(Khmer) Casemiro ទើបតែបានចាប់ផ្តើម 2 ប្រកួតក្នុងចំណោម 7 ប្រកួតរបស់គាត់សម្រាប់ Manchester United មកទល់ពេលនេះព្រមទាំងនៅក្នុង Europa League ។តើ​គាត់មានមាន​បញ្ហា​អ្វី?

១. Man United បានបន្តឈ្នះភ្លាមៗ បន្ទាប់ពី Casemiro បានចុះហត្ថលេខា។ បិសាចក្រហមបានកត់ត្រាជ័យជម្នះបួនលើកជាប់ៗគ្នាជាមួយនឹងខ្សែបម្រើ Christian Eriksen, Scott McTominay និង Bruno Fernandes ។ Erik ten Hag គិតថាមិនចាំបាច់រញ៉េរញ៉ៃជាមួយអ្វីដែលដំណើរការល្អរួចទៅហើយនោះទេ។

Ten Hag បានដំណើរការជាមួយខ្សែបម្រើដូចគ្នាទល់នឹង Man City ។ ក្រុមរបស់គាត់បានចាញ់ 6-3 ហើយគ្រូបង្វឹកសញ្ជាតិហូឡង់បានសារភាពថាគាត់នៅតែស្មោះត្រង់ចំពោះខ្សែបម្រើ “ឈ្នះ” របស់គាត់។

Ten Hag បានប្រាប់ប្រព័ន្ធផ្សព្វផ្សាយបន្ទាប់ពីការប្រកួត៖”ក្រុមនេះពិតជាធ្វើបានល្អមែន វាមិនមែនជាការ​មិនអើពើនឹង Casemiro នោះទេ។ វាគឺសម្រាប់ ក្នុងករណីនេះ!  Scott McTominay គាត់ធ្វើបានល្អណាស់នៅក្នុងក្រុម ហើយបន្ទាប់មកយើងឈានទៅរកការឈ្នះជាប់ៗគ្នា។ ខ្ញុំប្រាកដថា វានឹងមានសារៈសំខាន់សម្រាប់ពួកយើងនៅក្នុងការប្រកួតសម្រាប់ រយៈពេលវែង និង​រយៈពេលខ្លី។ គាត់ [Casemiro] នឹងរកឃើញខ្លួនឯង(ការ​សម្របខ្លួន)នៅក្នុងក្រុមប៉ុន្តែវាត្រូវតែមកតាមរបៀបធម្មជាតិ”។

២. ប្រព័ន្ធផ្សព្វផ្សាយបានបង្ហាញថា Ten Hag ពិតជាមិនត្រូវការ Casemiro ច្រើននោះទេ។ នាយកផ្នែកកីឡារបស់ក្លឹបមានការចាប់អារម្មណ៍ខ្លាំងពេកជាមួយ​នឹងបំណងប្រាថ្នារបស់កីឡាករប្រេស៊ីលក្នុងការចូលរួមជាមួយពួកគេ ខណៈពេលដែលពេលវេលាវេលាចុងះកុងត្រាថ្មីជិតអស់ទៅហើយ​នោះ ហើយ Frenkie de Jongដែលជាគោលដៅក្នុងក្ដី ‘សុបិន’ របស់ Ten Hag – មិនយល់ព្រមលើការផ្លាស់ប្តូរនោះទេ។ ជាលទ្ធផល United បានចុះហត្ថលេខាលើកីឡាករដែលមានគុណភាពខ្ពស់ដែលជាអ្នកឈ្នះការ​ប្រកួតបាល់ ច្រើនជាងអ្នកកាន់បាល់។ Casemiro បានចាប់ផ្តើមការប្រកួត Europa League ទល់នឹង Omonia នៅថ្ងៃព្រហស្បតិ៍ម្សិលមិញ ដូច្នេះវាទំនងជាថាគាត់ខកខានការប្រកួតជម្រើស​១១​នាក់​ដំបូងម្តងទៀតនៅចុងសប្តាហ៍នេះទល់និង Everton។

៣.មានអ្នកចង្អុលបង្ហាញថាល្បឿនជាមធ្យមនៃលីកអង់គ្លេសគឺខ្ពស់ពេកសម្រាប់កីឡាករប្រភេទជាក់លាក់ ដែលធ្វើឲ្យ Casemiro ពិបាកសម្របខ្លួន និងត្រូវការបំពេញបន្ថែម។  ចំណុចនោះគឺថា ជាមួយនឹងប៉ុន្មាននាទីដែលគាត់មាន វាពិបាកក្នុងការវាយតម្លៃ។ ប្រសិនបើគាត់ត្រូវការពេលវេលាបន្ថែមទៀត ដើម្បីសម្របខ្លួន គាត់ក៏ត្រូវការពេលវេលាបន្ថែមទៀតដើម្បីវិនិច្ឆ័យផងដែរ។

ក្នុងករណីណាក៏ដោយ ហើយបើ​យើងត្រលប់ទៅការប្រៀបធៀបជាមួយ McTominay អត្ថប្រយោជន៍របស់ Casemiro គឺសមត្ថភាពរបស់គាត់ក្នុងការដឹងពីរបៀបឈរក្នុងទីតាំងបានល្អ ភាពវៃឆ្លាត យុទ្ធសាស្ត្រនេះគឺសំខាន់នៅ Real Madrid ហើយ United ចង់ទាញយកប្រយោជន៍ពីវាឥឡូវនេះ។

វាជារឿងធម្មតាទេដែល Casemiro នឹងក្លាយជាអ្នកចាប់ផ្តើម១១នាក់បូង ដោយសារតែគុណភាព និងតម្លៃផ្ទាល់ខ្លួនរបស់គាត់នៅលើទីផ្សារ។ ប៉ុន្តែពេល​គាត់​មក​ដល់ អ្វីៗហាក់ប្រែប្រួល និង​មាន​ការ​ជជែកវែកញែក ហើយ Ten hag អាចមានលេសដ៏ល្អឥតខ្ចោះសម្រាប់គាត់ក្នុងការ​ដាក់​ឱ្យ​លេង​នៅ Europa League ជា​លើក​ដំបូង ប៉ុន្តែ​ការ​ផ្តោត​អារម្មណ៍​នឹង​ត្រូវ​ដាក់​នៅ​ចុង​សប្តាហ៍​ក្នុង​ការ​ប្រកួត​ដែល Manchester United នឹង​ប្រកួត​ជាមួយ Everton នៅ Goodison Park។ ប្រសិនបើគាត់ក៏បរាជ័យក្នុងការចាប់ផ្តើមដំបូងរបស់គាត់ នោះយើងនឹងប្រឈមមុខនឹងបញ្ហាពិតប្រាកដជាមួយ Casemiro ។

ប្រភព៖ Tribuna.com; ESPN