International News
(Khmer) ដៃគូរបស់ Cristiano Ronaldo គឺ Georgina Rodriguez បច្ចុប្បន្នកំពុងហ្វឹកហាត់ក្បាច់ប្រដាល់ដោយអ្នកប្រយុទ្ធ MMA អាជីព Lincoln Strong នៅទីក្រុង Manchester ។
Rodriguez ត្រូវបានគេស្គាល់ថាជាអ្នករាំរបាំបាឡេ និងជាតារាបង្ហាញម៉ូត ដែលនេះជាមូលហេតុដែលចំណង់ចំណូលចិត្តរបស់នាងទើបនឹងរកឃើញមានការភ្ញាក់ផ្អើលយ៉ាងខ្លាំង។
អ្នកដែលបង្រៀនគឺជា Strong ដែលជាអ្នកប្រយុទ្ធMMA អាជីព ហើយលោកបានបង្ហាញពីអ្វីដែល Rodriguez បានធ្វើជាមួយនឹងការបង្ហោះ Instagram របស់អ្នកទាំងពីរនេះក្នុងពេលហ្វឹកហាត់។ គាត់បានផុសវីដេអូឃ្លីប “Some pads with Georgina – អ្វីៗកាន់តែប្រសើរឡើងគ្រប់ពេលវេលា” ។ តាមរយៈឃ្លីបខ្លីនេះ ប្រពន្ធរបស់ Cristiano ហាក់ដូចជាចាប់បានយ៉ាងលឿនជាមួយនឹងកណ្តាប់ដៃ និងទាត់។
View this post on Instagram A post shared by Linc MMA Strong (@linc_mma_strong)
A post shared by Linc MMA Strong (@linc_mma_strong)
ប្រភព៖ Daily Star
(Khmer) វាមើលទៅទំនងណាសស់ដែល Barcelona ធ្លាក់ទៅ Europa League នៅរដូវកាលនេះ បើទោះបីជា Xavi ជឿជាក់លើអព្ភូតហេតុក៏ដោយ។ ប្រសិនបើ Barca នៅទីបំផុតធ្លាក់ទៅ Europa League នៅថ្ងៃពុធ នេះគឺជាក្រុមចំនួន 5 ដែលអាចជាបន្លាពាំងផ្លូវពីការឈ្នះពានរង្វាន់មួយដែលពួកគេមិនដែលឈ្នះទោះបីជាពានរង្វាន់តូចក៏ដោយ។
1. Arsenal ៖ Mikel Arteta កំពុងធ្វើការងារដ៏ល្អជាមួយក្រុមកាំភ្លើងធំ។ បច្ចុប្បន្នពួកគេឈរនៅកំពូលតារាង Premier League ហើយចាញ់តែមួយប្រកួតគត់ក្នុងចំណោម 15 ប្រកួតដំបូងក្នុងរដូវកាលនេះ។
2. Real Betis៖ Barca ប្រហែលជាមិនចង់ប្រឈមមុខនឹងគូប្រជែង La Liga របស់ពួកគេឆាប់ពេកក្នុង Europa League នោះទេ។ ពួកគេធ្វើបានយ៉ាងល្អក្នុងរដូវកាលនេះ ហើយមិនស្គាល់ចាញ់នៅពានអឺរ៉ុប។
3. Manchester United ៖ បិសាចក្រហមបានរស់ឡើងវិញក្រោមការដឹកនាំរបស់ Erik Ten Hag ។ ពួកគេនឹងសម្លឹងមើល Europa League ជាឱកាសដ៏ល្អបំផុតរបស់ពួកគេក្នុងការឈ្នះពានរង្វាន់នៅរដូវកាលនេះ។
4. Braga ៖ ក្រុមមកពីព័រទុយហ្គាល់មើលទៅដូចជាក្រុមគ្មាននរណានឹកស្មានពី ការឈ្នះពាន Europa League នៅរដូវកាលនេះ – ចងចាំថា Eintracht Frankfurt កាលពីរដូវកាលមុនអាចធ្វើបាន?
