(Khmer) និយាយអំពីស្ថានភាពរបស់ Cristiano Ronaldo នៅ Man United និងការតស៊ូរបស់គាត់ក្នុងការចាប់ផ្តើមការប្រកួត មិត្តរួមក្រុម Raphael Varane បានប្រាប់ TCL Globa ថា៖« ដូចដែលយើងបាននិយាយ Ronaldo នៅទីនេះ។ ហើយ​ដូច​ដែល​យើង​ដឹង​ហើយ​ថា​គាត់​មិន​បានលេង​មិត្តភាពមុនបើក​រដូវ​កាល​ទេ។ អ្នកមិនអាចខកខានការប្រកួតមុនបើករដូវកាលបានទេ។ វាជាមូលដ្ឋាន»។

“ជាពិសេសជាមួយនឹងហ្គេមដែលយើងលេង របៀបដែលយើងចង់លេង។ យើង​មិន​លេង​ដូច​គ្នា​កាល​ពី​ឆ្នាំ​មុន​ទេ គឺ​មិន​មាន​ការ​ប្រៀប​ធៀប​ទេ។ នេះទាមទារឱ្យមានកិច្ចសហប្រតិបត្តិការ ហើយវាទាមទារទីតាំងជាក់លាក់នៅក្នុង និងក្រៅនៃការ​ប្រកួតរបស់​យើង។ មួយ​ទៀត​គឺ​កាយ​សម្បទា​របស់​គាត់»។

Ronaldo ទទួលបានការចាប់ផ្តើមដ៏ខកចិត្តមួយសម្រាប់រដូវកាលនេះ បន្ទាប់ពីបរាជ័យក្នុងការការចាកចេញពីបិសាចក្រហមនៅរដូវក្តៅ​។ គាត់មិនទាន់ស៊ុតបញ្ចូលទីបានសូម្បីមួយគ្រាប់នៅឡើយទេ ហើយទើបតែចាប់ផ្តើមបានបីដងប៉ុណ្ណោះក្នុងចំណោមប្រាំពីរប្រកួតមកទល់ពេលនេះ ហើយមិនទាន់មើលទៅមិនទាន់មុតស្រួចឬពេញកម្លាំងនោះទេ។

ខ្សែប្រយុទ្ធសញ្ជាតិព័រទុយហ្គាល់នឹងត្រូវធ្វើការលើកាយសម្បទារបស់គាត់ ហើយសម្របខ្លួនទៅនឹងប្រព័ន្ធរបស់ Erik Ten Hag ដើម្បីដណ្តើមបានកន្លែងចាប់ផ្តើមរបស់គាត់ឡើងវិញនៅពេលណាក៏បានក្នុងពេលឆាប់ៗនេះ។

ប្រភព៖ TCL Global

(Khmer) ការប្រកួត ‘FIFA Day’ ខែកញ្ញា បង្ហាញពីការវិលត្រឡប់មកវិញនៃបាល់ទាត់អន្តរជាតិនៅក្នុងតំបន់អាស៊ីអាគ្នេយ៍។ ក្រៅ​ពី​ថៃ​ប៉ះ​ម៉ាឡេស៊ី​ក្នុង​ការ​ប្រកួត​ពាន​រង្វាន់ King’s Cup លើក​ទី​៤៨ វៀតណាម​ទល់​នឹង​សិង្ហបុរី​ក៏​ជា​សមរភូមិ​តំបន់​ដ៏​ជក់​ចិត្ត​មួយ​ទៀត​សម្រាប់​អ្នក​គាំទ្រដើម្បីភាពរីករាយ។

