(Khmer) ការប្រកួតប្រជែងរបស់ក្រុម U-23ម៉ាឡេស៊ីក្នុងព្រឹត្តិការណ៍ស៊ីហ្គេមឆ្នាំ ២០២១ ត្រូវបានបញ្ចប់នៅពេលដែលពួកគេបានបញ្ចប់ក្នុងចំណាត់ថ្នាក់លេខ ៤ បន្ទាប់ពីចាញ់ឥណ្ឌូនេស៊ីក្នុងការប្រកួតដណ្ដើមមេដាយសំរឹទ្ធ។
ភ្លាមៗបន្ទាប់ពីនោះ ក្រុមប្រឹក្សាកីឡាជាតិ (NSC) បានចេញផ្សាយរបាយការណ៍សង្ខេបនៃការសម្តែងគុណផលរបស់អត្តពលិកជាតិដែលបានលេងនៅទីក្រុងហាណូយ ហើយពួកគេបានដាក់ក្រុមបាល់ទាត់បុរសនៅក្នុងប្រភេទកីឡាដែលបរាជ័យ។
ព័ត៌មាននេះត្រូវបានចែករំលែកដោយអ្នកយកព័ត៌មាន Astro Arena លោក Syakirah Zulkifly ដែលរួមដំណើរជាមួយក្រុមបាល់ទាត់ជម្រើសជាតិ U-23 និងក្រុម futsal ផ្នែកបុរស ដែលបានបញ្ចប់ការប្រកួតនៅបាតតារាងដោយមិនបានទទួលជ័យជម្នះណាមួយឡើយ និងទទួលបានតែមួយពិន្ទុប៉ុណ្ណោះ។
មុនការប្រកួត គ្រូបង្វឹកក្រុម U-23 លោក Brad Maloney មិនបានកំណត់គោលដៅណាមួយ សម្រាប់ក្រុមដែលគាត់ចង់ឃើញ មុនពេលលេងក្នុងការប្រកួត AFC U-23 នៅប្រទេសអ៊ូសបេគីស្ថានខែមិថុនានេះទេ។ លើសពីនេះ Brad ក៏មិនបាននាំយកកីឡាករលើសអាយុឱ្យចូលរួម ដោយលោកចង់ផ្តល់ឱកាសដល់កីឡាករវ័យក្មេងបានបង្ហាញសមត្ថភាព តែបែបនេះបានធ្វើឱ្យក្រុមរបស់លោកបរាជ័យ។
Rumusan prestasi sukan oleh Majlis Sukan Negara @ASTROARENA #SEAGames2021 #SokongMalaysia #SemarakJuara pic.twitter.com/iqzcWs9LSF
— Syakirah Zulkifly (@SykrhZlkfly) May 22, 2022
ថ្វីត្បិតតែមិនត្រូវបានកំណត់គោលដៅក៏ដោយ ប៉ុន្តែក្រុមជម្រើសជាតិបានបង្ហាញទម្រង់លេងយ៉ាងល្អ ដែលពួកគេអាចឆ្លងផុតការប្រកួតវគ្គចែកពូលតាមពីក្រោយប្រទេសថៃ និងឈានទៅវគ្គពាក់កណ្តាលផ្តាច់ព្រ័ត្រ។
បន្ទាប់ពីសកម្មភាពនៅទីក្រុងហាណូយ លោក Brad និងបុគ្គលិកគ្រូបង្វឹកត្រូវកែលម្អចំណុចខ្សោយជាបន្ទាន់ មុនពេលក្រុមជម្រើសជាតិហោះហើរទៅកាន់ទីក្រុង Tashkent ដើម្បីប្រឈមមុខនឹងការប្រកួត AFC U-23 ដែលគ្រោងនឹងចាប់ផ្តើមនៅថ្ងៃទី 2 ខែមិថុនា។ ក្រុមជម្រើសជាតិម៉ាឡេស៊ី U23 ស្ថិតក្នុងពូល C ជាមួយកូរ៉េខាងត្បូង និងពីរក្រុមទៀតមកពីតំបន់អាស៊ីអាគ្នេយ៍គឺថៃ និងវៀតណាម។
ក្រឡេកទៅមើលក្រុមក្នុងពូល C ម៉ាឡេស៊ីមានឱកាសឡើងទៅវគ្គបន្ត។ នៅក្នុងឆ្នាំ 2018 ក្រុមបាល់ទាត់ជម្រើសជាតិដែលបង្វឹកដោយលោក Datuk Ong Kim Swee បានឡើងទៅកាន់វគ្គ 1/4 ផ្តាច់ព្រ័ត្រ ប៉ុន្តែចាញ់កូរ៉េខាងត្បូង។