5. AS Roma ៖ លោក Jose Mourinho បានដឹកនាំ Romans ឱ្យឈ្នះពានរង្វាន់អឺរ៉ុបជាលើកដំបូងរបស់ពួកគេក្នុងរយៈពេល 50 ឆ្នាំកាលពីរដូវកាលមុន។ ពួកគេនឹងសម្លឹងមើលទៅកាន់ភាពល្អប្រសើរមួយជាមួយនឹង Europa League នៅរដូវកាលនេះ។
(Khmer) Florentino Perez បានទទួលការវះកាត់តូចមួយនៅលើសួតរបស់គាត់កាលពីព្រឹកថ្ងៃអង្គារនៅទីក្រុងម៉ាឌ្រីដ នេះបើតាមការរាយការណ៍របស់ Football Espana ។
ការវះកាត់បានទទួលជោគជ័យដោយប៉ាប៉ា Perez រំពឹងថានឹងមានសុខភាពល្អវិញក្នុងរយៈពេលប៉ុន្មានសប្តាហ៍ទៀត។ លោក Florentino Perez មានអាយុ 75 ឆ្នាំហើយដែលធ្វើអោយគាត់ក្លាយជាប្រធានក្លឹបដែលមានវ័យចំណាស់បំផុតរបស់បាល់ទាត់នៅពេលនេះ។
ទោះយ៉ាងណាក៏ដោយ Perez នៅតែជាអ្នកគ្រប់គ្រងបាល់ទាត់ដែលមានភាពម៉ត់ចត់ និងគោរពដោយបានដឹកនាំ Real Madrid ធ្វើជាប្រធានសម្រាប់ក្រុមហ៊ុនធំៗ បួនផ្សេងគ្នាដែលចាប់ពីពាក់កណ្តាលឆ្នាំ 2000 ។
បុរសដែលមានចំណាស់រូបនេះបានដឹកនាំក្រុម Real Madrid ឱ្យឈ្នះពានរង្វាន់ច្រើនជាង 30 រួមទាំងពានរង្វាន់ Champions League ចំនួនប្រាំមួយ។
ប្រភព៖ Football Espana
(Khmer) បន្ទាប់ពីរបួសក្បាលដែលគាត់បានប៉ះទង្គិចជាមួយកីឡាករ Shakhtar Donetsk Antonio Rudiger បានដេរចំនួន 20 ថ្នេរ។ ខ្សែការពារពេលនេះមានស្នាមនៅលើចិញ្ចើមខាងឆ្វេង ហើយភ្នែករបស់គាត់នៅតែមានដក់ឈាម។
នៅពេលអ្នកកាសែតសួរអំពីស្លាកស្នាមថ្មីរបស់គាត់ Rudiger មានប្រតិកម្មស្រាលៗថា៖ “ខ្ញុំមានអារម្មណ៍ល្អ ខ្ញុំក៏មិនមែនជាបុរសដែលមានរូបរាងស្អាតបំផុតដែរ ប៉ុន្តែខ្ញុំតែងតែសុខចិត្តផ្តល់អ្វីគ្រប់យ៉ាងសម្រាប់ក្រុមរបស់ខ្ញុំ”។
ទោះបីជាត្រូវការអន្តរាគមន៍ផ្នែកវេជ្ជសាស្រ្តក៏ដោយ ក៏កីឡាករអាឡឺម៉ង់បានជាសះស្បើយយ៉ាងឆាប់រហ័ស ហើយថែមទាំងបានលេងក្នុងការប្រកួតបន្ទាប់ជាមួយនឹងក្រុម Barcelona។ នៅរដូវកាលនេះ Antonio បានលេង 15 ប្រកួត (ចាប់ផ្ដើម១១នាក់ដំបូង៨លើក) សម្រាប់ Real Madrid និងស៊ុតបញ្ចូលទីបាន 2 គ្រាប់។
ប្រភព៖ Real Madrid CF (h/t MadridXtra @ Twitter)
National News
(Khmer) ព្រះខ័នរាជស្វាយរៀងបានចេញសេចក្ដីថ្លែងការមួយពីការប្ដូរទីតាំងប្រកួតពានរង្វាន់ Cambodian Premier League ដែលនឹងលេងនៅចុងសប្ដសហ៍នេះ។
