(Khmer) លោក Rio Ferdinand ដែលជាអតីតកីឡាករ Manchester United បានចុចឈ្មោះកីឡាករ៥រូប ដែលបង្ហាញទម្រង់លេងល្អទាល់តែសោះ ឲ្យក្រុមបិសាចក្រហមនៅក្នុងរដូវកាលនេះ។

កីឡាករទាំង៥រូបនោះរួមមាន Jadon Sancho, Marcus Rashford, Edinson Cavani, Aaron Wan-Bissaka និង Harry Maguire ដែលលោកមើលឃើញ ថា កីឡាករទាំងអស់នេះហាក់បាត់បង់ទំនុកចិត្តលើខ្លួនឯង។

លោក Ferdinand បាននិយាយថា៖

«Man Utd ត្រូវមានការកែលម្អបញ្ហាជាច្រើនទាំងប្រព័ន្ធលេងដែលមិនស័ក្តិសមជាមួយទម្រង់លេងកីឡាករ និង បុគ្គលផ្ទាល់។ ពួកយើងនៅមិនទាន់ឃើញទម្រង់លេងរបស់ Sancho កាលលេងនៅ Dortmund នៅឡើយ Rashford មើលទៅដូចជាស្រមោលនៃអតីតកាលខ្លួនឯង Cavani នៅមិនទាន់លះ Bissaka ត្រូវបានគេធ្វើឲ្យបាត់បង់ទំនុកចិត្ត និង Maguire កំពុងខ្វះទំនុកចិត្តលើខ្លួនឯង៕»

-ប្រភព៖ Sportskeeda