សារព័ត៏មាន Main Stand របស់​ថៃបានចងក្រងតម្លៃទីផ្សារសរុបនៃក្រុមជម្រើសដំបូងរបស់ប្រទេសអាស៊ានទាំងអស់ ដោយផ្អែកលើការប្រកួតដែលបានលេងក្នុងឆ្នាំប្រតិទិន 2022 ហើយដាក់ចំណាត់ថ្នាក់ពួកគេពីលេខ 1 ដល់ 11។ ​ក្នុង​ចំណាត់​ថ្នាក់​លេខ​មួយ​គឺ​ប្រទេស​ហ្វីលីពីន​ដែល​ឈរ​នៅ​កំពូល​តារាង​ក្នុង​តម្លៃ​ ៨,៣៨​លាន​អឺរ៉ូ។ ចំណាត់​ថ្នាក់នេះអាចធ្វើឱ្យមនុស្សជាច្រើនភ្ញាក់ផ្អើល ខណៈដែលចំណាត់​ថ្នាក់ FIFA Ranking របស់​ពួកគេនៅពីក្រោយទាំងវៀតណាម និងថៃ ប៉ុន្តែក្រុម Azkals មានទីផ្សារតម្លៃខ្ពស់បំផុតក្នុងតំបន់ ដោយសារខ្សែបម្រើស្លាបសញ្ជាតិអាល្លឺម៉ង់ Gerrit Holtmann ដែលទើបតែបង្ហាញខ្លួនឱ្យពួកគេកាលពីខែមិថុនាកន្លងទៅនេះ។

កីឡាករវ័យ 27 ឆ្នាំលេងឱ្យក្លឹប Vfl Bochum របស់ Bundesliga ហើយមានតម្លៃ 4.5 លានអឺរ៉ូ។ ទន្ទឹម​នឹង​នេះ ក្រុម​ម្ចាស់​ជើង​ឯក AFF Cup ថៃ​ស្ថិត​នៅ​លេខ​២​ក្នុង​បញ្ជី​តម្លៃ ៧ លាន​អឺរ៉ូ។ ក្រុមដំរីចម្បាំងមួយនេះ នឹងអវត្តមាន​កីឡាករ​ល្បីៗ​លេង​នៅបរទេស​ពីរ​នាក់​គឺ Chanathip Songkrasin និង Supachok Sarachat ក្រោយ​បញ្ចប់​ការ​ប្រកួត​ពាន​រង្វាន់ ASEAN Cup កាល​ពី​ឆ្នាំ​មុន។ នេះកាត់បន្ថយតម្លៃទីផ្សារបច្ចុប្បន្នរបស់ពួកគេចំនួន 2.4 លានអឺរ៉ូ។

ចំណាត់​ថ្នាក់​លេខ​បី និង​ទី​បួន​មាន​ប្រទេស​ឥណ្ឌូនេស៊ី (៥,៨៨​លាន​អឺរ៉ូ) និង​ម៉ាឡេស៊ី (៥,៥៥​លាន​អឺរ៉ូ)។ ទោះបីជាកំពុងស្ថិតក្នុងគន្លងកើនឡើងតម្លៃខ្លួនជាលំដាប់ ដោយសារកីឡាករវ័យក្មេង U23 របស់ពួកគេ កីឡាករ Marc Klok ដែលទើបនិង​ចូលសញ្ជាតិគឺជាកីឡាករដ៏មានតម្លៃបំផុតរបស់ប្រទេសឥណ្ឌូនេស៊ីក្នុងតម្លៃ៤៥ម៉ឺនអឺរ៉ូ ។ សម្រាប់ម៉ាឡេស៊ី ខ្សែការពារស្តាំហូឡង់-ម៉ាឡេ Dion Cools លេង​នៅក្លិប FK Jablonec មានតម្លៃ ៨៥ម៉ឺនអឺរ៉ូ ។

ទី​បំផុត វៀតណាម​បាន​ធ្លាក់​ចេញ​ពី​កំពូល​ទាំង​ប្រាំ។ ក្រុម​ដែល​មាន​ចំណាត់​ថ្នាក់​ខ្ពស់​ជាង​គេ​នៅ​ក្នុង​តំបន់​ពោលគឺលេខ 97 នៅលើពិភពលោក ស្ថិតនៅលំដាប់ទី 5 ក្នុងបញ្ជីដែលមានតម្លៃ 5.43 លានអឺរ៉ូ។ កីឡាករដែលមានតម្លៃខ្លួនថ្លៃបំផុតរបស់ក្រុម Golden Star មួយនេះគឺខ្សែបម្រើប្រយុទ្ធរបស់ក្លិប Pau FC កីឡាករ Nguyen Quang Hai ដែលមានតម្លៃ ៤០ម៉ឺនអឺរ៉ូ។

