(Khmer) យើង​នៅ​សល់​តែ​មួយ​ខែ​ប៉ុណ្ណោះ​ពី​ការ​ចាប់​ផ្ដើមព្រឹត្តិការណ៍ World Cup 2022 ​ពិត​ប្រាកដ។ ចាប់ពីថ្ងៃនេះតទៅ អ្នកគាំទ្របាល់ទាត់គ្រប់រូប នឹងទទួលបានអត្ថបទថ្មីៗ ជុំវិញគេហទំព័រកីឡា។ ហេតុផល​គឺ​ថា​ក្រុម​ទាំង​៣២​ត្រូវ​បញ្ជូន​ក្រុម​កីឡាករ​របស់​ខ្លួន​ទៅ FIFA។

នេះរួមបញ្ចូលទាំងក្រុមបណ្ដោះអាសន្នដែលមានសមាជិកចំនួន 55 នាក់ និងបញ្ជីកីឡាករចំនួន 26 នាក់ដែលនឹងធ្វើដំណើរទៅកាន់ប្រទេសកាតា។ ក្រុមទាំងអស់នឹងបញ្ជូនបញ្ជីរបស់ពួកគេទៅតាមពេលវេលារបស់ពួកគេ។

ប៉ុន្តែ FIFA ត្រូវ​កំណត់​ថ្ងៃ​កំណត់​សម្រាប់​ក្រុម​ដែល​ចូល​រួម​ទាំងអស់ ដើម្បី​រក្សា​វិន័យ​ក្នុង​ការ​ប្រកួត។ ដូច្នេះតើថ្ងៃណាចុងក្រោយដើម្បីដាក់បញ្ជីក្រុម FIFA World Cup 2022? នៅក្នុងអត្ថបទនេះ យើងបានផ្តល់កាលបរិច្ឆេទពិតប្រាកដដែល FIFA បានកំណត់សម្រាប់ក្រុមទាំងអស់ដើម្បីប្រកាសក្រុមរបស់ពួកគេ។

ប្រសិនបើអ្នកកំពុងរៀបចំការប្រកួតបាល់ទាត់ពិភពលោកឆ្នាំ 2022 អ្នកប្រហែលជាឆ្ងល់ថា តើថ្ងៃណាជាថ្ងៃចុងក្រោយសម្រាប់ក្រុមជម្រើសជាតិដើម្បីដាក់បញ្ជីឈ្មោះក្រុមចុងក្រោយរបស់ពួកគេ?

FIFA តម្រូវ​ឱ្យ​ក្រុម​ជម្រើស​ជាតិ​ដាក់​បញ្ចូល​កីឡាករ​ទាំង 26 នាក់​ចុង​ក្រោយ​របស់​ខ្លួន​មិន​ឱ្យ​ហួស​ថ្ងៃ​ទី 13 ខែ​វិច្ឆិកា ពោល​គឺ​ប្រាំពីរ​ថ្ងៃ​មុន​ការ​ប្រកួត​បើក​ឆាក​នៃ​ការ​ប្រកួត។ ក្រុមជម្រើសជាតិភាគច្រើនដាក់ឈ្មោះក្រុមបណ្តោះអាសន្នរបស់ពួកគេ មុនពេលបញ្ជាក់ក្រុមចុងក្រោយរបស់ពួកគេ ហើយពួកគេត្រូវបានអនុញ្ញាត​ឱ្យជំនួសកីឡាកររហូតដល់មួយថ្ងៃមុនការប្រកួតដំបូងនៃការប្រកួត។

កាលបរិច្ឆេទចុងក្រោយក្នុងការដាក់បញ្ជីឈ្មោះក្រុមបាល់ទាត់ពិភពលោក FIFA World Cup គឺដូចគ្នាទៅនឹងថ្ងៃផុតកំណត់សម្រាប់ការចេញផ្សាយក្រុម។ ថ្ងៃ​ផុត​កំណត់នេះគឺមានសារៈសំខាន់ ព្រោះវាបង្ខំឱ្យកីឡាករត្រូវវាយតម្លៃមុនពេលត្រូវបានជ្រើសរើសសម្រាប់ការប្រកួតបាល់ទាត់ពិភពលោក។

