(Khmer) Anthony មិនបានខ្ជះខ្ជាយពេលវេលាក្នុងការស្រលាញ់ខ្លួនឯងជាមួយនឹងក្រុម Manchester United និង​សប្បាយជាមួយមិត្តរួម​ក្រុមក្នុងបន្ទប់ផ្លាស់សម្លោកបំពាក់ បន្ទាប់ពីផ្លាស់ទៅ Old Trafford កាលពីខែមុន។

កីឡាករប្រេស៊ីលដែលផ្ទេរទោកាន់បិសាចក្រហម​ក្នុងតម្លៃ 85 លានផោនបានណែនាំខ្លួនឯងរួចហើយថាជា “អ្នកកំប្លែងដ៏កំពូល” របស់ក្លិបនៅបន្ទប់សំលៀកបំពាក់ដោយបានលេងសើចលើ Fred ជាច្រើនដង ដើម្បីភាពរីករាយរបស់អ្នកដទៃក្នុងក្រុម។

ប្រភពពីក្រោយខ្នងរបស់ Man United បានប្រាប់កាសែត The Sun ថា «កីឡាករទាំងអស់ពិតជាស្រលាញ់ Antony ណាស់។ គាត់ដូចជាសត្វកណ្ដុរ Tasmanian អញ្ចឹង។ នៅពេលដែលគាត់ហ្វឹកហាត់ និងលេងគាត់គឺ 100 ភាគរយហើយ»។

“បន្ទាប់​ពី​ហ្វឹកហាត់​ចប់ និង​លេង​រួចដល់ពេលសម្រាក គាត់គឺជាកីឡាករម្នាក់ ហើយចូលចិត្តការសើច និងកំប្លែង។ គាត់ស្គាល់ Fredច្បាស់ ដូច្នេះគាត់បានលេងសើចរបៀប Pranks  ពីរបីជាមួយគាត់ ដើម្បីបង្កបរិយាកាសឱ្យកីឡាករដទៃទៀតបានរីករាយ”។

(Khmer) នៅពេលសួរអំពីមូលហេតុដែលគាត់ជ្រើសរើសចូលរួមជាមួយ Man United ទោះបីជាមានសំណើជាច្រើននៅលើតុសម្រាប់ខ្លួនគាត់នៅរដូវក្តៅក៏ដោយ Christian Eriksen បានប្រាប់ Bold.dk ថា៖«ខ្ញុំមាន [ឱកាស] គ្រប់គ្រាន់ហើយ»។

«ខ្ញុំ​មាន​ជម្រើស​គ្រប់​គ្រាន់​ក្នុង​ការ​ជ្រើស​រើស ប៉ុន្តែ​វា​គឺ​ជា​ការ​ស្វែង​រក​មួយ​ដែល​ត្រឹម​ត្រូវ។ ជាការពិតណាស់ Brentford ចង់ឱ្យខ្ញុំស្នាក់នៅ ប៉ុន្តែខ្ញុំនឹងនិយាយថាខ្ញុំនៅឯណាក្នុងអាជីពរបស់ខ្ញុំ ខ្ញុំមានឱកាសដើម្បីឈានទៅរកអ្វីដែលខ្ញុំបានសុបិន និងសង្ឃឹម។ ខ្ញុំ​ចង់​ចាប់​ផ្តើម​អាជីព​របស់​ខ្ញុំ​ដោយ​មក​កាន់​អាសយដ្ឋាន​ធំ​ជាង​នេះ [ក្លឹប] ហើយ​ខ្ញុំ​បាន​ជោគជ័យ»។

«វា (United) គឺជាក្លឹបដ៏ធំបំផុតមួយនៅក្នុងពិភពលោក។ វាជាការប្រោសប្រទានឱ្យ​ខ្ញុំ បន្តាប់​ពី​មាន​រៀងរ៉ាវ​កើតឡើង ហើយអ្នកត្រូវតែបង្ហាញថាអ្នកអាចទទួលយកសំណ់ពី United ។ វាពិត​អស្ចារ្យ​ណាស់។ វា​ជា​ក្លឹប​ដ៏​ធំ​មួយ​ដែល​ខ្ញុំ​បាន​ចូល​រួម»។