ក្លិបបានសរសេរក្នុងបណ្ដាញសង្គមរបស់ខ្លួនថា៖«ក្លិបសូមពន្យល់ពីមូលហេតុនៅពីក្រោយការផ្លាស់ប្តូរទីលានប្រកួតចុងសប្តាហ៍នេះជាមួយក្លិបបឹងកេត។ ដោយសារគូប្រកួតរបស់យើងត្រូវមានការហ្វឹកហាត់ផ្លូវការនៅកីឡដ្ឋានមួយថ្ងៃមុនការប្រកួត ដែលតម្រូវឱ្យពួកគេស្នាក់នៅមួយយប់ផងដែរ តែដោយសារពិធីបុណ្យអុំទូកមានទីទាំងក្នុងទីរួមខេត្តដែលជិតតនិងទីលានប្រកួតផងនោះ ទើបមិនអាចឱ្យពួកគេរៀបចំការស្នាក់នៅបាន»។
«បន្ទាប់ពីមានការពិភាក្សាគ្នារវាងក្លិបទាំងពីរ និងការយល់ព្រមពី Cambodian Premier League នោះ ពួកយើងក៏មានការយល់ព្រមផ្លាស់ប្តូរទីលានប្រកួតទៅកីឡដ្ឋាន Cambodia Airways»។
«យើងដឹងថាការផ្លាស់ប្តូរទីកន្លែងអាចនឹងធ្វើឱ្យអ្នកគាំទ្រមួយចំនួនខកខានការប្រកួតនៅចុងសប្តាហ៍នេះ ប៉ុន្តែក្នុងនាមជាក្លិបបាល់ទាត់ យើងមានអារម្មណ៍ថាវាមានសារៈសំខាន់ក្នុងការធ្វើជាគំរូឈានមុខគេក្នុងការផ្តល់ការលេងដោយយុត្តិធម៌ និងស្មើរភាពគ្នាក្នុងកីឡាមួយនេះ។ សូមជូនពរបងប្អូនទាំងអស់ដែលចូលរួមពិធីបុណ្យអុំទូកនៅខេត្តស្វាយរៀង ប្រកបដោយសុវត្ថិភាព និងសប្បាយរីករាយ ហើយយើងនឹងជួបអ្នកម្តងទៀតនៅការប្រកួតបន្ទាប់ក្នុងដីរបស់ពួកយើង»។
(Khmer) អ្វីដែលគេទន្ទឹងរង់ចាំបំផុតមុនព្រឹត្តិការណ៏ធំមួយ គឺអាវរបស់ក្រុមដែលចូលរួម ដោយក្នុងនោះ World Cup នឹងជិតមកដល់ ហើយក្រុមជាច្រើនបាននឹងកំពុងបញ្ចេញអាវថ្មីរបស់ពួកគេ។
មួយក្នុងចំនោមពួកគេត្រូវបានបង្ហាញនៅថ្ងៃនេះ ហើយវាគឺជាលក្ខណៈពិសេសមួយ។ Hummel បានបញ្ចេញអាវដែលក្រុមជម្រើសជាតិដាណឺម៉ាកនឹងពាក់នៅ World Cup 2022 ជាមួយនឹងសារអំពីការរចនាលើវា។ ក្រុមហ៊ុន Hummel បាននិយាយនៅក្នុងសេចក្តីថ្លែងការណ៍មួយនៅលើប្រព័ន្ធផ្សព្វផ្សាយសង្គម៖
This shirt carries with it a message. We don’t wish to be visible during a tournament that has cost thousands of people their lives. We support the Danish national team all the way, but that isn’t the same as supporting Qatar as a host nation. pic.twitter.com/7bgMgK7WzS — hummel (@hummel1923) September 28, 2022
This shirt carries with it a message.
We don’t wish to be visible during a tournament that has cost thousands of people their lives.