បញ្ជីឈ្មោះក្រុមទាំងអស់គឺជាបញ្ជីក្រុមបឋមដែលបង្រួមទៅក្រុមថ្ងៃប្រកួត។ ប្រសិនបើកីឡាករណាម្នាក់រងរបួសកំឡុងពេលប្រកួត World Cup នោះគាត់អាចត្រូវជំនួសដោយកីឡាករចេញពីក្រុមដែលត្រូវបានបញ្ចេញក្នុងបញ្ជីនេះប៉ុណ្ណោះ។

ក្រុមជាតិភាគច្រើនត្រូវតែប្រកាសអំពីក្រុមកីឡាករបាល់ទាត់របស់ពួកគេប្រហែល 4 សប្តាហ៍មុនការប្រកួត ទោះបីជាប្រទេសមួយចំនួននឹងបញ្ចេញបញ្ជីឈ្មោះក្រុមចំនួន 2 ក៏ដោយ ដែឡមានដូចជា បញ្ជីឈ្មោះកីឡាករចំនួន 55 នាក់(បញ្ជីបថម) និងបញ្ជីក្រុមចុងក្រោយដែលមានកីឡាករ 26 នាក់។

ទោះជាយ៉ាងណាក៏ដោយ កាលបរិច្ឆេទកំណត់របស់ FIFA មានភាពខុសប្លែកគ្នារវាងប្រទេសនានា ហើយប្រទេសនីមួយៗនឹងគ្រប់គ្រងការប្រកាសទាំងនេះនៅលើបន្ទាត់ពេលវេលារបស់ខ្លួន។ FIFA World Cup 2022 នឹង​ធ្វើ​ឡើង​នៅ​ប្រទេស​កាតា​ពី​ថ្ងៃ​ទី 20 ខែ​វិច្ឆិកា​ដល់​ថ្ងៃ​ទី 18 ខែ​ធ្នូ។ ក្រុមនីមួយៗត្រូវប្រកាសបញ្ជីឈ្មោះកីឡាករ ២៣-២៦ នាក់ មិនឱ្យលើសពីថ្ងៃទី ១៣ ខែវិច្ឆិកា។

(Khmer) Erling Haaland នឹង​ត្រូវ​បន្ត​រក​គ្រាប់​បាល់​ក្នុង​អត្រា​គួរ​ឱ្យ​ព្រួយ​បារម្ភ ប្រសិន​បើ​គាត់​មាន​បំណង​ បំបែក​កំណត់​ត្រា​គ្រាប់​បាល់​ដ៏​គួរ​ឲ្យ​ភ្ញាក់​ផ្អើល​ដែល​កំណត់​ដោយ Cristiano Ronaldo។

យោងតាមលោក Sam Homewood របស់ BT Sport Haaland ត្រូវការស៊ុតបញ្ចូលទីបាន 43 គ្រាប់ក្នុងមួយរដូវកាលសម្រាប់រយៈពេល 16 ឆ្នាំខាងមុខ ដើម្បីតាម​ស្មើការស៊ុតបញ្ចូលទីរបស់កំពូលតារាឆ្នើមរបស់ក្រុម Manchester United ដែលមានចំនួន 700 គ្រាប់ (សរុប 817ទាំងជម្រើសជាតិ) ។

នោះមានន័យថា Haaland ត្រូវតែបន្តលេង និងស៊ុតបញ្ចូលទីរហូតដល់គាត់មានអាយុ 38 ឆ្នាំ ហើយ Ronaldo ក៏ត្រូវឈប់រកគ្រាប់បាល់នៅពេលនេះដែរ។