(Khmer) Man United បានធ្វើការសម្រេចចិត្តដ៏គួរឱ្យភ្ញាក់ផ្អើលមួយក្នុងការរួមបញ្ចូល Mason Greenwood នៅក្នុងក្រុម Premier League 2022/23 របស់ពួកគេដោយ​ដាក់ក្នុងឈុត U21របស់​ខ្លួន។

Greenwood ស្ថិតក្នុងចំណោមកីឡាករវ័យក្មេងជាច្រើនរបស់​ក្លិបដែលនៅក្នុងឈុត U21s ហើយ​ការ​ដាក់ក្នុងឈុត​នេះ​ផង​ដែរ​កុំឱ្យ​លើសការ​កំណត់​របស់ ​Premier League ដែលឱ្យ​មាន​កីឡាករឈុត​ធំ​យ៉ាងហោចណាស់​២៥​នាក់។ ការសម្រេចចិត្តនេះទទួលបានការរំពឹងទុកជាច្រើនពីអ្នកគាំទ្រ ប៉ុន្តែករណីនេះត្រូវបានបញ្ជាក់ថាគាត់មានឈ្មោះក្នុងបញ្ជីរបស់ក្លិបដោយ​សារតែ គាត់នៅតែជាបុគ្គលិករបស់ក្លឹប។

កីឡាករ Amad Diallo និង Alvaro Fernandez ដែលត្រូវបានខ្ចីជើង ក៏ត្រូវបានបញ្ចូលទៅក្នុងផ្នែក U21s ផងដែរ។ អ្នកកាសែត Chris Winterburn បានបំភ្លឺរឿង និងសរសេរលើ Twitter ថា៖ “Mason Greenwood រួមបញ្ចូលក្នុងបញ្ជីឈ្មោះនេះ ពីព្រោះគាត់នៅតែជាបុគ្គលិកផ្នែកបច្ចេកទេសបាល់ទាត់របស់ Manchester United ។ កីឡាករអាយុក្រោម 21 ឆ្នាំ និងកីឡាករសញ្ជាតិអង់គ្លេសផ្សេងទៀតអាច​ចុះឈ្មោះក្នុងឈុតនេះដោយ​សេរី”។

Greenwood នៅតែត្រូវបានព្យួរពីការចូលរួមក្នុងសកម្មភាពកីឡាបាល់ទាត់នៅ United ខណៈដែលការស៊ើបអង្កេតនៅតែបន្តជុំវិញការប្រើអំពើហិង្សា និងការរំលោភបំពានផ្លូវភេទអតីតមិត្តស្រីរបស់គាត់។

ប្រភព៖ Manutd.com | Cmwinterburn @ Twitter

(Khmer) មហាសេដ្ឋី Sir Jim Ratcliffe បានបង្ហាញពីចំណាប់អារម្មណ៍របស់គាត់ចំពោះ Manchester United នៅចុងខែមុន ដោយបង្ហាញពីបំណងចង់ទិញភាគហ៊ុនមួយផ្នែកធំរបស់ក្រុមត្រកូល Glazers ។

កាសែត The Times រាយការណ៍ថាក្រុមហ៊ុនរបស់ Ratcliffe Ineos ចង់ទិញភាគហ៊ុននៅក្នុង Manchester United ក្នុងគោលបំណងក្លាយជាម្ចាស់ពេញលេញ។ ខណៈពេលដែលចំណាប់អារម្មណ៍របស់ Ratcliffe បានស្ងប់ស្ងាត់បន្តិចចាប់តាំងពីប្រកាសជាសាធារណៈ​មក គាត់នៅតែអាចស្វែងរកជម្រើសរបស់គាត់នៅពីក្រោយឆាកសម្ដែងរបស់ Man Utd។

របាយការណ៍ពីកាសែតបារាំង Le Parisien ផ្តល់ការលើកទឹកចិត្តមួយចំនួនដល់អ្នក​ដែលចង់ឱ្យក្រុម Glazers បាត់មុខពី Old Trafford ។ របាយការណ៍ពីកាសែតបារាំង Le Parisien អះអាងថា លោក Sir Jim Ratcliffe មានចំណាប់អារម្មណ៍ក្នុងការជួលលោក Luis Campos ធ្វើជានាយកផ្នែកកីឡារបស់ Manchester United ។

