(Khmer) នៅរដូវកាលនេះ Man United បានប្រព្រឹត្តកំហុសច្រើនជាងក្រុមផ្សេងទៀតនៅក្នុង Premier League គិតមកទល់ពេលនេះ។

បិសាចក្រហមបានធ្វើកំហុស 75 ដងក្នុង 6 ប្រកួតហើយគិតជាជាមធ្យមជាង 12 លើកក្នុងមួយប្រកួត។ នោះមិនមែនជារឿងអាក្រក់នោះទេ ដោយសារស្ថិតិបង្ហាញថា Erik ten Hag បានធ្វើឱ្យក្រុមរបស់គាត់ក្លាយជាអង្គភាពប្រយុទ្ធដែលកាន់តែកាច(aggressive) ។

បិសាចក្រហមលែងភ័យខ្លាចក្នុងការប្រឈមមុខនឹងការប្រជែងបែបកាចៗ (aggressive) ពីគូប្រកួតទៀតហើយ ដោយកីឡាករដូចជា Lisandro Martinez និង Scott McTominay តែងតែប្រព្រឹត្តកំហុស​( fouls )។

សម្រាប់រដូវ​កាល​នេះ United មិន​ទាន់​មានការ​កីឡាករ​ត្រូវ​ដេញចេញពីការ​ប្រកួត( red card) ម្តង​ឡើយ​ក្នុង​ការ​ប្រកួត​ទាំង​ប្រាំមួយ​នេះ ដែល​បង្ហាញ​ថា​កំហុស​ទាំង​អស់​សុទ្ធ​តែ​ជា​កលល្បិច និង​មិន​មែន​ដោយ​ការ​ប៉ុនប៉ងឡើយ។

ក្រុម​របស់លោក Ten Hag បច្ចុប្បន្ន​កំពុង​រក្សាកំណត់​ត្រា​ឈ្នះ៤ប្រកួតជាប់​គ្នា ហើយ​តាម​ពីក្រោយ Arsenal 3 ពិន្ទុ​ដែលជា​ក្រុម​កំពូល​តារាង​លីគ។

ប្រភព៖ OptaJoe @Twitter

(Khmer) កីឡាករទាំងបីរបស់ Arsenal គឺ Gabriel Jesus, Gabriel Martinelli និង Gabriel Magalhaes ត្រូវបានដកចេញពីបញ្ជីឈ្មោះក្រុមចុងក្រោយរបស់ប្រេស៊ីលសម្រាប់ការប្រកួតមិត្តភាពមុនការប្រកួត World Cup របស់ពួកគេជាមួយហ្គាណា និង ទុយនីស៊ី ក្នុងខែនេះ។

កីឡាករ Arsenal ទាំងបីនាក់គឺជាផ្នែកមួយនៃក្រុមរបស់ប្រេស៊ីលក្នុងខែមិថុនា សម្រាប់ការប្រកួតមិត្តភាពរបស់ពួកគេជាមួយកូរ៉េខាងត្បូង និងជប៉ុន បើទោះបីជា Gabriel Magalhaes មិនមានវត្តមានក្នុងការប្រកួតទាំងពីរនេះដោយសារតែរបួសភ្លៅ និងនៅតែមិនទាន់ទទួលបានការ​ចូលលេងក្នុងឈុតធំដំបូងរបស់គាត់។

Jesus និង Martinelli ទាំងពីរបានចាប់ផ្ដើមយ៉ាងល្អក្នុងរដូវកាលថ្មីនៃ Premier League ហើយបានដើរតួយ៉ាងសំខាន់ក្នុងក្រុមរបស់លោក Mikel Arteta ឈ្នះ 5 ប្រកួតក្នុងចំណោម 6 ប្រកួតរបស់ពួកគេរហូតមកដល់ពេលនេះ។ ប៉ុន្តែពួកគេនឹងមិនចូលរួមក្នុងការប្រកួតរបស់ប្រេស៊ីលទល់នឹងហ្គាណា និងទុយនេស៊ីក្នុងអំឡុងពេលសម្រាកអន្តរជាតិនាពេលខាងមុខ។

នៅពេលត្រូវបានសួរអំពីការអវត្តមានរបស់ Jesus ពីក្រុម គ្រូបង្វឹកប្រេស៊ីលលោក Tite បានផ្តល់យោបល់ថាការសម្រេចចិត្តអនុញ្ញាតឱ្យគាត់ពិនិត្យមើលយ៉ាងដិតដល់ចំពោះកីឡាករផ្សេងទៀត។

