(Khmer) យោងតាមសមាគមកីឡាបាល់ទាត់ថៃ គ្រោងរៀបចំក្រុមបាល់ទាត់ជម្រើសជាតិថៃអាយុក្រោម២៣ឆ្នាំ ដើម្បីត្រៀមការប្រកួតបាល់ទាត់អន្តរជាតិក្នុងប្រតិទិនឆ្នាំ ២០២៣-២០២៤ ដែលនឹងប្រើប្រាស់កីឡាករកើតក្រោយថ្ងៃទី១ ខែមករា ឆ្នាំ២០០១ តទៅ ព្រោះនេះជាលក្ខខណ្ឌ ដែលត្រូវបំពេញក្នុងកម្មវិធីរបស់ AFC U23 ដែលជាការប្រកួតជម្រុះអូឡាំពិក ហើយពួកគេមានកាលវិភាគការប្រកួតពេញមួយឆ្នាំ។

ថ្មីៗនេះ លោក Issara Sritaro ដែលជាគ្រូបង្វឹកថ្មី បានជ្រើសរើសកីឡាករក្នុងជុំទីមួយចំនួន 62 នាក់ ដើម្បីត្រៀមធ្វើតេស្តពិនិត្យទម្រង់លេង និងវាយតម្លៃលទ្ធផលផ្សេងៗជាបន្តបន្ទាប់ នៅក្នុងលីគបាល់ទាត់អាជីពជាមួយភ្នាក់ងារ។

ដោយសមាគមកីឡាបាល់ទាត់នឹងធ្វើសេចក្តីជូនដំណឹងដល់ភ្នាក់ងាររបស់កីឡាករ គ្រូបង្វឹក និងបុគ្គលិកគ្រូបង្វឹកនឹងពិចារណាលើការជ្រើសរើសអត្តពលិក ដើម្បីរៀបចំក្រុមសម្រាប់បោះជំរុំហ្វឹកហាត់នៅចន្លោះថ្ងៃទី ៥-១៥ ខែធ្នូ ឆ្នាំ២០២២ ។

សម្រាប់​ក្រុម​ជម្រើសជាតិ​ថៃ​អាយុ​ក្រោម​២៣​ឆ្នាំ​​នឹង​មាន​កម្មវិធី​ប្រកួតកម្តៅ​សាច់ដុំ​អន្តរជាតិ​ចំនួន​២ ​ជាមួយ​ក្រុម​ជម្រើសជាតិ​ឡាវ នៅ​កីឡដ្ឋាន Thammasat ថ្ងៃទី ១១ និង ១៤ ខែធ្នូ ឆ្នាំ ២០២២ វេលា​ម៉ោង ៥:៣០ ល្ងាច​។