(Khmer) យោងតាមលោក Matteo Moretto អ្នកព័ត៌មានរបស់​ Sky Sports បានឱ្យដឹងថាក្លឹប Barcelona មានឆន្ទៈក្នុងការ​ដាក់​សំណើយក Franck Kessie នូវប្រាក់បៀវត្សរ៍ខ្ពស់​គឺ 6 លានអឺរ៉ូក្នុងមួយឆ្នាំ។

ប្រាក់​បៀវត្សរ៍​សរុប​របស់ Kessie នឹងច្រើនជាងជាង​ខ្សែ​បម្រើ​វ័យ​ក្មេង​របស់ Barca បី​នាក់​រួម​បញ្ចូល​គ្នា នោះ​គឺ Pedri, Nico Gonzalez និង Gavi។ យោងតាមគេហទំព័រ Salary Spot Pedri ទទួលបានប្រាក់បៀវត្សរ៍ខ្ពស់បំផុតក្នុងចំណោមកីឡាករក្មេងៗដែលបានរៀបរាប់ខាងលើ ជាមួយនឹងប្រាក់ខែ១.៩លានអឺរ៉ូ ក្នុងមួយឆ្នាំបន្ទាប់​ពី​ចុះ​កុង​ត្រា​ថ្មី​កាល​ពី​ឆ្នាំ​មុន។

Nico រកបានត្រឹមតែ ៦០ម៉ឺនអឺរ៉ូក្នុងមួយឆ្នាំ បើទោះបីជាទទួលបានកោអី​លេង​ទៀងទាត់​ក្នុងឈុតធំ​ក៏ដោយ។ Gavi គឺជាអ្នករកចំណូលបានតិចបំផុតក្នុងចំណោមអ្នកទាំងបី ជាមួយនឹងប្រាក់ខែតិចជាង១០ម៉ឺនក្នុងមួយឆ្នាំ។ យ៉ាង​ណា​មិញ វា​អាច​នឹង​ផ្លាស់​ប្តូរ​ប្រសិន​បើ​គាត់​ចុះ​កិច្ច​សន្យា​ថ្មី​ជាមួយ Barca។

ដូច្នេះ ការរួមបញ្ចូលគ្នានៃប្រាក់ខែរបស់ Pedri, Nico និង Gaviស្មើ​២.៦លានអឺេរ៉ូ ក្នុងមួយឆ្នាំហើយ​លុយ​នេះ វាមិនស្មើសូម្បីតែពាក់កណ្តាលនៃកញ្ចប់ប្រាក់ខែដែល Kessie ទទួល​បាន​នៅ​ពេល​គាត់​ចុះកុងត្រាលេងឱ្យBarcelona។

ប្រភព៖ Sky Sports