« Gabriel Jesus កំពុងមានពេលវេលាដ៏អស្ចារ្យនៅក្លិប ហើយ​គាត់ក៏ស្ថិតក្នុង​ការ​ប្រទាញប្រទង់គ្នាផង​ដែរ។ វា​ពិតជាអញ្ចឹង!»។

«ការ​កោះហៅទាំងនេះសម្រាប់​បម្រើជាឱកាសឱកាសសម្រាប់កីឡាករដទៃ ក៏ដូចជាអ្នកផ្សេងទៀតនៅក្នុងបរិបទដូចគ្នានេះ។ ទាក់ទងនឹងចំនួនខ្សែប្រយុទ្ធ បាល់ទាត់គឺជាការបង្កើត និងការស៊ុតបញ្ចូលទី និងភាពរឹងមាំនៃខ្សែការពារ។ ប្រសិនបើអ្នករត់ចេញពីលក្ខណៈទាំងនេះ អ្នកនឹងចាញ់»។

«ចំណុចតុល្យភាពនេះគឺពិបាកណាស់នៅក្នុងក្រុម ហើយយើងកំពុងស្វែងរកវា។ ចំនួនអ្នកប្រយុទ្ធនេះនឹងមិនត្រូវបានកំណត់ទេ។ ភាពបត់បែនរបស់អត្តពលិកគឺជាផ្នែកសំខាន់មួយ។»

ខ្សែប្រយុទ្ធរបស់​ក្លិប Flamengo កីឡាករ Pedro ដែលជាអ្នកស៊ុតបញ្ចូលទីបានច្រើនជាងគេនៅ Copa Libertadores រដូវកាលនេះ ដោយរកបាន 12 គ្រាប់ត្រូវបានបញ្ចូលក្នុងក្រុមជម្រើសជាតិ ខណៈដែល Gleison Bremer របស់ Juventus និង Roger Ibanez របស់ Roma ចូលលេងជាលើកដំបូង។

Dani Alves ដែល​មាន​ជំងឺ​ក្រពះ​ពោះវៀន និង​ខ្សែ​បម្រើ Philippe Coutinho របស់ Aston Villa ទាំង​ពីរ​បាន​អវត្តមាន។ សម្រាប់យុទ្ធនាការ World Cup របស់ពួកគេក្នុងប្រទេសកាតា ដែលចាប់ផ្តើមក្នុងខែវិច្ឆិកា ប្រេស៊ីលស្ថិតក្នុងពូល G ជាមួយស៊ែប៊ី ស្វីស និងកាមេរូន។

(Khmer) គេហទំព័រផ្លូវការរបស់ក្លឹបបានបញ្ជាក់ថាការប្រកួត Europa League របស់ Man United ទល់នឹង Sheriff Tiraspol នឹងប្រព្រឹត្តទៅនៅថ្ងៃព្រហស្បតិ៍សប្តាហ៍ក្រោយតាម​ការ​គ្រោងទុក។

វាត្រូវបានបញ្ជាក់ថាការសម្រេចចិត្តនេះត្រូវបានធ្វើឡើងស្របតាមការណែនាំដែលចេញដោយរដ្ឋាភិបាលចក្រភពអង់គ្លេស។ កាលពីម្សិលមិញនេះ Premier League បានពន្យារពេលការប្រកួតនៅសប្តាហ៍ទី៧ បន្ទាប់ពីការយាងសោយវិលាល័យរបស់ម្ចាស់ក្សត្រី Elizabeth II។ ការប្រកួតនៅចុងសប្តាហ៍ក្រោយ ក៏អាចនឹងត្រូវពន្យារពេលផងដែរ ដោយសារពិធីបុណ្យសពដែលបានគ្រោងទុកនៅថ្ងៃអាទិត្យ ទី១៨ ខែកញ្ញា។

ទោះបីជាយ៉ាងណាក៏ដោយ វាមិនមានឧបសគ្គសម្រាប់ Man United ក្នុងការហោះហើរទៅកាន់ប្រទេស ម៉ុលដាវី នៅសប្តាហ៍ក្រោយដើម្បីទៅសួរសុខទុក្ខក្រុមម្ចាស់ផ្ទះ Sheriff នោះទេ។

