International News
(Khmer) អ្នកគ្រប់គ្រងការប្រកួតប្រជែង “សមរភូមិក្រហមនៅប្រទេសថៃរវាង Man Utd និង Liverpool” ពន្យល់ពីមូលហេតុដែល Manchester United មិនយកពានទៅជាមួយពួកគេបន្ទាប់ពីពួកគេយកឈ្នះ Liverpool កាលពីថ្ងៃអង្គារកន្លងទៅ។
ការប្រកួត THE MATCH BANGKOK CENTURY CUP 2022 ក្រុមបិសាចក្រហម Manchester United បានយកឈ្នះ Liverpool 4-0 ដោយអ្នកដែលរកគ្រាប់បាល់បានគឺ Jadon Sancho នៅនាទីទី 12, Fred នៅនាទីទី 30, Anthony Martial នៅនាទីទី 33 និង Facundo Peistri នៅនាទី 72 ។
មានរឿងមួយបានកើតឡើងបន្ទាប់ពីការប្រកួត បន្ទាប់ពីគេរាយការណ៍ថាក្រុម Man Utd មិនបាននាំយកពានរង្វាន់មួយនេះទៅជាមួយ ហើយត្រូវបានទុកនៅក្នុងបន្ទប់សារព័ត៌មាននៅប្រទេសថៃ។
ថ្មីៗនេះ លោក Winit Lerratanachai ដែលជានាយកប្រតិបត្តិរបស់ក្រុមហ៊ុន Fresh Air Festival Co., Ltd. ដែលជាអ្នករៀបចំការប្រកួតបានចេញមកបំភ្លឺនៅល្ងាចនេះថា៖ «ពានរង្វាន់នេះមានទម្ងន់លើសពី 20 គីឡូក្រាម អ្នករៀបចំនឹងត្រូវវេចខ្ចប់ និងនិងបំពេញបែបបទឯកសារនានា ដើម្បីនាំយកវាត្រឡប់ទៅប្រទេសអង់គ្លេសវិញឱ្យ Manchester United ប៉ុន្តែយើងមិនទាន់បញ្ចប់ករណីនេះនៅឡើយទេ។ ហើយខ្ញុំជឿថាពាននេះត្រូវបានដាក់ក្នុងសារមន្ទី Man United ជាការពិតណាស់ វាដូចជាពិបាកភ្នែកមើល ប៉ុន្តែវាមានអត្ថន័យធំធេងសម្រាប់បាល់ទាត់ថៃ និងប្រទេសថៃទាំងមូល»។
ទំព័រហ្វេសប៊ុក «Fresh Air Festival» នាមរៀបរាប់អំពីពានរង្វាន់”បង្កើតការភ្ញាក់ផ្អើលរហូតដល់វិនាទីចុងក្រោយនៅក្នុងព្រឹត្តិការណ៍ THE MATCH: Bangkok Century Cup 2022 ជាមួយនឹងពានរង្វាន់ដែលមានរូបរាងមិនដូចពានរង្វាន់ក្នុងព្រឹត្តិការណ៍ផ្សេងទៀតពីមុនមក។ ដោយសារតែវាបានចម្លងកីឡដ្ឋាន Rajamangala ជាមូលដ្ឋានសម្រាប់ពានរង្វាន់ វាជាស្នាដៃរចនារបស់ “Suchao modding&design” ដែលជាអ្នករចនា និងតុបតែងលើប្រអប់កុំព្យូទ័រដែលមានលំនាំជាច្រើននៅក្នុងប្រទេសថៃ ហើយត្រូវបានគេស្គាល់យ៉ាងច្បាស់នៅក្នុងរង្វង់អ្នកប្រើប្រាស់កុំព្យូទ័រ។
“ការបំផុសគំនិតនេះកើតចេញពីថ្ងៃដែល Khun Winit Lertratanachai ធ្វើដំណើរទៅកាន់ទីក្រុងឡុងដ៍ ហើយបានចូលកីឡដ្ឋាននៅទីក្រុងឡុងដ៍ ដោយឃើញគំរូកីឡដ្ឋាន Anfield គាត់បានផុសគំនិតនៃពានរង្វាន់ក្នុង THE MATCH: Bangkok Century Cup 2022 ដោយពានរង្វាន់នេះជារបស់កីឡាកររបស់ “បិសាចក្រហម” Manchester United អ្នករៀបចំ ហើយធ្វើតាមនេះដែរ។
