(Khmer) កីឡាករ Lionel Messi បានសារភាពថា ក្រុមរបស់ខ្លួនពិបាកនឹងតាមបិទនិង គ្រប់គ្រង មកលើខ្សែបម្រើការពារ Jorginho ណាស់ក្នុងការប្រកួតយប់មិញ។

កាលពីយប់មិញនេះ Messi បានឈ្នះពានរង្វាន់ជាមួយក្រុមជម្រើសជាតិជាលើកទីពីររបស់ខ្លួន តាមរយៈការបំបាក់ក្រុមជម្រើសជាតិអ៊ីតាលី ក្នុងលទ្ធផល ៣ទល់នឹង០ ដើម្បីក្លាយជាម្ចាស់ជើងឯក Finalissima។

Messi បាននិយាយថា៖«វាជាការប្រកួតដ៏តឹងតែងរហូតដល់ពួកយើងអាចស្វែងគ្រាប់បាល់ទីមួយបាន។ ពួកគេជាក្រុមជម្រើសជាតិដ៏អស្ចារ្យ ហើយ ២០នាទីដំបូង ពួកយើងពិបាកនឹងគ្រប់គ្រងមកលើ Jorginho។ គាត់លេងម្នាក់ឯង ហើយ យើងមិនអាចដាក់សម្ពាធមកលើគាត់បាន ប៉ុន្តែ ក្រោយមានគ្រាប់បាល់ទី១ គ្រប់យ៉ាងបានផ្លាស់ប្តូរ»៕