ប្រភព៖ Manutd.com

(Khmer) ដោយបានឈ្នះពានរង្វាន់ UEFA Champions League កាលពីរដូវកាលមុន Real Madrid ទទួលបានកៅអីមួយក្នុងវគ្គពាក់កណ្តាលផ្តាច់ព្រ័ត្រនៃ FIFA Club World Cup ។

ការប្រកួតដែលរៀបចំដោយស្ថាប័នគ្រប់គ្រងកីឡាបាល់ទាត់ពិភពលោក ធ្វើឱ្យអ្នកឈ្នះនៃការប្រកួតពានក្នុងទ្វីបកំពូលទាំងប្រាំមួយរបស់សហព័ន្ធនីមួយៗចួបតទល់នឹងគ្នា។ អ្នកតំណាងរបស់ UEFA និង CONMEBOL ទទួលបានកៅអីដោយផ្ទាល់ទៅកាន់វគ្គពាក់កណ្តាលផ្តាច់ព្រ័ត្រនៃការប្រកួតដែលពួកគេត្រូវប្រឈមមុខនឹងក្រុមជម្រុះមកពី AFC, OFC, CONCACAF និង CAF ។

Real Madrid ដែលបានឈ្នះពានរង្វាន់ UEFA Champions League កាលពីរដូវកាលមុន បានកក់កន្លែងសម្រាប់ខ្លួនពួកគេនៅក្នុងវគ្គពាក់កណ្តាលផ្តាច់ព្រ័ត្រនៃពានរង្វាន់ FIFA Club World Cup នាពេលខាងមុខ។ ពួកគេនឹងត្រូវបានចូលរួមដោយអ្នកឈ្នះពានរង្វាន់ Copa Libertadores ដែលការប្រកួតវគ្គផ្តាច់ព្រ័ត្រនឹងត្រូវប្រកួតរវាង Flamengo និង Athletico Paranaense ក្នុងខែតុលា។

ខណៈពេលដែលការប្រកួតជាធម្មតាត្រូវបានប្រារព្ធឡើងជិតដល់ចុងឆ្នាំប្រតិទិននោះ វានឹងមិនអាចទៅរួចនោះទេនៅពេលនេះ ខណៈដែល FIFA World Cup កំពុងត្រូវបានលេងនៅប្រទេសកាតាក្នុងអំឡុងខែវិច្ឆិកា និងធ្នូ។ ដូច្នេះហើយ FIFA Club World Cup ទំនងជានឹងធ្វើឡើងនៅខែកុម្ភៈ ឆ្នាំ 2023 បើយោងតាមរបាយការណ៍របស់ AS ដោយសហរដ្ឋអាមេរិកជាម្ចាស់ផ្ទះនៃការប្រកួត។

ទីតាំងដូចជាប្រទេសចិន និង Abu Dhabi ត្រូវបានគេពិចារណា ប៉ុន្តែខណៈដែលអ្វីៗនៅដដែល សហរដ្ឋអាមេរិកហាក់ដូចជាត្រូវបានផ្តល់ការតែងតាំងដើម្បីធ្វើជាម្ចាស់ផ្ទះការប្រកួត FIFA Club World Cup ។ ចំពោះកាលបរិច្ឆេទសប្តាហ៍នៃថ្ងៃទី 6-12 ខែកុម្ភៈកំពុងត្រូវបានពិចារណាដោយសហព័ន្ធបាល់ទាត់ពិភពលោក។ វា​នឹង​មក​ដល់​មុន​ការ​ប្រកួត​ជើង​ទី​១​នៃ​វគ្គ​១៦​ក្រុម Champions League។

ទោះជាយ៉ាងណាក៏ដោយ កាលបរិច្ឆេទទាំងនោះនឹងប៉ះគ្នាជាមួយនឹងកាលវិភាគវគ្គពាក់កណ្តាលផ្តាច់ព្រ័ត្រ Copa del Rey ខណៈដែលការប្រកួតជើងទី 1 នៃការប្រកួតពានរង្វាន់បឋមរបស់ប្រទេសអេស្ប៉ាញនឹងត្រូវលេងនៅថ្ងៃទី 8-9 ខែកុម្ភៈ។ ប្រសិនបើ Real Madrid មានលក្ខណៈសម្បត្តិគ្រប់គ្រាន់ដល់ដំណាក់កាលនោះ វានឹងជាន់កាលវិភាគគ្នារវាងការ​ប្រកួតនៅអេស្ប៉ាញ​និង FIFA Club World Cup។​