(Khmer) ក្រុមបិសាចក្រហម Manchester United បានយកឈ្នះ Liverpool ក្នុងការប្រកួតមិត្តភាពនៅប្រទេសថៃក្នុងលទ្ធផល៤ទល់០ កាលពីយប់មិញ ខណៈដែលលោក Ten Hag ថាក្រុមរបស់លោកបង្កើតកំហុសច្រើនណាស់ពិសេសការតាមដាក់សម្ពាធគូប្រកួត។
ថ្លែងទៅកាន់ MUTV បន្ទាប់ពីការប្រកួតនៅទីក្រុងបាងកក លោក Erik ten Hag បាននិយាយថា៖ «ពិតណាស់ យើងពេញចិត្តនៅថ្ងៃនេះ ព្រោះខ្ញុំគិតថាវាជាក្រុមដែលមានស្មារតីអស្ចារ្យ ហើយយើងដឹងថាយើងទើបតែចាប់ផ្តើមនោះទេ»។
«យើងបានធ្វើការដាក់សម្ពាធ មានកំហុសតិចតួចក្នុងការតាម Press យើងបានផ្តល់ឱកាសខ្លះឱ្យគូប្រកួត ប៉ុន្តែយើងក៏បង្កើតឱកាសសម្រាប់ខ្លួនឯងបានច្រើនដែរ។ ខ្ញុំគិតថាក្រុមរបស់យើងលេងដោយក្លាហាន លេងដោយសកម្ម។ យើងត្រូវប្រឹងប្រែងយ៉ាងខ្លាំងដើម្បីគេចចេញពីកំហុសទាងនោះ»។
«ប៉ុន្តែពិតណាស់ យើងសប្បាយចិត្តនឹងការប្រកួតដំបូង”។ ខ្ញុំដឹងថាយើងមានកីឡាករល្អៗ។ យើងបានចាប់ផ្តើមការប្រកួតដំបូងឥឡូវនេះ, ដូច្នេះខ្ញុំសប្បាយរីករាយ. [វានឹងចំណាយពេលច្រើន]។ ជឿខ្ញុំទៅ។ ខ្ញុំបានឃើញកំហុសជាច្រើន។ Liverpool លេងចែកបីក្រុម។
“ពួកគេមិនស្ថិតក្នុងភាពខ្លាំងបំផុតរបស់ពួកគេទេ។ យើងមិនបានវាយតម្លៃលទ្ធផលនេះខ្លាំងពេកទេ។ យើងត្រូវប្រុងប្រយ័ត្ន ប៉ុន្តែខ្ញុំនៅតែបានឃើញរឿងល្អមួយចំនួន ហើយខ្ញុំគិតថាអ្វីដែលយើងឃើញ យើងមានគំនិតច្នៃប្រឌិត និងល្បឿនលឿននៅពីមុខយើងមានសក្តានុពល»។
Manchester United បានចាប់ផ្តើមដំណើរប្រកួតមុនរដូវកាលរបស់ពួកគេ — និងយុគសម័យ Ten Hag — ជាមួយនឹងការទទួលជ័យជម្នះ 4-0 ជាមួយ Liverpool ក្នុងប្រទេសថៃ។
បិសាចក្រហមបាននាំមុខ 3-0 នៅវគ្គទី១ និងអាចរកគ្រាប់បាល់បានមួយទៀត បន្ទាប់ពីលោក Jurgen Klopp បាននាំយកកីឡាករឆ្នើមរបស់គាត់ក្នុងតង់ទីពីរ។
ប្រភព៖ MUTV
Asia News
(Khmer) Sarawak United FC កំពុងប្រឈមមុខនឹងផលវិបាកក្នុងការផ្ទេរកីឡាករ បន្ទាប់ពីសមាជិកចំណូលថ្មីលីគកំពូលម៉ាឡេស៊ី Super League ត្រូវបានហាមឃាត់មិនឱ្យផ្ទេរកីឡាករក្នុងស្រុក និងបរទេសសម្រាប់ការផ្លាស់ប្តូរកីឡាករចំនួនបី( 3windows) ដោយសមាគមបាល់ទាត់អន្តរជាតិ (FIFA)។
របាយការណ៍ពីកាសែតម៉ាឡេស៊ី Berita Harian កាលពីថ្ងៃទី១០ ខែកក្កដានេះ ការដាក់ពិន័យសមាគមបាល់ទាត់អន្តរជាតិ (FIFA) បន្ទាប់ពីការខកខានរបស់ក្រុម Sarawak ក្នុងការដោះស្រាយជំពាក់ប្រាក់បៀវត្សរ៍ និងសំណងរបស់អតីតកីឡាករប្រេស៊ីលរបស់ខ្លួនគឺ Sandro da Silva ដែលមានចំនួនច្រើនជាង RM150,000 ($34,500) ហើយការអភិវឌ្ឍន៍លើការកាត់ទោសរបស់ FIFA ត្រូវបានបញ្ជាក់ដោយមេធាវីរបស់ Sandro គឺលោក Mohd Zhafri Aminurashid ។
