(Khmer) លោក ឃឹម បុរី ដែលជាគ្រូបង្វឹករបស់ក្លិបណាហ្គាវើលដ៍ បានលើកឡើងថា ទស្សនវិជ្ជាបាល់ទាត់របស់លោក គឺ ផ្តោតលើការប្រយុទ្ធ។

ក្រោមការដឹកនាំរបស់លោក បុរី យើងសង្កេតឃើញលទ្ធផលរបស់ ណាហ្គាវើលដ៍ នាពេលកន្លងទៅ គឺ ល្អគួរសម តាមរយៈការជួយក្រុមឈ្នះពានរង្វាន់ Cambodia Airways Pre-Season Cup និង ថ្មីៗនេះទើបតែបានយកឈ្នះ ក្លិបវិសាខា ក្នុងលទ្ធផល ១ទល់នឹង០ នៃការប្រកួតក្របខណ្ឌលីគកំពូលកម្ពុជា។

ថ្លែងប្រាប់ The Morning លោក បុរី បាននិយាយថា៖ «ជាទូទៅ! ទស្សនវិជ្ជាបាល់ទាត់របស់ខ្ញុំគឹការប្រយុទ្ធ។ នៅណាហ្គាវើលដ៍យើងព្យាយាមលេងប្រព័ន្ធប្រយុទ្ធតាមដែលអាចធ្វើទៅបាន»។

លើស​ពី​នេះ លោក​ក៏​បាន​និយាយ​អំពី​ការ​រៀបចំក្រុម ត្រៀម​សម្រាប់​ការ​ប្រកួត​ជាមួយ TIFFY ARMY FC សម្រាប់​ការ​ប្រកួត​ទី​៣​ផង​ដែរ។