(Khmer) លោក Pep Guardiola ដែលជាអ្នកចាត់ការទូទៅរបស់ Manchester City បានបង្ហាញពីការយល់ឃើញចំពោះការប្រកួតទល់នឹង Real Madrid។

នៅរាត្រីនេះ Man City នឹងត្រូវមានភារកិច្ចសំខាន់បើកទ្វារកីឡដ្ឋាន Etihad Stadium របស់ខ្លួនស្វាគមន៍ Real Madrid ក្នុងការប្រកួតជើងទី១ វគ្គ៤ក្រុមចុងក្រោយ នៃក្របខណ្ឌ Champions League។

លោក Pep បាននិយាយថា៖«វាមិនចាំបាច់ក្នុងការនិយាយថា Real Madrid ល្អប៉ុណ្ណានោះទេ។ ប្រសិនបើយើងត្រូវប្រកួតប្រជែងជាមួយនឹងប្រវត្តិសាស្រ្តរបស់ពួកគេ យើងមិនមានឱកាសទេ។ ប្រវត្តិសាស្រ្តត គឺ ប្រវត្តិសាស្រ្ត ហើយ យើងមិនអាចផ្លាស់ប្តូរវាបានទេ ប៉ុន្តែវាគឺជាការប្រកួត ១១ទល់នឹង១១ ជាមួយនឹងបាល់មួយដែលផ្លាស់ទី។ យើងនឹងព្យាយាមធ្វើការប្រកួតឲ្យបានល្អ ។ យើងត្រូវលេងពីរប្រកួតឲ្យបានល្អដើម្បី ឈានដល់វគ្គផ្ដាច់ព្រ័ត្រ»៕