(Khmer) ប្រធានក្រុម Liverpool កីឡាករ Jordan Henderson បានរិះគន់អ្នកគាំទ្រអង់គ្លេស ដែលបានស្រែកហ៊ោបង្អាប់ Harry Maguire អំឡុងពេលពួកគេឈ្នះ 3-0 លើក្រុមកូវឌីវ័រ។
បន្ទាប់ពីការប្រកួត Henderson បានសរសេរលើ Twitter ថា៖ «ខ្ញុំមិនអាចយល់ពីអ្វីដែលបានកើតឡើងនៅ Wembley យប់នេះទេ។ Harry Maguire បានក្លាយជាកីឡាករដ៏អស្ចារ្យសម្រាប់ប្រទេសអង់គ្លេស។ បើគ្មានរូបគេទេ ការរីកចម្រើនក្នុងការប្រកួតពីរលើកចុងក្រោយនឹងមិនអាចទៅរួចឡើយ»។
«ត្រូវគេជេរនៅកីឡដ្ឋានផ្ទះគេដោយគ្មានហេតុផល? តើយើងបានក្លាយជាអ្វី?»
«អ្វីដែលបានកើតឡើងយប់នេះគឺខុសហើយ។ ក្នុងនាមជាអ្នកដែលចង់ឈ្នះជាមួយនឹងក្រុមជម្រើសជាតិអង់គ្លេស ខ្ញុំមានសំណាងដែលបានរួមបន្ទប់ផ្លាស់សំលៀកបំពាក់ជាមួយគាត់។ យើងទាំងអស់គ្នាមានអារម្មណ៍ដូចគ្នា»។
ក្រៅពីមិត្តរួមក្រុមជម្រើសជាតិអង់គ្លេសរូបនេះការពារ ប្រធានក្រុម Manchester United ថែមទាំងទទួលបានការគាំទ្រពីលោក Gareth Southgate គ្រូបង្វឹកអង់គ្លេសដែលបានការពារហើយលើកសរសើរអតីតខ្សែការពារ Leicester City រូបនេះថាជាកីឡាករលេងល្អក្នុងក្រុម ទោះបីជាមិនបានទទួលការគាំទ្រខ្លាំងនៅ Old Trafford។
— Jordan Henderson (@JHenderson) March 29, 2022
ដើម្បីឱ្យមានភាពយុត្តិធម៌ Maguire ពិតជាបានដើរតួយ៉ាងសំខាន់ក្នុងការជួយអងស់គ្លេសឡើងវគ្គពាក់កណ្តាលផ្តាច់ព្រ័ត្រក្នុងការប្រកួត World Cup 2018 និងឡើងទៅវគ្គផ្ដាច់ព្រ័ត្រក្នុង Euro 2020។ ការឆ្លងកាត់ទម្រង់លេងដ៏លំបាកមិនមានន័យថាគាត់សមនឹងទទួលបានការបំពាន ឬមើលងាយនោះទេ។
ប្រភព៖ Jordan Henderson @ Twitter
