(Khmer) ខ្សែប្រយុទ្ធ Karim Benzema បានបកស្រាយពីហេតុផលដែលគេសម្រេចចិត្តទាត់បាល់ប៉េណាល់ទី ដោយប្រើស្ទីលបន្តក់បាល់ (Panenka) ទល់នឹង អ្នកចាំទី Ederson កាលពីយប់មិញ។

កាលពីយប់មិញនេះ Benzema បានរកគ្រាប់បាល់បញ្ចូលពីរគ្រាប់ម្នាក់ឯង ប៉ុន្តែវាមិនគ្រប់គ្រាន់ក្នុងការជួយក្រុមស្វែងរកលទ្ធផលល្អបានឡើយ ដោយ Real Madrid បានចាញ់ Man City ក្នុងលទ្ធផល ៤ទល់នឹង៣ នៃការប្រកួតវគ្គពាក់កណ្តាលផ្តាច់ព្រ័ត្រ ជើងទី១ ក្របខណ្ឌ Champions League។

ទាក់ទងនឹងការទាត់បាល់ប៉េណាល់ទី Benzema បាននិយាយថា៖«ខ្ញុំតែងតែមានវានៅក្នុងក្បាលរបស់ខ្ញុំថា ប្រសិនបើអ្នកមិនទទួលការទាត់បាល់ប៉េណាល់ទីទេ នោះ អ្នកនឹងមិនដែលខកខានការទាត់បាល់ពិន័យនេះឡើយ។ នេះគឺជាទំនុកចិត្តលើខ្លួនឯង។ ដូច្នេះខ្ញុំក៏ធ្វើវា ហើយ វាទទួលបានជោគជ័យ»៕