អ្វី​ដែល​យើង​ដឹង​នៅ​ពេល​នេះ​គឺ Ronaldo មិន​បាន​បញ្ឈប់​ការ​ស៊ុត​បញ្ចូល​ទី​ទេ ដែល​មាន​ន័យ​ថា Haaland អាច​នឹង​មាន​ផ្លូវ​វែង​ឆ្ងាយ​ជាងនេះ ប្រសិន​បើ​គាត់​ធ្លាប់​សង្ឃឹម​ថា​នឹង​ចង់​រក​បានឱ្យ​ស្មើ​ឬច្រើនជាង​នឹង​វីរបុរស Real Madrid រូប​នេះ។

(Khmer) ប្រព័ន្ធផ្សព្វផ្សាយវៀតណាមកំពុងអំពាវនាវឱ្យតារាឆ្នើមរបស់ក្រុមជម្រើសជាតិគឺកីឡាករ Nguyen Quang Hai បន្តលេងជាមួយ Pau FC និងមិនចូលរួមក្នុងព្រឹត្តិការណ៍ AFF Mitsubishi Electric Cup 2022 ដែលនឹងធ្វើឡើងនៅចុងឆ្នាំនេះទេ។

ថ្មីៗនេះ Quang Hai បានបង្កើតប្រវត្តិសាស្ត្រមួយនៅពេលដែលគាត់បានក្លាយជាកីឡាករវៀតណាមដំបូងគេដែលស៊ុតបញ្ចូលទីនៅលីគលំដាប់ទី 2 របស់បារាំង Ligue 2 ។

ក្នុងកិច្ចខិតខំប្រឹងប្រែងដើម្បីធានាថា Quang Hai បន្តទទួលបានឱកាសលេងជាមួយក្រុមសំខាន់ ប្រព័ន្ធផ្សព្វផ្សាយមួយចំនួនរបស់ប្រទេសនេះចង់ឱ្យកីឡាករ​វ័យ 24 ឆ្នាំរូបនេះមិនលេងក្នុងពានរង្វាន់ Mitsubishi Electric AFF Cup ឆ្នាំ 2022 ដើម្បីផ្តោតអារម្មណ៍ជាមួយ Pau ។

ប្រព័ន្ធផ្សព្វផ្សាយបានបន្ថែមថា ប្រសិនបើ Quang Hai លេងក្នុង AFF Cup វានឹងរំខានសន្ទុះរបស់គាត់ជាមួយ Pau ដែលបច្ចុប្បន្នកំពុងព្យាយាមនៅឱ្យឆ្ងាយពីតំបន់កាត់ចោល។ លើសពីនេះ សំណួរគឺថាតើអ្នកចាត់ការ Pau លោក Didier Tholot អាចអត់ធ្មត់ក្នុងករណីបាត់បង់ Quang Hai ដែរឬទេ នៅពេលដែលកីឡាករយល់ពីទម្រង់លេងរបស់ក្រុមយឺតៗបែបនេះ។

កីឡាករ Nguyen Quang Hai រកបានគ្រាប់ដំបូងក្នុងការប្រកួត Ligue 2 ទល់នឹង Rodez AF ដែលគាត់ត្រូវបានប្ដូរចេញនៅនាទីទី 78 ដើម្បីជំនួសខ្សែប្រយុទ្ធសំខាន់ Pape Ibnou Ba នៅពេលក្រុមតាមពីក្រោយ 1-2 ដោយសារគ្រាប់បាល់របស់ Andy Pembele (នាទី 50) និង Nasim Ouammou (នាទី ៦៧)។

ឱកាសនេះត្រូវបានប្រើប្រាស់យ៉ាងពេញទំហឹងដោយកីឡាករ Quang Hai ដែលបានបង្ហាញខ្លួនជាវីរបុរស នៅពេលដែលគាត់បានតាមស្មើនៅនាទីទី 86 និង​ជួយសង្គ្រោះ Pau FC ពីការចាញ់នៅក្នុងផ្ទះ។

