(Khmer) យុវជនវ័យក្មេង Rodrygo បានបង្ហាញពីមហិច្ឆតានៅក្នុងឆ្នាំ២០២២នេះ ដោយ បានដាក់គោលដៅចង់ឈ្នះពានរង្វាន់ World Cup ជាមួយក្រុមជម្រើសជាតិប្រេស៊ីល។

Rodrygo បានលើកឡើងបែបនេះបន្ទាប់ពី ប្រេស៊ីល បានកក់កៅអីឡើងទៅកាន់ជុំផ្តាច់ព្រ័ត្រនៃព្រឹត្តិការណ៍ World Cup ដែលរៀបចំនៅប្រទេសកាតារួចរាល់ហើយ ទោះបីជាក្រុមនៅសេសល់ការប្រកួតជម្រុះនៅតាមតំបន់ក៏ដោយ។

Rodrygo បាននិយាយថា៖«ប្រជាជនប្រេស៊ីលទាំងអស់ចង់ទៅប្រទេសកាតា។ ខ្ញុំនឹងប្រឹងប្រែងដើម្បីមានឈ្មោះទៅលេងនៅទីនោះ។ ប្រសិនបើខ្ញុំលេងបានល្អ ខ្ញុំមានឱកាសនឹងទៅ។ ប្រសិនបើខ្ញុំត្រូវជ្រើសរើសពានរង្វាន់ដើម្បីឈ្នះនៅក្នុងឆ្នាំ ២០២២ នេះ ខ្ញុំនឹងជ្រើសរើស World Cup»៕