(Khmer) លោក Ralf Rangnick ដែលជាអ្នកចាត់ការរបស់ Manchester United បានប្រាប់ Cristiano Ronaldo ថា រូបគេត្រូវបានប្តូរចេញដើម្បីតែរឿងម្យ៉ាងប៉ុណ្ណោះ គឺ ផលប្រយោជន៍ក្រុម ក្នុងការប្រកួតយប់មិញទល់នឹង Brentford។
Man Utd បានយកឈ្នះ Brentford ក្នុងលទ្ធផល ៣ទល់នឹង១ កាលពីយប់មិញ ប៉ុន្តែ រឿងដ៏គួរឲ្យចាប់អារម្មណ៍នោះ គឺ លោក Rangnick បានសម្រេចចិត្តផ្លាស់ប្តូរ Ronaldo ចេញសម្រាកត្រឹមនាទីទី៧១ ជំនួសមកវិញដោយ Harry Maguire ដែលរឿងនេះបានធ្វើឲ្យកីឡាករសញ្ជាតិព័រទុយហ្កាល់ខាងលើខឹងសម្ប៉ាជាខ្លាំង។
លោក Rangnick បាននិយាយថា៖«ប្រតិកម្មដែលខ្ញុំដឹងពី Ronaldo គឺ គេបានសួរខ្ញុំ ថា ហេតុអ្វីបានជាប្តូរគេ? ខ្ញុំបានប្រាប់គាត់វិញ ថា ត្រូវស្តាប់ខ្ញុំ ខ្ញុំធ្វើបែបនេះដើម្បីផលប្រយោជន៍ក្រុម និង ក្លិបទាំងមូល។ ពួកយើងជួបនូវរឿងបែបនេះម្តងហើយកាលពីពេលប៉ះ Aston Villa ដោយពួកយើងបាននាំមុខមុន ២ទល់នឹង០។ ដូច្នេះខ្ញុំមិនចង់ឲ្យកំហុសនេះកើតឡើងម្តងទៀតឡើយ។ Ronaldo មិនសប្បាយចិត្តទេ ប៉ុន្តែ រឿងដែលសំខាន់បំផុត គឺ យើងត្រូវការចំនួនជើង និង ចំនួនក្បាលដើម្បីរារាំងបាល់ Free-Kick និង បាល់ជ្រុងពីសំណាក់ក្រុមគូប្រកួត»៕
When you get subbed off for Harry Maguire. #BREMUN pic.twitter.com/HQauoek45k
— Sasha Goryunov (@Slasherrrr) January 19, 2022
