(Khmer) អតីតអ្នកចាត់ការក្លឹប Barcelona លោក Enrique ‘Quique’ Setien Solar បានសារភាពថា បញ្ហាហិរញ្ញវត្ថុរបស់ FC Barcelona ពិតជាធ្ងន់ធ្ងរណាស៉​ហើយ​ពួកគេគួរតែព្យាយាមពង្រឹង​ក្រុមឱ្យ​ខ្លាំងសិន​ទៅ កុំទាន់អាលសងបំណុលលោក។

តាមពិតទៅ គាត់ដែលត្រូវបានតែងតាំងជាអ្នកចាត់ការនៅខែមករាឆ្នាំ ២០២០ ដើម្បីជំនួសលោក Ernesto Valverde ក៏បានបង្ហើបថា Barcelona នៅតែជំពាក់លុយគាត់រហូតមកដល់សព្វថ្ងៃនេះ។

បញ្ហាហិរញ្ញវត្ថុដែលពាក់ព័ន្ធនឹង Barcelona នៅតែបន្តជាប្រធានបទនៃការសន្ទនា បើទោះបីជារដូវកាលនេះ អ្វីគ្រប់យ៉ាងហាក់ដូចជាស្ថិតនៅលើផ្លូវដ៏ល្អបំផុតបន្ទាប់ពីការលក់ទ្រព្យសម្បត្តិដើម្បីអនុញ្ញាតឱ្យកីឡាករថ្មីត្រូវបានចុះឈ្មោះ។

ប៉ុន្តែដូចដែលបានរាយការណ៍ពីមុនមក ប្រធាន LaLiga លោក Javier Tebas បានព្រមានក្រុមលីគលំដាប់ទី 2 ឱ្យកាត់បន្ថយបន្ទុកលើការបើកប្រាក់បៀវត្សរ៍កីឡាករ ព្រោះបើមិនធ្វើទេ វានឹងមានបញ្ហាប្រឈមនៅរដូវកាលក្រោយ។

លោក​បាន​និយាយក្នុងគេហទំព័រ Goal ថា៖ «Barcelona មានវដ្ដដ៏អស្ចារ្យ ហើយនៅចំណុចនេះ ពួកគេត្រូវឆ្លងកាត់ដំណាក់កាលដ៏លំបាកមួយដើម្បីងើបឡើងវិញ”។

«ខ្ញុំមិនភ្ញាក់ផ្អើលចំពោះស្ថានភាពនោះទេ ពីព្រោះស្ថានភាពដែលពួកគេបានជួបប្រទះ គឺជាអ្វីដែលខ្ញុំបានរំពឹងទុក [តាំងពីនៅជាមួយក្រុម]»។

«ពួកគេនៅតែមិនទាន់សងបំណុលរបស់ខ្ញុំ។ ខ្ញុំបានប្រាប់ពួកគេ ហើយផ្តល់ពេលឱ្យពួកគេ [ដើម្បីដោះស្រាយបំណុល]»។

Setien បាននិយាយថា៖ «ប៉ុន្តែពួកគេចូលចិត្តចុះហត្ថលេខាលើកីឡាករវ័យក្មេងពីក្របខ័ណ្ឌ Racing Santander ដូចជា Pablo [Torre] ហើយពង្រឹងក្រុមជំនួសឱ្យការសងបំណុល»។

Quique Setien មិនរីករាយនឹងអាជីពជាអ្នកចាត់ការដ៏រុងរឿងនៅ Barcelona បន្ទាប់ពីគាត់ត្រូវបានបណ្តេញចេញបន្ទាប់ពីលេងបានត្រឹមតែ 25 ប្រកួតជាមួយក្លឹប។ ក្នុងចំណោមការប្រកួតដែលគាត់ពិតជាចង់បំភ្លេចគឺការបរាជ័យ 2-8 ដោយក្រុម Bayern Munich ក្នុងវគ្គ 1/4 ផ្តាច់ព្រ័ត្រនៃក្របខ័ណ្ឌ Champions League អឺរ៉ុប ដែលបណ្តាលឱ្យគាត់បាត់បង់ការងារបន្ទាប់ពីការបរាជ័យដ៏អាម៉ាស់។