Campos បច្ចុប្បន្នកំពុងធ្វើ​ការ​នៅ PSG ហើយធ្លាប់​បានបំពេញការងារដ៏ជោគជ័យនៅ Monaco និង Lille ។ ក្រុមហ៊ុនរបស់ Ratcliffe Ineos ជាម្ចាស់ក្រុមហ៊ុន Nice របស់បារាំង។ របាយការណ៍របស់ Le Parisien៖ «Ratcliffe ប្រសិនបើជោគជ័យ ក៏ចង់ឱ្យ Campos ដឹកនាំគោលនយោបាយកីឡារបស់ក្លឹបផងដែរ។»

មានគេនិយាយថាមានការចាប់អារម្មណ៍ពី Chelsea ក្នុងការ​ទិញយកសេវាកម្មរបស់ Campos ដោយកិច្ចសន្យារបស់នាយកកីឡានៅ PSG អនុញ្ញាតឱ្យគាត់ធ្វើការដោយមិនផ្តាច់មុខជាមួយក្លឹបបារាំង។ ការចុះហត្ថលេខាកំពូលដែលធ្វើឡើងដោយ Campos នាពេលកន្លងមករួមមាន Fabinho, Victor Osimhen, Rafael Leao និង Bernardo Silva ។

គោលការណ៍ជ្រើសរើសបុគ្គលិករបស់ United នៅរដូវក្ដៅនេះ ស្ថិតក្រោមការត្រួតពិនិត្យ ដោយវាដឹកនាំដោយអ្នកចាត់ការ Erik ten Hag។ វាផ្តោតលើកីឡាករដែលធ្លាប់ធ្វើការ​ជាមួយគ្រូបង្វឹកហូឡង់ ដែលក្នុងកម្រិតខ្លះបង្ហាញពីការខ្វះជំនឿលើរចនាសម្ព័ន្ធដែលមានស្រាប់របស់ United ។

ប៉ុន្តែរឿងពិតនៅទីនេះមិនមែនគ្រាន់តែអំពី Campos នោះទេ វានិយាយអំពីការបន្តចំណាប់អារម្មណ៍របស់ Ratcliffe នៅក្នុងក្រុម Manchester United ។ នេះគឺជាការលើកទឹកចិត្តយ៉ាងខ្លាំង ចំពេលមានរបាយការណ៍ពី The Mail កាលពីសប្តាហ៍មុនដែលបាននិយាយថា Glazers នឹងបើកលក់ក្លឹបក្នុងតម្លៃ 3.75 ពាន់លានផោន ដែលជាតួលេខដ៏ល្អដែលសក្តិសមតម្លៃរបស់ Ratcliffe ។

(Khmer) លោក Arsene Wenger ត្រូវបានអ្នក​កាសែត​សួរ​ថា តើ Arsenal អាច​ឈ្នះ​ពាន Premier League នៅ​រដូវ​កាល​នេះ​ឬទេ? ហើយ​លោកបាន​ថា៖ «ខ្ញុំ​នឹង​និយាយ​ថា ពួកគេ​កំពុង​តែ​ដើរ​ទៅ​ក្នុង​ទិសដៅ​ត្រឹម​ត្រូវ»។

«ខ្ញុំ​គិត​ដោយ​ស្មោះ​ត្រង់​ទៅ ​គ្មាន​ទីតាំង​ខ្សោយ​ក្នុង​ក្រុម​ទេ… ពួកគេ​នៅ​ក្មេង កីឡាករ​ដែល​មានសក្តានុពល ហើយ​ពួកគេ​បាន​ទិញ​បានកីឡាករ​យ៉ាង​ល្អ​នៅ​ឆ្នាំ​នេះ»។

“មិនទាន់មានក្រុមដែលគ្រប់គ្រងលីគទាំងស្រុងនៅរដូវកាលនេះទេ ហើយ Arsenal មានឱកាសជាមួយនឹងសក្តានុពលដែលមាននៅទីនោះ។ យើងធ្លាប់ស្ថិតក្នុងកំពូលទាំងបួន ហើយហេតុអ្វីយើងមិនអាចមានឱកាសម្តងទៀត?»

