(Khmer) ខ្សែបម្រើចំណូលថ្មីក្លិប Manchester United កីឡាករ Casemiro បានបង្ហាញអំពីការយល់ឃើញថា Fred គឺ ជា កីឡាករដ៏អស្ចារ្យ។

Casemiro បានសម្រេចចិត្តចាកចេញពី Real Madrid ដើម្បីផ្លាស់មកកាន់ Man Utd នាពេលថ្មីៗនេះ ក្រោយចំណាយពេល ៩ឆ្នាំ នៅទឹកដីអេស្ប៉ាញ ខណៈ ការមកដល់ទឹកដីអង់គ្លេសនេះ គឺ ក្រុមបិសាចក្រហមបានចំណាយទឹកប្រាក់ចំពោះតម្លៃរបស់ខ្លួនរបស់គេដល់ទៅ ៥៩.៥លានផោន (ឬប្រមាណ ៧០លានដុល្លារ) ខណៈ រូបគេត្រូវបានគេរំពឹងថានឹងរ៉ាប់រង់នូវតំបន់បម្រើការពារចាប់ដៃគូជាមួយ Fred។

Casemiro បាននិយាយថា៖«Fred ជា កីឡាករដ៏អស្ចារ្យ ហើយ នេះជាមូលហេតុដែលគាត់លេងឲ្យ Man Utd និង ក្រុមជម្រើសជាតិប្រេស៊ីល ដែលវាពិតជាពិបាកមែនទែនក្នុងការសម្របខ្លួនចូល។ គេជាកីឡាករដែលមានគុណភាព គាត់មានចលនាបម្លាស់ទីល្អ បញ្ជូនបាល់ល្អ និង អាចលេងបានទាំងជើងឆ្វេង និង ស្តាំ។ ខ្ញុំគិតថា Fred នឹងរួមចំណែកជួយខ្ញុំបានច្រើននៅក្នុងក្រុម Man Utd»៕