(Khmer) នាង Cathy Fischer អតីត​ភរិយា​របស់កីឡាករ MATS HUMMELSក្រុមជម្រើសជាតិអាល្លឺម៉ង់ បាន​បង្ហោះ​រូប​អាក្រាត​កាយ​លើ Instagram ​ដើម្បីបង្ហាញឲ្យខ្សែការពារ​ដឹងថាអ្វីដែលគាត់កំពុងបាត់បង់។ Cathy Fischer ដែលកន្លងមកធ្លាប់បានបង្ហើបថានាងចូលចិត្តប្រើអារម្មណ៍រោលរាលអោបថើបបុរសឬស្ត្រីនៅពេលស្រវឹង បានបន្សល់ទុកនូវការស្រមើស្រមៃតិចតួចនៅក្នុងរូបថតចុងក្រោយរបស់នាង។

តារា​ម៉ូដែល​រូប​នេះ​បាន​បង្ហោះ​រូប​អាក្រាត​កាយ​លើបណ្តាញសង្គម Instagram ជាច្រើនសន្លឹកដោយយកកន្សែងពោះគោបិទបាំងលើសុដន់តែបន្តិចប៉ុណ្ណោះ។ នាង​បាន​យកដៃទ្រសុដន់បង្អួត​រាង​កាយនិង​សក់​ព័ណ៌ទង់ដែង។
ក្នុង​ចំណង​ជើង(Caption) Cathy បាន​និយាយ​បែប​កំប្លែង​ថា៖ «ការ​យកកន្សែង​ចេញមិន​មែន​ជា​ជម្រើសល្អ​ទេ»។

អ្នកតាមដានគណនីនាងម្នាក់ក្នុងចំណោមជិត៦៣ម៉ឺននាក់បានមានការងឿងឆ្ងល់យ៉ាងខ្លាំងចំពោះការបង្ហោះរូបភាពនេះ។អ្នកគាំទ្រនាងម្នាក់​ទៀត​បាន​បន្ថែម​ថា៖ «សម​នឹង​អ្នក​ណាស់»។ទន្ទឹម​នឹង​នោះ​ដែរ អ្នក​គាំទ្រ​ទី៣ក៏​បាន​បញ្ចេញ​មតិ​ថា៖ “Wow ស្អាត​ណាស់។

គួររំឭកថា Hummels និង Cathy ដែលធ្លាប់ថតឱ្យទស្សនាវដ្តី Playboy បានរៀបការអស់រយៈពេល៧ឆ្នាំមុនពេលបែកគ្នានៅឆ្នាំ២០២២។
អ្នក​ទាំង​ពីរ​មានចំណងដៃ​កូន​ប្រុស​ម្នាក់​​ ។ Cathy ត្រូវបានគេប្រទះឃើញ​ជា​ប្រចាំ​នៅ​កន្លែង​អង្គុយទស្សនាបាល់ទាត់ ​ក្នុងអំឡុងពេលមានទំនាក់ទំនងស្នេហាល្អូកល្អិន រួម​ទាំងពេល Hummels ឈ្នះ​ពាន World Cup២០១៤ ជាមួយ​ក្រុមជម្រើសជាតិអាល្លឺម៉ង់។ ពីរឆ្នាំមុនពេលរៀបការជាមួយខ្សែការពារ  Dortmund នាងថែមទាំងត្រូវបានគេដាក់ឈ្មោះនៅក្នុង German’s Wag of the Year ២០២៣ ​ដែលមានន័យថាស្ត្រី​ជា​ប្រពន្ធ ឬ​មិត្ត​ស្រីរបស់តារាបាល់ទាត់ល្បី។

តាំង​ពី​បែក​គ្នា​មក នាង​បាន​បង្ហើប​ថា​ខ្ញុំចូលចិត្តអោបថើប អ្នក​ណា​ក៏​ដោយ មិន​ថា​ប្រុស ឬ​ស្រី ក្រោយ​ពី​ផឹក​ស្រា។ Cathy បាន​ប្រាប់​ស្ថានីយ​វិទ្យុ Energy Munich ថា ខ្ញុំ​ចូលចិត្តិប្រើអារម្មណ៍ញាប់​ញ័រ​ណាស់ពេល​ស្រវឹង។ វា​មិន​ពាក់ព័ន្ធនិងការរួមភេទេ ។ ​ខ្ញុំ​មិន​ខ្វល់​ទេ។ ខ្ញុំក៏ថើបមនុស្សស្រីក្នុងស្ថានភាពបែបនេះ។