លោកបានមានប្រសាសន៍ថា «ការសម្រេចចិត្តរបស់ FIFA ត្រូវបានចេញរួចហើយ ដូច្នេះពួកគេត្រូវតែជម្រះការទូទាត់ក្នុងរយៈពេល ៤៥ថ្ងៃ គឺរហូតដល់ថ្ងៃទី១៨ ខែមិថុនា។ ប៉ុន្តែពួកគេបានបរាជ័យក្នុងការធ្វើដូច្នេះរហូតដល់កាលបរិច្ឆេទដែលបានបញ្ជាក់។ ដូច្នេះក្រុមត្រូវដាក់កំហិតលើការផ្ទេរកីឡាករក្នុងស្រុក និងបរទេសសម្រាប់រយៈពេលចុះឈ្មោះកីឡាកររហូតដល់បីលើកជាប់ៗគ្នា»។
ក្នុងពេលជាមួយគ្នានេះលោក Zhafri មិនបានច្រានចោលការដាក់ទណ្ឌកម្មដ៏តឹងរ៉ឹងដែលអាចរង់ចាំ Sarawak ប្រសិនបើខ្លួននៅតែបន្តមិនគោរពតាមការសម្រេចចិត្តរបស់ FIFA ហើយបដិសេធមិនព្រមសងបំណុលតាមការទាមទាររបស់ Sandro។
លោកបន្ថែមថា «ប្រសិនបើរឿងនេះនៅតែបន្ត ករណីនេះអាចត្រូវបានបញ្ជូនទៅគណៈកម្មាធិការវិន័យរបស់ FIFA ហើយបន្ទាប់ពីនោះ ការដាក់ទណ្ឌកម្មកាន់តែធ្ងន់អាចត្រូវបានដាក់លើពួកគេ។ ក្នុងចំណោមនោះ ពួកគេអាចនឹងត្រូវដកពិន្ទុ ឬការរឹតត្បិតក្នុងការចុះឈ្មោះកីឡាករជាដើម»។
(Khmer) ERIK TEN HAG បានចេញមកបង្រ្កាបកីឡាករ Manchester United របស់គាត់ដែលប្រើទូរស័ព្ទរបស់ពួកគេក្នុងពេលញ៉ាំអាហារ។ បុរសសញ្ជាតិហូឡង់រូបនេះបានធ្វើការផ្លាស់ប្តូរជាច្រើននៅពីក្រោយឆាកក្នុងប៉ុន្មានខែដំបូងរបស់គាត់ក្នុងការដឹកនាំបិសាចក្រហម។
ប៉ុន្តែឥឡូវនេះ តាមសេចក្តីរាយការណ៍ថា គ្រោងនឹងកំណត់ពេលវេលារបស់កូនក្រុមដោយដកទូរស័ព្ទរបស់ពួកគេ ពេលទទួលទានអាហារគ្រប់ពេលវេលា។ បើតាមការចុះផ្សាយរបស់កាសែត The Daily Telegraph ដែលបានអះអាងថា Ten Hag កំពុងព្យាយាមបង្រួបបង្រួមបន្ទប់ផ្លាស់សំលៀកបំពាក់ដែលបានបែកបាក់កាលពីរដូវកាលមុន។
Ten Hag ក៏បានបង្កើតវាជាកាតព្វកិច្ចសម្រាប់កីឡាករក្នុងការចូលរួមម៉ោងអាហារដោយមិនប្រើទូរសព្ទរបស់ពួកគេ ដូច្នេះពួកគេអាចនិយាយគ្នាបានច្រើនជាងមុន និង រីករាយក្នុងតុរួមដោយសេរី”។
កីឡាករជាច្រើននាក់ទទួលអារម្មណ៍ភ្ញាក់ផ្អើលចំពោះការផ្លាស់ប្តូររបស់ Ten Hag ហើយការផ្លាស់ប្ដូរនេះក៏កំពុងប៉ះពាល់ដល់បុគ្គលិកក្លឹបផងដែរ។ គេអះអាងថា អតីតគ្រូបង្វឹក Ajax កំពុងតែធ្វើការផ្លាស់ប្ដូរសម្លៀកបំពាក់បុគ្គលិក ដោយសមាជិកបុគ្គលិកស្រីតម្រូវឱ្យស្លៀកពាក់ពណ៌សនៅថ្ងៃច័ន្ទ ហើយសមភាគីបុរសរបស់ពួកគេស្លៀកពាក់ពណ៌ខ្មៅ។
ទោះបីជា Ten Hag បានដំណើរការនៅក្នុងការផ្លាស់ប្តូរក្រៅទីលានក៏ដោយ ប៉ុន្តែគាត់នៅតែទិញបានកីឡាករតែម្នាក់ប៉ុណ្ណោះសម្រាប់ក្រុមដែលបានបញ្ចប់ក្នុងចំណាត់ថ្នាក់លេខ 6 កាលពីរដូវកាលមុន។ ហើយគាត់កំពុងអស់សង្ឃឹមក្នុងការបន្ថែមសមាជិកថ្មី មកពង្រឹងបន្ថែមទៀត មុនពេលរដូវកាលថ្មីនៃ Premier League ចាប់ផ្តើម។