Pau FC បច្ចុប្បន្នកំពុងឈរនៅលេខរៀងទី 16 ក្នុងចំណោម 20 ក្រុមដែលមាន 11 ពិន្ទុបន្ទាប់ពីលេង 11 ប្រកួត Ligue 2 ។ កាលពីមុន គ្រូបង្វឹកក្រុម Pau FC លោក Didier Tholot មិនចង់ឱ្យ Quang Hai រងសម្ពាធ ហើយកីឡាករត្រូវអត់ធ្មត់បន្ថែមទៀតក្នុងការព្យាយាមលេងតាមនាទីដែលផ្ដល់ឱ្យ ព្រោះគាត់ត្រូវប្រកួតប្រជែងជាមួយកីឡាករផ្សេងទៀត។

«វាមិនប្រាកដប្រជាទេក្នុងការរំពឹងថា Quang Hai នឹងបង្ហាញស្នាដៃដ៏អស្ចារ្យ និងសម្រេចបាននូវភាពល្អឥតខ្ចោះក្នុងឆ្នាំដំបូងរបស់គាត់នៅ Pau »។

គាត់បាននិយាយថា៖«គាត់ទើបតែបានចូលរួមក្លឹបនេះ ហើយត្រូវរៀនអ្វីថ្មីៗជាច្រើន។ Quang Hai ក៏ត្រូវការពេលវេលាដើម្បីកែសម្រួលចាប់តាំងពីគាត់នៅទីនេះ»។

(Khmer) Manchester United បាន​យក​ឈ្នះ Everton ២-១ នៅ​កីឡដ្ឋាន Goodison Park។ នេះ​គឺ​ជា​ការ​មើលឃើញ​រឿង​ប្រាំ​យ៉ាង​ដែល​យើង​បាន​រៀន​ពី​ហ្គេម…

Casemiro បង្កើតកំហុស​​ដំបូងតែកែរបាន​មក​វិញ

ក្រោយ​ពី​បង្ហាញ​ទម្រង់​លេង​យ៉ាង​ខ្លាំង​ក្នុង​ក្រប​ខ័ណ្ឌ Europa League Casemiro ទទួលបានឱកាសជា​លើក​ដំបូង​ក្នុង​ការ​ចាប់​ផ្តើម១១នាក់ក្នុង Premier League ។ គាត់បានរកឃើញទម្រង់​លេងរបស់ខ្លួនយ៉ាងរហ័សដោយ​បាន​រក្សានូវអាំងតង់ស៊ីតេនៃការប្រកួតក្រៅដីនេះ ខុសពីអ្វីដែលគាត់ធ្លាប់ធ្វើកាលពីកន្លងមក។

Casemiro បានបាត់បង់ម្ចាស់ការនៅដើមការប្រកួត ដែលនាំឱ្យមានកីឡាករ Alex Iwobi ដណ្ដើម​បាល់បាន និងស៊ុតបញ្ចូលទី។ នេះ​ជា​ការ​រំលឹក​មួយ​ដើម្បី​ធ្វើ​ឱ្យ​កាន់តែ​ច្បាស់។គាត់​បាន​ស្តារចំពោះ​កំហុស​ដំបូង​របស់​គាត់​ដោយ​ការ​បង្កើត​គ្រាប់​បាល់​ទី​ពីរ​របស់ Man Utd ដោយ​ការយក​បាល់​ត្រឡប់​មក​វិញ​និងបញ្ចូន​ឱ្យ Ronaldo មាន​សេរីភាព​ក្នុងការ​ទាត់​បញ្ចូលទី។