Eriksen ត្រូវបានគេរាយការណ៍ថាមានឱកាសចូលរួម និងជាម្ចាស់ផ្ទះនៃក្លឹប Premier League ផ្សេងទៀត ក៏ដូចជាភាគីអឺរ៉ុបមួយចំនួនផ្សេងទៀត ប៉ុន្តែបានជ្រើសរើសផ្លាស់ទៅ Old Trafford បន្ទាប់ពីទិញចូលទៅក្នុងគម្រោងរបស់ Erik ten Hag។ ឥឡូវនេះគាត់គឺជាផ្នែក​ដ៏សំខាន់មួយក្នុងក្រុម ដោយបានចាប់ផ្តើមការប្រកួតទាំង 7 លើកមកទល់ពេលនេះ និងបញ្ជូនបាល់បាន​មួយគ្រាប់។

ប្រភព៖ Bold.dk

(Khmer) « ខ្ញុំមានក្ដីស្រមៃថានឹងបានលេងស៊ីហ្គេម2023 នៅកម្ពុជា » នេះគឺជាសម្ដីរបស់​ឡេង ណូរ៉ា មាន​ដើមកំណើត​ចេញពីមណ្ឌលកុមារកំព្រា​កាល​ពី​ប៉ុន្មាន​ឆ្នាំមុន​ហើយ​ហើយ​ពេលនេះគឺជាកីឡាករ​របស់​ក្លិប​វិសាខា​។

សម្ដីរបស់​កុមារាកម្ពុជាកាត់ហ្គាណាម្នាក់​នេះត្រូវ​បាន​គេដកស្រង់ពេញបណ្ដាញសង្គមថា៖ « វាជាក្ដីស្រមៃរបស់ខ្ញុំដ៏ធំមួយ ប្រសិនបើបានជាប់ជម្រើសជាតិបានលេងស៊ីហ្គេមនៅទឹកដីកម្ពុជាយើង។ ខ្ញុំបានប្ដេជ្ញាថា នឹងប្រឹងប្រែងលេងឲ្យបានល្អបំផុតនៅក្លិប ដើម្បីឲ្យគ្រូជម្រើស​ជាតិមើលឃើញ ដើម្បីអាចបានជាប់ជម្រើសជាតិក្នុងពេលនោះ»។

កីឡាករ ឡេង​ ណូរ៉ា​ ធ្លាប់ជាកុមារម្នាក់រស់នៅក្នុងអង្គការ ឥឡូវក្លាយជាកីឡាករតំណាងជាតិ ។ ភាពល្បីរបស់ឡេង​ ណូរ៉ា​ ផ្តើមចេញពីការខិតខំប្រឹងប្រែង លត់ដំជីវិតឱ្យឆ្លងកាត់រសជាតិនៃការតស៊ូដើម្បីមានថ្ងៃនេះសម្រាប់អនាគតខ្លួនឯង និងបានលើកមុខមាត់ប្រទេសជាតិ។

ឡេង​ ណូរ៉ា​ គាត់ជាកូនកំព្រាដែលបានបាត់បង់ឪពុកជាជនជាតិហ្គាណា​តាំងពីគេមានអាយុ៦ឆ្នាំ។ ក្រោយមកយុវជនរូបនេះ​ស្ថិតក្នុងបន្ទុកម្តាយដែលមានកូន៤នាក់​ មុនពេលម្តាយយកទៅដាក់នៅមណ្ឌលកុមារកំព្រាមួយក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ អ្នករស់នៅជាមួយឡេង​ ណូរ៉ា​ ក្នុងមណ្ឌលកុមារដូចគ្នាបានត្រេកអរនូវអ្វីដែលឡេង​ ណូរ៉ា​ មានថ្ងៃនេះ ស្មើនឹងលើកកិត្តិយសដល់កុមារកំព្រាទាំងអស់គ្នា ។