គាត់បាននិយាយថា៖ «នៅក្នុងសន្និសីទសារព័ត៌មានដំបូងរបស់ខ្ញុំ ខ្ញុំបាននិយាយរួចហើយថា យើងពិតជាកំពុងស្វែងរកកីឡាករនៅតំបន់កណ្តាល យើងក៏មានតម្រូវការក្នុងការប្រកួតផងដែរ។ យើងនៅតែស្វែងរកកីឡាករ»។
(Khmer) គ្រូបង្វឹកក្រុម Manchester United លោក Erik ten Hag នៅតែរង់ចាំក្លឹប ដើម្បីចុះហត្ថលេខាលើកីឡាករ Frenkie de Jong ។
បិសាចក្រហមបានបន្ថែមខ្សែការពារ Tyrell Malacia ទៅក្នុងក្រុមរបស់ពួកគេកាលពីសប្តាហ៍មុនក្នុងកិច្ចព្រមព្រៀង 13 លានផោនពី Feyenoord ។ ឥឡូវនេះ Ten Hag អស់សង្ឃឹមបន្តិចម្ដងៗ ក្នុងការយកខ្សែបម្រើហូឡង់របស់ Barcelona រូបនេះទៅរួមក្រុមបស់គាត់នៅ Old Trafford ។
United បានតាមប្រមាញ់តារារូបនេះពេញមួយរដូវក្តៅ ប៉ុន្តែពួកគេបានជួបបញ្ហាជាច្រើនក្នុងការព្យាយាមដើម្បីទទួលបានកិច្ចព្រមព្រៀងនេះ។ នាយកប្រតិបត្តិ Richard Arnold និងនាយកបាល់ទាត់ John Murtough ត្រូវបានគេប្រទះឃើញនៅទីក្រុង Barcelona ក្នុងសប្តាហ៍នេះ។
ហើយទីបំផុតពួកគេសង្ឃឹមថានឹងទទួលបាននូវការដោះស្រាយបញ្ហាទាំងអស់ជុំវិញការផ្ទេរនេះ ដើម្បីឲ្យអតីតកីឡាករ Ajax អាចភ្ជាប់ទំនាក់ទំនងជាមួយ United ក្នុងដំណើរទេសចរណ៍មុនរដូវកាលរបស់ពួកគេនៅប្រទេសថៃ និងអូស្ត្រាលី។ នេះគឺជាបញ្ជីនៃបញ្ហាដែលធ្វើឱ្យ De Jong មិនទាន់បានមកដល់ Man Utd៖
តម្លៃផ្ទេរ៖
គេរាយការណ៍កាលពីដើមខែនេះថាកិច្ចព្រមព្រៀងដែលមានតម្លៃ ៥៦.២ លានផោនរបស់ខ្សែបម្រើរូបនេះត្រូវបានយល់ព្រមហើយប៉ុន្តែមិនដឹងរឿងអ្វី ការយល់ព្រមនេះត្រូវលុបចោលដោយប្រធានក្លឹប Barca លោក Joan Laporta ។ ឥឡូវនេះតម្លៃខ្លួនត្រូវបានដោះស្រាយហើយ បញ្ហាហិរញ្ញវត្ថុ មិនមែនជាបញ្ហាតែមួយគត់ដែលបណ្តាលឱ្យមានការពន្យារពេលនោះទេ។
ប្រាក់ឈ្នួល៖
ចំណុចជាប់គាំងសំខាន់គឺប្រាក់ឈ្នួលដែលមានកាលបរិច្ឆេទ។ De Jong បានយល់ព្រមលើការកាត់បន្ថយប្រាក់ឈ្នួលអំឡុងពេលជំងឺរាតត្បាត Covid19 ដើម្បីជួយ Barca ដែលជាប់បំណុលគេ ហើយទីបំផុត! BARCAR ត្រូវជំពាក់ប្រាក់ De Jong ២៤ លានផោន។ ពួកគេចង់ឱ្យ Man United បង់វា ប៉ុន្តែក្រុមប្រឹក្សា Old Trafford ប្តេជ្ញាថាពួកគេនឹងមិនធ្វើនោះទេ។
De Jong ស្ថិតក្នុងគម្រោងរបស់ XAVI
អ្នកចាត់ការក្លឹប Barca លោក Xavi មិនចង់បាត់បង់បៀសន្លឹកអាត់ពីក្រុមរបស់គាត់ទេ។ គាត់នឹងនិយាយជាមួយប្រធានក្លឹបដើម្បីកំណត់ថា De Jong គឺជាកីឡាករសំខាន់សម្រាប់ក្រុមក្នុងរយៈពេលប៉ុន្មានថ្ងៃខាងមុខនេះ។ ហើយគ្រូបង្វឹកអេស្ប៉ាញនឹងបញ្ជូនសារនោះទៅកីឡាករពេលគាត់មកហ្វឹកហាត់ ។
DE JONG ចង់ស្នាក់នៅបន្ត
