(Khmer) ប្រធានក្លិប Chelsea មានភាគហ៊ុនធំមួយនៅក្នុងក្រុមហ៊ុនផលិតដែករុស្ស៊ី ដែលអ្នកជំនាញសម្ភារៈនិយាយថា ត្រូវបានប្រើដើម្បីធ្វើរថក្រោះយោធាដែលកំពុងឈ្លានពានអ៊ុយក្រែន។
ម្ចាស់ក្លឹបតោខៀវ Chelsea បានផ្ទេរភាគហ៊ុនរបស់គាត់នៅក្នុងក្រុមហ៊ុន EVRAZ ដែលជាក្រុមហ៊ុនផលិតដែកដ៏ធំរបស់រុស្ស៊ីដោយផ្ទាល់ទៅខ្លួនគាត់ពីក្រុមហ៊ុននៅឯនាយសមុទ្រនៅថ្ងៃទី 16 ខែកុម្ភៈ 8 ថ្ងៃមុនពេលលោក Vladimir Putin បញ្ជាឱ្យមានការឈ្លានពានអ៊ុយក្រែន។
អ្នកវិភាគបានប្រាប់ Sportsmail ថាការផ្ទេរភាគហ៊ុន 28.64 ភាគរយពី Greenleas International Holdings Ltd ដែលបានចុះបញ្ជីនៅកោះ Virgin Islands អាចធ្វើឱ្យគាត់កាន់តែងាយរងគ្រោះទៅនឹងទណ្ឌកម្មដែលបានធ្វើតាមការឈ្លានពានអ៊ុយក្រែន ហើយការផ្ទេរនេះ វាក៏អាចធ្វើឱ្យភាគហ៊ុនរបស់គាត់កាន់តែងាយស្រួលក្នុងការលក់។ មិនដូចការគិតឯណា!តម្លៃនៃភាគហ៊ុនបានធ្លាក់ចុះចាប់តាំងពីកងកម្លាំងរបស់លោកពូទីនវាយប្រហារអ៊ុយក្រែន។
អ្នកនាំពាក្យរបស់ Abramovich បាននិយាយថា ក្រុមហ៊ុន EVRAZ នៅក្នុងប្រទេសរុស្ស៊ីផលិតតែដែកសម្រាប់ថ្វើ “ផ្លូវដែក និងសំណង់“នានា ។ នៅក្នុងឯកសារឆ្នាំ 2017 ដែលផលិតដោយ EVRAZដែលជាផ្នែកមួយនៃការស៊ើបអង្កេតលើការនាំចូលដែកថែបនៅសហរដ្ឋអាមេរិក EVRAZ បាននិយាយថាប្រតិបត្តិការនៅទីក្រុង Chicago របស់ខ្លួនផលិត ‘ផលិតផលជាច្រើនដែលសំខាន់ចំពោះសន្តិសុខជាតិរបស់សហរដ្ឋអាមេរិក… ដូចជាបន្ទះពាសដែកសម្រាប់យោធាអាមេរិកជាដើម។
តែយ៉ាងណា! មកដល់ពេលនេះក្រុមហ៊ុន EVRAZ មិនអាចទាក់ទងសុំការអត្ថាធិប្បាយបានទេ។ វិទ្យាស្ថានវ៉ារស្សាវ៉ាដែលជាស្ថាប័នគិតគូរផ្នែកទំនាក់ទំនងអន្តរជាតិដែលមានឯកទេសនៅអឺរ៉ុបខាងកើត គឺមិនច្បាស់ថាតើលោក Abramovich មានភាគហ៊ុននៅក្នុងក្រុមហ៊ុនប្រេងយក្សរុស្ស៊ី Rosneft ដែរឬក៏យ៉ាងណា ដោយក្រុមហ៊ុនមួយនេះបានវិនិយោគជិត 225 លានផោននៅក្នុងភាគហ៊ុននៅពេលក្រុមហ៊ុននេះបូមប្រេងក្នុងឆ្នាំ 2006 ។
Rosneft គឺជាអ្នកផលិតប្រេងឆៅដ៏ធំបំផុតមួយរបស់រុស្ស៊ី។ ប្រេង បានក្លាយអ្នកផ្គត់ផ្គង់ដ៏សំខាន់មួយទៀតនៃយោធារបស់ខ្លួន។ គេហទំព័រ Rosneft ដែលរួមបញ្ចូលព័ត៌មានលម្អិតរបស់ក្រុមហ៊ុន មិនអាចចូលក្នុងចក្រភពអង់គ្លេសបានទេកាលពីថ្ងៃអង្គារ។
អ្វីៗដែលកើតឡើងពេលនេះគឺ Abramovich កំពុងតែពិបាកចិត្តក្នុងការគ្រប់គ្រងទ្រព្យសម្បត្តិរបស់លោកពិសេសគឺក្លិប Chelsea ដែលលោកបានសម្រេចចិត្តដាក់ដេញថ្លៃលក់ចេញ ក្រោយរដ្ឋាភិបាលអង់គ្លេសដាក់ទណ្ឌកម្មលោកដែលជាផ្នែកមួយនៃការសម្រេចចិត្តរបស់លោក Putin ចូលឈ្លានពានអ៊ុយក្រែន។
ប្រភព៖ Daily Mail
