(Khmer) Man United កំពុងតែពិចារណាលើការផ្លាស់ប្តូរដ៏មានសក្តានុពលមួយសម្រាប់រដូវក្តៅសម្រាប់អ្នកចាំទី Yassine Bounou របស់ Sevilla នេះបើយោងតាមការអះអាងរបស់ The Mirror ។

បិសាចក្រហមមានការចាប់អារម្មណ៍យ៉ាងខ្លាំងចំពោះអ្នកចាំទីសញ្ជាតិកាណាដាដែលកំពុងតែប្រជែងជាមួយក្លឹប Real Madrid លេខ 1 Thibaut Courtois សម្រាប់ពានរង្វាន់អ្នកចាំទី La Liga រដូវកាលនេះ។

United បានមើលការងារដ៏គួរអោយចាប់អារម្មណ៍របស់ Bono អស់ជាច្រើនខែ ហើយអាចមានបំណងចង់ធ្វើសកម្មភាពក្នុងតម្លៃ 25 លានផោនដើម្បីចុះហត្ថលេខាលើគាត់ មុនពេលគាត់ចុះកុងត្រាថ្មី។

ជាមួយនឹង David de Gea ចូលដល់ 18 ខែចុងក្រោយនៃកិច្ចសន្យារបស់គាត់នៅ Old Trafford បិសាចក្រហមចង់បាននរណាម្នាក់ប្រកួតប្រជែងខ្លាំងជាមួយគាត់។ ជាងនេះទៅទៀត ប្រសិនបើកីឡាករសញ្ជាតិអេស្ប៉ាញរូបនេះសម្រេចចិត្តចាកចេញនៅរដូវក្តៅនេះ United ចង់បានជម្រើសដ៏រឹងមាំមួយដើម្បីជំនួសគាត់។

Dean Henderson ទំនងជាមិនបន្តជាមួយបិសាចក្រហមទេបន្ទាប់ពីរដូវកាលនេះ ហើយនឹងទាមទារឱ្យមានការចាកចេញ បន្ទាប់ពីមិនទទួលបានម៉ោងប្រកួតក្នុងរដូវកាលនេះ។ Bono បានរក្សា Clean Sheet ចំនួន 12 ដងក្នុងការបង្ហាញខ្លួន 23 ដងនៅ La Liga ក្នុងរដូវកាលនេះ ដែលជាចំនួនច្រើនបំផុតទីពីរសម្រាប់អ្នកចាំទីនៅក្នុងលីគកំពូលអេស្ប៉ាញ។

ប្រភព៖ Mirror