អតីតគ្រូបង្វឹកក្លឹប Barca និងជាមិត្តរួមជាតិហូឡង់លោក Ronald Koeman បានអះអាងថាគាត់បាននិយាយជាមួយកីឡាករវ័យ 25 ឆ្នាំអំពីអនាគតរបស់គាត់។ De Jong បានប្រាប់គាត់ថាគាត់ចង់បន្តនៅ Nou Camp ។ កាសែត Mundo Deportivo និយាយថា De Jong បានពិភាក្សាជាមួយ Barca កាលពីម្សិលមិញ នៅពេលដែលគាត់បានមកហ្វឹកហាត់មុនបើករដូវកាល ហើយគាត់នៅតែប្រកាន់ជំហរថាគាត់មិនចង់ចាកចេញ។
គេនិយាយថាគាត់បានប្រាប់មិត្តភក្តិនិងក្រុមគ្រួសារអំពីបំណងប្រាថ្នារបស់គាត់ក្នុងការស្នាក់នៅ Catalonia ជាកន្លែងដែលគាត់ទើបតែទិញផ្ទះមួយនៅ Pedralbes ។
Manchester United កំពុងស្ថិតក្នុងភាពច្របូកច្របល់៖
De Jong ទំនងជាចាកចេញសម្រាប់ក្រុមដែលលេង Champions League តែប៉ុននោះ ស្របពេល United បង្ហាញខ្លួនក្នុង Europa League នៅរដូវកាលក្រោយ ការប្តូរទៅ Old Trafford ហាក់ដូចជាមិនទំនងទាល់តែសោះសម្រាប់គាត់។ ថ្វីបើ Ten Hag បានមកដល់ Old trafford ក៏ដោយ ក៏ពួកគេកំពុងតែលំបាក ក្នុងការទទួលបានការចុះហត្ថលេខាលើការផ្ទេរកីឡាករដើម្បីពង្រឹងក្រុមរបស់ពួកគេ។ ហើយការរួមផ្សំនៃកត្តាទាំងពីរខាងលើបាននាំឱ្យខ្សែប្រយុទ្ធឆ្នើម Cristiano Ronaldo សុំចាកចេញពីក្រុមបិសាចក្រហមផងដែរ។
(Khmer) ប្រធានសមាគមកីឡាបាល់ទាត់ឥណ្ឌូនេស៊ី PSSI លោក Mochamad Iriawan ហៅក្រៅថា Iwan Bule បានអះអាងថា បច្ចុប្បន្ននេះ អ្នកនិយមលេងអ៊ីនធឺណិតជាច្រើនកំពុងស្នើឱ្យឥណ្ឌូនេស៊ីចាកចេញពីសហព័ន្ធកីឡាបាល់ទាត់អាស៊ាន (AFF) បន្ទាប់ពីមានអារម្មណ៍ត្រូវបានគេបោកប្រាស់ ក្រោយចោទប្រកាន់ថាវៀតណាមលេងទល់នឹងថៃ គ្រាន់តែការប្រកួតដែលកំណត់លទ្ធផលទុកមុន។
PSSI ប្រាកដជាធ្វើការតវ៉ាជាផ្លូវការទៅ AFF។ វាមិនមែនជាបញ្ហាដែលត្រូវដាក់បទបញ្ជា ប៉ុន្តែត្រូវស្នើឱ្យ AFF ស៊ើបអង្កេតការប្រកួតរវាងវៀតណាម និងថៃ ក្នុងការប្រកួតចុងក្រោយនៃពូល A នៃពានរង្វាន់ AFF U-19 Cup 2022។ ដោយសារ PSSI ឃើញថា ២៧ នាទីចុងក្រោយនៃការប្រកួតថៃ-វៀតណាម គឺឆ្គងខ្លាំងណាស់។ ជាពិសេសនៅពេលដែលលទ្ធផលស្មើ 1-1 ក្រុមទាំងពីរលេងតែបាល់នៅខ្សែបន្ទាត់ខាងក្រោយហើយមិនមានចេតនាវាយប្រហារ។
ឃើញដូច្នេះ PSSI សង្ស័យលើការកំណត់ពិន្ទុក្នុងការប្រកួតវៀតណាមទល់នឹងថៃ។ Iwan Bule បាននិយាយនៅលើគេហទំព័រផ្លូវការរបស់ PSSI ថា៖ “ប្រសិនបើពួកគេ (ថៃ vs វៀតណាម) លេងត្រឹមត្រូវ ខ្ញុំមិនមានបញ្ហាទេ។ វាហាក់ដូចជាពួកគេធ្វើលេងសើច។ នេះជាអ្វីដែលធ្វើឱ្យយើងឈឺចាប់” ។
លោកបានបន្តថា៖ «ហេតុដូច្នេះហើយបានជាខ្ញុំនឹងផ្ញើលិខិតតវ៉ាជាផ្លូវការទៅ AFF ដើម្បីឲ្យគេធ្វើការស៊ើបអង្កេតតាមរយៈគណៈកម្មាធិការវិន័យរបស់ AFF (Komdis) តើមានការដោះស្រាយការប្រកួតឬអត់»។