Antony សមនិង​តម្លៃគ្រប់កាក់គ្រប់សេន

United បានវាយបកវិញជាមួយនឹងគ្រាប់បាល់ដែលស៊ុតបញ្ចូលទីដោយកីឡាករ Antony ក្រោយ​ទទួល​បាន​បាល់ពី Martial ហើយបញ្ចប់មួយទល់នឹងមួយជាមួយអ្នកចាំទី។ កីឡាករចំណូលថ្មីពី Ajax ពេលនេះរកបាន 3 គ្រាប់ក្នុងការប្រកួត Premier League ចំនួន 3 ប្រកួត បន្ទាប់ពីស៊ុតបញ្ចូលទីលើក្រុម Arsenal និង Manchester City ។

បញ្ហា​កាយសម្បទា​របស់​ Martial ​ផ្ទុះឡើង​ម្តងទៀត

Anthony Martial បានចាកចេញពីការកំដៅសាច់ដុំមុនប្រកួតរបស់ Manchester United ភ្លាមៗ បន្ទាប់ពីហាក់ដូចជាមានរបួស ប៉ុន្តែអាចចាប់ផ្តើមការប្រកួតបានវិញ។ ខណៈ​ដែល​គាត់​បញ្ចូនបាល់ឱ្យAntony មិន​យូរប៉ុន្មាន Martial ត្រូវបានប្តូរចេញបន្ទាប់ពី 26 នាទី។

នេះជាការចាប់ផ្តើម Premier League លើកដំបូងរបស់ Martial នៃរដូវកាលនេះ ហើយជារបួសទីបីដែលគាត់បានទទួលរង។ តើ​រយៈពេល​ប៉ុន្មាន​ដែល​ធ្វើ​ឱ្យ​គាត់​ត្រូវ​អវត្តមាន​នោះ​នៅ​មិន​ទាន់​ច្បាស់​នៅឡើយ​ទេ ។

Ronaldo រក​បាន​គ្រាប់បាល់ទី៧០០

Cristiano Ronaldo បានចាប់ផ្តើមការប្រកួតនៅលើកៅអីបម្រុងមុនពេលជំនួស Martial ហើយការប្រកួតនេះបានបង្ហាញឱ្យឃើញនូវរបកគំហើញដែលគាត់កំពុងរង់ចាំ។ Ronaldo បានឆ្លៀតឱកាសយ៉ាងពេញទំហឹងពីការបញ្ជូនបាល់ដ៏ល្អឥតខ្ចោះរបស់ Casemiro ជាមួយនឹងសភាវគតិរបស់អ្នកស៊ុតបញ្ចូលទីរបស់គាត់នៅពេលមួយទល់នឹងមួយ Jordan Pickford ។

នេះជាគ្រាប់បាល់ដំបូងដែល Ronaldo រកបានពីការប្រកួតបើកឆាកក្នុងរដូវកាលនេះ និងជាគ្រាប់បាល់ទី 700 របស់ក្លឹបអាជីពរបស់គាត់ ដែលជាកំណត់ត្រាដ៏អស្ចារ្យមួយ។

United ឈ្នះដ៏សំខាន់

United បានយកឈ្នះក្នុងលទ្ធផល 2-1 និងចាកចេញពី Goodison ជាមួយបីពិន្ទុពេញ។ វា​ជា​ការ​ឈ្នះ​ដែល​ស័ក្តិសម​ជាមួយ​នឹង​បិសាច​ក្រហម​ច្បាស់​ណាស់​ថា​ជា​ក្រុម​ល្អ​ជាង Evverton។

ក្រុមត្រូវទទួលរងថ្មបាក់នៅចុងបញ្ចប់ ដោយ David de Gea ធ្វើការសង្គ្រោះបាល់និងការពារពីការស៊ុតបាល់បញ្ចូលទីតាមស្មើក្នុងម៉ោងបន្ថែមមានរបួស។Marcus Rashford បានបាន​បន្ថែមគ្រាប់បាល់ទី៣នៅនាទីទី 80 តែមិនឱ្យ​ដោយ​សារ​បាល់ប៉ះដៃ។ ជ័យជម្នះនេះបានជំរុញឱ្យ United ឡើងទៅកាន់ចំណាត់ថ្នាក់លេខ 5 ហើយនេះគឺជាការទទួលជ័យជម្នះដ៏ល្អ បន្ទាប់ពីការចាញ់ការប្រកួតកាលពីសប្តាហ៍មុន។

