(Khmer) លោក Ralf Rangnick ដែលជាអ្នកចាត់ការទូទៅក្លិប Manchester United បានបញ្ជាក់ថា កីឡាកររបស់ខ្លួន៥រូបនឹងខកខានជួយក្រុមក្នុងការប្រកួតរាត្រីនេះ។

Man Utd នឹងត្រូវធ្វើដំណើរទៅកាន់កីឡដ្ឋាន The American Express Community Stadium ដើម្បីប្រកួតទល់នឹង Brighton ក្នុងក្របខណ្ឌ Premier League ខណៈ កាលពីជើងទី១ ក្រុមបិសាចក្រហមទទួលបានជ័យជម្នះក្នុងលទ្ធផល ២ទល់នឹង០។

យ៉ាងណាក៏ដោយ សម្រាប់ការប្រកួតនេះ Man Utd នឹងត្រូវអវត្តមានកីឡាករសំខាន់ៗដល់ទៅប្រាំរូបដែលមានដូចជា Eric Bailly, Marcus Rashford Jadon Sancho, Luke Shaw និង Paul Pogba ដែលអ្នកទាំងប្រាំសុទ្ធដែលមានបញ្ហារបួស៕