(Khmer) សហគមន៍​បាល់ទាត់​មាន​ការ​ភ្ញាក់​ផ្អើល​ចាប់​តាំង​ពី​ Emir នៃ​ប្រទេស​កាតា​បាន​រាយការណ៍​ថា​មាន​ការ​ចាប់​អារម្មណ៍​ក្នុង​ការ​ទិញ​ Manchester United។

មិនមែនតែអ្នកគាំទ្រ Man United ទេ ប៉ុន្តែអ្នកគាំទ្រ Premier League ជាច្រើនឆ្នាំបានចំអកឱ្យ Manchester City ចំពោះលុយប្រេងរបស់ពួកគេ។ ហើយឥឡូវនេះ វាហាក់ដូចជាក្រុមបិសាចក្រហមទទួលបានការគាំទ្រពីប្រភពមជ្ឈិមបូព៌ាដែលសម្បូរទៅដោយប្រេងនេះដូចគ្នា។

ខណៈពេលដែលអ្នកគាំទ្រជាច្រើនមិន​ដឹង​ថាត្រូវ​និយាយថាម៉េចបានជាអញ្ចឹង នេះអាច​ជាហេតុផល​មួយចំនួន​ដែលការ​វិនិយោគនេះមិនមែនជារឿងអាក្រក់នោះទេ៖

គូប្រជែងកាន់តែសម្បូរបែប

Chelsea ទទួលបានតាចាស់សម្បូរលុយម្នាក់ ដែលបានចំណាយអស់ជាង 600 លានផោន ចាប់តាំងពីរដូវក្តៅមុន។ Newcastle កំពុង​តែ​បង្កើត​ក្រុម​មួយ​ក្នុង​ក្រប​ខ័ណ្ឌ Champions League ដែលមានម្ចាស់មកពី​អារ៉ាប៊ីសាអូឌីត។ Liverpool ប្រហែល​ជា​ចង់​ឃើញក្រុមហ៊ុន FSG របស់ខ្លួនលក់​ក្លឹប​ទៅ​អ្នក​វិនិយោគ​មក​ពី​មជ្ឈិមបូព៌ា។

វាមិនមែនទាំងអស់ទេ។ ក្លឹប​ដែល​ទើប​ឡើង​មកពីលីគទី២​មក​លេង​ក្នុងលីគកំពូល បានធ្វើឱ្យកីឡាករមកពី ក្លិបក្នុងលីគកំពូលផ្សេងទៀត បោះបង់ចោលក្លឹបដែលកំពុងលេងនៅ Champions League ដើម្បីលេងឱ្យក្រុម Premier League ដ៏សាមញ្ញបំផុត។

សរុបមក លីកកំពុងរីកចម្រើនកាន់តែខ្លាំង ហើយហាក់ដូចជាគ្មានការបញ្ឈប់នោះទេ។ បើ​បណ្ដោយឱ្យ​ជាមួយ Glazers បន្ត​កាន់កាប់ពីរបីឆ្នាំទៀត United ប្រហែលជាមិនអាចប្រកួតប្រជែងផ្នែកហិរញ្ញវត្ថុបានទេ បើទោះបីជាក្រុមដែលបញ្ចប់នៅខាងក្រោមចំណាត់ថ្នាក់ទី 6 ក្នុងលីគក៏ដោយ។

លែងមានសម្ភារៈ និង​ឧបករណ៍ចាស់ៗទៀត​ហើយ​នៅ​ក្លិប

ជាមួយនឹងការផ្តល់មូលនិធិពីកាតា បិសាចក្រហមអាច ជួសជុលការលេចធ្លាយដែលខូចនៅក្នុងដំបូល Old Trafford ។ នោះមិនមែនទាំងអស់នោះទេ ការផ្តល់មូលនិធិកាន់តែច្រើននឹងមានន័យថាសម្ភារៈបរិក្ខារប្រសើរជាងមុន ដូច្នេះមនុស្សដូចជា Cristiano Ronaldo និង Jesse Lingard មិនអាចតវ៉ាម្តងទៀតបានទេ។

ជាចុងក្រោយ យើងត្រូវកែប្រែ Old Trafford ឡើងវិញ ដើម្បីធ្វើឱ្យវាក្លាយជាបន្ទាយថ្មី ដែលជំរុញឱ្យមានការភ័យខ្លាចដល់គូប្រជែងដ៏លំបាកបំផុត។ ជាមួយនឹង Ten Hag ជាកាន់ចង្កូត និងលុយចូលទៅក្នុងអ្វីដែលត្រូវកែលម្អ នោះ United អាចក្លាយជាមហាអំណាចម្តងទៀត។

