(Khmer) កីឡាបាល់ទាត់គឺជាផ្នែកមួយនៃកីឡាអាស៊ីអាគ្នេយ៍ ចាប់តាំងពីការកកើតដំបូងក្នុងឆ្នាំ 1959 ដោយ​កាល​នោះ​ប្រើ​ប្រាស់ឈុតធំ ។

ចាប់ពីការប្រកួតកីឡាអាស៊ីអាគ្នេយ៍ឆ្នាំ 2001 ដល់ការប្រកួតកីឡាអាស៊ីអាគ្នេយ៍ឆ្នាំ 2015 ការកំណត់អាយុសម្រាប់ក្រុមបុរសគឺអាយុក្រោម 23 ឆ្នាំ បូករួមទាំងកីឡាករដែលលើសអាយុ 3 នាក់សម្រាប់ក្រុមនីមួយៗ។

ពេល​នេះវាជាផ្លូវការហើយដែលការកំណត់អាយុសម្រាប់ការប្រកួតលើ​វិញ្ញាសាកីឡាបាល់ទាត់បុរសនៅស៊ីហ្គេមឆ្នាំ 2023 នៅកម្ពុជា នឹងត្រូវកាត់បន្ថយ​មកនៅអាយុក្រោម 22 ឆ្នាំ ជំនួសឲ្យអាយុក្រោម 23 ឆ្នាំ ដែលត្រូវបានប្រើប្រាស់កាលពីឆ្នាំមុនៗ។

ដូច្នេះ មានន័យ​ថា​កីឡាករត្រូវតែកើតក្នុងឆ្នាំ 2001 ឬក្រោយនេះទើបមានសិទ្ធិ។ លើសពីនេះ បទប្បញ្ញត្តិ​ក្នុង​ការ​ប្រកួត​ថ្នាក់​តំបន់​ឆ្នាំ​នេះ​ ហាមប្រាម​ប្រទេស​នានា​មិន​ឱ្យ​ចុះ​ឈ្មោះ​កីឡាករ​ដែល​មាន​អាយុ​លើសនោះទេ។ នេះខុសពីការប្រកួតឆ្នាំ 2017 និង 2019 ដែលអនុញ្ញាតឱ្យកីឡាករ 2 និង 3 នាក់ដែលជាកីឡាករ​លើសអាយុដែលបានកំណត់រៀងៗខ្លួន។ ទន្ទឹម​នឹង​នេះ ការ​កំណត់​អាយុ​ពិត​ជា​មិន​មាន​អ្វី​ថ្មី​សម្រាប់​ស៊ីហ្គេម​នោះ​ទេ។
ចាប់តាំងពីដើមទសវត្សរ៍ឆ្នាំ 2000 មក គណៈកម្មាធិការរៀបចំបានដាក់ចេញនូវច្បាប់នេះ ដើម្បីអនុញ្ញាតឱ្យអត្តពលិកវ័យក្មេងទទួលបាននូវបទពិសោធន៍ និងការបង្ហាញសមត្ថភាព ក៏ដូចជាស្របពេលជាមួយនឹងការរឹតត្បិតអាយុរបស់កីឡាអូឡាំពិក។

ខាង​ក្រោម​នេះ​យើង​មើល​ការ​កំណត់​អាយុ​ពី​ការ​ប្រកួត​បាល់​ទាត់​បុរស​ស៊ីហ្គេម​ទាំង​៥​លើក​ចុង​ក្រោយ​បង្អស់៖
-ប្រទេសសិង្ហបុរីឆ្នាំ២០១៥៖ វិញ្ញាសាបាល់ទាត់​បុរស​ប្រើ​ប្រាស់​កីឡាករវ័យក្រោម​២៣ឆ្នាំ​ហើយ​មិនមាន​កូតាកីឡាករលើសអាយុ​នោះទេ
-ប្រទេសម៉ាឡេស៊ី​ ឆ្នាំ​២០១៧៖ វិញ្ញាសាបាល់ទាត់​បុរស​ប្រើ​ប្រាស់​កីឡាករវ័យក្រោម​២៣ឆ្នាំ​ហើយ​មិនមាន​កូតាកីឡាករលើសអាយុ​នោះទេ
-ប្រទេសហ្វីលីពីន ឆ្នាំ​២០១៩៖​វិញ្ញាសាបាល់ទាត់​បុរស​ប្រើ​ប្រាស់​កីឡាករវ័យក្រោម​២៣ឆ្នាំ​ហើយ​មាន​កូតាកីឡាករលើសអាយុ​ចំនួន៣​នាក់
-ប្រទេសវៀតណាម ឆ្នាំ​២០២១៖ ​វិញ្ញាសាបាល់ទាត់​បុរស​ប្រើ​ប្រាស់​កីឡាករវ័យក្រោម​២៣ឆ្នាំ​ហើយ​មាន​កូតាកីឡាករលើសអាយុ​ចំនួន២នាក់
-ប្រទេសកម្ពុជា ឆ្នាំ២០២៣៖ ​វិញ្ញាសាបាល់ទាត់​បុរស​ប្រើ​ប្រាស់​កីឡាករវ័យក្រោម​២២ឆ្នាំ​ហើយ​មិនមាន​កូតាកីឡាករលើសអាយុ​នោះទេ