(Khmer) Erik ten Hag មានការស្រឡាំងកាំងដោយដឹងថាកីឡាករ Man United របស់គាត់មួយចំនួនមិនបានទៅទស្សនាសារមន្ទី Old Trafford បន្ទាប់ពីចូលរួមជា​មួយ​ក្លឹប។

បុរសសញ្ជាតិហូឡង់ខឹងសម្បារនឹងការចាញ់ក្រុម Man City ហើយបានសួរគាត់ថា តើពួកគេបានដឹងពីប្រវត្តិរបស់ក្លឹប ហើយបានទៅទស្សនាសារមន្ទីរដែរឬទេ។ បន្ទាប់​ពី​មាន​អ្នក​ខ្លះ​បាន​និយាយ​ថា​ពួកគេ​មិន​បាន​ធ្វើ គាត់​មាន​ការ​ភ្ញាក់​ផ្អើល ហើយ​បាន​សុំ​ឱ្យពួកគេ​ទៅ​ទស្សនា​សារមន្ទីរ ​ដើម្បី​ស្វែងយល់​បន្ថែម​អំពី​ក្លឹប និង​ប្រវត្តិ​របស់​វា។

ប្រភពបានប្រាប់ The Sun ថា៖ “គាត់បានសួរពួកគេពីអ្វីដែលពួកគេដឹងអំពីក្លឹប។ ពេល​ខ្លះ​និយាយ​ថា ​មិន​ដែល​បាន​ទៅ​មើល​ជុំវិញ​សារមន្ទីរទេ ឬ​ហើយអ្នកខ្លះគ្រាន់តែដើរ​កាត់​តែ​ម្ដង អញ្ចឹងគាត់​មាន​ការ​ភ្ញាក់​ផ្អើល។

«គាត់បានទៅលេងពីរដងចាប់តាំងពីចូលរួមនៅរដូវក្តៅនេះ។ គាត់បានប្រាប់កីឡាករទាំងអស់ថា ពួកគេត្រូវការពេលវេលាដើម្បីចូល ទាំងមុនពេលវាបើក ឬបន្ទាប់ពីវាបិទ ដូច្នេះពួកគេអាចស្វែងយល់បន្ថែមអំពីអត្ថន័យនៃការតំណាងឱ្យ United »។

Ten Hag បានទទូចរួចហើយថាវានឹងចំណាយពេលច្រើនខែសម្រាប់គាត់ក្នុងការអនុវត្តទម្រង់លេងរបស់គាត់ឱ្យបានត្រឹមត្រូវនៅក្នុងក្រុមរបស់ United ប៉ុន្តែគាត់ក៏ហាក់ដូចជាកំពុងព្យាយាមធានាថាពួកគេដឹងបន្ថែមអំពីប្រវត្តិសាស្រ្តរបស់ក្លឹបជាជាងអ្វីដែលកំពុងកើតឡើងនៅពេលនេះ។

ប្រភព៖ The Sun

(Khmer) យោងតាមគេហទំព័រ The Sun បានឱ្យដឹងថា Erik ten Hag បានផ្តល់សិទ្ធិឱ្យ Harry Maguire សម្រាកពីរបីថ្ងៃនៅរមណីយដ្ឋានវាយកូនហ្គោល Quinta do Lagofor ក្នុងប្រទេសព័រទុយហ្គាល់ ខណៈដែលគាត់កំពុងចំណាយពេលជាសះស្បើយពីរបួស។