ទោះបីជាយ៉ាងណាក៏ដោយ នាងបានបន្ថែមថា ការថើបនេះ ស្ទើរតែមិនទៅមុខទៀតទេ បន្ទាប់ពីត្រូវបានសួរអំពី ចំនួនមនុស្សដែលនាងធ្លាប់គេងជាមួយ។ Cathy បានឆ្លើយថាខ្ញុំអាចរាប់ពួកគេដោយដៃម្ខាង។ ខ្ញុំមិនបើកទ្វារផ្ទះរបស់ខ្ញុំឱ្យគ្រប់គ្នាចូលនោះទេ។ សម្រាប់ខ្ញុំ នេះជារឿងឯកជនភាពខ្លាំងណាស់៕

(Khmer) បន្ទាប់ពីវត្តមានរបស់Messiចូលរួមជាមួយក្លឹបInter កាលពីរដូវក្តៅមុន ធ្វើអោយក្លឹបបាល់ទាត់អាមេរិកមួយនេះទទួលបានជោគជ័យទាំងក្នុងនិងក្រៅទីលានប្រកួតនិងបានធ្វើអោយក្លឹបនេះមានតម្លៃមិនគួរឲ្យជឿរហូតដល់ជាង១ពាន់លានដុល្លារ។នេះបើយោងតាមការចេញផ្សាយរបស់Daily Mail កាលពីថ្ងៃពុធទី២៤ មករា ២០២៤។ ប្រភពដដែលនេះបានឲ្យដឹងថា ឥឡូវនេះក្លឹបInter  Miami មានតម្លៃ១,០២ពាន់លានដុល្លារ ជិតស្មើនឹងពីរដងបើប្រៀបធៀបទៅនឹងឆ្នាំមុនដែលមានតម្លៃត្រឹមតែ៥៨៣លានដុល្លារ។

វត្តមានរបស់Messiបានជួយក្លឹបបង្កើនប្រាក់ចំណូលរបស់ខ្លួនពី៥៥លានដុល្លារទៅ១២៧លានដុល្លារនិងជួយឲ្យ ចំណាត់ថ្នាក់តម្លៃក្លឹបហក់ឡើងពីទី១០មកទី៣នៅក្នុងក្របខ័ណ្ឌបាល់ទាត់អាមេរិកMLS។ ក្លឹបLos Angelesជាប់ចំណាត់ថ្នាក់ជាក្លឹបដែលមានតម្លៃបំផុតនៅ MLSជាមួយនឹងទឹកប្រាក់១,១៥ ពាន់លានដុល្លារ ខណៈដែល Atlanta United ស្ថិតនៅលំដាប់ទី២ក្នុងបញ្ជីដែលមានតម្លៃ១,០៥ពាន់លានដុល្លារ។

នៅក្នុងលីកបាល់ទាត់អាមេរិកមានតែក្លឹបបួនប៉ុណ្ណោះដែលមានតម្លៃខ្ទង់១ពាន់លានដុល្លារឬច្រើនជាងនេះ ខណៈ LA Galaxy ឈរចំណាត់ថ្នាក់ទីបួនមានតម្លៃ១ពាន់លានដុល្លារ។ Messi បានចុះហត្ថលេខាលើសិទ្ធិផ្តាច់មុខរបស់ David Beckham កាលពីខែកក្កដា បន្ទាប់ពីមានភាពច្របូកច្របល់របស់គាត់នៅប្រទេសបារាំងជាមួយ Paris Saint-Germain ។

អាវរបស់ក្លឹប Inter Miami ឥឡូវនេះលក់ដាច់បំផុតនៅអាមេរិកខាងជើង ដោយបានឈានមុខក្រុមយក្សនៅអឺរ៉ុប Manchester United, Real Madrid, Juventus, Bayern និង Arsenal ។

បន្ទាប់ពីបានស៊ុតបាល់ហ្វ្រីឃីកឈ្នះក្នុងការប្រកួតក្នុងនាទីចុងក្រោយនៃការបង្ហាញខ្លួនដំបូងរបស់គាត់ ប្រធានក្រុមដែលជួយអាហ្សង់ទីនឈ្នះពានរង្វាន់ World Cup បានបន្តស៊ុតបញ្ចូលទី១១ គ្រាប់ និងជួយមិត្តរួមក្រុមបាន៥គ្រាប់ក្នុងការបង្ហាញខ្លួន ១៤លើកដំបូង និងបានជួយក្រុម Miami ឈ្នះពានរង្វាន់League Cup ជាលើកដំបូងដែលមិនធ្លាប់មាន៕