(Khmer) Barcelona នឹងសន្សំប្រាក់យ៉ាងហោចណាស់ 92 លានអឺរ៉ូក្នុងបញ្ជីចំនាយប្រាក់បៀវត្សរ៍ ប្រសិនបើពួកគេដកប្រធានក្រុមទាំងបួនរបស់ពួកគេនៅឆ្នាំ 2023។

ប្រធានក្រុម Barca កីឡាករ Sergio Busquets, Gerard Pique, Jordi Alba និង Sergi Roberto ត្រូវបានគេរំពឹងថានឹងចាកចេញពីក្លឹបនៅឆ្នាំក្រោយ។

Busquets (€37m), Pique (€29.5m) និង Alba (€20.8m) ស្ថិតក្នុងចំណោមអ្នករកចំណូលបានច្រើនជាងគេទាំងប្រាំរបស់ Barca ក្នុងមួយឆ្នាំ។ Roberto ជា​អ្នក​រក​ចំណូល​បាន​ទាប​បំផុត​ក្នុង​ចំណោម​ប្រធាន​ក្រុម​ដែល​មាន​ប្រាក់​ខែ​៥​លាន​អឺរ៉ូ​ក្នុង​មួយ​រដូវ​កាល។

Barcelona ចង់បានកីឡាករថ្មីក្នុងខែមករា ប៉ុន្តែវាមិនអាចទៅរួចនោះទេ ប្រសិនបើប្រធានក្រុមរបស់ពួកគេម្នាក់ ឬពីរនាក់មិនចាកចេញក្នុងរដូវរងានេះ។

(Khmer) សហព័ន្ធកីឡាបាល់ទាត់អាស៊ី (AFC) ចង់កែប្រែការប្រកួតចំនួនពីរ ក្រោមការគ្រប់គ្រងរបស់ពួកគេគឺ AFC Champions League (ACL) និង AFC Cup ដែលចាប់ផ្តើមពីរដូវកាល 2024/2025 ។

យោងតាមការចែករំលែករបស់អ្នកសារព័ត៌មានម្នាក់ដែលនាំមកនូវការអភិវឌ្ឍន៍បាល់ទាត់អាស៊ី លោក Martin Lowe តាមរយៈទំព័រប្រព័ន្ធផ្សព្វផ្សាយសង្គម Twitter របស់គាត់បានបង្ហើបថា ការប្រកួត AFC Champions League (ACL) នឹងប្រើប្រាស់ទម្រង់ក្រុមចំនួន 24 បើប្រៀបធៀបទៅនឹងទម្រង់ដែលមានស្រាប់ 40 ក្រុម។

វគ្គចែកពូលនឹងឃើញតំបន់ចំនួនពីរគឺ បូព៌ា និងខាងលិច ខណៈដែលសម្រាប់ការប្រកួតវគ្គជម្រុះ ក្រុមដែលមានសមត្ថភាពនឹងត្រូវប្រកួតនៅទីលានអព្យាក្រឹត។ លើសពីនេះ ក្រុមការងារក៏ត្រូវបានផ្តល់សេរីភាពក្នុងការប្រើប្រាស់សេវាកម្មរបស់កីឡាករបរទេស និងមិនមានកំណត់កូតាទៀតទេ។

សម្រាប់ការប្រកួតពានរង្វាន់ AFC Cup នឹងលែងមានទម្រង់តំបន់ដូចទម្រង់ដែលមានស្រាប់(ក្នុងពេល​នេះ) ហើយការប្រកួតនឹងក្លាយជាការប្រកួតបើកចំហ លែងកំណត់តំបន់ ហើយនេះគឺជាសំណើដែលទទួលបានយ៉ាងល្អ ដោយពិចារណាថាក្រុមមកពីអាស៊ីអាគ្នេយ៍តែងតែមានគុណវិបត្តិ ចំពោះទម្រង់នេះនៅពេលដែលពួកគេឈានដល់​វគ្គ​ជម្រុះ។