អ្នក​ចាត់​ការក្រុម​ Manchester United សង្ឃឹម​ថា​ការ​ចាកចេញ​ជាមួយ​នឹង​ក្រុម​គ្រួសារ​របស់​គាត់​ ហើយ​កាយ​វិការ​របស់​ក្លឹប​ក្នុងការ​អនុញ្ញាតិបែបនេះនឹង​ជួយ​ Maguire ‘ជម្រះ​រឿងមិនល្អចេញពីខួរក្បាល​របស់​គាត់’។

ទោះជាយ៉ាងណាក៏ដោយ ការសម្រេចចិត្តនេះបានបណ្តាលឱ្យមានការបែកបាក់ផ្ទៃក្នុងបន្ថែមទៀតនៅក្នុងបន្ទប់ផ្លាស់សំលៀកបំពាក់ ខណៈដែលកាលពីមុន Ten Hag បានទទូចថាកីឡាករ United ដែលរងរបួសទាំងអស់ត្រូវតែស្នាក់នៅ Carrington និងធ្វើការលើកាយសម្បទារបស់ពួកគេ។

Erik ត្រូវបានគេរាយការណ៍ថា បានបំពានច្បាប់ផ្ទាល់ខ្លួនរបស់គាត់ដើម្បីជួយឱ្យកីឡាករវ័យ 29 ឆ្នាំរូបនេះដោះស្រាយជាមួយនឹងសម្ពាធផ្លូវចិត្តយ៉ាងខ្លាំងដែលគាត់បានស្ថិតនៅក្រោមការ​រិះគន់និង​ចេញពីខ្លួនឯង។ តែយ៉ាងណា! មិនមែនកីឡាករទាំងអស់សប្បាយចិត្តជាមួយ Maguire ទទួលបានការអនុញ្ញាតពិសេសនោះទេ។

អ្នកនាំពាក្យក្លឹបបានបញ្ជាក់ប្រាប់ The Sun ថា ៖“Harry ត្រូវបានផ្តល់ការអនុញ្ញាតឱ្យធ្វើដំណើរទៅកាន់ប្រទេសព័រទុយហ្គាល់ ដើម្បីបន្តការស្តារនីតិសម្បទារបស់គាត់ តាំងពីរ​ក្រុមស្ថិតក្នុងប្រទេស Cyprus មកម្ល៉េះ។

“Harry ត្រូវ​បាន​អម​ដំណើរ​ដោយគ្រូ​កាយសម្បទា​របស់ United ហើយ​បាន​និង​កំពុង​ធ្វើ​ការ​យ៉ាង​ខ្លាំង​លើ​ការ​ធ្វើឱ្យ​សះស្បើយសតិអារម្មណ៍​របស់​គាត់។ គាត់​នឹង​ត្រលប់​មក Carrington នៅ​ថ្ងៃ​ច័ន្ទនេះ”។

ប្រភព៖ The Sun

(Khmer) Wayne Rooney បានផ្តល់ការវាយតម្លៃដោយស្មោះត្រង់អំពីអនាគតរបស់ Cristiano Ronaldo នៅ Man United ។ Rooney បាន​និយាយ​ក្នុង​សន្និសីទ​សារព័ត៌មាន​ថា៖ «អ្នក​ចាត់​ការ​ទូទៅ​បាន​ដើរ​ទៅ​ផ្លូវ​ខុស​ពី​របៀប​ដែល​ពួក​គេ​កំពុង​លេង និង​ទទួល​បាន​ជោគជ័យ»។

“Cristiano… គាត់ និង (Lionel) Messi គឺជាកីឡាករដ៏អស្ចារ្យបំផុតពីរនាក់ដែលធ្លាប់លេងបាន​ល្អបំផុតក្នុងហ្គេម ប៉ុន្តែនៅទីបំផុត ពេលវេលាតាមទាន់យើងទាំងអស់គ្នា»។