(Khmer) យោងតាមការវិភាគរបស់បណ្តាញសេវាកម្មពហុជាតិជំនាញផ្នែកផ្តល់ប្រឹក្សា ពិគ្រោះយោបល់ ហិរញ្ញវត្ថុនិងសវនកម្ម( Deloitte) ដែលត្រូវបានBBC ដកស្រង់យកមកចុះផ្សាយកាលពីពុធថ្ងៃទី២៤ ខែមករា ២០២៤ បានឲ្យដឹងថា ក្លឹបស្តេចស Real Madrid បានវ៉ាដាច់ក្លឹបមេឃខៀវ Manchester City ក្លាយជាក្លឹបបាល់ទាត់ដែលរកចំណូលបានច្រើនជាងគេ បំផុតសម្រាប់រដូវកាល២០២២-២៣ ជាមួយនឹងទឹកប្រាក់ជាង ៩០៧,៧៨លានដុល្លារ នាំមុខក្លឹបManchester City  ដែលរកចំណូលបាន ៨៩៦,៦៣លានដុល្លារបើទោះបីជាក្លឹបនេះមានកំណត់ត្រា ឈ្នះ ពានបីធំៗដូចជាៈ FA Cup, Premier League និង Champions League ក៏ដោយ។

ប្រាក់ចំណូលរបស់ក្លឹប Real Madrid  បានកើនឡើងជាង១២៨លា​នដុល្លារ បើប្រៀបធៀបនឹងឆ្នាំមុន។ កំណើន១៦ភាគរយរបស់ពួកគេត្រូវបានសន្មតថាបានមកពីការលក់រាយ ចំនួនអ្នកចូលទស្សនាក្នុងពហុកីឡដ្ឋានខ្ពស់ និងការស្ទុះងើបឡើងវិញនៃប្រាក់ចំណូលក្រុមហ៊ុនឧបត្ថម្ភ។

ចំណែកឯ Man City ទោះបីបាត់បង់តំណែងកំពូល តារាងដែលពួកគេបានកាន់កាប់ក្នុងរយៈពេល ២ឆ្នាំចុងក្រោយនេះក៏ដោយ ក៏ក្លឹបបានរាយការណ៍ថា ទទួលបានប្រាក់ចំណូលខ្ពស់បំផុតមិនធ្លាប់មានសម្រាប់រដូវកាលនេះ។នេះក៏ដោយសារយុទ្ធនាការឈ្នះពានបីរបស់ពួកគេ ដែលបានជំរុញប្រាក់ចំណូលពីការផ្សាយ និងពាណិជ្ជកម្មរបស់ពួកគេ។

របាយការណ៍ដដែលបានអោយដឹងប្រាក់ចំណូលសម្រាប់ក្លឹបកំពូលទាំង២០បានកើនឡើង ១៤% ដល់កំណត់ត្រាជាង១១ពាន់លានដុល្លារ។ នេះរាប់បញ្ចូលទាំងប្រាក់ចំណូលពាណិជ្ជកម្មចំនួនជាង៥ពាន់លានដុល្លារនិងប្រាក់ចំណូលថ្ងៃប្រកួត ជាង២ពាន់លានដុល្លារផងដែរ។ នៅក្នុងរបាយការណ៍ដដែលនេះដែរអ្វីដែលគួរអោយក្តុកក្តួលចិត្តនោះគឺក្លឹបហង្សក្រហមLiverpool បានធ្លាក់ពីចំណាត់ថ្នាក់លេខ៣មកដល់លេខ៧សម្រាប់រដូវកាលនេះ។

ខាងក្រោមនេះគឺជាចំណាត់ថ្នាក់ក្លឹប១០ផ្សេងទៀតដែលមានប្រាក់ចំណួលខ្ពស់បន្ទាប់ពី Real MadridនិងManchester City ៖

