(Khmer) យោងតាមសារព័ត៌មានអ៊ីតាលី La Gazzetta dello Sport បានឲ្យដឹងថា Real Madrid បានត្រៀមខ្លួនរួចជាស្រេចក្នុងការចំណាយប្រាក់ 1 ពាន់លានអឺរ៉ូ ដើម្បីចុះហត្ថលេខាលើ Kylian Mbappe ពី PSG នៅរដូវក្តៅក្រោយ។

នេះ​ជា​ការ​គណនា​សាមញ្ញ​មួយ​នៃ​របៀប​ដែល Real Madrid ត្រូវចំណាយ ៖

-ថ្លៃផ្ទេរ៖ ១៥០ លានអឺរ៉ូ

-ប្រាក់​ខែ​សម្រាប់​បួន​រដូវ​កាល៖ ៦៣០លានអឺរ៉ូ

-ប្រាក់បន្ថែម និងសិទ្ធិរូបភាព៖ ២២០លានអឺរ៉ូ

តម្លៃនេះ​អាច​និយាយ​បាន​ថាវា​ពិត​ជាច្រើន​ណាស់ សឹង​ថា​ទិញបាន​ក្លិប​ល្មមៗ​បាន​មួយ ហើយ​បើ​ក្លិប​អធិរាជស​ហ៊ានចំណាយ​មែន​នោះ​វាជារឿងដ៏​ឆ្កួតលីលា​មួយ។ ទោះបីជាយ៉ាងណាក៏ដោយ Mbappe គឺជាកីឡាករមានទេពកោសល្យជំនាន់ក្រោយ ហើយគាត់ទើបតែមានអាយុ 24 ឆ្នាំប៉ុណ្ណោះ។

ការពិតគឺថាអនាគតរបស់ Mbappe មិនទាន់ត្រូវបានពិភាក្សារហូតដល់ចុងបញ្ចប់នៃរដូវកាលក្រោយ នៅពេលដែលគាត់ចូលដល់ឆ្នាំចុងក្រោយនៃកិច្ចសន្យាជាមួយ PSG ។

មុននេះ Relevo បានរាយការណ៍ថា Real Madrid មិនទាន់បិទទ្វារលើការ​ចុះកុងត្រាយក Mbappe ទេ បន្ទាប់ពីរឿងផ្ទេរដ៏ខកចិត្តជាមួយកីឡាករកាលពីរដូវក្តៅមុន។

ថ្មីៗនេះ វីរបុរសរបស់ក្លឹប Real Madrid លោក Guti បាននិយាយថា គាត់បានលើកលែងទោស Mbappe បន្ទាប់ពីបានមើលការសម្តែងដ៏អស្ចារ្យរបស់គាត់នៅ World Cup ខណៈពេលដែលជំរុញឱ្យ Madrid ព្យាយាមម្តងទៀតសម្រាប់ការចុះហត្ថលេខារបស់គាត់។

តាម​មើល​ទៅ​រឿង​នេះ​មិន​ទាន់​ចប់​ទេ។

ប្រភព៖ La Gazzetta dello Sport