គ្មានដែនកំណត់លើការផ្ទេរទិញកីឡាករ លើកលែងតែច្បាប់ FFP

តើ​ក្លិបបិសាចក្រហម Man Utd ​បាត់​បង់ឱកាសទិញយកកីឡាករ​ដែល​មាន​ទេព​កោសល្យ​ប៉ុន្មាន​ដង​ហើយ​នៅ​ពេល​កន្លង​មក ដោយសារ​តែ Glazers មិន​ចង់​ចំណាយ ឬ​ធ្វើ​សកម្មភាព​យឺត​ពេល? យើង​នៅ​តែ​មិន​មាន​ខ្សែ​ប្រយុទ្ធ​ត្រឹមត្រូវ​ឬទេ ហើយ​មនុស្ស​តិច​ណាស់​អាច​ប្រកែក​ថា​ការ​ចុះ​ហត្ថលេខា​ជាមួយ Ronaldo នៅ​ឆ្នាំ 2021 មិន​មែន​ជា​គំនិត​ឆ្លាត​បំផុត​នោះ​ទេ។

ច្បាស់ណាស់ Glazers មិនមានផែនការនៅក្នុងដៃទេ ហើយវាមិនមែនដោយសារតែពួកគេខ្វះលុយនោះទេ។ វាគ្រាន់តែថាពួកគេមិនខ្វល់ – មិនមែនទាល់តែអ្នកគាំទ្រចូលពហុកីឡដ្ឋានតវ៉ា និងបង្កឱ្យមានការប្រមាថ ចលាចល។

គ្រោះថ្នាក់នៃការវិនិយោគរបស់កាតានឹងជាការបំពានលើ Financial Fair Play ជាច្រើនដែលអាចមកពីការចំណាយលើស។ ប៉ុន្តែ​ជា​ការ​អរគុណ យើង​មាន City ដែលយើងអាច​​រៀន​ពី​ការ​រំលោភ​បំពាន​ចំនួនជាង 100 ករណីដែល​ឥឡូវ​ត្រូវ​បាន​គេ​ស៊ើបអង្កេត។

ដោយសារតែ, f*** the Glazers
ទីបំផុត ពួកយើងមកដល់ចំណុចសំខាន់បំផុត – វាដល់ពេលដែលត្រូវទាត់ Glazers ចេញពីក្លឹបហើយ។ អ្នកគាំទ្របានស្រែកថ្ងូរ និងត្អូញត្អែរ អំពីម្ចាស់មួយក្រុមដែល​បឺតជញ្ជក់ក្លិបអស់ជាច្រើនឆ្នាំ ប៉ុន្តែវាអាចផ្លាស់ប្តូរក្នុងរយៈពេលប៉ុន្មានខែ។ The Glazers ធ្លាប់តែយកលុយចេញពីក្លឹប មិនដែលវិនិយោគមួយកាក់ដើម្បីសុខុមាលភាពរបស់វាទេ។

ការដេញថ្លៃសម្រាប់ United ក៏ត្រូវបានរំពឹងទុកពីលោក Sir Jim Ratcliffe ដែលនឹងក្លាយជាសេណារីយ៉ូដ៏ល្អសម្រាប់អ្នកគាំទ្រភាគច្រើន។ ប៉ុន្តែប្រសិនបើអ្វីៗមិនដំណើរការ វាដល់ពេលដែល Glazers ចាកចេញពីក្លឹបហើយ។

សម្រាប់កំណត់ត្រា ការវិនិយោគពីបណ្តាប្រទេសមជ្ឈិមបូព៌ាមិនធានានូវភាពជោគជ័យ ឬពានរង្វាន់ធំៗដោយស្វ័យប្រវត្តិនោះទេ។ របស់ទាំងនេះត្រូវការពេលវេលា ប៉ុន្តែអត្ថប្រយោជន៍ជាមួយ United គឺយើងមានម៉ាស៊ីនដែលមានប្រេងល្អរួចហើយ ដែលគ្រាន់តែត្រូវការថវិកាដើម្បីទៅកម្រិតបន្ទាប់។ ដោយមានការគាំទ្រពីកាតារ ឬអ្នកវិនិយោគថ្មីណាដែលពិតជាយកចិត្តទុកដាក់ បិសាចក្រហមអាចក្លាយជាបិសាចដ៏ធំបំផុត និងអាក្រក់ កំណាចឃោឃៅបំផុតនៃបាល់ទាត់អង់គ្លេសម្តងទៀត។

ប្រភព៖ Tribuna.com