ជាឧទាហរណ៍ ស្ថានការណ៍ដែលទើប​ទទួលបានបទពិសោធន៍ដោយក្រុម Kuala Lumpur City ក្រោយ​ឆ្លងផុត​វគ្គជម្រុះក្នុងពូលតាមតំបន់ហើយ ត្រូវឆ្លងកាត់ការប្រកួតចុងក្រោយនៃតំបន់អាស៊ីអាគ្នេយ៍ដែលពួកគេបានយកឈ្នះ PSM Makassar ។

ក្រោយឆ្លងផុតវគ្គផ្ដាច់ព្រ័ត្រតំបន់អាស៊ាន KL City នឹងត្រូវជួបក្លឹបឥណ្ឌា ATK Mohun Bagan ក្នុងវគ្គពាក់កណ្តាលផ្តាច់ព្រ័ត្រអន្តរតំបន់ និងបន្ទាប់មកក្លឹប ប៉ះក្លិបអូសបេគីស្ថាន Sogdiana Jizzakh នៅវគ្គផ្តាច់ព្រ័ត្រអន្តរតំបន់។ KL City ត្រូវ​ជួបក្លិប Al-Seeb ក្នុងការប្រកួតចុងក្រោយដែលធ្វើឡើងនៅពហុកីឡដ្ឋានជាតិ Bukit Jalil ជាមួយនឹងលទ្ធផល 3-0 ។

(Khmer) ក្រុមជម្រើសជាតិសិង្ហបុរីត្រូវប្រកួតនៅកីឡដ្ឋាន Jalan Besar ក្នុងការប្រកួតបើកឆាកពូល B នៃពានរង្វាន់ AFF Mitsubishi Electric Cup ឆ្នាំ 2022 ទល់នឹងមីយ៉ាន់ម៉ា នៅពេលដែលពហុកីឡដ្ឋានជាតិមិនអាចប្រើប្រាស់បាននៅថ្ងៃទី 24 ខែធ្នូ។

នេះ​ក៏​ព្រោះ​តែ​កីឡដ្ឋាន​ដែល​អាច​ផ្ទុក​កៅអី​បាន​ចំនួន ៥៥ ០០០ កន្លែង​ត្រូវ​បាន​គេ​កក់​ទុក​ជា​ពិសេស​សម្រាប់​ព្រឹត្តិការណ៍​ប្រគំ​តន្ត្រី​របស់​តារា​ចម្រៀង​មក​ពី​តៃ​វ៉ាន់​ Jay Chou ដែល​នឹង​ប្រព្រឹត្ត​ទៅ​នៅ​ថ្ងៃ​ទី ១៧ និង ១៨ ខែ​ធ្នូ។

អាស្រ័យហេតុនេះ គណៈគ្រប់គ្រងកីឡដ្ឋានមិនមានពេលរៀបចំរៀបចំទីលាន និងបន្ទប់ស្លៀកពាក់ ក្នុងរយៈពេលដ៏ខ្លីនោះទេ។ ដូច្នេះហើយ ពួកគេបានជ្រើស​រើស​កីឡដ្ឋាន Jalan Besar ដែលផ្ទុកអ្នកទស្សនាបាន 6,000 នាក់ ជាកន្លែងជំនួសវិញ។

ទោះយ៉ាងណាក៏ដោយ វានឹងផ្តល់បញ្ហាខ្លះដល់ក្រុមគូប្រកួត ពីព្រោះពួកគេត្រូវលេង​លើល​ស្មៅសិប្បនិម្មិត។ ក្រៅ​ពី​មីយ៉ាន់ម៉ា សិង្ហបុរី​ក៏​នឹង​ធ្វើ​ជា​ម្ចាស់​ផ្ទះ​ក្នុង​ការ​ប្រកួត​សំខាន់​ជាមួយ​នឹង​វៀតណាម​នៅ​ថ្ងៃ​ទី៣០ ខែ​ធ្នូ​ដែរ។​ បើ​គ្មាន​ឧបសគ្គ​ទេ គេ​នឹង​ត្រឡប់​ទៅ​ពហុកីឡដ្ឋាន​ជាតិ​វិញ។