«យើង​មិន​អាច​បដិសេធ​ការ​ពិត​ដែល​ថា​ពួក​គេ​អាច​ប្រយុទ្ធ​ប្រជែង​ដណ្តើម​បាន​ពាន​នេះ ហើយ​សង្ឃឹម​ថា​ពួក​គេ​អាច​ធ្វើ​វា​បាន”។

Mikel Arteta និងកូនក្រុមបានចាប់ផ្តើម 2022/23 នៅលើកំណត់ត្រាដ៏រឹងមាំ ដោយឈ្នះប្រាំប្រកួតជាប់គ្នា។ តែយ៉ាងនាកំណត់​ត្រានោះត្រូវបានបញ្ចប់ដោយ Man United ក្នុងសប្ដាហ៍ទី៦ ប៉ុន្តែពួកគេនៅតែនៅលើកំពូលតារាង។ ប្រសិនបើ Arsenal អាចរក្សាសន្ទុះខ្លាំង​នេះបានរហូតនោះ វាគ្មានហេតុផលអ្វីដែលយើក្រុមកាំភ្លើងធំមួយនេះមិនអាចស្រមៃចង់ឈ្នះពាននោះទេ។

ប្រភព៖ The Sun

(Khmer) ខ្សែបម្រើរបស់ Leicester City ដែលបច្ចុប្បន្នកំពុងខ្ចីជើងទៅ Watford, Hamza Choudhury មិនច្រានចោលលទ្ធភាពដែលគាត់នឹងពាក់អាវក្រុមជម្រើសជាតិបង់ក្លាដែសនៅថ្ងៃណាមួយនោះទេ។

ប្រទេសបង់ក្លាដែសដែលស្ថិតនៅ​អាស៊ី​ខាង​ត្បូងមួយនេះ ​ច្បាស់​ជា​មិន​មែន​ជា​ប្រទេសក្រៅឬ បរទេស ​ចំពោះ​ Choudhury ទេ ព្រោះ​ម្ដាយ​របស់​គាត់​ជា​ពលរដ្ឋ​ក្នុង​ស្រុក​កើត​នៅ Habiganj ខណៈ​ឪពុក​របស់​គាត់​មក​ពី​ប្រទេស Grenada ក្នុងតំបន់​ការាបៀន។ ទោះបីជាកើតនៅទីក្រុង Loughborough ចក្រភពអង់គ្លេសក៏ដោយក៏ Choudhury ត្រូវបានគេយល់ថាស្ទាត់ជំនាញក្នុងភាសា Bengali ហើយជារឿយៗបានត្រលប់ទៅបង់ក្លាដែស ដើម្បីទៅលេងគ្រួសារខាងម្តាយរបស់គាត់តាំងពីកុមារភាព។

ស្ថានភាព​នេះ​ធ្វើ​ឱ្យ​គាត់​មិន​ភ្លេច​ដើម​កំណើត​របស់​គាត់​ឡើយ ទោះ​បី​គាត់​ស្រមៃ​ចង់​លេង​ជាមួយ​ក្រុម​ជម្រើស​ជាតិ​អង់គ្លេស​ក៏​ដោយ ដែលជា សុបិន​ដែល​មិន​ទាន់​សម្រេច​បាន​រហូត​ដល់​សព្វ​ថ្ងៃ។ ទោះជាយ៉ាងណាក៏ដោយ Choudhury ដែលបានបង្ហាញខ្លួន 84 ប្រកួតជាមួយក្រុមឈុតធំរបស់ Leicester City ចាប់តាំងពីរដូវកាល 2017/18 បានសារភាពដោយបើកចំហថា ប្រសិនបើគាត់មិនអាចនៅជាមួយក្រុម The Three Lions បានទេ គាត់ពិតជាមានមោទនភាពដែលបាននៅជាមួយក្រុមជម្រើសជាតិបង់ក្លាដែស។

«បាទ ខ្ញុំគិតដូច្នេះ»។ Hamza Choudhury បាននិយាយដោយយោងតាមរបាយការណ៍របស់ Sky Sports ។