១-ក្លឹបParis SG ឡើងពីលេខ៥មកលេខ៣មានប្រាក់ចំណូលជាង៨៧២លានដុល្លារ។

២-ក្លឹប Barcelona ឡើងពីលេខ៧មកលេខ៤ មានប្រាក់ចំណូលជាង ៨៧០លានដុល្លារ។

៣-ក្លឹបManchester United  ធ្លាក់ពីលេខ៤មកលេខ៥ មានប្រាក់ចំណូល៨១០លានដុល្លារ។

៤-ក្លឹបBayern រក្សាចំណាត់ថ្នាក់ដដែលមានប្រាក់ចំណូល៨០៨លានដុល្លារ។

៥-ក្លឹបLiverpool ធ្លាក់ពីលេខ៣មកលេខ៧មានប្រាក់ចំណូលជាង៧៤២លានដុល្លារ។

៦-ក្លឹបTottenhamឡើងពីលេខ៩ មកលេខ៨ មានប្រាក់ចំណូលជាង៦៨៦លានដុល្លារ។

(Khmer) ក្រុមបិសាចក្រហម Manchester United មានការភ្ញាក់ផ្អើលយ៉ាងខ្លាំងចំពោះព័ត៌មាននៃការវះកាត់ក្រលៀនរបស់ Anthony Martial ដែលតម្រូវឱ្យគាត់អវត្តមានយ៉ាងហោចណាស់ 10 សប្តាហ៍។

ដោយសារកំណត់ត្រារបួសមិនល្អរបស់គាត់ Martial ត្រូវបានគេរំពឹងថានឹងចំណាយពេលយូរជាងនេះដើម្បីជាសះស្បើយពេញលេញ។ គាត់បានបង្ហាញខ្លួនតែ 13 ប្រកួតក្នុង Premier League នៅរដូវកាលនេះ ដែលភាគច្រើនប្ដូរចូលក្នុងនាមជាកីឡាករបម្រុង។

ម្យ៉ាង​ទៀត វា​ហាក់​ដូច​ជា Martial អាច​នឹង​មិន​លេង​ឱ្យ Man United ម្ដង​ទៀត​រហូត​ដល់​កុងត្រា​របស់​គាត់​ផុត​កំណត់​នៅ​រដូវ​ក្ដៅ​នេះ។ ដោយពិចារណាថាគាត់រកបាន £250,000 ក្នុងមួយសប្តាហ៍ នោះគាត់គឺជាកីឡាករដែល​ស៊ីប្រាក់ខែច្រើន​ហើយមិនបាន​លេងទៀងទាត់។

ប៉ុន្តែហេតុអ្វីបានជាបិសាចក្រហមមិនបញ្ចប់កិច្ចសន្យារបស់ Martial ដូចដែលពួកគេបានធ្វើជាមួយ Cristiano Ronaldo? យើងបានឃើញសំណួរទាំងនេះមួយចំនួន ពីអ្នកគាំទ្រនៅលើប្រព័ន្ធផ្សព្វផ្សាយសង្គម ក៏ដូចជាសារព័ត៏មាននានា។ ដើម្បីជម្រះវា ភាគីទាំងពីរ (ក្នុងករណីនេះ Man United និង Martial) ចាំបាច់ត្រូវយល់ព្រមបញ្ចប់កិច្ចសន្យារបស់គាត់។

ជាអកុសល ភ្នាក់ងាររបស់គាត់បានបញ្ជាក់ថា Martial នឹងមិនទៅណាទេក្នុងខែនេះ ហើយនឹងផុតកុងត្រារបស់គាត់នៅ Old Trafford ។ ក្នុង​ករណី​របស់ Ronaldo វិញ តារា​ឆ្នើម​សញ្ជាតិ​ព័រទុយហ្គាល់​រូប​នេះ​ផ្ទាល់​ចង់​ចាកចេញដោយខ្លួនឯង។ ដូច្នេះលុះត្រាតែ Martial និងជំរុំរបស់គាត់មានឆន្ទៈចង់ចាក់ចេញ ទើប Man United អាចគិតគូបាន។

(Khmer) អតីតខ្សែប្រយុទ្ធប្រេស៊ីល Ronaldo បានដាក់ឈ្មោះកីឡាករ៨រូប ដែលគាត់គិតថាជាកីឡាករល្អបំផុតគ្រប់ពេល។ នេះបើយោងតាមការចេញផ្សាយរបស់Daily Mail កាលពីថ្ងៃអង្គារទី ២៣មករា ២០២៤។