ពហុកីឡដ្ឋានជាតិសិង្ហបុរីប្រើប្រាស់ស្មៅប្រភេទ Zeon Zoysia ដែលនឹងជួយក្រុមនីមួយៗអាច​លេង​បានប្រកបដោយគុណភាព និងបង្ហាញគំរូហ្គេមកាន់តែប្រសើរ។ ក្រុម​ពីរ​ទៀត​ដែល​ជួប​ក្នុង​ពូល B គឺ​ម៉ាឡេស៊ី និង​ឡាវ។ ក្រុមនីមួយៗមានឱកាសធ្វើជាម្ចាស់ផ្ទះក្នុងប្រទេសរបស់ពួកគេ ហើយមានតែក្រុមកំពូលពីរក្នុងពូលប៉ុណ្ណោះដែលនឹងឈានទៅវគ្គពាក់កណ្តាលផ្តាច់ព្រ័ត្រ។

ជាមួយគ្នានេះ ពូល A មានក្រុមការពារតំណែងជើងឯកថៃ រួមជាមួយហ្វីលីពីន ឥណ្ឌូនេស៊ី កម្ពុជា និងមួយក្រុមទៀត ប្រ៊ុយណេ ឬទីម័រខាងកើត ដែលនឹងត្រូវកំណត់តាមរយៈការប្រកួតជម្រុះ។

ការប្រកួតពានរង្វាន់ AFF 2022 ចាប់ផ្តើមនៅថ្ងៃទី 23 ខែធ្នូ ប្រាំថ្ងៃបន្ទាប់ពី FIFA World Cup នៅប្រទេសកាតាបានបញ្ចប់ ដោយផ្តល់នូវសកម្មភាពបាល់ទាត់ជាបន្តបន្ទាប់សម្រាប់អ្នកគាំទ្របាល់ទាត់អាស៊ីអាគ្នេយ៍។

(Khmer) យោងតាមសារព័ត៌មាន Diario AS បានឱ្យដឹងថា Real Madrid បានរៀបចំកញ្ចប់ថវិកាចំនួន 100 លានអឺរ៉ូសម្រាប់ការចុះហត្ថលេខាលើកីឡាករ Jude Bellingham ។

ទោះជាយ៉ាងណាក៏ដោយ Bellingham អាចនឹងមានតម្លៃលើសពី 100 លានអឺរ៉ូ ខណៈដែល ESPN និងប្រភពកំពូលផ្សេងទៀតរំពឹងថាគាត់នឹងក្លាយជាខ្សែបម្រើថ្លៃបំផុតក្នុងប្រវត្តិសាស្ត្របាល់ទាត់។ Madrid ប្រហែលជាត្រូវចំណាយ 150 លានអឺរ៉ូដើម្បីទទួលបានគាត់។

លើសពីនេះ Manchester City, Liverpool និង Chelsea សុទ្ធតែបង្ហាញចំណាប់អារម្មណ៍លើកីឡាករវ័យ 19 ឆ្នាំ។ អ្វី​ៗទាំង​អស់​នោះ​នឹង​បង្កើន​តម្លៃ​ខ្លួន​ចុងក្រោយ​សម្រាប់​កីឡាករ Dortmund។

ខ្សែបម្រើសញ្ជាតិអង់គ្លេសកំពុងរីករាយនឹងរដូវកាលដ៏អស្ចារ្យជាមួយនឹងគ្រាប់បាល់ចំនួនបួនគ្រាប់ក្នុងក្របខ័ណ្ឌ Champions League រួចទៅហើយ តែ​បើ​និយាយនៅក្នុងការប្រកួតគ្រប់ពានរង្វាន់ទាំងអស់ក្រោយ​លេងបាន 18 ប្រកួត រូប​គេ​រក​បាន​៨គ្រាប់។

Los Blancos Blancos មើលឃើញថា Bellingham ជាអ្នកជំនួស Luka Modric ដ៏ល្អ ខណៈដែលកិច្ចសន្យាបច្ចុប្បន្នរបស់កីឡាករក្រូអាតនឹងអស់នៅឆ្នាំ 2023 ។

