(Khmer) ខ្សែប្រយុទ្ធចំណូលថ្មីក្លិប Arsenal កីឡាករ Gabriel Jesus បានទម្លាយឲ្យដឹងថា រូបគេពិតជាភ្ញាក់ផ្អើលចំពោះសមត្ថភាពរបស់ កីឡាករ Gabriel Martinelli ពេលបានជួបគេដំបូង។

នាពេលថ្មីៗនេះ Arsenal បានប្រកាសជាផ្លូវការអំពីការចុះហត្ថលេខានាំយក Jesus មករួមក្រុមពី Manchester City សម្រាប់ការប្រកួតប្រជែងរដូវកាលថ្មី ក្នុងតម្លៃ ៤៥លានផោន (ឬប្រមាណ ៥៤.៥លានដុល្លារ) ខណៈ រូបគេត្រូវបានគេរំពឹងថា នឹងចាប់ដៃគូលេងជាមួយ Martinelli នៅតំបន់ប្រយុទ្ធសម្រាប់ការប្រកួតប្រជែងនាៗរដូវកាលថ្មីខាងមុខនេះ។

Jesus បាននិយាយថា៖«នៅពេលមួយដែល Martinelli លេងនៅក្នុងក្រុមជម្រើសជាតិប្រេស៊ីល ហើយ ពួកយើងបានហ្វឹកហាត់ជុំគ្នា ហើយ ខ្ញុំពិតជាភ្ញាក់ផ្អើលណាស់ព្រោះខ្ញុំមិនដែលស្គាល់គាត់ទេ។ ក្នុងរដូវកាលនោះ ខ្ញុំក៏បានតាមដានពីសមត្ថភាពគាត់ពីព្រោះគេជាកីឡាករដ៏ល្អ។ ខ្ញុំពិតជាភ្ញាក់ផ្អើល ហើយ ខ្ញុំជាអ្នកគាំទ្ររបស់គាត់»៕