ក្នុង​ករណី​នោះ សហព័ន្ធ​អេស្ប៉ាញ​អាច​នឹង​ត្រូវ​រំកិល​កាលបរិច្ឆេទ​សម្រាប់​ពាន Copa del Rey ខណៈ FIFA ចាត់​ទុក Club World Cup ជា​ព្រឹត្តិការណ៍​សំខាន់ និង​ជា​អាទិភាព។ ដោយបានឈ្នះ La Liga, Spanish Super Cup, UEFA Champions League និង UEFA Super Cup ក្នុងឆ្នាំ 2022 ក្រុម Real Madrid នឹងកំណត់គោលដៅលើកពាន FIFA Club World Cup ផងដែរ។

Los Blancos បានឈ្នះពានរង្វាន់នេះចំនួន 4 ដងរួចមកហើយ ហើយអាចលើកវាជាលើកទី 5 នៅសហរដ្ឋអាមេរិក។

(Khmer) អារ៉ាប៊ីសាអូឌីត អេហ្ស៊ីប និងក្រិច គ្រោងនឹងដាក់សំណើដេញថ្លៃធ្វើម្ចាស់ផ្ទះ World Cup 2030 នេះបើយោងតាមរបាយការណ៍របស់ The Times ។

ការប្រកួតបាល់ទាត់ពិភពលោកឆ្នាំ 2030 នឹងក្លាយជាការប្រកួតលើកទី 24 ។ វា​ត្រូវ​បាន​កំណត់​ឱ្យ​ក្លាយ​ជា​ការ​ប្រកួត​ដ៏​ពិសេស​បន្ថែម​ទៀត ព្រោះ​វា​ជា​ខួប​គម្រប់ 100 ឆ្នាំ​នៃ​ការ​ប្រកួត World Cup ជា​លើក​ដំបូង​មិន​ធ្លាប់​មាន។ ដំណើរការដេញថ្លៃនៅតែបើកចំហនៅពេលនេះ ដោយប្រទេសមួយចំនួនបានបោះមួករបស់ពួកគេចូលទៅក្នុងសង្វៀនរួចហើយ។ វាត្រូវបានគេជឿថាប្រទេសម្ចាស់ផ្ទះនឹងមិនត្រូវបានប្រកាសរហូតដល់ឆ្នាំ 2024 ។

យោងតាមកាសែត The Times ការដេញថ្លៃរួមគ្នារវាងអារ៉ាប៊ីសាអូឌីត អេហ្ស៊ីប និងក្រិក ត្រូវបានគេរំពឹងថានឹងត្រូវបានប្រកាសក្នុងពេលឆាប់ៗនេះ។ ប្រសិន​​បើ​ការ​ដេញ​ថ្លៃ​ឈ្នះ វា​នឹង​ក្លាយ​ជា World Cup ទី​បី​ដែល​ត្រូវ​ធ្វើ​ជា​ម្ចាស់​ផ្ទះ​រួម។ ការប្រកួតបាល់ទាត់ពិភពលោកឆ្នាំ 2002 ត្រូវបានចែករំលែករវាងប្រទេសជប៉ុន និងកូរ៉េខាងត្បូង ហើយការប្រកួតឆ្នាំ 2026 នឹងត្រូវបែងចែករវាងសហរដ្ឋអាមេរិក ម៉ិកស៊ិក និងកាណាដា។

លើសពីនេះ វានឹងក្លាយជាលើកទីមួយហើយ ដែលប្រទេសទាំងបីនេះ បានធ្វើម្ចាស់ផ្ទះ World Cup ។ អេហ្ស៊ីប នឹង​ក្លាយ​ជា​ប្រទេស​អាហ្វ្រិក​ទី​ពីរ​ដែល​ធ្វើ​ជា​ម្ចាស់​ផ្ទះ​នៃ​ការ​ប្រកួត​នេះ បន្ទាប់​ពី​អាហ្វ្រិក​ខាង​ត្បូង​ក្នុង​ឆ្នាំ ២០១០។

