោធន៍របស់អតិថិជន ខណៈពេលដែលធ្វើឱ្យប្រាកដថាយើងជាដៃគូសហគមន៍ពិតនៅទូទាំងប្រទេសឡាវដែលបង្កើត វា​ជា​ដៃគូ​ដ៏​ស័ក្តិសម​ក្នុង​ការ​ពង្រីក​វិស័យ​កីឡា​របស់​យើង​ក្នុង​ប្រទេស​ឡាវ»។

នាយកគ្រប់គ្រងក្រុមហ៊ុន Automotive RMA Lao បាន​ថ្លែង​ក្នុងពិធីចុះហត្ថលេខានេះដែរថា៖ “Lao Ford City រំភើបចិត្តក្នុងការចាប់ដៃគូជាមួយសហព័ន្ធបាល់ទាត់ឡាវ។ យើងទន្ទឹងរង់ចាំធ្វើការជាមួយអង្គការដែលបំផុសអារម្មណ៍ និងចំណង់ចំណូលចិត្តចំពោះកីឡាបាល់ទាត់»។

“ការធានាភាពជាដៃគូជាមួយក្រុមហ៊ុន គឺជាឱកាសពិសេសមួយសម្រាប់ក្រុមហ៊ុនរបស់យើង ដោយផ្តល់ឱ្យយើងនូវលទ្ធភាពដ៏ធំធេងមួយ នៅពេលដែលយើងបន្តខិតខំប្រឹងប្រែងដោយមិននឿយហត់ឆ្ពោះទៅរកការពង្រីកម៉ាកយីហោរបស់យើងនៅគ្រប់តំបន់។ ឥឡូវនេះ យើងទន្ទឹងរង់ចាំជាមួយនឹងការកើនឡើងនៃក្តីរំភើបសម្រាប់ហ្គេមនេះ!”។

LFF Cup 2022 គឺ​ជាពានខាប់​របស់​វិស័យបាល់​ទាត់​ឡាវ​ដែល​គ្រប់​គ្រង​ដោយ​សហព័ន្ធកីឡាបាល់​ទាត់​ឡាវ។ពាន​រង្វាន់​មួយ​នេះ​ហាក់​បង្ហាញខ្លួន​មិន​សូវ​ទៀង​ទាត់​នោះ​ទេ ដោយ​បាន​បង្ហាញខ្លួន​ឆ្នាំ២០១៤, ២០១៩, ២០២០, ហើយ​ឆ្នាំ២០២២​នេះ​គ្រោង​នឹង​ចាប់​ផ្ដើម​ដែលមាន ៨​ក្រុមចូលរួមទូទាំងប្រទេស ប៉ុន្តែ​ឆ្នាំ២០២២​នេះ​លឺ​ថា​លេង​តែ​បួនទីក្រុងប៉ណ្ណោះ៕

(Khmer) ទាំងម្ចាស់ផ្ទះ Bali United របស់ឥណ្ឌូនេស៊ី និង ក្លិបវិសាខា ដំណាងឲ្យកម្ពុជា សុទ្ធសឹងតែទទួលបាន ៣ពិន្ទុពេញពីប្រកួតដំបូងក្នុងពូល G ក្រោយពី Bali ឈ្នះក្រុមម៉ាឡេស៊ី Kedah FC ២ទល់នឹង០ ខណៈដែលវិសាខាទទួលជ័យជម្នះលើ KAYA FC របស់ហ្វីលីពីន ២ទល់នឹង១ ។ នៅក្នុងសន្និសីទសារព័ត៏មានមុនការប្រកួតទី២ AFC CUP 2022 របស់ក្លិបកម្ពុជាវិសាខា ជាមួយក្រុមជើងឯកលីគកំពូលឥណ្ឌូនេស៊ី Bali United នៅថ្ងៃស្អែកនេះ វេលាម៉ោង០៤៖០០នាទីល្ងាច(នៅកម្ពុជា) លោក មាស ចាន់ណា នឹងផ្ដោតសំខាន់ទៅលើការលេងជាក្រុមទាំងមូលរបស់ម្ចាស់ផ្ទះ ដោយនឹងមិនប្រុងប្រយ័ត្នខ្លាំងពេកលើអតីតម្ចាស់ស្បែកជើងមាសលីគកំពូលកម្ពុជាឆ្នាំ ២០២០ ខ្សែប្រយុទ្ធ Privat ពេកនោះទេ។

គ្រូបង្គោលវ័យ ៣៨ឆ្នាំ ដែលធ្លាប់បានសហការគ្នាជាគ្រូបង្វឹក និងកីឡាករ ជាមួយ Privat Mbarga ពេលប្រកបអាជីពនៅក្លិបណាហ្គាវើលដ៏ ក្នុងរដូវកាល២០១៦ បាននិយាយថា«គាត់មិនមែនជាកីឡាករសំខាន់ដែលផ្ដោតខ្លាំងនោះទេសម្រាប់ខ្ញុំ ដោយសារកីឡាករក្នុងស្រុករបស់យើង រួមទាំងខ្សែការពារ ស្គាល់គាត់ច្បាស់។ ជាងនេះទៅទៀតក្នុងការផ្តោតលើក្រុមរបស់ខ្ញុំ ព្រោះការស៊ុតបាល់បញ្ចូលទីមិនមែនជាការបណ្តោយឲ្យកើតមានគ្រាប់បាល់ងាយៗនោះទេ»។ អតីតគ្រូបង្វឹកដែលដឹកនាំ ណាហ្គាវើលដ៏ឈ្នះជើងឯកលីគកំពូលកម្ពុជាឆ្នាំ២០១៨ រូបនេះបានបន្តថា «លោកនឹងមិនផ្តោតលើ Privat Mbarga ម្នាក់ឯងឡើយ។ ព្រោះថា Bali United មានកីឡាករគ្រោះថ្នាក់ច្រើន។ ពេលនេះខ្ញុំមិនចង់ផ្តោតលើគាត់ទេ ប៉ុន្តែផ្តោតលើក្រុមទាំងមូល ដោយសារតែពួកគេមានកីឡាករដែលមានគុណភាពសប្បូរបែប។ ដូច្នេះយើងគ្រាន់តែផ្តោតលើកលល្បិចដែលគ្រូបង្វឹកបានរៀបចំ»។