និយាយត្រឡប់ទៅឆ្នាំ 2022ជាមួយកាសែតអង់គ្លេស The Guardian វីរបុរសប្រេស៊ីលដែលស៊ុតបញ្ចូលទីបាន៣៥២គ្រាប់ ក្នុងការបង្ហាញវត្តមាន៥១៨ ប្រកួតក្នុងអាជីពបាល់ទាត់របស់គាត់ និងធ្លាប់ឈ្នះពានរង្វាន់ Ballon d’Or ចំនួនពីរផងដែរនោះ បានដាក់ឈ្មោះកីឡាករល្អបំផុតគ្រប់ពេល ៨នាក់។ ទោះយ៉ាងណាក៏ដោយ គាត់មិនបានដាក់ឈ្មោះកីឡាករ Cristiano Ronaldo ដែលកំពុងល្បីនាពេលបច្ចុប្បន្នចូលក្នុងបញ្ជីរបស់គាត់ទេ។

គាត់​បាន​និយាយ​ថា ខ្ញុំ​គិត​ថា​មាន​ក្រុម​ពិសេស​ៗខ្លាំង​ណាស់ ដែលក្នុងនោះមានដូចជា៖ Diego Maradona ,Pele, Johan Cruyff, Franz Beckenbauer, , Marco Van Basten, Ronaldinho និងរូបគាត់ផ្ទាល់ផងដែរ។

Ronaldoបន្តថា ខ្ញុំបញ្ចូលឈ្មោះខ្លួនឯង ដើម្បីឱ្យអ្នកគាំទ្រនិយាយអំពីវា អនុញ្ញាតឱ្យពួកគេជជែកដេញដោលគ្នា ប៉ុន្តែអ្នក​មិន​អាច​ចាត់​ថ្នាក់​ពួក​គេ​ និងមិន​អាច​ប្រៀបធៀប​ជំនាន់​បាន​ទេ។

ខណៈដែលរាប់ឈ្មោះខ្លួនឯងថាជាកីឡាករល្អបំផុតគ្រប់ពេលបែរជាកីឡាករសញ្ជាតិប្រេស៊ីលបដិសេធខ្សែប្រយុទ្ធ Cristiano Ronaldo តែជ្រើសរើសយកគូប្រជែងដ៏យូរអង្វែងរបស់ខ្លួនគឺកីឡាករ Lionel Messi ទោះបីជាខ្សែប្រយុទ្ធព័រទុយហ្គាល់ស៊ុតបញ្ចូលទីបាន ៨៩១ គ្រាប់ក្នុងអាជីពនិងបន្តបង្ហាញទម្រង់លេងនៅតែល្អក្នុងវ័យ៣៨ ឆ្នាំ។

ទន្ទឹមនឹងនេះដែរនៅក្នុងបញ្ជីរបស់ Ronaldo រួមមានកីឡាករជាច្រើនដែលគាត់មិនបានលេងជាមួយផង។ វីរបុរស Diego Maradona, Pele, Johan Cruyff, Franz Beckenbauer សុទ្ធតែជាកីឡាករឆ្នើមសម័យមុន ។ ម្យ៉ាងវិញទៀត Ronaldo បានលេងជាមួយ Ronaldinho ទាំងនៅMilan និងសម្រាប់ក្រុមជម្រើសជាតិប្រេស៊ីល។ តារាទាំងពីរមានសារៈសំខាន់ក្នុងការជួយជំរុញ ក្រុមជម្រើសជាតិប្រេស៊ីល (Selecao) ពេញមួយដើមទសវត្សរ៍ឆ្នាំ 2000 ។ នេះ​រួម​បញ្ចូល​ទាំង​ការ​ឈ្នះ World Cup រួម​គ្នា​ក្នុង​ឆ្នាំ ២០០២។

Ronaldo Nazario វ័យ ៤៧ឆ្នាំដែលធ្លាប់លេងឲ្យក្លឹបដូចជា Barcelona, Inter Milan, Real Madrid និង  Milan បានទទួលភាពជោគជ័យក្នុងអាជីពបាល់ទាត់របស់គាត់ក្នុងចន្លោះឆ្នាំ១៩៩៣ ដល់ ២០១១ ខណៈដែលគាត់ក៏បានស៊ុតបញ្ចូលទីបាន ៦២គ្រាប់ក្នុងការបង្ហាញវត្តមាន ៩៨ ប្រកួតសម្រាប់ក្រុមជម្រើសជាតិប្រេស៊ីល។

អតីតខ្សែប្រយុទ្ធរូបនេះគឺជាកីឡាករបាល់ទាត់ដ៏ល្បីល្បាញបំផុតក្នុងជំនាន់របស់គាត់ ហើយចាប់តាំងពីពេលនោះមកបានព្យាយាមចាប់ដៃគូធ្វើជាម្ចាស់បាល់ទាត់ក្លឹប Valladolid ក្នុងប្រទេសអេស្ប៉ាញ និងក្លឹបកុមារភាព Cruzeiroរបស់គាត់៕