វានឹងក្លាយជាការប្រកួតបាល់ទាត់ពិភពលោកលើកដំបូង ដែលត្រូវបានធ្វើជាម្ចាស់ផ្ទះនៅក្នុងទ្វីបជាច្រើន។ អ្នក​ខ្លះ​ជឿ​ថា​នេះ​អាច​ជា​អត្ថប្រយោជន៍​ដ៏​សំខាន់​សម្រាប់​ការ​ដេញ​ថ្លៃ ដោយ​មាន​សហ​ព័ន្ធ​រហូត​ដល់​ទៅ​បី​គាំទ្រ​វា។

កាសែត The Times អះអាងថា ការប្រកួតនឹងត្រូវផ្លាស់ប្តូរទៅរដូវរងា ដើម្បីជៀសវាងការឡើងកំដៅខ្លាំងនៃរដូវក្តៅ។ នេះបានបណ្តាលឱ្យមានបញ្ហាក្នុងការកំណត់ពេលវេលាដ៏សំខាន់នៅក្នុងរដូវកាល 2022/23 ដោយការប្រកួតបាល់ទាត់ពិភពលោក Qatar នឹងចាប់ផ្តើមនៅក្នុងខែវិច្ឆិកា។

ទោះយ៉ាងណាក៏ដោយ ដោយសារតែមានការប្រកួតប្រជែងដ៏សំខាន់សម្រាប់សិទ្ធិធ្វើជាម្ចាស់ផ្ទះ។ ការដេញថ្លៃនៅអាមេរិកខាងត្បូងរវាងអាហ្សង់ទីន អ៊ុយរូហ្គាយ ឈីលី និងប៉ារ៉ាហ្គាយត្រូវបានបញ្ជាក់ដោយ CONMEBOL ខណៈដែលអេស្ប៉ាញ និងព័រទុយហ្គាល់ក៏បានបង្ហាញពីបំណងចង់ធ្វើជាម្ចាស់ផ្ទះរួមគ្នាផងដែរ។ ម៉ារ៉ុកក៏ត្រូវបានគេជឿថាមានការចាប់អារម្មណ៍ ហើយការដេញថ្លៃផ្សេងទៀតត្រូវបានគេរំពឹងថានឹងត្រូវបានប្រកាសក្នុងពេលដ៏ខ្លីខាងមុខនេះ។

(Khmer) ការប្រកួតក្របខ័ណ្ឌ Premier League នៅចុងសប្តាហ៍នេះទំនងជាត្រូវបានពន្យារពេលបន្ទាប់ពីម្ចាស់ក្សត្រី Elizabeth II បានទទួលចូលទីវង្គត់ នេះបើយោងតាមសារព័ត៌មាន Daily Mail ។

រយៈពេលកាន់ទុក្ខរយៈពេល 10 ថ្ងៃត្រូវបានរំពឹងទុកនៅក្នុងចក្រភពអង់គ្លេស ដោយព្រឹត្តិការណ៍កីឡាទាំងអស់នឹងត្រូវផ្អាក។ នោះមានន័យថា Arsenal ប្រហែលជាមិនអាចធ្វើជាម្ចាស់ផ្ទះទទួលក្រុម Everton នៅថ្ងៃអាទិត្យទី 11 ខែកញ្ញា។

លើសពីនេះទៅទៀត ជាមួយនឹងពិធីបុណ្យសពរបស់ព្រះមហាក្សត្រិយានី ទំនងជានឹងធ្វើឡើងនៅថ្ងៃទី 18 ខែកញ្ញា ប្រហែលជាមិនមានការប្រកួតណាមួយកើតឡើងនៅចុងសប្តាហ៍ក្រោយនោះទេ។

នោះហើយជាមូលហេតុដែលមានឱកាសដែលមិនមានការប្រកួតបាល់ទាត់ក្របខ័ណ្ឌ Premier League សម្រាប់រយៈពេលដែលនៅសល់នៃខែនេះ – ដោយសារតែចុងសប្តាហ៍នោះនឹងត្រូវបន្តដោយការសម្រាកអន្តរជាតិ។ វាមានន័យថា ការប្រកួត Premier League នឹងបន្តនៅថ្ងៃទី 1 ខែតុលា ដែលជាថ្ងៃនៃការប្រកួត North London Derby ទល់នឹង Tottenham ។