We support the Danish national team all the way, but that isn’t the same as supporting Qatar as a host nation. pic.twitter.com/7bgMgK7WzS
— hummel (@hummel1923) September 28, 2022
“យើងមិនប្រាថ្នាចង់ឱ្យគេមើលឃើញក្នុងអំឡុងពេលការប្រកួតដែលបានធ្វើឱ្យមនុស្សរាប់ពាន់នាក់បាត់បង់ជីវិតរបស់ពួកគេនោះទេ។ យើងគាំទ្រក្រុមជម្រើសជាតិដាណឺម៉ាកគ្រប់បែបយ៉ាង ប៉ុន្តែវាមិនដូចគ្នានឹងការគាំទ្រប្រទេសកាតាក្នុងនាមជាប្រទេសម្ចាស់ផ្ទះឡើយ»។
(Khmer) Piers Morgan អ្នកសរសេរអត្ថបទរបស់កាសែត The Sun និងមានអ្នកតាមដានជិត ៨ លាននាក់នៅលើ Twitter បានទម្លាយនូវអ្វីដែលគាត់គិតថាជាយុទ្ធនាការរបស់ Manchester United ដើម្បីបង្អាប់ Cristiano Ronaldo ខណៈដែលគាត់ស្វែងរកការចាកចេញពីក្លឹប។
សរសេរក្នុងទំព័រមុខលើកាសែតររបស់គាត់នៅលើ Sun Sport, Morgan បានអះអាងថា Ronaldo នឹងមិនលេងឱ្យក្រុមម្តងទៀត ស្របពេលខ្សែប្រយុទ្ធព័រទុយហ្គាល់មិនមានសម្ព័ន្ធមិត្តនៅសល់នៅក្នុងក្លឹបនោះទេ។
មតិចុងក្រោយរបស់ Piers Morgan អត្ថបទនៅក្នុងកាសែត The Sun បានសរសេរថា៖ “Cristiano មិនមានសម្ព័ន្ធមិត្តនៅសល់នៅក្លឹប ហើយនឹងមិនអាចពាក់អាវរបស់ United ម្តងទៀតបានទេ” ។ អត្ថបទក៏ត្រូវបានដកស្រង់ផងដែរ ដោយនិយាយថា៖ “Manchester United អាចអនុញ្ញាតឱ្យ CR7 ចាកចេញក្នុងខែមករា” ទោះបីជាមានព័ត៏មានថាមិនទាន់មានការដេញថ្លៃសម្រាប់ខ្សែប្រយុទ្ធព័រទុយហ្គាល់អាយុ 37 ឆ្នាំក៏ដោយ»។
យោងតាម Morgan ការចោទប្រកាន់ថា មិនមានការចាប់អារម្មណ៍ក្នុងការចុះហត្ថលេខាលើ Cristiano ក្នុងអំឡុងពេលទីផ្សារដោះដូរកីឡាករគឺដោយសារតែ “ការលេចធ្លាយការគ្រប់គ្រងរបស់ Manchester United ដើម្បីធ្វើឱ្យខូចឈ្មោះ Cristiano Ronaldo” ។
Piers Morgan សរសេរការពារ Cristiano Ronaldo Morgan បានការពារការប្តេជ្ញាចិត្តរបស់ Ronaldo ចំពោះ Manchester United ដោយរំលឹកថាកាលពីរដូវក្តៅមុន Ronaldo បានបដិសេធការដេញថ្លៃ 130 លានអឺរ៉ូពីក្លឹបអារ៉ាប៊ីសាអូឌីត។ អ្នកសរសេរអត្ថបទរូបនេះក៏បានដាក់គោលដៅលើលោក Erik ten Hag ដែលគាត់បានចោទប្រកាន់ថាបានបន្ទាបតម្លៃ Ronaldo ដោយចេតនា។
«Ten Hag ព្យាយាមបង្រៀន Cristiano អំពីស្តង់ដារ និងតម្លៃ នៅពេលដែលគាត់កំពុងធ្វើឱ្យគាត់អាម៉ាស់ដោយចេតនាមែនទេ? លេងសើចណាស់!»
