(Khmer) ខ្សែប្រយុទ្ធ Cristiano Ronaldo បានសារភាព ថា រូបគេមិនសប្បាយចិត្តជាមួយនឹងលទ្ធផលរបស់ Manchester United នៅក្នុងឆ្នាំ២០២១កន្លងទៅឡើយ។
កីឡាករសញ្ជាតិព័រទុយហ្កាល់ខាងលើ បានចាកចេញពី Juventus ដើម្បីផ្ទេរមកកាន់ Manchester United វិញជាលើកទី២កាលពីដើមរដូវកាល ហើយ រូបគេនៅតែបង្ហាញនូវទម្រង់េលងបានល្អដោយអាចរកគ្រាប់បាល់បានចំនួន១៤គ្រាប់គិតគ្រប់ព្រឹត្តិការណ៍។
Ronaldo បាននិយាយថា៖
«ការវិលត្រឡប់មកកាន់កីឡដ្ឋាន Old Trafford វិញ នឹងក្លាយទៅជារឿងដ៏អស្ចារ្យបំផុតមួយនៅក្នុងអាជីពរបស់ខ្ញុំ។ យ៉ាងណាក៏ដោយ ខ្ញុំមិនសប្បាយចិត្តជាមួយលទ្ធផលរបស់ក្រុមឡើយ ហើយ គ្មាននរណាម្នាក់នៅក្នុងក្រុមសប្បាយចិត្តដូចគ្នា។ ពួកយើងដឹង ថា យើងត្រូវតែប្រឹងប្រែងឲ្យបានខ្លាំង និង ទទួលបានលទ្ធផលគាប់ប្រសើរជាងពេលបច្ចុប្បន្ននេះ៕»
