(Khmer) លោក Mano Polking និយាយថា ការឈ្នះពាន AFF Cup គឺជាជម្រើសតែមួយគត់ ហើយក៏ចែករំលែកដែរថា ឥណ្ឌូនេស៊ី គឺជាក្រុមខ្លាំងមួយ។

ក្រោយបញ្ចប់ការចាប់ឆ្នោតពានរង្វាន់ AFF Mitsubishi Electric Cup 2022 លោក Mano Polking គ្រូបង្វឹកក្រុមជម្រើសជាតិថៃ បាននិយាយទៅកាន់ប្រព័ន្ធផ្សព្វផ្សាយ។ គាត់បានចែករំលែកគំនិតរបស់គាត់លើប្រធានបទជាច្រើនរួមទាំងទម្រង់ការប្រកួតក្នុងផ្ទះ/ក្រៅដី និងគូប្រកួតដែលគាត់ជឿជាក់ថានឹងគំរាមកំហែងដល់ការការពារតំណែងជើងឯករបស់ជម្រើសជាតិថៃ។

Mano បាន​និយាយ​ថា៖ «ខ្ញុំ​ជឿ​ថា​ទម្រង់​ការ​ប្រកួត​ក្នុង​ផ្ទះ និង​ក្រៅ​ដី​គឺ​ល្អ​សម្រាប់​អ្នក​គាំទ្រ។ “វាបង្កើតបរិយាកាសខុសគ្នាទាំងស្រុងសម្រាប់ប្រទេសនានា។ អ្នកដឹងថាអ្នកនឹងលេងហ្គេមពីរប្រកូតនៅក្នុងផ្ទះ និងលេងពីរប្រកួតនៅក្រៅដី ប៉ុន្តែអ្នកដឹងថា តើអ្នកមានហ្វូងមនុស្សគាំទ្រអ្នក (នៅក្នុងហ្គេមក្នុងផ្ទះ)ដែរឬទេ»។

«យើងជាក្រុមការពារតំណែងជើងឯក វាធ្វើឱ្យវាខុសពីលើកមុនហើយមានសម្ពាធកាន់តែច្រើនមកលើយើង។ ទោះអ្វីក៏ដោយដែលទទួលបាន​ក្រៅពីលទ្ធផលជើងឯកគឺមិនល្អ។»

ទន្ទឹមនឹងនោះ ទាក់ទងនឹងគំនិតរបស់លោក Mano ថាតើប្រទេសថៃត្រូវបានទាញចូលទៅក្នុងពូលងាយស្រួល ឬពិបាកជាងនោះ Mano បានចែករំលែកថា៖
«ខ្ញុំ​គិត​ថា​វា​ពិបាក​ក្នុង​ការ​និយាយ​ថា​អ្វី​ពិបាក​ ឬ​មិន​ពិបាក។ ប្រសិន​បើ​យើង​ត្រូវ​ចេញ​ទៅ​ប្រទេស​ឥណ្ឌូនេស៊ី វា​នឹង​ក្លាយ​ជា​ការ​ប្រកួត​ដ៏​លំបាក។ ខ្ញុំ​គិត​ថា​ក្រុម​ស្រដៀង​គ្នា​ខ្លាំង​ណាស់ យើង​មិន​អាច​ជ្រើស​រើស​បាន​ទេ»។

ពេល​សួរ​ថា​ក្រុម​ណា​ដែល​គាត់​ជឿ​ថា​នឹង​ពិបាក​បំផុត​ក្នុង​ការ​ប្រកួត​ជាមួយ​គាត់​បាន​និយាយ​ថា៖

«ក្នុង​ចំណាត់ថ្នាក់ FIFA វៀតណាម​នៅ​លើស​ថៃ។​ ប៉ុន្តែ​ខ្ញុំ​គិត​ថា​ក្នុង​ការ​ប្រកួត​ចុង​ក្រោយ​នេះ ខ្ញុំ​មើល​ឃើញ​ថា ឥណ្ឌូណេស៊ី ម៉ាឡេស៊ី និង​ហ្វីលីពីន​សុទ្ធ​តែ​ល្អ ប៉ុន្តែ​ឥណ្ឌូនេស៊ី ជាពិសេស​ខ្ញុំ​គិត​ថា​ពួកគេ​លេង​ជាមួយ​គ្នា​យូរ​មក​ហើយ​ជាមួយ​គ្រូ​បង្វឹក​ដូចគ្នា ពួកគេជាក្រុមខ្លាំង។»

ថៃ​ជាប់​ក្នុង​ពូល A ជាមួយ​ហ្វីលីពីន ឥណ្ឌូណេស៊ី កម្ពុជា និង​ឈ្នះ​រវាង​ប្រ៊ុយណេ និង​ទីម័រខាងកើត។ ពូល B មាន វៀតណាម ម៉ាឡេស៊ី សិង្ហបុរី មីយ៉ាន់ម៉ា និងឡាវ។ ពានរង្វាន់ AFF Mitsubishi Electric Cup 2022 នឹងចាប់ផ្តើមនៅថ្ងៃទី 23 ខែធ្នូ ឆ្នាំ 2022 និងបញ្ចប់នៅថ្ងៃទី 15 ខែមករា ឆ្នាំ 2023។