“ខ្ញុំគិតថាការមិនគោរពរួមចំពោះ Cristiano ពីអ្នកចាត់ការរបស់គាត់ និងអ្នកគាំទ្រ Manchester United ជាច្រើន បន្ទាប់ពីគាត់បានធ្វើចំពោះក្លឹបរបស់គាត់គឺជាការអាម៉ាស់” ។
បកប្រែពី MARCA
Asia News
(Khmer) កីឡាករសញ្ជាតិឥណ្ឌូនេស៊ីពីររូបគឺ Justin Hubner និង Ivar Jenner ត្រូវបានគេរាយការណ៍ថាបានមកដល់ទីក្រុងហ្សាកាតា។ កីឡាករវ័យក្មេងទាំងពីរនាក់មកពីប្រទេសហូឡង់ ហើយត្រូវបានគេយល់ថាកំពុងស្ថិតក្នុងការបំពេញឯកសារដើម្បីចូលសញ្ជាតិ។
វត្តមានរបស់ពួកគេត្រូវបានប្រកាសដោយសមាគមកីឡាបាល់ទាត់ឥណ្ឌូណេស៊ី (PSSI) ហើយសេវាកម្មរបស់កីឡាករទាំងពីរគឺចាំបាច់ខ្លាំងណាស់ក្នុងការពង្រឹងក្រុមអាយុក្រោម 20 ឆ្នាំរបស់ពួកគេ។
PSSI សរសេរថា៖ «”សូមស្វាគមន៍ Justin Hubner និង Ivar Jenner មកកាន់ប្រទេសឥណ្ឌូនេស៊ី!” ។
យោងតាមរបាយការណ៍ពី VFC Indonesia កីឡាករទាំងពីរបានយល់ព្រមលើលក្ខខ័ណ្ឌចូលសញ្ជាតិ និងមានឱកាសពាក់អាវរបស់ក្រុម U-20 ឥណ្ឌូនេស៊ី ដើម្បីចូលរួមប្រកួត U-20 World Cup នៅឆ្នាំក្រោយ។ ជាក់ស្តែងកីឡាករទាំងពីរក៏ត្រូវបានជ្រើសរើសដោយផ្ទាល់ដោយគ្រូបង្វឹកលោក Shin Tae-yong ព្រោះការប្រកួត U-20 World Cup មានភាពខុសប្លែកគ្នាខ្លាំង ហើយទាមទារកីឡាករដែលមានគុណភាពមួយចំនួនដើម្បីប្រកួតប្រជែងជាមួយក្រុមខ្លាំង។
លោក Shin Tae-yon បាននិយាយក្នុង IDN Times ៖ “ខ្ញុំបានបង្ហាញឈ្មោះរួចហើយ។ អ្នកចាត់ការទូទៅ PSSI (Mochamad Iriawan) បាននិយាយថាគាត់នឹងជួយលើរឿងនេះ ដើម្បីឱ្យវាដំណើរការបានយ៉ាងឆាប់រហ័ស” ។
Ivar Jenner បច្ចុប្បន្នលេងជាមួយក្រុម Utrecht U-21 ហើយមានឈាមជនជាតិឥណ្ឌូនេស៊ីពីខាងជីដូនរបស់គាត់។ គាត់ក៏បានពាក់អាវរបស់ក្រុមជម្រើសជាតិ U-15 ហូឡង់ផងដែរ។ Justin Hubner មានឈាមជនជាតិឥណ្ឌូនេស៊ីពីឪពុករបស់គាត់ ហើយបច្ចុប្បន្នកំពុងលេងជាមួយក្លឹប EPL គឺ Wolves B-21 ។ តាមពិតទៅ កីឡាកររូបនេះក៏ជាសមាជិកនៃក្រុមជម្រើសជាតិហូឡង់ U-19 និងបានចូលរួមក្នុងវគ្គជម្រុះ U-19 European Cup ផងដែរ។
ការសម្រេចចិត្តរបស់កីឡាករទាំងពីរក្នុងការជ្រើសរើសប្រទេសឥណ្ឌូនេស៊ីក៏បានធ្វើឱ្យអ្នកគាំទ្របាល់ទាត់នៅក្នុងប្រទេសផ្សេងទៀតមានការភ្ញាក់ផ្អើលផងដែរ ដោយសារតែពួកគេទាំងពីរបានមកជាមួយនឹងបទពិសោធន៍នៃការពាក់អាវរបស់ប្រទេសហូឡង់។
ក្រៅពី Hubner និង Jenner មានកីឡាករដើមកំណើតឥណ្ឌូណេស៊ីជាច្រើននាក់ទៀតដែល Shin Tae-yong ចង់បានផងដែរ។ ពួកគេគឺ Justin Gooijer (Ajax Amsterdam U-21) និង Delano van der Heijden (Feyenoord Rotterdam U-21) ។