លើសពីនេះ PSSI បានបញ្ជាក់ថា ខ្លួននឹងទទួលយកដោយបើកចំហ ប្រសិនបើ AFF រកមិនឃើញធាតុផ្សំនៃការកំណត់ពិន្ទុ។ ទោះយ៉ាងណាក៏ដោយ យ៉ាងហោចណាស់ AFF គួរតែស៊ើបអង្កេត។ ដោយសារតែការប្រកួតវៀតណាមទល់នឹងថៃត្រូវបានគេចាត់ទុកថាបានធ្វើឱ្យប៉ះពាល់ដល់សាធារណជនឥណ្ឌូនេស៊ី Iwan Bule អះអាងថាអ្នកលេងអ៊ីនធឺណិតកំពុងស្នើឲ្យចាកចេញពី AFF ដោយសារតែមានការចោទប្រកាន់ថាមានការកំណត់លទ្ធផលនៃហ្គេម។
ចុចអាន៖ អយុត្តិធម៌! សមាគមកីឡាបាល់ទាត់ឥណ្ឌូណេស៊ីចង់តវ៉ាលទ្ធផលជាផ្លូវការក្រោយធ្លាក់ចេញពីពាន AFF U-19
លោក Iwan Bule បាននិយាយថា៖ “ប្រសិនបើវាមិនត្រូវបានបង្ហាញឱ្យឃើញទេ វាមិនមែនជាបញ្ហានោះទេ។ បច្ចុប្បន្ននេះ ប្រជាពលរដ្ឋជាច្រើនកំពុងស្នើឱ្យឥណ្ឌូនេស៊ីចាកចេញពី AFF ដោយសារតែពួកគេគិតថាមានការកំណត់ការប្រកួតមួយ” ។
ក្រុមជម្រើសជាតិ U-19 ឥណ្ឌូណេស៊ីខ្លួនឯងត្រូវតែពេញចិត្តក្នុងការត្រូវជម្រុះចេញពីពានរង្វាន់ AFF U-19 Cup 2022 ដោយសារច្បាប់កំណត់។ ទោះជាយ៉ាងណាក៏ដោយ PSSI យល់ថាដោយសារតែបទប្បញ្ញត្តិត្រូវបានពន្យល់រួចហើយក្នុងអំឡុងពេលកិច្ចប្រជុំគណៈគ្រប់គ្រងពានរង្វាន់មួយនេះ។
(Khmer) អូស្ត្រាលីទំនងជាមិនដេញថ្លៃធ្វើជាម្ចាស់ផ្ទះ Asian Cup ឆ្នាំ2023 ទេ ព្រោះវានឹងត្រូវប៉ះគ្នាជាមួយ Women’s World Cup ដែលខ្លួនធ្វើជាម្ចាស់ផ្ទះជាមួយនូវែលសេឡង់ក្នុងពេលតែមួយ ដែលចាប់ផ្ដើមក្នុងកំឡុងខែកក្កដា និងខែសីហាឆ្នាំ2023 ខាងមុខនេះ ។
លោក James Johnson នាយកប្រតិបត្តិបាល់ទាត់អូស្ត្រាលីបាននិយាយថា ការប្រកួតទាំងពីរត្រូវបានគ្រោងធ្វើនៅពាក់កណ្តាលឆ្នាំក្រោយ ដោយការប្រកួតបាល់ទាត់ពិភពលោកនារីនឹងប្រព្រឹត្តទៅចាប់ពីថ្ងៃទី 20 ខែកក្កដាដល់ថ្ងៃទី 20 ខែសីហា។ ការសម្រេចចិត្តរបស់ប្រទេសចិនក្នុងការបោះបង់សិទ្ធិធ្វើជាម្ចាស់ផ្ទះសម្រាប់ Asian Cup ឆ្នាំក្រោយបានជំរុញឱ្យមានការរំពឹងទុកថា អូស្ត្រាលីអាចឈានជើងទៅកាន់ការប្រកួតជើងឯកទ្វីប។ ទោះបីជាយ៉ាងណាក៏ដោយ ខណៈពេលដែលលោក Johnson បាននិយាយថា ស្ថាប័នគ្រប់គ្រងរបស់គាត់បានពិគ្រោះជាមួយសហព័ន្ធកីឡាបាល់ទាត់អាស៊ី ការដេញថ្លៃគឺមិនទំនងទេ លុះត្រាតែព្រឹត្តិការណ៍នេះត្រូវបានផ្លាស់ប្តូរទៅពេលក្រោយនៅក្នុងប្រតិទិន។