“ជាក់ស្តែងគាត់មិនមែនជាកីឡាករដែលគាត់នៅអាយុ 22 ឬ 23 ឆ្នាំនោះទេ។ វាជារឿងដ៏លំបាកសម្រាប់គាត់។ ដោយ​ការស្គាល់គាត់ច្បាស់ វាពិបាកណាស់សម្រាប់គាត់ក្នុងការអង្គុយលើកៅអីបម្រុង… ខ្ញុំប្រាកដថាប្រសិនបើគាត់អត់ធ្មត់ ឱកាសរបស់គាត់នឹងមកដល់ ហើយម្តងទៀត ច្បាស់ណាស់គាត់ចាប់យកឱកាសទាំងនោះ ហើយព្យាយាម ពិត​ណាស់​ចង់​មិន​ចង់គាត់​នឹង​ត្រឡប់មក​ជម្រើសដំបូងវិញ»។

ដោយរកបានតែមួយគ្រាប់ប៉ុណ្ណោះ រហូតមកដល់ពេលនេះក្នុងរដូវកាលនេះ កីឡាករអន្តរជាតិព័រទុយហ្គាល់បានអស់សង្ឃឹមក្នុងការរកបានមួយគ្រាប់បាល់​ពេល​លេងទល់នឹង Omonia នៅយប់ថ្ងៃព្រហស្បតិ៍។ វាមិនដែលកើតឡើងសម្រាប់គាត់នៅយប់នោះទេ ខណៈដែលគាត់ខកខានឱកាស ដែលជាធម្មតាយើងរំពឹងថាគាត់នឹងរក​បាន​យ៉ាងងាយស្រួល។

(Khmer) Man United បានយកឈ្នះលើក្រុម Omonia Nicosia ក្នុងលទ្ធផល 3-2 ក្នុងការប្រកួត Europa League កាលពីថ្ងៃព្រហស្បតិ៍។

បិសាចក្រហមបានរបូតគ្រាប់បាល់មួយគ្រាប់ក្នុងតង់ទីមួយ ហើយត្រូវពឹងផ្អែកលើគ្រាប់បាល់របស់ Marcus Rashford ក៏ដូចជា Anthony Martial ដើម្បីជួយសង្រ្គោះពួកគេពីការចាញ់ដ៏អាម៉ាស់។ ដូចដែលអាចមើលឃើញនៅក្នុងរូប ខាងលើ Jadon Sancho និង Tyrell Malacia គឺជាចំណុចខ្សោយដ៏ធំបំផុតសម្រាប់ United នៅថ្ងៃនោះ។

Sancho បរាជ័យក្នុងការបង្កើតអ្វីទាំងអស់ ហើយមើលទៅទន់ខ្សោយពេកក្នុងនាមជាខ្សែប្រយុទ្ធស្លាបឆ្វេង និងជាខ្សែប្រយុទ្ធទី៣។ Malacia បានបាត់បង់ការកាន់កាប់បាល់ដែលនាំទៅដល់ការបើកឱកាស​គ្រាប់បាល់ទីមួយរបស់ Nicosia ហើយមើលទៅផ្នែកការពារដ៏រង្គោះរង្គើ។ គាត់​ក៏​មិន​បាន​រួម​ចំណែក​អ្វី​ដែល​បន្ត​ទៅ​មុខទៀត​ដែរ។ នេះ​ហេតុផល​មួយ​ដែល​ពួក​គេ​ទាំង​ពីរ​បាន​ប្ដូរ​ចេញដោយ​បង្ខំ​ឱ្យ Erik ten Hag នាំ Rashford និង Luke Shaw មកជំនួសវិញ។

Cristiano Ronaldo បានខកខានឱកាសជាច្រើន ហើយក៏មានយប់ដ៏ក្រៀមក្រំផងដែរ ប៉ុន្តែយ៉ាងហោចណាស់គាត់បានជួយបញ្ជូនបាល់មួយគ្រាប់ឱ្យ Rashford និងដើរតួយ៉ាងប្រុងប្រយ័ត្នក្នុងការតាមស្មើ។

ប្រភព៖ Tribuna.com