(Khmer) ក្លឹបបាល់ទាត់ដែលមានជាងគេបំផុតរបស់សិង្ហបុរី Lion City Sailors កាលពីប៉ុន្មានថ្ងៃមុនបានបើកសម្ពោធមជ្ឈមណ្ឌលហ្វឹកហាត់ថ្មីរបស់ពួកគេដែលមានតម្លៃ ១០លានដុល្លារអាមេរិក ហើយបានក្លាយជាក្រុមដំបូងគេនៅក្នុងប្រទេសដែលមានមជ្ឈមណ្ឌលហ្វឹកហាត់រួមបញ្ចូលគ្នា។
The Lion City Sailors Training Centre was officially opened earlier this evening, with club Chairman Mr Forrest Li joined by Guest of Honour, Mr Edwin Tong, Minister for Culture, Community and Youth and Second Minister for Law at the opening ceremony at 8 Mattar Road. pic.twitter.com/RuyqXbvQgq
— lioncitysailorsfc (@lioncitysailors) July 28, 2022
ការសាងសង់បានចាប់ផ្តើមកាលពីខែឧសភាឆ្នាំមុន ហើយវាត្រូវបានបញ្ចប់ទៅតាមកាលវិភាគដែលបានគ្រោងទុក ដើម្បីធានាថាកីឡាករអាចប្រើប្រាស់កន្លែងហ្វឹកហាត់ដ៏ទំនើបរបស់ពួកគេ។
អ្វីដែលគួរឱ្យចាប់អារម្មណ៍ជាងនេះទៅទៀត មជ្ឈមណ្ឌលនេះក៏ត្រូវបានបំពាក់ដោយសម្ភារៈបរិក្ខារដូចជា បន្ទប់ព្យាបាលកាយសម្បទា កន្លែងហាត់ប្រាណ បន្ទប់វិភាគ ក៏ដូចជាកន្លែងសិក្សាសម្រាប់សិក្ខាកាមក្នុងសាលា។
លើសពីនេះ ទីលានបាល់ទាត់ចំនួនប្រាំក៏ត្រូវបានសាងសង់ផងដែរ ហើយនឹងក្លាយជា ‘ផ្ទះថ្មី’ សម្រាប់កីឡាករសំខាន់ៗរបស់ Sailors ក្រុមអាយុក្រោម 21 ឆ្នាំ យុវជនថ្នាល និងក្រុមនារីរបស់ពួកគេ។
ប្រធានក្លិប Lion City Sailors លោក Forrest Li បាននិយាយថាសមិទ្ធិផលនេះគឺជានិមិត្តរូបនៃការប្តេជ្ញាចិត្តរបស់ពួកគេ ក្នុងការធ្វើឱ្យបាល់ទាត់សិង្ហបុរីរស់ឡើងវិញ និងធានាឱ្យក្រុម Lion City ទទួលបានភាពជោគជ័យកាន់តែច្រើននាពេលអនាគត។
«យើងបានសាងសង់មជ្ឈមណ្ឌលនេះដោយសារហេដ្ឋារចនាសម្ព័ន្ធគឺជាមូលដ្ឋានគ្រឹះនៃប្រព័ន្ធអេកូឡូស៊ីដ៏ល្អណាមួយ»។
“ការធ្វើផែនការទីក្រុងរបស់សិង្ហបុរី បង្ហាញពីរបៀបដែលហេដ្ឋារចនាសម្ព័ន្ធដ៏ល្អឥតខ្ចោះអាចដាក់មូលដ្ឋានគ្រឹះសម្រាប់សង្គម និងសេដ្ឋកិច្ចដែលរីកចម្រើន ហើយ វាក៏ដូចគ្នាជាមួយនឹងកីឡាបាល់ទាត់ដែរ។ យើងមានសេចក្តីរំភើបរីករាយដែលបានក្លាយជាផ្នែកមួយនៃគំនិតផ្តួចផ្តើមដែលប្រកាសដោយ SportSG និង FAS ដែលមានហេដ្ឋារចនាសម្ព័ន្ធ និងការអភិវឌ្ឍន៍យុវជនជាសសរស្តម្ភចម្បងពីរ។
Introducing the Home of the Sailors ?⚓️#allhandsondeck #lioncitysailors pic.twitter.com/5DlCGjjo9X
— lioncitysailorsfc (@lioncitysailors) July 28, 2022
លោក Li បាននិយាយបន្តថា៖«យើងសង្ឃឹមថាមជ្ឈមណ្ឌលបណ្តុះបណ្តាលនេះនឹងជំរុញបាល់ទាត់ក្នុងស្រុកឱ្យកាន់តែរីកចម្រើន» ។
ក្រៅពីកីឡា មជ្ឈមណ្ឌលហ្វឹកហ្វឺនក៏ត្រូវបានបង្កើតឡើងដើម្បីគាំទ្រដល់សកម្មភាពសហគមន៍នៅ Macpherson។ នេះរួមបញ្ចូលទាំងកន្លែងមើលសាធារណៈ ហាងកាហ្វេ ក៏ដូចជាកន្លែងសហគមន៍ដែលងាយស្រួលសម្រាប់សកម្មភាពមូលដ្ឋានសម្រាប់អ្នករស់នៅទីនោះ។
កាលពីឆ្នាំមុន ក្លឹបក៏បានបណ្តាក់ទុនចំនួន ជាង១លានដុល្លារ ក្នុងការកសាងសាលាបាល់ទាត់ផ្ទាល់ខ្លួន និងទទួលបានចំណាត់ថ្នាក់ផ្កាយមួយពីសហព័ន្ធបាល់ទាត់អាស៊ី (AFC)។
