(Khmer)
កាលពីថ្មីៗនេះ ខ្សែការពារស្លាបស្តាំ Nguyen Trong Hoang បានប្រកាសថាលោកនឹងចូលនិវត្តន៍ពីក្រុមជម្រើសជាតិវៀតណាម។ គាត់បានបង្ហោះថា «បញ្ចប់រឿងរ៉ាវ ១៤ឆ្នាំ សម្រាប់អាវនេះ។ អ្នកគាំទ្រតែងតែនិយាយថា Hoang “កីឡាករគ្មានសួត” ប៉ុន្តែការពិតគឺថា Hoang “មានសួត” ហើយរាល់ការធ្វើដំណើរគួរតែមានកន្លែងបញ្ចប់។
កីឡាករមានវ័យ ៣៤ឆ្នាំរូបនេះ បានធ្វើការសម្រេចចិត្តបន្ទាប់ពីការប្រកួតមិត្តភាពជាមួយ Dortmund នៅល្ងាចថ្ងៃទី៣០ ខែវិច្ឆិកា។ គាត់ចាត់ទុកថា ការប្រកួតនេះជាអនុស្សាវរីយ៍ ដើម្បីបង្ហាញពីដំណើរដ៏អស្ចារ្យ និងស្រស់ស្អាតបំផុតក្នុងអាជីពរបស់គាត់។
សហព័ន្ធកីឡាបាល់ទាត់វៀតណាម (VFF) បាននិយាយថា លោក Trong Hoang មានអារម្មណ៍មិនស្រួលនៅឌីសឆ្អឹងខ្នងរបស់គាត់ ។ គាត់បានចែករំលែក និងពិភាក្សារឿងរ៉ាវរបស់គាត់ជាមួយគ្រូបង្វឹក Park Hang Seo ។ លោក Park បានយល់ព្រមឱ្យ Trong Hoang ត្រឡប់ទៅស្រុកកំណើតវិញ ដើម្បីបន្តផ្តោតលើការព្យាបាល។
Trong Hoang បានចូលរួមជាមួយក្រុមវៀតណាមជាលើកដំបូងក្នុងឆ្នាំ 2009 ។ គាត់បានបង្ហាញខ្លួនចំនួន 73 ដង និងស៊ុតបញ្ចូលទីបាន 12 គ្រាប់។ គាត់ឈ្នះជើងឯក AFF Cup 2018, មេដាយមាស SEA Games លើកទី 30 នៅហ្វីលីពីន និងជើងឯករង King’s Cup 2019 នៅប្រទេសថៃ។