ប្រភព៖ AS

(Khmer) ភ្នាក់ងារកំពូលរបស់ Ansu Fati លោក Jorge Mendes បានផ្ញើការព្រមានដ៏ធ្ងន់ធ្ងរមួយទៅកាន់ Barcelona ថា ខ្សែប្រយុទ្ធអាចចាកចេញពីក្លឹបនៅរដូវក្តៅក្រោយ ប្រសិនបើពួកគេបន្តដាក់គាត់ឱ្យ​លេង​បានគ្រប់គ្រាន់ នេះបើយោងតាមលោក Alfredo Martinez ជាអ្នកកាសែតម្នាក់ដែលគួរឱ្យទុកចិត្ត។

Fati ទើបតែចាប់ផ្តើមក្នុងជម្រើស១១នាក់បាន 3 ប្រកួតប៉ុណ្ណោះក្នុងចំណោម 16 ប្រកួតដែលគាត់បានលេងនៅរដូវកាលនេះ ដោយ Xavi ពេញចិត្តគាត់ជាកីឡាករបម្រុង។ ទោះយ៉ាងណាក៏ដោយ កីឡាករវ័យជំទង់រូបនេះអាចស៊ុតបញ្ចូលទីបាន 3 គ្រាប់ និង assists ជាច្រើន។

មានក្លឹបជាច្រើនដែលនឹងចាប់​អារម្មណ៍ឆក់ឱកាសចុះហត្ថលេខាលើ Fati ក្នុងឆ្នាំ 2023។ កីឡាករអេស្ប៉ាញរូបនេះងាយស្រួលក្នុងចំណោមកីឡាករល្អបំផុតទាំង 5 នៃជំនាន់របស់គាត់។

Barca កាន់កាប់សន្លឹកបៀធំលើ Fati ខណៈដែលកីឡាករមានលក្ខខណ្ឌផ្ដាច់​កុងត្រា€ 1B ហើយកិច្ចសន្យារបស់គាត់នឹងបញ្ចប់នៅឆ្នាំ 2027 ។

ប្រភព៖ Alfredo Martinez

(Khmer) The Athletic បាននិយាយថា Man United មានឆន្ទៈក្នុងការចាប់ផ្តើមការចរចាជាមួយ David de Gea ជុំវិញការបន្តកុងត្រារបស់គាត់ ។

ទោះជាយ៉ាងណាក៏ដោយ បិសាចក្រហមនឹងពិភាក្សាតែលើកិច្ចព្រមព្រៀងថ្មី ប្រសិនបើកីឡាករសញ្ជាតិអេស្ប៉ាញរូបនេះ ទទួលយកការកាត់ប្រាក់ឈ្នួល និងផ្តល់ឱ្យគាត់កាត់បន្ថយប្រាក់ឈ្នួលក្នុងកិច្ចសន្យាបន្ទាប់។

Erik ten Hag នឹងដឹកនាំដំណើរការចរចាកិច្ចសន្យាសម្រាប់អ្នកចាំទីសញ្ជាតិអេស្ប៉ាញដែលបានបង្ហាញទម្រង់លេងគ្រប់ការប្រកួតក្នុងរដូវកាលនេះ។ De Gea ដែលបច្ចុប្បន្នទទួលបានប្រាក់បៀវត្សរ៍ £375,000 ក្នុងមួយសប្តាហ៍នឹងសុខចិត្តកាត់បន្ថយប្រាក់ខែ ដើម្បីយល់ព្រមលើកិច្ចព្រមព្រៀងថ្មី។

កីឡាករវ័យ 31 ឆ្នាំចង់នៅតែជាកីឡាករលេខ 1 នៅ Old Trafford អស់រយៈពេលជាច្រើនឆ្នាំទៀត ហើយថ្មីៗនេះបានបង្ហាញពីបំណងប្រាថ្នារបស់គាត់ក្នុងការចុះហត្ថលេខាលើកិច្ចព្រមព្រៀងថ្មី។

