(Khmer) នៅ​រសៀល​ថ្ងៃទី២៥ខែកុម្ភៈឆ្នាំ២០២២​នេះ កីឡដ្ឋាន អេស អរ យូ​របស់​ក្លិបសៀមរាប យូណាយធីត​ពេល​នេះ​បាន​ប្ដូរឈ្មោះទៅ​ជា កីឡដ្ឋានហនុមាន ឬ Hanuman Stadium បន្ទាប់​ពី​ទទួលបាន​ម្ចាស់​ឧបត្ថម្ភថ្មីផ្ដាច់​មុខ​ពីក្រុមហ៊ុន ហនុមាន ប៊ែវើរីជីស។

ក្នុងសន្និសីទកាសែតប្រកាស​ពី​ការ​ចាប់​ដៃគូឧបត្ថម្ភនេះមាន​ការ​ចូលរួម​ពី​លោក បួយ ដារី​អគ្គលេខាធិការក្លិបបាល់​ទាត់​សៀម រាបយូរណាយធីត និងលោក Chas Geschke ​នាយកប្រតិបត្តិក្រុមហ៊ុនហនុមាន ប៊ែវើរីជីសនៅ​ទីក្រុងភ្នំពេញ។

លោក Chas Geschke នាយកប្រតិបត្តិនៃក្រុមហ៊ុន ហនុមាន ប៊ែវើរីជីស បានមានប្រសាសន៍ថា ក្រុមហ៊ុន ហនុមាន ប៊ែវើតីជីស មាន​គោលបំណងចង់​ចូល​រួមចំណែកក្នុងការ​លើក​ស្ទួយវិស័យក្នុងប្រទេស​កម្ពុជា ជាពិសេសគឺ​កីឡាបាល់​ទាត់ឱ្យ​កាន់​តែ​រីកចម្រើន ហើយ​ដោយ​ឃើញថាក្លិបបាល់​ទាត់​សៀមរាប យូណាយធីតជាក្លិបបាល់​ទាត់មាន​ទស្សនៈវិស័យវែងឆ្ងាយ ការ​គ្រប់គ្រងល្អ និង​មានកីឡាករពោពេញដោយ​គុនភាព និង​មាន​សក្កដានុពល ទើប​ក្រុមហ៊ុនសម្រេច​ចិត្តចុះហត្ថលេខាក្នុងនាមជាដៃគូរសហកា​រ​រយៈពេល១្នាំតែម្ដង ដើម្បីជាជំនួយគាំទ្រ ដល់ទស្សនៈគាំទ្រ ដើម្បីទស្សនៈវែងឆ្ងាយរបស់​ក្លិបកីឡាខេត្តសៀមរាប។