(Khmer) ក្រុមបាល់ទាត់ជម្រើសជាតិម៉ាឡេស៊ី នឹងប្រកួតមិត្តភាពអន្តរជាតិចំនួន២ប្រកួត ដើម្បីត្រៀមលក្ខណៈរៀបចំសម្រាប់ការប្រកួតវគ្គជម្រុះ Asian Cup 2023 ជុំចុងក្រោយនៅខែកំឡុងខែមិថុនាខាងមុខនេះ។ ក្នុងកំឡុងថ្ងៃ FIFA Days ក្រុមទ័ពខ្លាលឿងម៉ាឡេស៊ី នឹងជួបប្រ៊ុយណេនៅថ្ងៃទី២៣ ឧសភា ឆ្នាំ២០២២ និងបន្ទាប់មកហុងកុងនៅថ្ងៃទី១ ខែមិថុនា ឆ្នាំ២០២២។

លោក Kim Pan-gon គ្រូបង្វឹកម៉ាឡេស៊ីបានកោះហៅកីឡាករចំនួន ២៩នាក់សម្រាប់ជំរុំហ្វឹកហាត់ដែលនឹងចាប់ផ្តើមនៅថ្ងៃទី១៩ ខែឧសភាឆ្នាំ២០២២ មុនជម្រុះយក ២៣នាក់ចុងក្រោយសម្រាប់ជម្រុះ AFC Asian Cup នៅទឹកដីខ្លួនឯង ។

សម្រាប់ការប្រកួតវគ្គជម្រុះ Asian Cup 2023 ម៉ាឡេស៊ីស្ថិតក្នុងពូល E ជាមួយ តូមិននីស្ថាន, បារ៉ែន និងបង់ក្លាដែស ដែលត្រូវប្រកួតពីថ្ងៃទី៨ ដល់ថ្ងៃទី១៤ ខែមិថុនាឆ្នាំ២០២២នេះ នៅពហុកីឡដ្ឋានជាតិ Bukit Jalil នៃទីក្រុងកូឡាឡាំពួ ប្រទេសម៉ាឡេស៊ី៕