(Khmer) ប្រធានក្រុមធំរបស់ Manchester United កីឡាករ Harry Maguire បានបញ្ជាក់ថា រូបគេមិនដែលខ្វល់ពីការរិះគន់ពីមជ្ឍដ្ឋានជុំវិញឡើយ។

ឆ្លងកាត់រដូវកាលដ៏អាប់អួរសម្រាប់ Man Utd ឲ្យរិតតែពិបាកសម្រាប់ Maguire ដែលរូបគេតែងតែទទួលបានពាក្យរិះគន់លើទម្រង់លេងស្ទើរតែគ្រប់ការប្រកួត ដោយ ជាក់ស្តែងគេបានបង្កកំហុសមួយចំនួននៅលើទីលាន ហើយ ក្នុងនាមជាប្រធានក្រុម សម្ពាធត្រូវធ្លាក់មកលើរូបគេខ្លាំង។

Maguire បាននិយាយថា៖«មនុស្សរាល់គ្នាបានសួរខ្ញុំ ថា តើការរិះគន់ប៉ះពាល់ដល់ផ្លូវចិត្តរបស់ខ្ញុំឬអត់។ ពិតណាស់ វាមិនប៉ះពាល់ទេ ប៉ុន្តែ នៅពេលដែលទទួលបានសារភាពគំរាមផ្ទុះគ្រាប់បែក គឺ វាប៉ះពាល់ ព្រោះវាទាក់ទងនឹងគ្រួសាររបស់ខ្ញុំ»។

BURNLEY, ENGLAND – FEBRUARY 08: Harry Maguire of Manchester United applauds fans following their draw in the Premier League match between Burnley and Manchester United at Turf Moor on February 08, 2022 in Burnley, England. (Photo by Laurence Griffiths/Getty Images)

និយាយទាក់​ទង​ទៅ​នឹង​ទម្រង់​លេង​របស់កីឡាករក្នុងក្លិប គាត​ថា៖ «យើង​អាច​មើល​ការ​សម្តែង​របស់​បុគ្គល​ម្នាក់ៗ ប៉ុន្តែ​ខ្ញុំ​គិត​ថា​កីឡាករ​គ្រប់​រូប​នៅ​ក្លឹប​មិន​បាន​លេង​ដល់​កម្រិត​មួយ​នោះ​ទេ នោះ​គឺ​ខុស​ពី Cristiano [Ronaldo] ដែល​មាន​គោលដៅ​របស់​គាត់»។