កិច្ចសន្យាបច្ចុប្បន្នរបស់គាត់នឹងផុតកំណត់នៅឆ្នាំក្រោយ ប៉ុន្តែ United មានជម្រើសក្នុងការពន្យាររយៈពេលមួយឆ្នាំដោយស្វ័យប្រវត្តិ ដើម្បីបន្តរហូតដល់ឆ្នាំ 2024 ។

ប្រភព៖ The Athletic

(Khmer) Cristiano Ronaldo មានការលំបាកក្នុងជីវភាពតាំងពីកុមារភាព ហើយគាត់បានឃើញក្រុមគ្រួសាររបស់ខ្លួនឆ្លងកាត់ភាពចលាចលផ្នែកហិរញ្ញវត្ថុ។

និយាយ​អំពី​បញ្ហា​លំបាក​ក្នុង​កិច្ច​សម្ភាសន៍​ជាមួយ Piers Morgan ខ្សែ​ប្រយុទ្ធ​របស់ Man United បាន​និយាយ​ថា៖ “កាល​ខ្ញុំ​នៅ​ក្មេង​អាយុ ១១ ឬ ១២ ឆ្នាំ យើង​មិន​មាន​លុយ​ទេ(ចូលហាត់បាល់ដំបូង)។ យើងរស់នៅកន្លែងតែមួយ (Lisbon) ដែលកីឡាករផ្សេងទៀតបានរស់នៅ កីឡាករចាស់ៗដែលគាត់ធ្លាប់សម្រាក។

“ខ្ញុំបានទៅលេងក្រុមគ្រួសាររបស់ខ្ញុំនៅទីក្រុង Madeira រៀងរាល់បីខែម្តង។ វាពិបាកណាស់។ រយៈពេលដ៏លំបាកមួយដោយគ្មានគ្រួសារ។ ដល់ម៉ោង 10:30 ឬ 11 យើងឃ្លានខ្លាំងណាស់។ ​មានហាង McDonald’s មួយនៅ​ក្បែរ​កីឡដ្ឋាន យើង​បាន​ទៅគោះ​ទ្វារ ហើយ​សួរ​ថា​តើ​អ្នក​មាន​ប៊ឺហ្គឺ​ឬ​អត់?

“តែងតែមានស្រ្តីម្នាក់ Edna និងក្មេងស្រីពីរនាក់ផ្សេងទៀតយក ប៊ឺហ្គឺមកឱ្យខ្ញុំ។ ខ្ញុំរកពួកគេមិនឃើញសោះ។ ខ្ញុំបានសួរប្រជាជននៅប្រទេសព័រទុយហ្គាល់ ពួកគេបានបិទ McDonalds ប៉ុន្តែប្រសិនបើបទសម្ភាសន៍នេះអាចជួយស្វែងរកពួកគេ ខ្ញុំនឹងសប្បាយចិត្តខ្លាំងណាស់។

“ខ្ញុំចង់អញ្ជើញពួកគេទៅទីក្រុង Turin ឬ Lisbon ដើម្បីមកទទួលទានអាហារពេលល្ងាចជាមួយខ្ញុំ ព្រោះខ្ញុំចង់ផ្តល់អ្វីមកឱ្យពួកគេវិញ” ។

Ronaldo បានតស៊ូឆ្លងកាត់បញ្ហាកុមារភាពរបស់គាត់ ដើម្បីក្លាយជាកីឡាករបាល់ទាត់ដ៏ល្អបំផុតគ្រប់ពេលវេលា។ ខ្សែប្រយុទ្ធសញ្ជាតិព័រទុយហ្គាល់រូបនេះបានស៊ុតបញ្ចូលទីបានលើសពី 800 គ្រាប់ (សម្រាប់ទាំងក្លឹប និងប្រទេសរបស់គាត់) ក្នុងអាជីពជានិមិត្តរូបរបស់គាត់ និងបានឈ្នះពានរង្វាន់ Ballon d’Or ចំនួន 5 ផងដែរ។

ប្រភព៖ ITV