នៅក្នុងមណ្ឌលកុមារកំព្រាអង្គការនោះ​ ឡេង ណូរ៉ា​ ទទួលបានការមេីលថែ​ រៀនសូត្រ​ និងផ្តេីមលេងបាល់ទាត់រហូតវិវត្តខ្លួនមកជាប់ក្រុមយុវជន U15 វិសាខា​ នាឆ្នាំ​ 2019។ ឡេង ណូរ៉ា​ ឈ្នះពានមួយចំនួននៅទីនោះដូចជា​ ពានជេីងឯកវិទ្យាល័យ, Soccer League, ជេីងឯកយុវជន​ FFC, KMH CUP U18 មុនផ្ទេរទៅព្រៃវែងនៅឆ្នាំ២០២១​ និងទេីបត្រឡប់មកក្រុមធំវិសាខាវិញនៅឆ្នាំ២០២២នេះ។

ក្នុងក្រុមជម្រេីសជាតិ​គេជាប់តាំងពីឈុត​ U15, U23 និងក្លាយជាកីឡាករក្មេងជាងគេបង្ហាញខ្លួនឱ្យក្រុមធំក្នុងជំនួប​តទល់អុីរ៉ាក់​ ប្រចាំវគ្គជម្រុះវើលខាប់។បច្ចុប្បន្ន​ឡេង ណូរ៉ាមានវ័យ​១៧ឆ្នាំក្មេងជាងគេទី២ក្នុងក្រុម​ U23 បន្ទាប់ពី​ស៊ិន​ សុវណ្ណមករា។ ពេល​នេះរូប​គេ​មានឈ្មោះ​ក្នុងបញ្ជីកីឡាករជម្រើសជាតិកម្ពុជាវ័យក្រោម២០​ឆ្នាំដែលធ្វើដំណើរទៅកាន់​ប្រទេស អ៊ូបេគីស្ថានចូលរួម​ប្រកួតពានរង្វាន់ AFC U20 Asian Cup Qualfiers ​។

(Khmer) នៅពេលត្រូវបានសួរឱ្យដាក់ឈ្មោះកីឡាករល្អបំផុតដែលគាត់ធ្លាប់បានចែករំលែកជាមួយក្រុម Manchester United កីឡាករ Anthony Martial បានប្រាប់ France Football ថា៖ “យើងបាននិយាយអំពីភាពពិតប្រាកដ ដូច្នេះខ្ញុំអាចនិយាយអំពី Wayne Rooney ។

“គាត់ជាកីឡាករល្អបំផុតដែលខ្ញុំធ្លាប់បានលេងជាមួយ។ គាត់តែងតែលេងឱ្យក្រុមជានិច្ចដោយ​ប្រឹង100%  ហើយ​លេង​ដោយមិនមានការរំខាន។

“ពេល​នៅលើ​ទីលាន​គាត់ជាបិសាច និងជាគំរូសម្រាប់កីឡាករបាល់ទាត់។”

Rooney នៅតែជាអ្នកស៊ុតបញ្ចូលទីបានច្រើនជាងគេគ្រប់ពេលវេលា​របស់​ក្រុមបិសាចក្រហម Man Utd  ដោយបានស៊ុតបញ្ចូលទីបាន 250 គ្រាប់ក្នុងពេល​ពាក់អាវក្រហម​របស់​ក្លិប​មាន​មូលដ្ឋាន​នៅទីក្រុង Manchester។

ទន្ទឹមនឹងនេះដែរ Martial បានរីករាយជាមួយពេលវេលានៃការប្រកួតមុនបើករដូវកាលក្រោមការ​ដឹកនាំរបស់​លោក Erik ten Hag ប៉ុន្តែបច្ចុប្បន្នមិនអាចលេងបានដោយសាររបួស។

ប្រភព៖ France Football

(Khmer) វាហាក់ដូចជាតំណែងរបស់ Cristiano Ronaldo នៅលើកៅអីបម្រុងទំនងជានឹងបន្តសម្រាប់អនាគតដ៏ខ្លីខាងមុខ ក្រោយ​ពេលា Erik ten Hag ‘ជឿថា’ Marcus Rashford អាចស៊ុតបញ្ចូលទីបាន 20+ គ្រាប់ក្នុងរដូវកាលនេះ ដើម្បីជួយ Manchester United ឈ្នះពាន Premier League។

