(Khmer) Erik ten Hag កំពុងដឹកនាំការផ្លាស់ប្តូរដ៏ធំមួយនៅ Manchester United ដោយ​គាត់​ចំណាយពេលត្រឹមតែប្រាំពីរខែប៉ុណ្ណោះក្នុងការងារដ៏​លំបាកមួយនេះ។

Man United ពេល​នេះហាក់​ដូចជាលេង​គ្រប់​ការ​ប្រកួត​ដែល​ជំរុញ​យើង​ឱ្យ​មានអារម្មណ៍ថា ទោះ​ជា​គូប្រកួត​ក្រុម​ណា​ក៏​ដោយ ក្រុម​នឹង​ទទួល​បាន​ជ័យ​ជម្នះ។

នោះប្រហែលជាមិនមែនគ្រាន់តែជាអារម្មណ៍មួយនោះទេ ព្រោះជាមួយនឹងជ័យជម្នះលើក្រុម Barcelona កាលពីយប់ថ្ងៃព្រហស្បតិ៍ ពេលនេះ Man Utd បានបំបែកកំណត់ត្រាឈ្នះ 28 ដងក្នុងការប្រកួតទាំងអស់នៅរដូវកាលនេះ។

មិនមានក្រុមផ្សេងទៀតនៅក្នុងទ្វីបអឺរ៉ុបដែលឈ្នះច្រើនជាងនេះទេ។ ស្ថិតិមិនគួរឱ្យជឿមួយទៀត ដែលជាការបង្ហាញពីភាពស្ទាត់ជំនាញរបស់ Ten Hag គឺថា Man Utd រកបាន 19 គ្រាប់នៅរដូវកាលនេះ តាមរយៈកីឡាករចេញពីកៅអីបម្រុង។ ជាថ្មីម្តងទៀត ចំនួននោះគឺច្រើនជាងក្រុមផ្សេងទៀតនៅលើទ្វីបអឺរ៉ុប។

ដូច្នេះ ទោះបីជាអ្នកគាំទ្ររបស់ Man Utd ត្រូវតែមានសុទិដ្ឋិនិយមដោយប្រយ័ត្នប្រយែង ខណៈដែលឃ្លាថា “United are back” បានត្រឹមតែនាំឱ្យមានការខកចិត្តជាច្រើន​លើក​ច្រើន​សារ​មក​ហើយនោះ ។ ចាប់តាំងពី Fergie បានចាកចេញក៏ដោយ ទីបំផុតមានភស្តុតាងជាក់ស្តែងនៃការរស់ឡើងវិញដែលត្រូវបានដឹកនាំដោយ Ten Hag ជាអ្នកកាន់តំណែង។

ការឈ្នះនៅថ្ងៃអាទិត្យ United នឹងមានពានរង្វាន់ជាលើកដំបូងរបស់ពួកគេក្នុងរយៈពេល 5 ឆ្នាំ។

ប្រភព៖ Planet Football