«ខ្ញុំចង់ឃើញថាតើខ្ញុំធ្វើបានល្អប៉ុណ្ណាក្នុងរយៈពេលប៉ុន្មានឆ្នាំខាងមុខ ប៉ុន្តែខ្ញុំកាន់តែមានមោទនភាព មានកិត្តិយសជាងដែលបានទៅទីនោះ ហើយលេងឱ្យបង់ក្លាដែស ហើយនឹងទៅទីនោះញឹកញាប់ជាង»។

«ប្រហែលជាខ្ញុំនឹងត្រលប់ទៅបង់ក្លាដែសវិញក្នុងកំឡុងវិស្សមកាលរដូវរងា យើងនឹងមើលថាតើខ្ញុំឈប់សម្រាកប៉ុន្មានថ្ងៃ [ដោយសារការប្រកួតបាល់ទាត់ពិភពលោកឆ្នាំ 2022 នៅកាតា]»។

«ខ្ញុំចង់យកកូនរបស់ខ្ញុំត្រឡប់ទៅទីនោះវិញ ព្រោះខ្ញុំចង់ឱ្យពួកគេនូវរសជាតិជីវិតរបស់ខ្ញុំកាលពីក្មេង។ យើងធ្លាប់ត្រឡប់ទៅប្រទេសបង់ក្លាដែសជារៀងរាល់ឆ្នាំ តាំងពីខ្ញុំនៅក្មេង ហើយវាជាពិភពលោកផ្សេង»។

Choudhury ដែលនឹងឈានចូលវ័យ 25 ឆ្នាំនៅថ្ងៃទី 1 ខែតុលា បានបង្ហាញខ្លួនចំនួន 7 ដងជាមួយនឹងក្រុម U-21 របស់អង់គ្លេសពីឆ្នាំ 2018 ដល់ឆ្នាំ 2019 ។ ដោយ​ឡែកបង់ក្លាដេស​នឹង​លេង​មិត្តភាពជាមួយជម្រើសជាតិកម្ពុជា​នៅថ្ងៃទី២២ខែតុលា​នេះ៕

(Khmer) យោងតាមរបាយការណ៍របស់ The Athletic កីឡាករ Casemiro នឹងប្រឈមមុខនឹងការកាត់ប្រាក់ឈ្នួលប្រហាក់ប្រហែលនឹង Cristiano Ronaldo កាលពីរដូវកាលមុន ប្រសិនបើ United បរាជ័យក្នុងការប្រកួតបាល់ទាត់ក្របខ័ណ្ឌ Champions League ។

ប្រាក់ឈ្នួលរបស់ Casemiro គឺប្រហែល 375,000 ផោនក្នុងមួយសប្តាហ៍ ដោយត្រូវបានចុះហត្ថលេខាពីក្លឹប Real Madrid ក្នុងតម្លៃដ៏មានសក្តានុពល 70 លានផោន។ កាលពីរដូវកាលមុន Man Utd បានបរាជ័យក្នុងការឡើងទៅកាន់វគ្គជម្រុះ Champions League ក្នុងលីគ ហើយជាលទ្ធផល ក្រុមកីឡាករភាគច្រើនបានកាត់ប្រាក់ឈ្នួលរួមទាំង Ronaldo ផងដែរ។

ប្រាក់ខែដ៏ធំសម្បើមរបស់ Ronaldo 480,000 ផោនក្នុងមួយសប្តាហ៍ត្រូវបានគេនិយាយថាត្រូវបានកាត់បន្ថយ 25% ។

ប្រភព៖ The Athletic

(Khmer) អ្នកចាត់ការទូទៅក្រុមជម្រើសជាតិថៃ លោកជំទាវ Nualphan Lamsam (Madam Pang) បានបញ្ជាក់ថា «កីឡាករ Chanathip Songkrasin និង Supachok Sarachat ដែលជាខ្សែបម្រើប្រយុទ្ធ ២រូប លេងនៅក្នុងក្របខណ្ឌ J-League1 បានឆ្លើយតបនៅសំណើររបស់សមាគមន៍បាល់ទាត់ថៃ ដើម្បីមកជួយក្រុមជម្រើសជាតិថៃ ក្នុងពានរង្វាន់ King’s Cup លើកទី48 នៅទីក្រុងឈៀងម៉ៃ ដែលគ្រោងប្រព្រឹត្តិ នៅថ្ងៃទី 22-25 ខែកញ្ញា ឆ្នាំ២០២២។

