(Khmer) Paul Pogba អាចនឹងត្រលប់មកហ្វឹកហាត់ជាក្រុមជាមួយ Juventus វិញក្នុងរយៈពេល 8 សប្តាហ៍ នេះបើតាមគ្រូពេទ្យវះកាត់របួសបែកទ្រនាប់ជង្គង់បានបញ្ជាក់ក្នុងថ្ងៃពុធនេះ។ សាស្ត្រាចារ្យ Roberto Rossi មកពីមន្ទីរពេទ្យ Mauriziano ក្នុងទីក្រុង Turin បាននិយាយថា «ជាមួយនឹងក្រុមគ្រូពេទ្យរបស់ Juventus យើងបានចង្អុលបង្ហាញថាគឺរយៈពេល ៨សប្តាហ៍ ដែលជាពេលវេលាចាំបាច់សម្រាប់ Pogba ដើម្បីត្រលប់ទៅការហ្វឹកហាត់ក្រុម។ គាត់នឹងត្រូវបានគេតាមដានមុខរបួសវះកាត់ជារៀងរាល់សប្តាហ៍។ គាត់នឹងមក JMedical (មជ្ឈមណ្ឌលវេជ្ជសាស្ត្ររបស់ Juventus) ជាកន្លែងដែលមានរូបខ្ញុំនឹងតាមដាន និងណែនាំពីរបៀបនៃការព្យាបាល។

យោងតាមការប៉ាន់ប្រមាណរបស់សាស្ត្រាចារ្យ Roberto Rossi បានឲ្យដឹងថា Pogba គួរតែចូលរួមហ្វឹកហាត់ជាមួយមិត្តរួមក្រុមនៅដើមខែវិច្ឆិកា ដោយទុកពេលឲ្យគាត់ប្រហែល ៣សប្តាហ៍ដើម្បីឱ្យគាត់មានកាយសម្បទាពេញលេញសម្រាប់ការប្រកួត World Cup ។