(Khmer) ទ្រព្យសម្បត្តិរបស់កីឡាករបាល់ទាត់ ដែលមានជាងគេបំផុតនៅលើពិភពលោកគឺច្រើនជាង 16ដង ខណៈដែលច្រើនជាង Ronaldo និង Messi រួមបញ្ចូលគ្នា។

Lionel Messi និង Cristiano Ronaldo គឺជា​កំពូលតារា​បាល់ទាត់ឆ្នើម​ទាំង​ពីរ​រូបលើពិភពលោកដែលមានទ្រព្យសម្បត្តិមហាសាល ប៉ុន្តែកីឡាករម្នាក់ដែលមានឈ្មោះថា Faiq Bolkiah លេងអោយក្លឹបបាល់ទាត់ថៃRatchaburi FC  ឈរតំណែងកំពូលតារាងជាកីឡាករដែលមានទ្រព្យសម្បត្តិច្រើនជាងគេលើលោកពោលគឺច្រើនជាងទ្រព្យសម្បត្តិសរុបរបស់ Ronaldo និង Messi១៦ដង ​។

Lionel Messi និង Cristiano Ronaldo មានទ្រព្យសម្បត្តិសរុបជាង១ពាន់លានដុល្លារ

ខណៈដែល Faiq Bolkiah អតីតកីឡាករក្លឹបយុវជនLeicester និងChelsea និងមិនដែលបានឡើងមកលេងជាមួយឈុតធំសូម្បីតែម្តង មានទ្រព្យសម្បត្តិសរុបប្រហែលជាង២២ពាន់លានដុល្លារ។

វីរបុរសទាំងពីរបានឆ្លងផុតពី​បន្ទាត់កីឡាបាល់ទាត់ និងបង្កើតបានភាពល្បីល្បាញជាច្រើន ទោះបីជាពួកគេទាំងពីរបានចាកចេញពីអឺរ៉ុបទៅប្រកួតនៅ Inter Miami សហរដ្ឋអាមេរិក និង Al-Nassr ប្រទេសអារ៉ាប់ប៊ីសាអ៊ូឌីតរៀងៗខ្លួនក៏ដោយ។ Messiវ័យ៣៧ ឆ្នាំមានទ្រព្យសម្បត្តិប្រហែល ជាង៥៩៨ លានដុល្លារខណៈទ្រព្យសម្បត្តិ Ronaldo ត្រូវបានគេជឿថាមានប្រហែលជាង៦៣៥លានដុល្លារ។

កីឡាករវ័យ២៥ឆ្នាំដែលកើតនៅរដ្ឋ Los Angeles គឺជាក្មួយប្រុសរបស់ស្តេចស៊ុលតង់នៃប្រទេសប្រ៊ុយណេនិងជាអ្នកស្នងមរតកជាច្រើនដែលមានទ្រព្យសម្បត្តិជាង ២៥៤ពាន់លានដុល្លារ។

ទ្រព្យសម្បត្តិផ្ទាល់ខ្លួនរបស់គាត់ត្រូវបានគេជឿថាមានប្រហែលជាង២២ពាន់លានដុល្លារ ដែលស្មើនឹងទ្រព្យសម្បត្តិសរុបរបស់ Messi និង Ronaldo ប្រហែល១៦ដង។ មិនអាក្រក់ទេសម្រាប់កីឡាករដែលមិនបានបង្ហាញខ្លួនឱ្យក្រុមឈុតធំរបស់ Leicester ឬ Chelsea សូម្បីតែ១ប្រកួតចន្លោះឆ្នាំ២០១៤ និង២០២០ ។

Bolkiah បច្ចុប្បន្នលេងនៅប្រទេសថៃសម្រាប់ក្លឹប Ratchaburi FC ។ គាត់​កំពុង​រីករាយ​នឹង​រដូវ​កាល​ដែល​មាន​ផលិតភាព​នៅ​អាស៊ី​អាគ្នេយ៍ ដោយ​បាន​ចូល​រួម​ចំណែករកបាប​ពីរ​គ្រាប់​ក្នុង​ការ​បង្ហាញ​ខ្លួន​ដប់​លើក៕

