(Khmer) យោងតាមសារព័ត៌មាន Telegraph បានឱ្យដឹងថា Alejandro Garnacho ជិតនឹងចុះហត្ថលេខាលើកិច្ចសន្យារយៈពេលវែងថ្មីនៅ Manchester United ។

កីឡាករវ័យ 18 ឆ្នាំរូបនេះត្រូវជាប់កិច្ចសន្យារហូតដល់ថ្ងៃទី 25 ខែមិថុនា ប៉ុន្តែក្រុមបិសាចក្រហមចង់ផ្តល់រង្វាន់បន្ថែមដល់ខ្សែបម្រើស្លាបជាមួយនឹងលក្ខខណ្ឌប្រសើរឡើងជាងមុនបន្ទាប់ពីបង្ហាញទម្រង់​លេង​ដ៏​ល្អរបស់គាត់។

ទោះបីជាគ្រប់គ្នានៅ Old Trafford ជឿថា Garnacho មាន “សក្តានុពលដ៏ធំធេង​ក៏ដោយ Erik ten Hag ត្រូវបានគេនិយាយថាចង់ជៀសវាងការផ្តល់ឱ្យកីឡាករនូវ​កុងត្រា “លឿនពេក” ។

កីឡាករសញ្ជាតិអាហ្សង់ទីនរូបនេះបានបង្ហាញខ្លួនក្នុង 16 ប្រកួតសម្រាប់ Man United ក្នុងរដូវកាលនេះ ដោយស៊ុតបញ្ចូលទីបាន 2 គ្រាប់ និងបញ្ជូនបាល់ឱ្យមិត្តរួមក្រុមចំនួន 5 ដង ខណៈដែលគាត់កំពុងសម្លឹងរកការបង្កើតខ្លួនគាត់ជាកីឡាករចូល​លេងក្នុងជម្រើស​១១នាក់ប្រចាំក្រុមឈុតធំ។

ប្រភព៖ Telegraph