South China Moorning Post បានចុះផ្សាយពីសម្ដីលោក Johnson ថា៖ «រឿងសំខាន់សម្រាប់ពួកយើងគឺនៅពេលដែលការប្រកួតមកដល់នឹងត្រូវរួចរាល់សម្រាប់លេង។ ព្រឹត្តិការណ៍នេះ វាត្រូវបានគេរំពឹងថានឹងចា់ផ្ដើមនៅពាក់កណ្តាលឆ្នាំ 2023។ វាមិនអំណោយផលដល់ការធ្វើជាម្ចាស់ផ្ទះសម្រាប់ពួកយើងទេ ពីព្រោះយើងកំពុងធ្វើម្ចាស់ផ្ទះ World Cup ស្ត្រីក្នុងពេលតែមួយ ដូច្នេះយើងកំពុងពិភាក្សាជាមួយ AFC ថាតើការប្រកួតអាចនឹងចាប់ផ្ដើមរហូតដល់ខែមករា ឬខែកុម្ភៈ ឆ្នាំ 2024 ឬអត់។ ប្រសិនបើនោះជាលទ្ធភាព នោះជាអ្វីដែលយើងនឹងស្វែងរកក្នុងន័យដ៏មានន័យសម្រាប់យើង»។
លោក Johnson បានបន្តនិយាយថា ជំនួសមកវិញ អូស្ត្រាលីគួរតែស្វែងយល់ពីលទ្ធភាពនៃការដេញថ្លៃក្នុងតំបន់ដើម្បីធ្វើជាសហម្ចាស់ផ្ទះការប្រកួតបាល់ទាត់បុរស World Cup ហើយបានបន្ថែមថា ខណៈដែលការដេញថ្លៃរួមគ្នាមួយផ្សេងទៀតជាមួយនូវែលសេឡង់គឺជាផ្លូវមួយដែលត្រូវពិចារណា អូស្ត្រាលីក៏អាចស្វែងរកដៃគូជាមួយប្រទេសនានានៅអាស៊ីអាគ្នេយ៍ផងដែរ។
គាត់បាននិយាយថា ៖«កាណាដាបានចាប់ផ្តើមធ្វើជាម្ចាស់ផ្ទះការប្រកួតបាល់ទាត់ពិភពលោករបស់ស្ត្រីនៅឆ្នាំ 2015 ហើយអ្នកឆ្ពោះទៅមុខយ៉ាងរហ័សដល់ឆ្នាំ 2024 ហើយពួកគេគឺជាសហម្ចាស់ផ្ទះនៃការប្រកួតបាល់ទាត់ពិភពលោកបុរស ឆ្នាំ2026 ។ ខ្ញុំគិតថា យើងត្រូវមើលពួកយើងជាតំបន់មួយ ហើយពិតប្រាកដណាស់ជាមួយនូវែលសេឡង់ ប៉ុន្តែយើងក៏មានការសម្លឹងមកច្រើន និងការរីកចម្រើនជាច្រើននៅអាស៊ីអាគ្នេយ៍ផងដែរ ដូច្នេះខ្ញុំគិតថាយើងត្រូវស្វែងរកទាំងពីរ»។
អូស្ត្រាលីបានដេញថ្លៃសម្រាប់ការប្រកួតជុំផ្តាច់ព្រ័ត្របាល់ទាត់ពិភពលោកឆ្នាំ 2022 ប៉ុន្តែបានចាញ់កាតា ខណៈដែលប្រទេសកាណាដា ម៉ិកស៊ិក និងសហរដ្ឋអាមេរិកនឹងធ្វើជាសហម្ចាស់ផ្ទះព្រឹត្តិការណ៍ World Cup បន្តដែលចាប់ផ្ដើមប្រកួតក្នុងរយៈពេល 4 ឆ្នាំម្ដងមួយនេះ៕
(Khmer) លោក Erik ten Hag អ្នកចាត់ការទូទៅរបស់ក្រុម Manchester United បានបញ្ជាក់យ៉ាងច្បាស់ថា Cristiano Ronaldo ស្ថិតនៅក្នុងផែនការរបស់គាត់សម្រាប់រដូវកាលថ្មី បន្ទាប់ពីទទួលបានសំណួរជាច្រើនអំពីអនាគតរបស់ខ្សែប្រយុទ្ធរូបនេះ។
គ្រូបង្វឹកថ្មីរបស់បិសាចសក្រហមត្រូវបានសួរអំពីអវត្តមានរបស់កីឡាករអន្តរជាតិព័រទុយហ្គាល់ពីក្រុម Tour 2022 របស់គាត់ក្នុងអំឡុងពេលសន្និសីទសារព័ត៌មានមុនការប្រកួតរបស់គាត់សម្រាប់ការប្រកួតនៅថ្ងៃស្អែកជាមួយ Liverpool ក្នុងទីក្រុងបាងកក។
គ្រូបង្វឹកហូឡង់រូបនេះបាននិយាយថា៖ “គាត់មិននៅជាមួយយើងទេ ហើយវាគឺដោយសារតែហេតុផលផ្ទាល់ខ្លួន។ “យើងកំពុងរៀបចំផែនការជាមួយ Cristiano Ronaldo សម្រាប់រដូវកាលនេះ។
“វាបែបនោះហើយ ហើយខ្ញុំទន្ទឹងរង់ចាំធ្វើការជាមួយគាត់” ។
គាត់បានបន្ថែមថា៖ “Cristiano គឺនៅក្នុងផែនការរបស់យើង ហើយយើងចង់ទទួលបានភាពជោគជ័យជាមួយគ្នា” ។
“ខ្ញុំបានសន្ទនាជាមួយគាត់សង់តង់គ្នាល្អណាស់”។