(Khmer) យោងតាមប្រភពព័ត៌មាន Daily Mail ចេញផ្សាយបានឲ្យដឹងថា អ្នកគាំទ្របាល់ទាត់ជនជាតិចិនមួយចំនួនបានសម្រុកចូលទៅក្នុងសណ្ឋាគារដែលកីឡាកររបស់ក្លឹប Al-Nassr ស្នាក់នៅដើម្បីសម្តែងការខកចិត្តរបស់ពួកគេចំពោះការអសមត្ថភាពរបស់ Ronaldo ក្នុងការចូលរួមប្រកួតមិត្តភាព ។អ្នកគាំទ្រនៅខាងក្រៅសណ្ឋាគារស្រែកហៅ Ronaldo ម្តងហើយម្តងទៀតអោយចេញមកជួបពួកគេ។

Ronaldo គឺជាកំពូល​តារា​បាល់ទាត់មួយរូបដែលទាក់ទាញ​ក្នុង​ដំណើរ​ប្រកួតទេសចរ(មិត្តភាព) ដែលអ្នក​គាំទ្រ​បាល់ទាត់​ចិន​ទទ្ទឹងរង់ចាំ​ឱកាស​ដ៏កម្រ​ដើម្បីបានឃើញកីឡាករូបនេះ។ ទោះជាយ៉ាងណាក៏ដោយ Ronaldo បានរងរបួសសាច់ដុំក្នុងអំឡុងពេលហ្វឹកហាត់ដែលធ្វើឱ្យគាត់មិនអាចចូលរួមប្រកួតបានធ្វើអោយក្លឹបAl-Nassr សម្រេចចិត្តពន្យារពេល។

ក្លឹបAl-Nassr ដែលមានតារាបាល់ទាត់ឆ្នើមRonaldo  បានហ្វឹកហាត់នៅទីក្រុង Shenzhen មុនការប្រកួតជាមួយក្លឹបបាល់ទាត់ចិន Shanghai នៅថ្ងៃពុធទី ២៤ មុននឹងប្រកួតមិត្តភាពមួយផ្សេងទៀតជាមួយ Zhejiang នៅថ្ងៃទី២៨ ខែមករា។

ដើម្បីរំសាយកំហឹងរបស់អ្នកគាំទ្រ Cristiano Ronaldo បានចេញមុខសុំទោសដោយ​​និយាយ​ថា​៖ ដូច​ដែល​អ្នក​ដឹង​ហើយ​ក្នុង​បាល់ទាត់​មាន​រឿង​មួយ​ចំនួន​ដែល​អ្នក​មិន​អាច​គ្រប់​គ្រង​បាន។ ខ្ញុំបានលេងបាល់ទាត់២២ ឆ្នាំ ហើយខ្ញុំជាកីឡាករដែលមិនសូវរងរបួសច្រើនទេ។ ​ខ្ញុំ​ពិត​ជា​សោក​ស្តាយ​ណាស់​ព្រោះ Al Nassr និង​ខ្លួន​ខ្ញុំផ្ទាល់​​មក​ប្រទេស​ចិន​ដើម្បីនាំយកភាព​រីករាយ​មកទីនេះ។ ខ្ញុំធ្លាប់មកប្រទេសចិនកាលពីឆ្នាំ២០០៣-០៤ ដូច្នេះខ្ញុំមានអារម្មណ៍ថាទីនេះវាហាក់ដូចជាផ្ទះទីពីររបស់ខ្ញុំ។

កីឡាករសញ្ជាតិព័រទុយហ្គាល់បានបន្តថា ខ្ញុំមានអារម្មណ៍ថាខ្ញុំតែងតែជាមនុស្សពិសេសនៅទីនេះ។ ខ្ញុំ​មាន​អារម្មណ៍​ក្រៀមក្រំ។ ខ្ញុំដឹងថាអ្នកទាំងអស់គ្នាក៏សោកសៅដែរ ជាពិសេសមនុស្សដែលស្រលាញ់ Cristiano ប៉ុន្តែយើងត្រូវមើលរឿងនេះតាមរបៀបដ៏ល្អ។ យើង​មិន​បាន​លុប​ចោល​ការ​ប្រកួត​នោះ​ទេ ហើយយើងនឹង​ត្រលប់​មក​ទីនេះ​វិញ។ បញ្ហានេះអ្នករៀបចំកម្មវិធីអាចនឹងកំណត់កាលបរិច្ឆេទថ្មីៗនាពេលឆាប់ៗខាងមុខនេះ។

