(Khmer) Manchester United កំពុងស្វែងរកលទ្ធភាពក្នុងការចុះហត្ថលេខាលើខ្សែប្រយុទ្ធម្នាក់ក្នុងខែមករា។យោងតាម Fabrizio Romano តាម​ពិត​ទៅ ក្លឹបមានគម្រោងវិនិយោគនៅរដូវក្តៅក្រោយឯណោះទេ។

ទោះបីជាយ៉ាងណាក៏ដោយ បន្ទាប់ពីការចាកចេញរបស់ Cristiano Ronaldo បិសាចក្រហមអាចនឹងត្រូវបង្ខំឱ្យធ្វើការពង្រឹងតំបន់ប្រយុទ្ធឱ្យបានឆាប់។ United មាន​ការ​ខ្វះខាតខ្សែប្រយុទ្ធ​ខ្លាំង ដោយ​មាន Anthony Martial ជា​ខ្សែ​ប្រយុទ្ធ​ក្នុង​ប្រអប់​តែ​ម្នាក់​គត់។ Marcus Rashford អាចលេងនៅទីនោះបាន​ដែរ ប៉ុន្តែលោក Erik ten Hag នឹងសម្លឹងរកការបន្ថែមខ្សែប្រយុទ្ធដល់ក្រុមរបស់គាត់។

បិសាចក្រហមនឹងត្រូវជួបជាមួយ Burnley ក្នុងពានរង្វាន់ Carabao Cup នៅថ្ងៃទី 21 ខែធ្នូ មុនពេលការប្រកួត Premier League ជាមួយ Nottingham Forest ប្រាំមួយថ្ងៃក្រោយមក។

ប្រភព៖ Fabrizio Romano