លោកជំទាវ បានផ្តល់បទសម្ភាសន៍ក្នុងសន្និសីទសារព័ត៌មាន ចាប់ឆ្នោតបែងចែកក្រុម កាលពីម្សិលមិញនេះថា៖ «ចំពោះរឿងកីឡាករមកពីលីគបរទេស កីឡាករ Chanathip Songkrasin និង Supachok Sarachat បានបញ្ជាក់ថាពួកគេប្រាកដជាមកចូលរួមជាមួយពួកយើងក្នុងថ្ងៃ FIFA Day ខាងមុខនេះ ប៉ុន្តែព័ត៌មានអាក្រក់គឺថា កីឡាករកូនកាត់ថៃ-ដាណឺម៉ាក Nicholas Michelson របស់ក្លិប OB Odense បានរងរបួស ហើយមិនអាចមកជួយក្រុមក្នុងឱកាសនេះបានឡើយ»

«សម្រាប់កីឡាករទាំង ២៣នាក់ លោក Mano Polking និងជំនួយការរបស់គាត់ ឥឡូវនេះកំពុងធ្វើការយ៉ាងស្វិតស្វាញ ព្រោះ​ក្នុង​អំឡុង​ពេល​នេះ​ លីគ​ថៃ​នៅ​មាន​ការ​ប្រកួត​ប្រជែងខ្ពស់ ដូច្នេះពួកគាត់​ត្រូវ​មើល​ថា​តើ​កីឡាកររូបណាខ្លះ ស្ថិតក្នុងការចង់បាន ដើម្បីស្របតាមយុទ្ធសាស្ត្រដូចការគ្រោងទុក?»

«វាពិបាកសម្រាប់ពួកយើងគ្រប់ពេល អំឡុងពេលតទល់គ្រប់ក្រុមទាំងអស់។ សម្រាប់ក្រុមជម្រើសជាតិម៉ាឡេស៊ី គឺពួកយើង​ជួប​តទល់គ្នាជា​ញឹកញាប់​។ ពានរង្វាន់​ King’s Cup គឺជាព្រឹត្តិការណ៍​មានវ័យចំណាស់ជាងគេបំផុត​នៅ​អាស៊ី។ វាមានរយៈពេល ៥៤ឆ្នាំមកហើយ។ លើក​នេះ​ជា​ឱកាស​ដ៏​ល្អ​ ដែល​ត្រូវ​​ប្រារព្ធ​ធ្វើ​​នៅកីឡដ្ឋាន 700th Anniversary Stadium ខេត្តឈៀងរ៉ៃ ។ ជាការពិតណាស់យើងចង់ឈ្នះពានរង្វាន់នេះ។ យើង​នឹង​ប្រឹងប្រែងឱ្យ​អស់​ពី​សមត្ថភាព​ ក្នុងការប្រកួត ៩០នាទី។»​

កាលបរិច្ឆេទការប្រកួតបាល់ទាត់ King’s Cup លើកទី៤៨ នៅឈៀងម៉ៃ ចាប់ពីថ្ងៃទី ២២-២៥ ខែកញ្ញា ឆ្នាំ២០២២៖
*ថ្ងៃទី២២ ខែកញ្ញា៖
ម៉ោង៥:៣០នាទីល្ងាច Trinidad and Tobago Vs Tajikistan
វេលាម៉ោង៨:៣០នាទីយប់ Thailand Vs Malaysia

*ថ្ងៃទី២៥ ខែកញ្ញា ការប្រកួតដណ្តើមចំណាត់ថ្នាក់លេខ៣ និងវគ្គផ្តាច់ព្រ័ត្រ៖
ម៉ោង៥:៣០នាទីល្ងាច Lose A Vs Lose B
វេលាម៉ោង៨:៣០នាទីយប់ Win A Vs Win B

ប្រភព៖ FA Thailand