វាមិនមែនត្រឹមតែ Ten Hag ប៉ុណ្ណោះទេដែលជឿបែបនេះ ប៉ុន្តែក្រុមទាំងមូលបានចាត់ទុកថា Rashford គឺជាជម្រើសដ៏ល្អមួយដើម្បីដឹកនាំក្រុមជាង Ronaldo ។

តារាឆ្នើមសញ្ជាតិព័រទុយហ្គាល់រូបនេះបានចាប់ផ្តើមក្នុងជម្រើស១១នាក់ដែល Man Utd ចាញ់ Brentford និង Real Sociedad ហើយគាត់បរាជ័យក្នុងការរកគ្រាប់បាល់ទាំងពីរប្រកួត។ អ្នកគាំទ្រក៏មិនចាប់អារម្មណ៍នឹងការសម្តែងរបស់គាត់ដែរ។

សម្រាប់ Rashford គាត់បានស៊ុតបញ្ចូលទីបានបីគ្រាប់ និងបញ្ជូនបាល់ឱ្យមិត្តរួមក្រុមចំនួន 2 គ្រាប់ក្នុងការប្រកួតចំនួន 6 នៅ Premier League ។ បិសាចក្រហមបច្ចុប្បន្នកំពុងឈរនៅលេខរៀងទី 5 ដែលមានត្រឹមតែបីពិន្ទុតាមពីក្រោយក្រុមកំពូលតារាង Arsenal ។

ប្រភព៖ The Sun

(Khmer) កាសែត Manchester Evening News ពេលនេះបាន​រាយការណ៍ថា Luke Shaw កំពុងព្យាបាលពីរបួសជើង ដែលបានធ្វើឱ្យគាត់អវត្តមានពីរប្រកួតក្នុងចំណោមបីប្រកួតចុងក្រោយរបស់ក្រុមបិសាចក្រហម Manchester United។

កីឡាករ​សញ្ជាតិ​អង់គ្លេស​រូប​នេះ​មិន​បាន​លេង​ទេ​ចាប់​តាំង​ពី​ត្រូវ​បាន​ប្តូរ​ចេញ​នៅ​តង់​ទី​១ ខណៈ Manchester United បាន​ចាញ់ Brentford ៤-០។

The MEN យល់ថា Erik ten Hag ចង់ឱ្យ Shaw លេងជាមួយ Leicester City និង Real Sociedad ប៉ុន្តែក្នុងឱកាសទាំងពីរនេះ ខ្សែការពាររូប​នេះមិនអាចលេងបានទេ។ កីឡាករវ័យ 27 ឆ្នាំរូបនេះបានខកខានការហ្វឹកហាត់របស់ Man Utd មួយថ្ងៃមុនពេលការប្រកួតវគ្គចែកពូល Europa League ។

របួសរបស់ Shaw មិនសំខាន់ទេ ហើយ Ten Hag បាននិយាយថា វាជា ‘បញ្ហាតូចមួយ’តែប៉ុណ្ណោះ ។ ទោះ​បី​ជា​យ៉ាង​ណា​ក៏​ដោយ មិន​ទាន់​មាន​ការ​កំណត់​ពេល​វេលា​ថា​តើ​គាត់​អាច​ត្រឡប់​មក​វិញ​នៅ​ពេល​ណា​នោះ​ទេ។

ទម្រង់លេងដ៏រឹងមាំរបស់ Tyrell Malacia បានធ្វើឱ្យ Shaw ពិបាកក្នុងការដណ្តើមតំណែងរបស់គាត់ឡើងវិញ ជាពិសេសជាមួយនឹងការប្រកួតបាល់ទាត់ពិភពលោកដែលនឹងមកដល់ ដែលគេ​រំពឹង​ថាគាត់នឹង​ពិបាកប្រជែងកៅអីក្នុងជម្រើសជាតិអង់គ្លេស។

ប្រភព៖ MEN