(Khmer) Lionel Messi និង Neymar គឺជាកីឡាករពីរនាក់ដែលរកចំណូលបានច្រើនជាងគេក្នុងបាល់ទាត់អឺរ៉ុប ប៉ុន្តែមិត្តរួមក្រុមរបស់ពួកគេ Kylian Mbappe មានប្រាក់ឈ្នួលខ្ពស់ជាងតារា Paris Saint-Germain ពីររូបនេះទៅទៀត។
កីឡាករសញ្ជាតិបារាំងរូបនេះបានបដិសេធសំណើរបស់ Real Madrid កាលពីខែឧសភា ដើម្បីបន្តកុងត្រាថ្មីជាមួយម្ចាស់ជើងឯក Ligue 1 ដែលបានចុះហត្ថលេខាលើកីឡាករអាហ្សង់ទីនកាលពីឆ្នាំមុន ដើម្បីបង្កើតជាប្រព័ន្ធខ្សែប្រយុទ្ធដ៏គួរឱ្យទាក់ទាញបំផុតគ្រប់សម័យកាល។
បន្ទាប់ពីការបង្ហាញពីព័ត៌មានលម្អិតនៃកិច្ចសន្យារបស់ Mbappe ក្លិបមានឈ្មោះក្រៅថា Le Parisien មួយនេះបានធ្វើដូចគ្នា(ឡើងប្រាក់ឈ្នូល)ដូចដែលពួកគេបានចងកុងត្រាប្រធានក្រុមអាហ្សង់ទីន និងកីឡាករជម្រើសជាតិប្រេស៊ីល ដែលពួកគេទាំងពីរស្ថិតក្នុងចំណោមកីឡាករទាំង១០ ដែលទទួលបានប្រាក់ខែខ្ពស់បំផុតនៅទូទាំងពិភពលោក។
Neymar
កីឡាករបាល់ទាត់ប្រេស៊ីលបានចុះកិច្ចសន្យារយៈពេលប្រាំឆ្នាំក្នុងឆ្នាំ 2017 ដោយទទួលបាន 36 លានអឺរ៉ូក្នុងមួយរដូវកាលបន្ទាប់ពីបង់ពន្ធរួច។ កាលពីឆ្នាំមុន Neymar បានចុះហត្ថលេខាលើកិច្ចសន្យាថ្មីរហូតដល់ឆ្នាំ 2027 បន្ទាប់ពីបានយល់ព្រមលើការកាត់ប្រាក់ខែ ដែលធ្វើឱ្យគាត់រកបានតិចជាង 72 លានក្នុងមួយឆ្នាំបន្ទាប់ពីពន្ធរួច ខណៈដែល Mbappe កំពុងទទួលបាន នេះបើយោងតាម Le Parisien មិនបានបង្ហាញតួលេខពិតប្រាកដឱ្យដឹងឡើយ។
Messi
Messi រកបាន 41 លានអឺរ៉ូ បន្ទាប់ពីការបង់ពន្ធ រួមទាំងភាគរយដែលបានបង់ជារូបិយប័ណ្ណគ្រីបតូ(លុយអេឡិកត្រូនិក) បូកនឹងប្រាក់រង្វាន់ភាពស្មោះត្រង់។ មិនដូច Mbappe នោះទេ កីឡាករអាហ្សង់ទីនមិនទទួលបានប្រាក់បន្ថែមលើការចុះហត្ថលេខាទេ ខណៈដែលកីឡាករសញ្ជាតិបារាំងត្រូវបានបង់ប្រាក់ចំនួន 180 លានអឺរ៉ូ ដើម្បីបន្តកិច្ចសន្យារបស់គាត់រហូតដល់ឆ្នាំ 2025 ។
អតីតប្រធានក្រុម Barcelona មិនត្រូវបានគេចាត់ទុកថាជាអ្នករស់នៅប្រទេសបារាំងទេ ដែលមានន័យថាគាត់បង់ពន្ធត្រឹមតែ 30 ភាគរយប៉ុណ្ណោះនៅពេលដែលពន្ធលើប្រាក់ចំណូលនៅប្រទេសបារាំងសម្រាប់ប្រាក់ខែលើសពី 160,000 អឺរ៉ូក្នុងមួយឆ្នាំគឺមានន័យថា 49 ភាគរយ។ Mbappe កីឡាករអន្តរជាតិបារាំងបានបន្តកិច្ចសន្យារបស់គាត់ សម្រាប់ពីររដូវកាលបន្ទាប់ បូករួមទាំងជម្រើសមួយឆ្នាំបន្ថែម ដោយដាក់ប៊ិចលើកិច្ចព្រមព្រៀងដែលរកចំណូលបានច្រើនបំផុតមិនធ្លាប់មានសម្រាប់ការចុះហត្ថលេខាដោយកីឡាករបាល់ទាត់។
នៅក្នុងករណីនេះ ការស្នាក់នៅរយៈពេល 3 ឆ្នាំ Mbappe នឹងទទួលបានរហូតដល់ 630 លានអឺរ៉ូ។