ជាអកុសល ខ្ញុំមានបញ្ហាខ្លះ ប៉ុន្តែនេះជាផ្នែកមួយនៃបាល់ទាត់ និងជីវិតរបស់ខ្ញុំ។ ខ្ញុំនៅទីនេះ ខ្ញុំនៅជាមួយអ្នកគាំទ្រ ខ្ញុំនៅជាមួយប្រជាជនចិន ហើយយើងនឹងបន្តនៅទីនេះ។

(Khmer) កីឡាករបាល់ទះឥណ្ឌូណេស៊ី Luvi Febrian Nugraha បានទទួលស្គាល់ថាគាត់ជួបការលំបាកពេលលេងក្នុងលីគបាល់ទះកម្ពុជា។ បច្ចុប្បន្ន Luvi កំពុងប្រកបអាជីពនៅលីគបាល់ទះកម្ពុជាដោយលេងឱ្យក្លិបបាល់ទះបញ្ជាការដ្ឋានអង្គរក្ស។

មិនមែនមាន Luvi តែម្នាក់ឯងទេ ដែលបានលេងបញ្ជាការដ្ឋានអង្គរក្ស កីឡាករបាល់ទះឥណ្ឌូនេស៊ីបីនាក់ទៀតគឺ I Gede Wira Yudha, Dio Zulfikri និង Doni Haryono ក៏លេងនោះទីនោះដែរ។

Luvi មានការត្អូញត្អែរអំពីលីគបាល់ទះកម្ពុជា ត្រូវបានគេដឹងតាមរយៈការធ្វីតនៅលើគណនី Twitter (X) របស់គាត់។ នៅក្នុង tweet នោះអ្នកគ្រប់គ្រងគណនីឈ្មោះឈ្មោះ Minji បានសួរ Luvi តាមរយៈមុខងារ “Ask me Question” នៅលើ Instagram Story របស់គាត់។

Minji បានសួរអំពីការប្រៀបធៀបភាពលំបាកក្នុងការលេងបាល់ទះនៅកម្ពុជា និងឥណ្ឌូនេស៊ី។ ឆ្លើយតបនឹងសំណួរនេះ Luvi បានសារភាពថាគាត់កំពុងជួបប្រទះការលំបាក ពីព្រោះគ្មានមិត្តរួមការងាររបស់គាត់អាចនិយាយភាសាអង់គ្លេសបានទេ។ «គ្មាននរណាម្នាក់អាចនិយាយភាសាអង់គ្លេសបានទេ។ ទោះជាយ៉ាងណា នេះហាក់ដូចជាមិនមែនជាបញ្ហាសំខាន់សម្រាប់ Luvi ទេ។

បច្ចុប្បន្ន បញ្ជាការដ្ឋានអង្គរក្សស្ថិតក្នុងចំណាត់ថ្នាក់លេខ២ ក្នុងតារាងចំណាត់ថ្នាក់លីគបាល់ទះកម្ពុជា ខណៈសប្ដាហ៍នេះពួកគេនឹងត្រូវជួបក្រុមចំណាត់ថ្នាក់លេខ១ វិសាខា។

(Khmer) ទីផ្សារដោះដូរកីឡាកររដូវរងា (Winter Window )ឆ្នាំ 2024 នឹងបិទជាផ្លូវការនៅនៅថ្ងៃទី 31 ខែមករា។

Manchester United ធ្វើបានល្អណាស់ក្នុងការលុបបំបាត់ការជាប់គាំងនានា ពិសេសឱ្យកីឡាករវ័យក្មេងចាកចេញទៅលេងក្នុងកុងត្រាខ្ចីជើង ហើយកីឡាករឈុតធំដែលមិនបានលេងញឹកញាប់ក៏ឱ្យចាកចេញដែរ ប៉ុន្តែបិសាចក្រហមមិនទាន់ចុះហត្ថលេខាលើកីឡាករថ្មីនៅឡើយទេ។

យោងតាម ESPN FC ក្រុមបិសាចក្រហម Man United បើកចំហចំពោះគំនិតនៃការបន្ថែមកីឡាករទៅក្នុងក្រុមនៅក្នុងខែមករានេះប្រសិនបើមានឱកាស។

ទោះយ៉ាងណាក៏ដោយ គោលបំណងសំខាន់នៃទីផ្សារដោះដូរកីឡាករខែមករារបស់ Man Utd គឺដើម្បី ‘បន្ធូរបន្ថយកង្វល់ផ្នែកហិរញ្ញវត្ថុ’ មុនពេលកាន់​កន្រ្តកចូលទីផ្សារដោះដូរកីឡាករក្នុងរដូវក្តៅ។