“[ការសន្ទនា] គឺរវាង Cristiano និងខ្ញុំ។ «ប៉ុន្តែអ្វីដែលខ្ញុំអាចបញ្ជាក់បានគឺយើងបាននិយាយគ្នាដោយរលូន គ្មានបញ្ហាអ្វីនោះទេ»។
United ចាប់ផ្តើមការប្រកួត Tour 2022 ជាមួយនឹងការប្រកួតទល់នឹង Liverpool នៅកីឡដ្ឋាន Rajamangala នៅថ្ងៃស្អែក (14:00 BST) ផ្សាយផ្ទាល់នៅលើ MUTV ដោយ Ronaldo មិនបានចូលរួមនោះទេ។
(Khmer) ការច្រលំឡានក្រុងបាននាំឱ្យកីឡាករ Liverpool ចូលឡានក្រុងធម្មតា នៅពេលដែលឡានក្រុងពិសេសដែលតុបតែងយ៉ាងពេញលេញបានត្រៀមរួចរាល់ដើម្បីទទួលពួកគេពីព្រលានយន្តហោះ។
កីឡាកររបស់ Liverpool បានមកដល់អាកាសយានដ្ឋានសុវណ្ណភូមិ កាលពីថ្ងៃអាទិត្យដើម្បីប្រកួតការប្រកួតមួយទល់នឹងក្រុម Manchester United នៅថ្ងៃទី 12 ខែកក្កដា។ អ្នកចាត់ការទូទៅរបស់ Liverpool លោក Jurgen Klopp បានដឹកនាំក្រុមរបស់គាត់ចំនួន 37 នាក់រួមទាំង Virgil van Dijk, Trent Alexander-Arnold និង Darwin Nunez ចេញពីព្រលានយន្តហោះ។
បន្ទាប់ពីពិធីមកដល់ លោក Kloop បានស្វាគមន៍អ្នកគាំទ្រ Liverpool ហើយបានចូលទៅក្នុងឡានក្រុងដែលមានស្ទីគ័រ “Tom Sermyon” ជំនួសឱ្យឡានក្រុងដែលតុបតែងយ៉ាងពេញលេញដែលកំពុងរង់ចាំក្រុម។ កីឡាករបានដើរតាម Klopp ក្នុងការស្វាគមន៍អ្នកគាំទ្រ ហើយបានចូលទៅក្នុងឡានក្រុង ដោយផ្តល់ឱកាសឱ្យអ្នកគាំទ្រឃើញពួកគេតាមបង្អួចច្បាស់លាស់។
ក្រោយពេលកើតហេតុ អ្នកនិយមលេងអ៊ីនធឺណេតមានការងឿងឆ្ងល់ និងចង់ដឹងថាហេតុអ្វីបានជាក្រុមមិនជិះឡានក្រុង Liverpool ហើយទៅឡើងឡានក្រុងផ្សេងទៀត ខណៈពាក្យគន្លឹះ “Tom Sermyon” ក៏ផ្ទុះឡើងផងដែរ។
អ្នកនិយមលេងអ៊ីនធឺណិតជាច្រើនបាននិយាយបែបលេងសើចថា Tom Sermyon ប្រហែលជាអ្នកឧបត្ថម្ភធំសម្រាប់ការប្រកួតនេះ។ ពួកគេខ្លះរកទិញឆ្នោតដែលមានស្លាកលេខឡានក្រុងនេះផងដែរ។
មានពាក្យចចាមអារ៉ាមថាលោក Klopp បានប្រាប់ក្រុមឱ្យជិះឡានក្រុងនោះ ដើម្បីអោយអ្នកគាំទ្រមានឱកាសស្វាគមន៍ពួកគេ។ ទោះយ៉ាងណា អ្នករៀបចំព្រឹត្តិការណ៍ Fresh Air Festival បានបដិសេធពាក្យចចាមអារ៉ាមនេះ។ ក្រុមហ៊ុនបាននិយាយថា បុគ្គលិក និងកីឡាករមានការយល់ច្រឡំ ហើយបានជិះឡានក្រុងខុស។
ក្រុមហ៊ុនបានទទូចថារថយន្តក្រុងដែលបានតុបតែងយ៉ាងពេញលេញគឺរួចរាល់ហើយ ហើយរង់ចាំដឹក គ្រូបង្វឹក កីឡាករ និងបុគ្គលិកទាំងអស់ ខណៈដែលរថយន្តក្រុងផ្សេងទៀតមិនគ្រប់គ្រាន់សម្រាប់ដឹកកីឡាករទាំងអស់នោះទេ។
Liverpool នឹងធ្វើការហ្វឹកហាត់ជាសាធារណៈនៅកីឡដ្ឋាន Rajamangala នៅថ្ងៃចន្ទ ពីម៉ោង ៧.៣០ ដល់ ៩ យប់ ខណៈការប្រកួតនឹងចាប់ផ្ដើមនៅថ្ងៃអង្គារ វេលាម៉ោង ៨ យប់។
